عاوز نصيحه لوجه الله في الماتسوبيشي الشارك

[simon659]

لوسمحت يا جماعه عاوز اشتري الماتسوبيشي الجديده الشارك مانويل فاياريت اعرف ايه عيبها كلو بيؤلي ماتجيبهاش طب ليه وايه السبب وترشيحكم ليا ايه لو بلاش الشرك بس حدودي 120 وعاوز عربيه قطع غيرها كويسه يعني مش زي السكودا a4فا من فضل الجميع يبديني برأيه من فضلكم انا عملت موضوعين قبل كده هو فين الارأء يا جماعه

[sherif0333]

استاذ سيمون حضرتك لما تحب تسال ملاك السيارة نفسها انا عندى الشارك مانيوال و مفيش فيها اى عيوب و حضرتك لو دخلت على قسم ميتسوبيشى حتلاقى كل ملاك العربية مبيشتكوش منها ابدا و انا كنت كتبت تقييم قبل كدة وهو الاتى

نا معايا شارك مانيوال 2008 و هكلمك عليها بصراحة انا فى الاول كنت برضة زيك كدة عمال اشوف اسعار قطع غيار الشارك و كنت متخيل ان هيكون اسعارها غالية جدا لكن اكتشفت ان الاسعار قريبة جدا من الشكل القديم و دة شجعنى انى افكر انى اجيبها انا جبتها مانيوال علشان ماكانش معايا غير 120 الف و بصراحة كنت هموت علشان اجيب العربية دى حتى لو من غير موتور بس اشتريها المهم جبتها لونها نبيتى و دة اجمد لون عليها دة رايى الشخصى المهم اقولك المميزات و العبوب
المميزات:
1-شكلها ملفت للنظر تحس انة مختلف عن باقى العربيات و لما تشوفها قدامك تتمنى انك تمتلكها
2-موتورها جامد جدا 109 حصان مايفك اقوى من البومة 1600 106 حصان دة غير ان عربيتى مانيوال فالسحب فيها فظيع جدا يعنى انا من تانوع اللى مش بيقرص على الموتور و اخرى ار بى ام 3 و تلاقى العربية سحبها حلو جدا حتى لو العربية فيها خمسة راكبين متحسش ابدا بفرق فى السحب و مجرد انك تضغط على البنزين تلاقى ضهرك مسك فى الكرسى من قوتها
3-و انت سايق العربية دى تحس انك مميز عن كل الناس اللى حواليك من حيث فخامة العربية و شراستها
4-التابلوة شيك جدا و خصوصا شاشة الكمبيوتر الموجودة فى النص اللى بتقولك حاجات مهمة جدا زى متوسط استهلاك البنزين و كمية البنزين الموجودة تمشيك كام كيلو و يفكرك بمواعيد الصيانة و لما تفتح اى باب يقولك انهى باب مفتوح حتى لو الشنطة و على فكرة الكمبيوتر دة مش موجود فى اى عربية غير العربيات الفخمة بس
5-العربية واسعة جدا من جوة
6-عالية عن الارض عمرها ماتحك فى اى مطب حتى لو خمسة راكبين و دى حاجة مهمة جدا قليل لما تلاقيها فى العربيات الجديدة
7-العربية ثابتة على الاخر عمرها مابتعوم و دة لان مقاس الجنط كبير 16/2050 و دة المقاس الاستندارد اللى بينزل في الفول اسبورت و المانيوال و دة برضة مقاس مش اى عربية بتنزل بية
8-العربية فراملها قوية جدا فيها abs ebd يعنى لما تدوس على الفرامل بتلاقى العربية تقف فى اقل مسافة و تلاقى الكاوتش عمرة ما يتزحلق حتى لو ماشى سريع على فكرة انا عربيتى ضمان الوكيل و العربيات كلها تبع الوكيل فيها abs ebd
9-الباور اللى فى العربية كهرباء حلو جدا لما تيجى تركن و بيقفل لما السرعة تزيد
10-تكييفها حلو جدا عمرك ماتشغلة على اخرة ابدا من قوتة
11-العزل فى العربية حلو جدا يعنى لما تقفل الازاز ماتسمعك اى حاجة و تحس انك منعزل عن الدنيا اللى برة
12-العربية تبع شركة ميتسوبيشى و هى شركة محترمة جدا و العربيات الميتسوبيشى معروف انها معمرة و قليلة الاعطال و قطع غيارها رخيصة مقارنة بالعربيات اليابانية الاخرى و كفاية ان العربية يابانية 100*100
العيوب
1-الشنطة ضيقة علشان الاستبن مقاسة كبير لكن حضرتك ممكن تشترى الاستبن مقاس صغير هيفرق فى حجم الشنطة كتير
2-صوت الموتور عالى شوية بس لانة مايفك موتور جامد جدا و انت سايق العربية تحب صوتة تحس ان العربية هتنطلق و زى ماقلت لحضرتك لما تقفل الازاز متسمعش اى حاجة

