سيريون 1.5 - جراند بونتو at

[Haitham10]

السلام عليكم ورحمة الله وبركاته

بصراحة انا محتار وكنت عايز اجيب عربية تقسيط في الفئه السعريه الي تحت ال100 وتكون اوتوماتيك كاملة
فممكن حضراتكم ترشحوا بالاسباب احد العربيات دي او بالترتيب
جراند بونتو at 97000
سيريون 1.5 glx at 93500

مع العلم اني مجربتهمش قبل كدة
وهو مش شرط هاتش باك بس عشان دول الي فيهم الامكانيات المناسبة

وسؤالين علي جنب .. صوت موتورهم هادي ولا لاء ؟ لاني بكره الصوت العالي بجد ومتعقد من الهيونداي والانسر بسببه

والسؤال التاني لو حد يعرف تقسيط مباشر احسبه ازاي زي موقع كونتاكت كدة

وشكرا جدا ليكم

[kareemhisham]

السلام عليكم ورحمة الله وبركاته

بصراحة انا محتار وكنت عايز اجيب عربية تقسيط في الفئه السعريه الي تحت ال100 وتكون اوتوماتيك كاملة
فممكن حضراتكم ترشحوا بالاسباب احد العربيات دي او بالترتيب
جراند بونتو at 97000
سيريون 1.5 glx at 93500

مع العلم اني مجربتهمش قبل كدة
وهو مش شرط هاتش باك بس عشان دول الي فيهم الامكانيات المناسبة

وسؤالين علي جنب .. صوت موتورهم هادي ولا لاء ؟ لاني بكره الصوت العالي بجد ومتعقد من الهيونداي والانسر بسببه

والسؤال التاني لو حد يعرف تقسيط مباشر احسبه ازاي زي موقع كونتاكت كدة

وشكرا جدا ليكم

انا برشحلك الجراند بونتو ,, العربية دى اول لما شوفتاها فى المعرض قولت العربية دى سعرها ميقلش عن 120 الف ,, تقفيل فوق الوصف و جمال ما بعده جمال ,, و انا مش ببالغ خاالص ,,
هى يعيبها موتورها بس 77 حصان ,, لو حضرتك سواقتك هادية ,, يبقى الجراند بونتو طبعا

[bmya]

بصراحه انا بحب الجراند بونتو اوي وكنت بفكر فيها قبل مجيب السيريون ب الفيات عموما مش ماشي في مصر
وبحسه بعد فتره بيبقي خشن كده وصوته عالي مش عارف ليه السيريون عربيه متميزه برده بس فيها بعض العيوب الخفيفه زي ان مفيش لمبه للشنطه ولا للابواب ولا حزام الامان شكل العدادات بتاعها تحس ان راكب عربيه ملاهي وصوت الاكلاكس بتاعها عامل زي التوكتوك
انا بفضل دايس علي الكلاكس علي ما الناس تقتنع اني عربيه مش عجله
لكن كمجمل اعتقد السيريون تكسب

[Haitham10]

انا ميال للجراند بونتو اكتر مفيش نقاش بس المشكله مفيش حد بيفيدنا فيها زي بقية العربيات الي ظهرت جديد لا بتفاصيل تتفهم ولا بشرح ولا بصور ولا بمعلومات عن اي حاجة ودي مشكلة برضه

[kliken]

جراند بونتو افخم كتير

[Ahmed.Ali]

جراند بونتو

[KoDaK_Gti]

جراند بونتو

[ggggggggg]

الجراند بونتو بلا منازع

[adel1414]

فيات جراند بونتو

[Haitham10]

متشكر جدا ليكم ياجماعة .. بس ليا طلب
الي يقول اختياره يقوله بالسبب لان الجراند مثلا المعلومات عنها نادرة انا مشفتهاش ولا مرة فالشارع وهنا مع اتنين بس تقريبا او تلاته بالكتير ومحدش عارف عيوبها او جربها اكتر من 5000ك

[Haitham10]

