الاسبرانزاa516ولا النوبيرا

[merosss]

شوف حضرتك عشان نخلص من الموضوع دة فى مصر بلدنا كل التوكيلات وحشين جدا جدا بدون استثناء ومش العربيات بس و الموبيلات وكلة وعشان العربية تمنها حاجة وستنين الف جنية يبقى حضرتك تدفع الفلوس دى فى عربية مضمونة ومتجربة الا لو حضرتك مش فارق معاك الفلوس وعنك استعداد تجرب بيهم وفى احتمال ان تطلع عربية سيئة وتبقى ضيعت فلوس ووقتك واعصابك وطبعا فى احتمال انها تطلع عربية كويسة بالضبط ذى اول مرة نزلت العربية الدايو الى اشترها كان معرض انها تطلع عربية وحشة بس هى طلعت عربية حلوة جدا من الاخر الى عايز يجرب فى فلوسة يجيب اى عربية مش متجربة فى السوق قبل كدة سواء اسبرنزا او غيرها و هو وحظة بقى والى عايز يضمن فلوسة وعربية تريحة يجيب الى عربية متجربة قبل كدة

[KoDaK_Gti]

زي هو مقاس قوه العربيه انها 90 حصان ومفيشش ولا جهاز دينو في مصر

الراجل مقلش انه قاس على جهاز هو قال من وجهة نظره

وحضرتك انا مش فاهمك في فيديو السرعه ايه هو في طريق سفر بيبقى منزل كوبري هههههههههههههه

ملهوش لازمة الضحك اكيد قصدك سخرية من كلامى وشكرا ليك
انا جبت سيرة كوبرى ؟؟ طرق السفر فيها طالع ونازل مقولتش كوبرى
وبعدين مين مجنون هيجيب 200 ولا 120حتى فى منزل كوبرى اصلا ؟؟

طب ايه تعليقك عاى اللي كان معاه لانسر وجاب اسبرانزا وانا واكتر من الفين واحد على منتدى اسبرانزا كلوب مشتكوش من العربيه ولا حاجه

مفيش عربية مفيهاش عيوب
وربنا يباركلنا جميعا فى عربياتنا

وايه تعليقك ع ال 2 نوبيرا دول ايه النوبيرا كله وحش بقا لا طبعا ده حالات فرديه شفت انا عادل ازاي مش معنى ان عربيه يطلع فيها عيب يبقى الموديل كله معيوب

وبعدين فرق السعر كمان في صالحها
انا بقول لحضرتك لو هجيب نوبيرا هحيبها مستعمله لكن حرام ادفع 77الف فيها

النوبيرا دى قديمة جدا واتوماتيك ومعروف ان الفتيس الاتوماتيك بتاعها بيبوظ
وهى وحدة بس
البوستر الاولانى ملزوق قدام وبعد فتره شاله وكتب نفس الكلام اللى ورا على الازاز اللى قدام وكتب على جمب العربية بالكامل بردو نفس الكلام
وبتقف فى شارع القصر العينى من ناحية كورنيش النيل واتشالت من زمان
وهو بيقولك توكيل فاشل هيروح يجيب من نفس التوكيل تانى ازاى ؟؟

وعلى فكره انا الكهربائى اللي جنبي كانت وقفه عنده شارك لانسر فلما سالت هو فيها ايه قالي المرش باظ وهي لسه بشوكها زيرو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
واختبارات الامان كمان معجبتكش
وتحياتي لكم

منا بقولك اى عربية اكيد ليها عيوب
ومش هنحكم على عربية واحدة
ومشوفتش والله اختبارات التصادم
ومبقولش ان الاسبرانزا وحشة
لكن هو امكانياته يجيب نوبيرا فهى فى رأيى افضل طبعا
وقولتله لو امكانياتك ازيد كمان يجيب النترا او اوبترا اكيد افضل بردو
وكل واحد وامكانياته
لو كان امكانى فى الفلوس انى اجيب عربية غير النوبيرا كنت هجيب
لكن كل واحد بيجيب افضل عربية فى حدود امكانياته