دة كان تقييمى لعربيتى الشارك اللى عمرى ماهندم انى اشتريتها و دى كمان اقل فئة فيها و اسف على الاطالة

[beihoo]

المتسوبيشي شارك و علامة إستفهام كبيرة

من أول ما نزلت المتسوبيشي شارك و هي علامة إستفهام كبيرة في السوق المصري .. العربية جديدة كليا عن سابقتها (البومة) موتور و شكل جديد و أعتقد الشكل الجديد أفضل بكثير من القديم لكن سعرها المبالغ فيه بسبب وجود مخزون كبير من الموديل السابق جعل الناس تحجم عنها خاصة أنها دخلت في فئة تلقى فيها منافسة شرسة جدا من ماركات ياباني ذات موديلات منافسة جدا مثل الهوندا و التويوتا و النيسان و المازدا. الغريب أن سعر الموديل الجديد إنخفض و سعر الموديل القديم ارتفع بما يتراوح بين 10-13 الف جنيه !!! و التجار يوأيدون الشكل القديم و يقولون أنها أفضل و غذا سألت لماذا لا تحصل على إجابة شافية أبدا !! هانقول إيه في السوق المصري و ثقافة المشترين شبه المعدومة.


يا ريت حد عنده خبر ليه الناس بتفضل القديم عن الجديد ينورنا.

رد على الأخ مالك اللانسر الشارك .. كومبيوتر الرحلات و الجنوط ال 16 بقوا بينزلوا كتير دلوقت في العربيات الجديدة على إختلاف ماركاتهم .. يعني المفروض إن دي مش من ضمن الحاجات اللي تميز الشارك .. أعتقد أكثر ما يميز الشارك شكلها و اللي بيختلف عليه كتير أيضا.

[seaman]

الشارك سياره جيده...بس الناس بتفضل الشكل القديم علشان الفئه السعريه معقوله...لكن علشان أشترى شارك كامله 150 الف حرام كده افكر فى حوالى خمس سيارات تتفوق عل الشارك فى هذه الفئه..سيفيك ..كرولا.امبريزا..اوكتافيا..اوبل..انا راى ان الشارك لز نزلت شويه حتكتسح

[simon659]

معلش يا جماعه انا مصدعكم شويه بس انا فعلان سألت كتيييييييير لان صدأوني انا جايب الفلوس دي بطلو الروح والعربيه الي عندنا قبل كده معانا من سنه 1982 بيجو يعني عاوز عربيه ارتحلها واقنيها وربنا يديكو ويدنا طوله العمر والبركه في العربيات اي نعم هم شويه حديد بس مانطقش حد يلمسها او يجي جمبها فأتمنا نساعد بعد كفايا المام المعلومات الكافيا علشان مانروح في ابو بلاش ده وصل للتجار انه يؤلي الالنترا احسن منها فعلان الكلمتين الي عارفهم عن العربيات سيحهم خااااالص بس علي فكره هو بيبرشم

[kholio]

انا من ملاك الشارك بس انا معايا اعلى مستوي السبورت الكويتي وبقولك والله انها كشكل وكبينة وعزل وفخامة في صالونها وكماليتها احسن من كل العربيات اليابانية اللي في نفس فئتها وسيبك من كلام الناس اللي يقولولك ان موتورها ضعيف العربية موتورها ممتاز وتكنولوجي حديد وكفاية انو موتور مايفيك والعربية فعلا تستاهل كل مليم ادفع فيها وهي احسن اختيار في رايي في الفئة دي واتكل على الله وانا بقولك انك مينفعش اصلا تدخل معاها الالنترا في المنافسة لان مفيش وجه للمقارنة والدليل ان الشارك مانيوال 120 الف والالنترا كاملة مكتملة واوتوماتيك وفتحة سقف ب 109 الف اكيد الحكاية محسومة بين الاتنين واي واحدة فيها احسن