استشارة عاجلة وماخاب من استشار

[aboudelmsry]

السلام عليكم ورحمة الله وبركاته




اخوتي في الله اعضاء المنتدي الافاضل


تحية طيبة وبعد


انا عاوز مشورة عاجلة


ياريت حد يرد عليا بسرعة لاني فعلا حيران ومش عارف اعمل ايه


طبعا دي اول مشاركة ليا

اللي خلاني اشترك هنا ماسمعته عنكم من حسن المشورة


انا لسه متعلم سواقة جديد وعاوز اشتري عربية


الكل طبعا نصحني اني اشتري اتوماتيك خصوصا اني جديد في القيادة


في البداية كنت هشتري عربية مستعملة اتعلم فيها

لكن انا عاوز عربية زيرو والجميع قالي طالما هتشتريها زيرو وانت لسه جديد يبئا خليك في الاوتوماتيك


المهم كل مدي شريحة المبلغ العربية بتزيد



لاني كل ماابحث عن سيارة مش بلاقي اتنين يتفقو علي انها كويسة


ابتديت بالماروتي والكل اجمع انها عربية سيئة و800 سي سي وبعدها فكرت في الالتو ونفس المشكلة


لكن طبعا لما فكرت في الاتوماتيك شريحة المبلغ زادت

وجميع اصدقائي اجمعو اني ابعد عن الاتوماتيك الصيني او الهندي او المصري

قالولي خليك في الياباني


وطبعا المبلغ اللي معايا مش هيكفي

والحجة قالتلي انها هتساعدني في باقي المبلغ

واصبح الرنج بتاعي مابين 80 : 100 الف

في ناس نصحوني بالانسر وناس بالتويوتا

المهم والدي بيعمل في السعودية قالي انه ممكن يبعتلي عربية من هناك وان انا اجمركها


انا محتار محتار محتار ومش عارف اختار ايه

ياريت تساعدوني وتنصحوني

هل اشتري من مصر ولو اشتريت اشتري ايه لاني عاوز عربية كويسة

ولا اشتري من السعودية ولو اتجمركت هيكون افضل شرائها من هنا ولا من هناك وبرضو هشتري عربية ماركة ايه

انا بئيت متلغبط ومش عارف اعمل ايه


ارجو المشورة يااهل المشورة وماخاب من استشار


بارك الله فيكم وجزاكم كل خير

[mohamed777]

السلام عليكم ورحمة الله
وصلتنى معلومة من واحد صحبى ان المواصفات المصرية بتكون معمولة لمصر وظروف التشغيل فيها وان المواصفات الخليجى او اى دولة اخرى بتكون ليها طبعاً
فمش من المحبذ انك تجيب عربية مواصفات بلد اخرى وتشغلها فى مصر
بتختلف من قوة التكيف ونوعية الكتوتشات وتحملها للحرارة والبنزين المستخدم

بس للاسف المواصفات الي بتيجى للسعودية والخليج بتكون احسن فى الرفاهية من المصرى
هذا والله اعلم
وانتظر واصبر وماتستعجلش وشوف راى الاخوة العضاء فى المنتدى

[bmw323]

هات نيسان صنى أوتوماتيك

[Fadi Ezzat]

هات لانسر
ولو لقيت سعرها مثلا 100 الف جنية مصرى فى السعودية حط عليهم 60 % من تمن العربية جمارك
يعنى 160 الف شفها بكام فى السعودية وحط عليهم 60%

[yoko]

أنا كنت ناوي أنزل من السعودية لقيت الجمارك عالية أوي وهتبقى العربية أغلى من مصر سألت في الكورولا والأوكتافيا لقيت هتبقى أغلي من مصر بحوالي ١٥ ألف جنية بعد ما جبت سعر الجمارك بالضبط

[kliken]

النترا اتوماتيك فى التسعينات و عربيه كويسه و ناعمه و شكلها حلو

[أحمد كمال]

لانسر الى الابد

حمالة أسية و طويلة العمر و مصاريف تشغيلها مش عالية

[aboudelmsry]

mohamed777

شكرا يامان علي الرد والمرور

فعلا انا كمان سمعت ان كل بلد ليها مواصفات معينة لقدرة العربية

انا وانا في السعودية وانا صغير شفت واحد ياباني عمال يلف بين العربيات في جراج السوبر ماركت

في الوقت ده والدي قالي دا بيشوف العربية ومدي تحملها وشكلها ايه بعد فترة

يعني بيعملو دراسة علي العربيات في الاسواق بعد فترة

شكرا جزيلا وجزاك الله كل خير

[aboudelmsry]

bmw323

شكرا يامان علي الرد وعلي المرور

ناس كتير قالولي علي الصني

والجميع اجمع انها عربية رائعة بس في حالة اعادة البيع بتنقص كتير

شكرا جزيلا وجزاك الله كل خير

[aboudelmsry]

Fadi Ezzat

شكرا يامان علي الرد وعلي المرور

الجمارك كمان علي ماسمعت ممكن تكون 61% من تمن العربية

انا بس عاوز اعرف هل هتكون هنا سعرها احسن ولا هناك ولا هيا هيا

ولو مفيش فرق يبئا اختياري يكون علي المصري ولا الخليجي

شكرا جزيلا وجزاك الله كل خير

[aboudelmsry]

yoko

شكرا يامان علي الرد وعلي المرور

انا حسبتها لقيتها هتكون تقريبا نفس السعر بعد الجمارك

لكن المشكلة في هل كون اني اشتريها من مصر افضل ام من السعودية

لان في مصر مش هيكون في مشاكل توكيل وخلافه وهستريح بعض الشيء في التسجيل وخلافه

لكن الخليجي بيمتاز بانه ليه قدرة غريبة علي التحمل لان طبعا حضرتك عارف جو البلد عامل ازاي

واعتقد ان العربيات اللي تتحمل درجة الحرارة دي اكيد عربيات 100 100

شكرا جزيلا وجزاك الله كل خير

[aboudelmsry]

kliken

شكرا يامان علي الرد وعلي المرور

انا معرفش الالنترا كويس اووي

هحاول اني ادور علي صور ليها واقارن بين عيوبها ومميزاتها

شكرا جزيلا وجزاك الله كل خير

[otefa]

طبعا المواصفات الخليجي افضل من المصري من غير ما تفكر بس هي في الاغلب ها تقف عليك اغلي شوية بس تستاهل الفرق
سؤال هو في مواصفات مصري اساسا!!
ده يابيه الي ماينفعش يتباع في الدول المحترمة بيجيبوهولنا مصر
وبرشحلك ال لنسر
وربنا يوفقق في اختيارك

[aboudelmsry]

Ak1981

شكرا يامان علي الرد وعلي المرور

فعلا الجميع بيشكر في اللانسر

بس انا مش عارف اي لانسر لا تقريبا في قديم وفي جديد

انا بصراحة مش عارف افرق بينهم ومعرفش الافضل ايه

شكرا جزيلا وجزاك الله كل خير

[sha2e]

ممكن برضو تشوف البروتون جين 2 شبابيه ورياضية وناس كتير بتشكر فيها اوى اسأل عنها وعن الاوتوماتيك فيها ايه ظروفه

وبخصوص الانسر لو اتوماتيك خليك فى 1600 وفى الحاله دى يفضل تبقى مصرى علشان يبقى معاك ضمان لان لو لا قدر الله حصل فيه حاجه يبقى على الضمان مش عليك