[ashouhdy]

no comment
خلاص ياعم كلنا استسلمنا
الاسبيرانزا 100 100 و ذى الفل و مافيهاش عيوب و تضرب النوبيرا و الفيرنا و الانسر بالجذمة
ربنا يباركلك فيها يا عم بس بالراحة عليها و انت سايق متديهاش اكتر من حقها و كفاية كدة بقى

[ashouhdy]

حاجة أخيرة الجين2 مش جديدة
البروتون معروفة من ايام الوبرا و الواجا (وما ادراك اية الواجا دى) و بعدين الجين2
الفيرنا شاسية كريستالة ومشكلة عدم ثباتها الكاوتش الاسا و النسر و الجنط الحديد ال13 اللى نازلها بيهم واسال اللى غيروا ل15 حسوا بفرق اذاى
النوبيرا عربية عالية اوى بصراحة ع انها تتقارن بالسبيرانزا معلش يعنى
كل واحد يقول رأية

[KoDaK_Gti]

معلش مخدتش بالى من حرام تدفع 77 الف فى نوبيرا دى
بس هى ب 79 مش ب 77
وحلال انك تدفع 65 فى الاسبرانزا ؟؟؟

انا عمرى ما افكر اشترى اسبرانزا اساسا
مش هقولك بقة حتى لو وصلت 40 ولا 50 الف زيرو

واخيرا ربنا يباركلنا فى عربياتنا

والعضو صاحب الموضوع
انزل وجرب العربيتين وسوقهم وشوف انت هترتاح لأنهى وحدة فيهم سيبك من كلامنا

وسلام عليكم

[rms1986]

ملهوش لازمة الضحك اكيد قصدك سخرية من كلامى وشكرا ليك
انا جبت سيرة كوبرى ؟؟ طرق السفر فيها طالع ونازل مقولتش كوبرى
وبعدين مين مجنون هيجيب 200 ولا 120حتى فى منزل كوبرى اصلا ؟؟

انا اسف يا باشا مش قصدي بس انا قصدي انها جابت 205 ولسه الار بي ام فيه حبه تقفل عدادها



ثانيا الويرا مكنتش كتير
والواجا بتنقرض من السوق


ثالثا الفيرنا فيه جروب ع الفيس بوك اسمه كفايه فيرنا مشترك فيه 7000 واحد بيشتكو منها


رابعا موضوع الانسر مش انا اللي قلت ده واحد كان معاه لانسر وهو قال تجربته

خامسا بلاش تريقه ع العربيه لانها فعلا ممتازه كما سردت سابقا وممتازه على قد فلوسها وفي وجهه نظري احسن من النوبيرا

بس اللي عاوز يجيب نوبيرا يجيبها مستعمله مش يدفع 79الف
وع العموم اللي هيجيبها زيرو ياعم انت حر انا مش معارضك

بس روح اركب ده واركب ده وانت هتحس بالفرق احنا عملنا كده اول مشترينا ابويا وهو مش مقتنع بالصيني رحنا ابو غالي ركب النوبيرا وركب الاسبرانزا وقرر على طول اسبرانزا لفارق الفخامه والكماليات والرفاهيه
اما النوبيرا فتقليدي جدا




والسلام عليكم جميعا





الموضوع دلوقتي بيد المشتري صاحب الموضوع بعد سماع وجهات النظر المختلفه

[ashouhdy]

انا اسف يا باشا مش قصدي بس انا قصدي انها جابت 205 ولسه الار بي ام فيه حبه تقفل عدادها



ثانيا الويرا مكنتش كتير
والواجا بتنقرض من السوق


ثالثا الفيرنا فيه جروب ع الفيس بوك اسمه كفايه فيرنا مشترك فيه 7000 واحد بيشتكو منها


رابعا موضوع الانسر مش انا اللي قلت ده واحد كان معاه لانسر وهو قال تجربته

خامسا بلاش تريقه ع العربيه لانها فعلا ممتازه كما سردت سابقا وممتازه على قد فلوسها وفي وجهه نظري احسن من النوبيرا

بس اللي عاوز يجيب نوبيرا يجيبها مستعمله مش يدفع 79الف
وع العموم اللي هيجيبها زيرو ياعم انت حر انا مش معارضك