بصراحه انا بحب الجراند بونتو اوي وكنت بفكر فيها قبل مجيب السيريون ب الفيات عموما مش ماشي في مصر
وبحسه بعد فتره بيبقي خشن كده وصوته عالي مش عارف ليه السيريون عربيه متميزه برده بس فيها بعض العيوب الخفيفه زي ان مفيش لمبه للشنطه ولا للابواب ولا حزام الامان شكل العدادات بتاعها تحس ان راكب عربيه ملاهي وصوت الاكلاكس بتاعها عامل زي التوكتوك
انا بفضل دايس علي الكلاكس علي ما الناس تقتنع اني عربيه مش عجله
لكن كمجمل اعتقد السيريون تكسب

صوت الجراند عالي ؟؟ حضرتك متاكد من المعلومة

وبعدين عيوب السيريون احسن من العيوب الي عرفتها الخفيفه بتاعت الجراند زي ان الزجاج الامامي بس الي كهربائى والتانك بيتفتح من بره زي العربيات القديمه ومعرفش دول حاجتين انا مستعجبهم كل العجب في العربيه دي ازاي اصلا !

[abou_ruqi]

جراند طبعا
ومع احترامي لكل اوجه المقارنة الموجودة في الموضوع انما مش هي دي الحاجات اللي تخلينا نفاضل بينهم
اولا الآمان
الجراند اكثر مانا

http://www.euroncap.com/tests/fiat_punto_2005/238.aspx

http://www.euroncap.com/tests/daihatsu_sirion_2005/236.aspx

الجراند فراملها مانعة للانزلاق اما السيريون لا وده دليل اخر على ان الجراند اكثر آمانا
اعتقد ومش متاكد ان السيريون فيها اير باج واحد انما الجراند ٢

مواتير الفيات معمرة اكثر وسهلة الاصلاح

الخامات لصالح الفيات بكثــــــــير

اعتقد قطع الغيار عالي في الاتنين

اعادة البيع احتمال السيريون تتفوق بحاجة بسيطة

التوكيل طبعا دايهاتسو احسن

الثبات الاوروبي عموما افضل من الاسيوي بكتـــــــــــير

[Haitham10]

abou_ruqi

شكرا لمشاركتك معانا في الموضوع وطبعا انا مستني كل اوجه المقارنة عشان كدة قلت الي يختار يقول ليه مش يكتب الاسم وخلاص انا كنت ميال للسيريون جدا بس لما لقيت الجراند والكلام عليها قلت اسأل
واللينكات دى مفيدة فعلا واعتقد الاتنين في موضوع اعادة البيع صعب
بالنسبة للفرامل السيريون فيها ABS,EBD انا قارنت بآخر فئه فيها كاملة

وسؤال ياجماعة هو ليه محدش بيحط ليها صور حتي من الي اشتروها لان كل صور النت باب واحد

[askoda]

How come that the fiat motors are more life long than daihatsu :

Compare Charade 91 with fiat punto 94 and see which is better now (spare parts + acceleration+ sound )


Sure Daihatsu (Japanese) motors are better

[bmya]

صوت الجراند عالي ؟؟ حضرتك متاكد من المعلومة

وبعدين عيوب السيريون احسن من العيوب الي عرفتها الخفيفه بتاعت الجراند زي ان الزجاج الامامي بس الي كهربائى والتانك بيتفتح من بره زي العربيات القديمه ومعرفش دول حاجتين انا مستعجبهم كل العجب في العربيه دي ازاي اصلا !

ياباشا انا حددتش الجراندبونتو لاني محربتهاش وهياصلا مشمنتشره عشاننعرف عنهاحاجه
بس انابتكلم عليالفيات عموما
شوف البونتو القديم والسيينا والبرافا الحاجات دي ماشيه دلوقتي بص شوف حالتها بقيت عاملهازاي وصوتها عامل ازاي وقارنهاباي حاجه ياباني قديم وهتعرف الفرق انا بحس فعلا ان الفيات لما بيقدم صوته بيعلي وبيبقي خشن
لكن معرفش الجراند بونتو ايه ظروفها وهي عجباني شخصيا لكن طبعا ملهاش سوق نهااااااائي ولاحتي الزيرو بتاعها
السيريونليها سوق طبعاعنها مستعمل و زيرو فعلا السيريون انتشرت جامد
بص هقولك لو حضرتك مش هامك الانتشار والكلام ده اعتقد الجراند هتبقي احسن