الشارك ولا البومه 1600

[simon659]

ياجماعه انا عاوز اشتري الانسر الجديده الي هيا الشرك فا من فضل الجميع ابداء الراي في هزه السياره وهل هيا افضل ام البومه مع العلم ان الفرق في الاسعار واضح وانا عاوز اجيب البوما 1600 مانويل او الشارك 1500 مانويل فا مش عارف حاسس ان سمعت الشارك وحشه مش عارف ليه كله بيؤلي لا ماتجيبهاش فا من فضل الجميع ابداء رايه في السيارتين وانه الافضل واسف علي الاطاله ولاكني اريد عربيه اقنيها علي الاقل 8 سنين واريد ترشيح عربيه جيده من الاعضاء
لوسمحت العربيه الشارك نازل فيها ماتور مايفك اقوي من العادي هل الكلام ده صحيح ام لا ولكني قريت عيب الشارك ماتورها ضعيف الزاي ارجو الزياده في المعلومات

[kholio]

فعلا الشارك نازله بموتور مايفيك لاكن موتور الشارك مش ضعيف ولا حاجة وموتور الشارك اقوي من موتور البومة والفرق واضح فعلا بين الموتورين لانه تكنولوجي احدث وكمان هورس باور وتسارع اعلى من البوما

[mora2825]

أنا راكب شارك مانيوال من سنه والعربيه اكثر من ممتازه فى كل شىء

[kareemhisham]

بص هو الاتنين هيقعدوا 8 سنين و اكتر
و الشارك طبعا تكنولوجيا و كل الكلام دة
بس الشارك المانيوال التابلوه بتاعها فقير اوى
العربية نفسها تحسها ناقصة حاجة

[SAMEH_FOUAD]

شوف اللى عايز يجيب لانسر شارك يصرف نظر عنها ويجيب تويوتا كورولا احسن منها بكتير ,لائما يزود شوية ويجيب هوندا سيفيك احسن من الاتنين ,لكن انا من وجهة نظرى وتجربتى للانسر للاكثر من اسبوع السيارة سحبها ضعيف مقارنة بالبومة سوبر اكشن ,الشارك ضيقة بعكس البومة اوسع ,الاتنين ناشفين فى المطبات ,الانسر البومة انعم لحد 70 بعد كدة صوتها بيعلى ,حتى لو مش بتجرى ,الانسر شارك صوتها عالى من وانت طالع ,الخامات والتقفيل واحد الاتنين فقرا جدا ,بعكس بس الشارك عدادها افضل طبعا من البوما وكمان كمبيوتر المعلومات ,بس انا عن نفسى مالوش لازمة,الشكلا طبعا ازواق بس انا بيعجبنى شكل السوبر اكشن باللون النبيتى بيبقى احلى من الشارك العادية ,وشكل الشارك الكاملة بالاضافات والتجهيزات بيبقى احسن كتير من قدام لكن ورا مش قد كدة

[kholio]

حضرتك شكلك كدة ولا ركبت دي ولا دي الشارك اعلى من البومة في كل حاجة ولما تحب تقارن الشارك بابومة قارن بين السبورت في الاتنين وانت هتعرف الفرق الشاسع اللي بينهم وبعدين موتور الشارك اقوى من البوما بمراحل وانا مجرب البومة بدل المرة ميه ومعايا الشارك وطالع من 50 بومه وبفرق كمان

[SAMEH_FOUAD]

انا ركبت البومة كتير على فكرة وبقول على اللى ان شوفتة وجربتة وذكرت نوع واحد معين بس من البوما ,اللى فيها ds غير كدة لا
وعادى ربنا يباركلك فيها ,مش هنختلف فى النقطة دية لان دية بتبقى على حسب مستوى القيادة بتاع السائق اللى قدامك ,وانا ركبت الشارك وعارف مستواها اية كويس جداااااااااااااااااا

[alzelafy]