بس روح اركب ده واركب ده وانت هتحس بالفرق احنا عملنا كده اول مشترينا ابويا وهو مش مقتنع بالصيني رحنا ابو غالي ركب النوبيرا وركب الاسبرانزا وقرر على طول اسبرانزا لفارق الفخامه والكماليات والرفاهيه
اما النوبيرا فتقليدي جدا




والسلام عليكم جميعا





الموضوع دلوقتي بيد المشتري صاحب الموضوع بعد سماع وجهات النظر المختلفه

ياباشا احنا مش بنتريق ع العربية الاسبيرانزا احنا معترضين معاك فى انك مفضلها ع عربيات اعلى منها ذى النوبيرا و الانسر مش كل حاجة الكماليات و القاعدة عندك الاستحمال التقفيل الاعتمادية العمر الافتراضى التحميل كفاءة قطع الغيار و كدة
مع احترامى للاسبيرانزا دى لسة عربية فى طور التجربة فكلنا مستغربييييييين جدا الثقة الرهيبة اللى بتكلم بيها كأنها معاك من 10سنيين دة انت يا راجل مطلعتش فيها عيب وحييييييد يوحد ربنا ! ومع ذلك طلعت عيوب الدنيا فى النوبيرا و الفيرنا والانسر و كأن الاية اتقلبت كأن الاسبيرانزا هى اللى بقالها سنييين و الباقى لسة بيتجرب
حكاية الجروب ابو7000 واحد بيشتكوا من الفيرنا فدة العيب منا احنا
احنا اللى بنجريها و هى مش بتاعت كدة و فرحانيين انها جراية وبتسبق وهى مش مصممة كدة فأكيد حتكون العواقب وخيمة لما حطو موتور1600 106 حصان2 كامة عزم 143نيوتن ع 3000rpm بس كان عشان العربية تستحمل و تشيل 5افراد بالامتعة و التكييف وتكون ماشية حلو متكحش و عشان تنافس فى فئة1600
احنا عاملنا غير كدة جرنيها ع 200 وقولنا مش ثابتة وبتقلب طب ما اكيد مش ثابتة دى مش530 مثلا عشان تكون ثايتة دى يدوبك عربية اخرها72الف جنية يعنى ع قد اللى معاك
ولو عكست الاية عندى صديق من ليبيا عربيتة فيرنا موديل2005 عاملة 890000 كيلو عاملة 890الف كيلو و العداد قرب يقلب ع المليون بس سواقتة حلوة و العربية ذى الفل وركبتها معاة تحس انها عربيتى ال عاملة26الف بس!!
دى الاعتمادية و الكفاءة اللى اتكلمنا عليها لا حاجة خربت ولا كماليات باظت
النوبيرا كانت مع مقاول اعرفة بيشيل فيها شكاير اسمنت يوميا !! موديل2006 وعاملة قرب ال300الف كيلو و العربية مافيهاش بم !!
اتمنى تكون حضرتك فهمت قصدى لان اقدم عربية اسبيرانزا اخرها عاملة 50الف كيلو !!

وعلى فكرة انا اتمنى الصناعة الصينية تتقدم و تثبت جدارة عشان الكل يستفيد و يركب حاجة جميلة بسعر حلو تبسطة
لكن احنا مش اريقنا ع العربية
دة انا والله فرحت لما انت قولت كويسة وشفت الاختبارات التصادم و الحاجات دى لكن خالفتك لما لقيتك منحاز ومش بتدى رأى محايد و استنيتك تطلع عيييب واحد فى عربيتك مقولتش !!
بس يا باشا هى دى الحدوتة

[elshaba7ana]

رايي في الاسبرانزا
موتور معقول جدا
ثبات كويس _مستحيل حد يقول مش ثابتة _ ومش ثبات خيالي مهما كان العربية عالية تقارنها في الثبات بالانترا مثلا
شكل جميل
صالون واسع ومريح جدا
تكييف حلو
عفشتها معقولة جدا _احسن من الفرنا بكتير_بس مش مكتومة تماما
بالنسبة للاعطال بقى
بقالها حواي سنة ونص مع واحد صاحبي عامل بيها 20 الف
والعربية مفتحتش بقها بكلمة واحدة غير الصيانة العادية بتاعتها مراحش في حتة
لو قارنت العربية بسعرها تكسب طبعا
ولو قارنتها بالنوبيرا تكسب برضو

