الاسبرانزاa516ولا النوبيرا

[ahmedsherif81]

[gdwl]
ياريت حد يقولي العربية الاسبرنزا ولا الدايو نوبيرا احسن ولو حد عارف عيوب كل عربية يقولي عليها ولة جزيل الشكر حيث اني عارف ان النوبيرا بيشتكو منها عن الانوس بس انا محتاج عربية وسعة كتير والانوس صغيرة ولكم وافر اشكر والاحترام
[/gdwl]

[Mostafa Hessen]

أعتقد النوبيرا أفضل سيارة واسعه ومنتشرة

[ahmad--ezzat]

[gdwl]
ياريت حد يقولي العربية الاسبرنزا ولا الدايو نوبيرا احسن ولو حد عارف عيوب كل عربية يقولي عليها ولة جزيل الشكر حيث اني عارف ان النوبيرا بيشتكو منها عن الانوس بس انا محتاج عربية وسعة كتير والانوس صغيرة ولكم وافر اشكر والاحترام
[/gdwl]

بيشتكو منها ازاى؟

[kliken]

النوبيرا طبعا

[M.ABDEEN]

النوبيرا طبعا ثبات واتزان وتقفيل والعفشة انعم من الاسبرانزا بس احذر المطبات والدحضرة في الطرق لكن هي عربية جراية وثابتة وتكييفها ممتاز وتقفيلها كويس جدا وبص دي سعرها كام ودي كام وكمان موتور النوبيرا موتور فيكترا الشكل القديم لكن في ميزة اللاسبرانزا انها عالية عن الارض

[M.FOUAD]

اا وكمان موتور النوبيرا موتور فيكترا الشكل القديم

جديدة دية اول مرة اعرفها كنت فاكر انها موتور استرا 94 موديل نادر شوية

[ahmed1981]

النوبيرا أوسع

[elshaba7ana]

النوبيرا أوسع

مفيش الكلام ده
الاسبرانزا واسعة جدا جدا جدا وطبعا اوسع من النوبيرا
جرب تركبها متا اكيد ماركبتهاش

[ahmed1981]

مفيش الكلام ده
الاسبرانزا واسعة جدا جدا جدا وطبعا اوسع من النوبيرا
جرب تركبها متا اكيد ماركبتهاش

إيه الإتهامات دي يا أستاذ
وبدون أي دليل
مين قلك إني مركبتش الإثنين
عيب ترمي كلام كده بدون ما تتأكد منه

أنا ركبت النيوبيرا وركبت الإسبرانزا a516
والنيوبيرا أوسع بفرق واضح جداً

أخيراً كل واحد حر في رأيه
مش معنى إن رأيك مختلف يبقى اللي قدامك مشافش وبيألف من دماغه

[ahmad--ezzat]

إيه الإتهامات دي يا أستاذ
وبدون أي دليل
مين قلك إني مركبتش الإثنين
عيب ترمي كلام كده بدون ما تتأكد منه

أنا ركبت النيوبيرا وركبت الإسبرانزا a516
والنيوبيرا أوسع بفرق واضح جداً

أخيراً كل واحد حر في رأيه
مش معنى إن رأيك مختلف يبقى اللي قدامك مشافش وبيألف من دماغه

والله كلام زى الفل

بس على فكرة الاسبرنزا مش معمرة يا جماعة...وحجات الدايو بتعيش وموتورها بالذات جامد جدا ماشاء الله

[rms1986]

الاسبرانزا اوسع من النوبيرا بلا شك ...................اللي بيقول عكس كده يركبها تاني لان الفرق واضح من غير جدال
الاسبرانزا احدث وموتورها اقوى
الاسبرانزا اكثر كماليات بكتير
الاسبرانزا معمره بقالها 3 سنين بمصر ونزلت تاكسى وكلنا عارفين يعني ايه عربيه تنزل تاكسي
الاسبرانزا اعاده البيع افضل النوبيرا بيتخسف بيها الارض في اعاده البيع
الاسبرانزا اعلى من النوبيرا بكتير ومبتحكش في ولا مطب النوبيرا بتحك في اغلب المطبات
الاسبرانزا قطع غيارها متوفره ورخيصه بره التوكيل في جسر السويسامام نادي الشمس وشارع دمشق
الاسبرانزا بيها بعض عيوب التجميع اللي موجوده في لي سيلره اخرى ادخل وشوف عيوب الافيو والفيرنا واللانوس الاوبتر والالنترا الزيرو اللي في المنتدى