الشارك طبعا بومه ايه و بتاع ايه يا جماعه مينفعش تقارنوهم ببعض انا كنت بكرة الميتسوبيبشى بشدة و ركبتها مع اصحابى بجميبع موديلاتها حتى 2007 و محبتهاش و انتقاضاتى ليها كتييرة لكن لما ركبت الشارك اتوهمت من مستوى اداء العربيه و الفخامه اللى فيبها و قوتها و صالونها و ثباتها ال 180 و ال 200 دا عادى معاها ما شاء الله عليها لالالالالا بوما ايه

[blazer]

فيه كمان نقطه
ان الشارك تم تقويه الهيكل بتاعها و تدعيمه فى 19 نقطع عن البومه
و الهيكل اقوى بنسبه (تقريبا 50%)

[abo samra]

حضرتك شكلك كدة ولا ركبت دي ولا دي الشارك اعلى من البومة في كل حاجة ولما تحب تقارن الشارك بابومة قارن بين السبورت في الاتنين وانت هتعرف الفرق الشاسع اللي بينهم وبعدين موتور الشارك اقوى من البوما بمراحل وانا مجرب البومة بدل المرة ميه ومعايا الشارك وطالع من 50 بومه وبفرق كمان

انا كان معايا لانسر سوبر اكشن 2007 وكنت بقارنها بالشارك السبورت لمسافة 300 كم
اللانسر البومه اسرع على السرعات الواطيه والاتنين تقريبا متساويين عند السحب على السرعات العاليه
انما كركوبه اكيد الشارك تكسب لانها احدث بس انا بتكلم على الماتور
تحياتى

[abo samra]

الشارك طبعا بومه ايه و بتاع ايه يا جماعه مينفعش تقارنوهم ببعض انا كنت بكرة الميتسوبيبشى بشدة و ركبتها مع اصحابى بجميبع موديلاتها حتى 2007 و محبتهاش و انتقاضاتى ليها كتييرة لكن لما ركبت الشارك اتوهمت من مستوى اداء العربيه و الفخامه اللى فيبها و قوتها و صالونها و ثباتها ال 180 و ال 200 دا عادى معاها ما شاء الله عليها لالالالالا بوما ايه

ده لو جابت 200 اصلا

[ahmad--ezzat]

ازاى المقارنه دى ...الشارك طبعا تكسب بمراااااااااااااااااااااااااااحل

[ahmad--ezzat]

الشارك طبعا بومه ايه و بتاع ايه يا جماعه مينفعش تقارنوهم ببعض انا كنت بكرة الميتسوبيبشى بشدة و ركبتها مع اصحابى بجميبع موديلاتها حتى 2007 و محبتهاش و انتقاضاتى ليها كتييرة لكن لما ركبت الشارك اتوهمت من مستوى اداء العربيه و الفخامه اللى فيبها و قوتها و صالونها و ثباتها ال 180 و ال 200 دا عادى معاها ما شاء الله عليها لالالالالا بوما ايه

الانسر بتجيب ال 200 لو حضرتك فى اتجاه الهواء...لكان عمرها ما هتجيبهم لو طريق مستقيم...اللى ياكدلك كلامى...
جرب تسافر اسماعليه هتلاقى العربية مش هتعدى ال 182 180...

[blazer]

200 مش صعبه انها تجيبهم العربيات الجديده كلها بتجيب ال 200 وتعديهم(زى السيفيك والكرولا)
بس معتقدش انها هتفضل محافظه على سرعتها كتير

[abo samra]

200 مش صعبه انها تجيبهم العربيات الجديده كلها بتجيب ال 200 وتعديهم(زى السيفيك والكرولا)
بس معتقدش انها هتفضل محافظه على سرعتها كتير

للاسف ياباشا البومه والشارك اخرهم 190 الى 195
طبعا ممكن تجيب 200 و 210 كمان لكن مش فى طريق مستوى وكمان الريح يكون فى ظهر العربيه
انا بقا بتكلم على السرعات فى ظروف عاديه بدون منازل والرياح فى الاحوال المعتاده
والكلام ده عن تجربه ويا رب يكون حضرتك فهمت وجهة نظرى
تحياتى