[elshaba7ana]

عيوبها _ 516_
حجمها كبير وشنطتها اللي شكلها مش عاطفي خالص واللي من تقلها بتخلي العربية ترزع من ورا في المطبات شوية
العفشة الخلفية كانت محتاجة تبقى اقوى شوية من كده بالذات عشان تقل الشنطة
التالت بتاعها والمارشدير ساعات بيبقى فيهم عضة كده مع النقل
غير كده مفيش عيوب من وجهة نظري

[abo samra]

انا نفسى اعرف ليه الخناقات دى كلها
انا شايف الموضوع من فتره بس ما دخلتش عليه قبل كدا
كل شويه الاقى المشاركات بتذيد قلت ادخل اشوف هو فى ايه
كل واحد مننا ليه متتطلاباته واحتياجاته الشخصيه
يعنى فيه واحد بيشترى اسبرانزا وده ذبون الاسبرانزا
وفيه واحد تانى بيشترى الدايو وده ذبون الدايو
مش عارف ليه لازمتها نحدد مين الاحسن ومين الاوحش وليه التعصب
عموما الفيديو التانى للاسبرنزا جاب الطريق بعد لما شال الكاميرا من على العدادا وده غلط
لان اكيد هو كان فى منزل وبعد ما المنزل يخلص العربيه بترجع لاقصى سرعه العربيه ممكن توصلها فى الظروف العاديه
وعموما من خلال تجربتى للاوبترا على طريق اسكندريه الصحراوى مستحيل اصدق ان النوبيرا تعدى 195 كم (ده لو جابتهم اصلا)-لو هى مانيوال- خصوصا ان الاتنين نفس الموتور بس طبعا الناس بتجيب صور للعربيات على منازل ودى بتذود سرعه العربيه حوالى من 10 الى 20 كم ذياده
والاسبرنزا موتور ميتسوبيشى تكنولوجى قديم وطبعا كان معايا لانسر وكان اخرها 195 كم من غير منازل وفى افضصل الاحوال وفى المتوسط 190 كم وطبعا لو فى منزل والهواء فى ظهرى ممكن 210 عادى بس بعدها بترجع لسرعتها الطبيعيه يبقى الاسبرنزا اللى موتورها تكنولوجيا اقدم تعدى الرقم ده طبعا اكيد لا
عموما العربتين دووول اساسا محدش يعدى 140 كم فى الساعه لانهم مش مصميين لكده والامان فيهم ضعيف نسبيا
تحياتى

[rms1986]

اخي الاستاذ
ashouhdy
شكرا لمشاركتك الطيبه كلامك معقول جدا انا لما حد بيقول كلام معقول بيبقى الموضوع حلو احييك
انا بس بيضايقني لما بيبقى في هجوم وتريقه من غير تجربه السياره او تعميم عيوب على بعض لسيارات الفرديه كما سبق

اما مواضيع الانسر والفيرنا ده كلام ناس جربو مش من عندي

وبالنسبه للنوبيرا اللي عامله 300الف كيلو ماشي يا استاذي انتم مقتنعيين ان النوبيرا احسن وانا وناس تانيه مقتنعه بالعكس وللمشتري الحريه في الخيار احنا هنا علشان نفيده

وده اسبرانزا يا عم متجربه وعامله235000كم

قابلت أحد ملاك السيارة اسبرانزا في منطقة ابورديس بجنوب سيناء
وهو مهندس كهرباء
مقاول اعمال كهرباء تابع لشركة ABB
يعمل في شرم الشيخ ويسكن في القاهرة

فوجئت من الكلام معه انه قطع بسيارته 235000كم
شدنى الرقم
فتجاذبت معه الحديث عن عدة نقاط
بعد تأكدي من انه يملك عقلية تجيد فهم السيارات بحكم عمله كمهندس
وليس من نوعية الناس التي تعشق الكلام في الهواء و عمل فرقعة ومبالغات