وشكرا

[rms1986]

2570mm ده طول قاعده عجلات النوبيرا


2600 mm وده طول قاعده عجلات الاسبرانزا


بعد احترامي ليك
الارقام بتتكلم

الاسبرانزا اوسع
__________________

[mahamedaraby]

انا راى الاسبرانز علشان موتور احسن شكل احدث كماليات اكتر

والاتنين تقفليهم واحد ونفس الشركه النوبيرا خلاص ده اخر خط انتاج ليها ومش هيبقى فيه نوبيرا تانى

[M.FOUAD]

[QUOTE=rms1986;912294]
الاسبرانزا احدث وموتورها اقوى

الاسبرانزا معمره بقالها 3 سنين بمصر ونزلت تاكسى وكلنا عارفين يعني ايه عربيه تنزل تاكسي
الاسبرانزا اعاده البيع افضل النوبيرا بيتخسف بيها الارض في اعاده البيع

الاسبرانزا قطع غيارها متوفره ورخيصه بره التوكيل في جسر السويسامام نادي الشمس وشارع دمشق




وشكرا[/QUO
هو حضرتك بتتكلم عن النوبيرا بتاعتنا
انا اول مرة اسمع ان موتورها اضعف من الاسبرانزا دية الحاجة الوحيدة اللي تميزها قوة موتورها
النوبيرا طبعا بتمتاز بسهولة البيع جدا و مش بيتخسف بيها السعر و لا حاجة و اعتقد الناس بتثق فيها عن الاسبرانزا
جايز حضرتك اعلم مني بموضوع قطع الغيار دة لكن السنة اللي فاتت كل ملاك الاسبرانزا كانوا بيشتكوا من احتكار التوكيل لقطع الغيار لدرجة انهم مكانوش بيلاقوا فلتر الزيت غير عندة.
على فكرة النوبيرا شغالة تاكسي بقوة و لو كانت نزلت في مشروع التاكسي الجديد اعتقد كان يبقى ليها الاولوية بالنسبة للسواقين
نصيحة ليك اخوية جدا انا و لا عندي اسبرانزا و لا عندي نوبيرا و مش بحبهم اصلا لكن انت في قسم مقارنات و انت بمشاركتك بتفيد واحد محتار و الا مكنش سال فبلاش تعيب على عربية الا لو انت متاكد من اللي انت بتقولة لكن من حقك تذكر مميزات عربيتك زي ما انت عايز من وجهة نظرك و تقبل نقدي بصدر رحب

[fady.bekatcho]

انا من راى النوبيرا عربية حلوة وموتورها قوى ومعمرة وقطع غيرها فى منتشرة وبتعيش وبتستحمل شغل عن الاسبيرنزا

الاسبيرنزا انا ركبتها وطلعنا بيها سفر كمان من راى كماليات فقط لا غير

وعلى فكرة مش معنى ان عربية تنزل تاكسى تبقى بتاعة شغل ما نص العربيات الى انت قلت ادخل شوف عيوبها نزلت تاكسى وبكثر

اللانوس والافيو والفيرنا يبقى دول اكيد بتوع شغل جامد جدا برضوا

ياريت يا جماعة ما نقلبش الموضوع تحيز علشان خاطر عربيتنا

انا ولا معايا دى ولا دى بس الاسبيرنزا مع صحبى فقلت راى وبدون اى تحيز

وربنا يوفقك فى الشراء وادخل برضوا وشوف مواضيع تقييم العربيتين