1- سير الكاتينة و البلية غيرها على كام اول مرة
اجاب على 65000كم

اندهشت

2- حالة السيارة العامة ما رايك فيها

اجاب كما هي لا تغيير فيها

3-ما الامور التي تثير استياءاك في السيارة بعد هذا الاستهلاك العنيف
اجاب انه لا استياء سوى من نقر علبةالدركسيون حينما اسير في طرق غير ممهدة
وهي نفس الشكوى التي عانيت منها منذ ان استلمت السيارة ع الزيرو

4- ما ابرز قطع الغيار التي غيرتها
مساعدين خلفي
مقصين خلفي
سير + بلي الكاتين
بوجيهات وفلاتر

5- مصدر قطع غيار و هل تعامل مع التوكيل
اجاب
انني اعمل في مناطق نائية ويصعب على الانتظام في عمل الصيانات في التوكيل
لذا آخر صيانة عملتها كانت الـ10ـ كم وكانت بعد شهر ونص من استلام السيارة
انا بتعامل مع صديق لي اسمه رمضان في منطقة الرويسات بشرم الشيخ يقوم بعمل كل شئ ميكانيكال عدا الزيت اغيره في المحطات ع الطريق

قطع الغيار باشتريها من التوفيقية من 5 شهور لكن قبل كده كنت باجيبها من السويسي او ابوالفتوح اللي في شارع دمشق

بس في مشكلة حصلتلي مع المساعد غيرته على 135000كم
نظرا لأني احمل السيارة من الخلف
فاصبحوا خفاف
المشكلة اشتريت المساعد من السويسي طلع قصير فالعربية وطيت من الخلف يبدو انه بتاع العربية الشيري لونج

6- هل العفشة نعمت بعد تغيير المساعد
لا لم تنعم كما هي
وسأضطر لتغيير المساعدين في التوكيل عشان تعلى تاني
لأن علو السيارة مهم جدا جدا عندي عشان انا مشغلها تقريبا نقل لحسابي
أضع فيها قطع غيار كهربائية

7- ما سر هذا الرقم العنيف خلال تلك الفترة القصيرة من 4-2007 حتى الان كل دا استهلاك
أجاب اسأل اخوك عن تنقلاتي المتكررة وحاجة العملاء للتركيب و التوريد
ومادمت شغال براس مالي الخاص فلازم اتحرك واتابع
انا لا اعتمد على الفنيين لازم اتابع التركيبات والاحلال بنفسي حفاظا على سمعتي
انا بآخد منطقة جنوب سيناء رايح جاي طول الاسبوع ولازم طبعا ارجع لعيلتي انام معهم

8-ممكن اسوق عربيت حضرتك اجربها

قم بقيادتها ووصلت لسرعة 130 كم
ولم احس بدمار قد حصل على السيارة
اعتقد هو مشكلة المساعد الخلفي فعلا خفيفي هي المشكلة الوحيدة
كما انالعربية وطيت نسبيا من الخلف

لكن ليا تعليق هل يمكن أن نأخذ من هذه الحالة مقياس على جودة سيارتنا
أم انها طالما معظم مشيها طريق سريع لا يعتد بهذه التجربة الناجحة

أرجو مشاركة السادة الأعضاء في المنتدى على الحكم
شكرا

وده بعض تجارب الاعضاء معاهم العربيه ومجربينها في اسبرانزا كلوب

العربية يا جماعه بجد قويه وعن تجربة انا مشيت بيها 180 ثابت علي طريق اسكندرية الصحراوي وكان معايا والدتي وزوجتي ومحمل الشنطه وفاتح التكييف

ومن ايام بسيطه عملت 197 كيلو فى الصفيحه 20 لتر
صحيح الرقم ده مش ثابت ساعات كتير بيقل عن كده لكن السياره قويه ومريحه والحمد لله

الموضوع شيق و مطمئن - انا اول مرة اسافر ب ال - 516 من يومين شرم الشيخ - عملت 550 كم رايح بدون توقف و ماحسيتش بأى تعب - العربيه زيها زى اليابانىو الكورى فئه اللانسر و الالنترا و الاوبترا(مش فيرنا و لا لانوس و لا افيو) - وصلت لسرعة 175 كم لمجرد التجربه و العربيه زى الفل. - مليت التنك لما وصلت شارم اخد 42 لتر × 520 كم تقريبا - يعنى 247 كم/ الصفيحة على سرعة متوسطة 120 كم.

فيها عيوب فرديه في سياره واحد مش الموديل كله
وموديلات 2009 اظن تلاشو عيوب التقفيل اللي سبق وقلت حضرتك انها ممكن تبقى في اي موديل اخر
والعربيه نازله من 2006

[abo samra]

ايه ده سؤال لو سمحت
هو الاسبرنزا موتور ميتسوبيشى قديم ولا انا بخرف؟؟؟؟؟
اصل انا افتكرت ان الاسبرنزا اللى ب 110 الف هى اللى فيها ماتور جالانت قديم انما اسبرنزا اللى بتتكلموا عنها مش متاكد؟؟؟؟؟؟؟؟؟؟؟؟؟؟؟؟

[rms1986]

والاسبرنزا موتور ميتسوبيشى تكنولوجى قديم

طبعا شكرا ليك

بس فيه تصحيح
ال516 موتورها مش ميتسوبيشي ولا حاجه
موتورها صيني بتكنولوجيا نمساوي من اشهر شركه تصنيه المواتير avl
http://en.wikipedia.org/wiki/Chery_A5

وده فيات هتاخد مواتير الاسبرانزا ال1600 و1800 تحطهم في فيات برافو واكيد شركه ايطالي مش هتعمل كده الا لو متاكدين انها حاجه محترمه ودا اللينكhttp://paultan.org/archives/2006/11/...cteco-engines/


وبعدين موتور الاسبرانزا اقوى من الانسر البومه لان البومه تكنولوجي قديم اما الشارك فموتورها تكنولوجي حديث
وده الفرق

محرك ال516
1600 سى سى
2 كامة علوية
فتيس عادة
قدرة 108 حصان عند 6000 لفة فى الدقيقة
عزم دوران 144 ن . متر عند تقريبا 4200 لفة فى الدقيقة
معامل انضغاط = 10
معدلات التخفيض بتاعت كل غيار كانت معايا بس مش فاكر وديتها فين وهى عموما جيدة جدا على الغيارات العالية

محرك الانسر الشكل القديم مش الجديدة ال1500 الشارك
1600 سى سى
كامة علوية واحدة منفردة
فتيس عادة
قدرة حصانية = 105 حصان عند 6000 لفة ايضا
العزم = 138 ن.متر عند 4500 لفة فى الدقيقة
معامل انضغاط = 9

يعنى من الاخر محرك ال516 الصينى المصنع فى مصنع AVL اقوى واحدث وكفائتة اعلى حراريا ( مش سخونة ) دة مصطلح بيعبر عن كفائة المحرك ! وبيعبر عنه معامل الانضغاط

كلما زاد معامل انضغاط المحرك كلما زادت كفائتة الحرارية

وكلما زادت الكفائة الحرارية معناه انك لما تحرق هنا لتر بنزين هتاخد بية قدرة اكبر من لو كنت هتحرق اللتر دة فى محرك الانسر ! دة ببساطة قوى وبدون فنيات

وادي موقع محركات شيري
http://www.cheryacteco.com/en/index.jsp

وده المواصفات لمحرك ال516
http://www.cheryacteco.com/en/article_detail.jsp?article_id=11763545810001&cmCol umnID=11762828710001&parentColumnID=11690974370001

[rms1986]

فعلا الكبيره هي اللي موتور جالانت قديم اما الاسبرانزا ال516 لا

وارجو اكون وضحت من اللينكات

[rms1986]

http://www.avl.com/wo/...obsession.servlet.go/encoded/YXBwPWJjbXMmcGFnZT12aWV3Jm5vZGVpZD00MDAwMTI5NzU_3D.html

موقع avl وانا اسف هو استرالي مش نمساوس