ليه محدش قارن التيدا بهوندا السيتى

[ahmed4000]

السلام عليكم
الاتنين بقم فئة واحدة سعرية

وانا بفكر فى واحدة منهم ياما تيدا سيدان ياما هوندا سيتى

ومحتار جدا

ورحت افترجت على الاتنين بس مش قادر احدد

والحاجة الغريبة اللى فيا ان الميزة عيب فى نفس الوقت
يعنى التيدا صغيرة من بره فسهلة فى الركنة والمناورة بس فى نفس الوقت بفكر ان مدام 115 الف يبقى العربية لازم تبقى كبيرة ويبان عليها خاصة ان شغلى محتاج عربية تدينى برستيج شوية


السيتى قلقانى علشان موضوع تايلاندا وكمان مش منتشرة لان الناس بتقول فقيرة من جوا


اه وحتنقل لشغل فى 6 اكتوبر وانا ساكن فى مدينة نصر


متفرقش معايا الكماليات بس مدام حدفع ليه اخد كماليات اقل نظرية غريبة بس ده تفكيرى

انا عندى طفلين صغيرين بس برده مدام حدفع يبقى اخد مساحة كبيرة حتى لو مش ححتاجها


حد فهم حاجة من اللى انا عايزاه لان انا نفسي مش عارف

[kareemhisham]

اولا انا سمعت ان سعر السيتى النزل دة كان عرض خلال المعرض فقط ,, فممكن تكلم تتأكد لانه لو رجع زاى ما كان يبقا التيدا طبعا.
ثانيا حضرتك التيدا الفيها الكماليات الكتيرة ب127 ,, انما الب115 دى تقريبا فاضية ,, و التيدا واسعة " من جوة " و دة جاى على حساب الشنطة ,, هى الشنطة مش بطالة بس لا تقارن بالسيتى ,, السيتى شنطتها كبيرة اويييي
السيتى فعلا فقيرة اوى من جوة و مافيهاش غير انها اوتوماتيك

الخلاصة: فى رنج ال115 الاتنين مافيهومش كماليات ,, انما السيتى اوسع و الشكل احلى و اجدد ,, و لو على موضوع التقفيل التيلاندى فأنا مش شايف انه عيب ,, فحضرتك تعد فى السيتى و تشوف التقفيل ايه اخباره ,, لو انت شايف انه مافيهوش مشاكل يبقى السيتى تكسب

[ahmed4000]

شكرا يا استاذ كريم
هو التقفيل من جوا شيك فى الحالتين
لكن انا تخوفى من التايلاندى فى موضوع الاعتمادية او ظهور اى مشاكل مش فى التقفيل الخارجى

وفعلا زى حضرتك مبتقول شنطة السيتى رهيبة بس الصالون بتاع التيدا حاسس انه اوسع شوية من ورا

والسعر بتاع سيتى لسه مستمر واعتقد مش حيرجع تانى لانها مبتبعيش وهى غالية وعلشان ينافس السيراتو
والله اعلم

[tata12001]

واضح انك مركز على الشكل أكتر من الجودة فالهوندا حتبئى أفضلك.
لأن لو الجودة أكيد حتبئى التيدا لأنها ياباني ولو الوسع أكيد التيدا لأنها نزلة علشان موضوع الوسع د مخصوص الموضوع د وشوف اعلاناتها
بس دميمنعش إن السيتي حلوة بردو، د مهما كان هوندا ومش حتنزل با اسمها. فسالي صلاة استخارة وتوكل على الله وهات السيتي

[M.ABDEEN]

التيدا واسعة من جوه وانا شايف ان اللي يفرق التيدا عن السيتي الشكل والتقفيل وبصراحة التيدا اجمالا احسن

[Hondawy_2008]

الهوندا هوندا اتوكل على الله السيتي تكسب

[mahamedaraby]

التيدا واسعه جدا من جوه عكس بره تمام مش عارف عمولها ازاى يعنى العربيه من بره شكلها صغير ومن جوه واسعه جدا

اعتماديه وتقفيل وتوكيل وموتور فى صالح التيدا

شكل وتوكيل فى صالح السيتى

اجمالا وبدون تحيز التيدا افضل

بص حدد انت عايز ايه بالظبط من العربيه وقول وممكن نضفلك كمان عربيات متكنش فى دماغك وتناسبك

وربنا يقدملك اللى فيه الخير

[n8os]

لو انت بدور علي الشكل يبقي التيدا لو بدور علي الاداء يبقي السيتي وانا شايف ان العربيتين زي بعض

[abou_ruqi]

لو حضرتك بتتكلم عن هوندا الشكل الجديد فدي ياباني مش تايلاندي
إنما مشكلتها إعادة البيع لأنها ما انتشرتش خالص فمش حتلاقي ليها سوق مستعمل -كعادة هوندا ما عدا الشكل الجديد - ومش حتلاقي لها سوق قطع غيار خارج التوكيل - كعادة هوندا - وقطع غيارها حتلاقيها في التوكيل غالية نار نار نار -كعادة هوندا-

[SAMEH_FOUAD]

التيدا واسعة من جوة وفعلا اوسع من السيتى من جوة ,موضوع الشنطة ضيقة شوية بس كطول لكن كعرض واسعة
بالنسبة للتقفيل التيدا تقفيل التابلوة والخامات فقيرة بس ميزتها حاجة انها فيها مساند سفنج فى الابواب ودة بيريح اللى قاعد ,تانى حاجة العربية على المسافات البعيدة غير مريحة بسبب المطبات وكمان الكراسى ,دة غير انها هتبقى ضيقة بالنسبة للراكب التالت اللى فى الكنبة الخلفية وهيكون مضايق جدا
العربية بالنسبة للسحب بطيئة فى طلعتها لحد الوصول الى 100 كيلو وكمان عشان تعدى سرعة 100 كيلو بتاخد وقت جامد ,الاستابيلتى بتاع العربية ضايع بعد 100 العربية مافيهاش استابيلتى خالص ,انت هاتستغرب لو قولتلك انك لو دخلت شمال او يمين فجاءة على سرعة 60 او 70 هتلاقى العربية اتمرجحت بيك شمال ويمين ,دة غير المنحنيات العادية اللى لازم تاخدها مش اقل من 40
العربية صوتها هادى مش عالى ,التكيف كويس الى حد ما بس بياثر على سحب العربية ,يعنى عشان اجرى لازم اقفل التكيف درجة الاعتمادية بتاعة العربية مش هتبان العربية بقالها 10000 كيلو وغيرت تيل فرامل بس والعربية كاملة فيها 2 ايرباج .وabs بس فراملها مش قوية اوى وتقريبا بسبب الabs
ولو عايز تعرف اى حاجة عنها انا فى الخدمة

[abou_ruqi]

التيدا واسعة من جوة وفعلا اوسع من السيتى من جوة ,موضوع الشنطة ضيقة شوية بس كطول لكن كعرض واسعة
بالنسبة للتقفيل التيدا تقفيل التابلوة والخامات فقيرة بس ميزتها حاجة انها فيها مساند سفنج فى الابواب ودة بيريح اللى قاعد ,تانى حاجة العربية على المسافات البعيدة غير مريحة بسبب المطبات وكمان الكراسى ,دة غير انها هتبقى ضيقة بالنسبة للراكب التالت اللى فى الكنبة الخلفية وهيكون مضايق جدا
العربية بالنسبة للسحب بطيئة فى طلعتها لحد الوصول الى 100 كيلو وكمان عشان تعدى سرعة 100 كيلو بتاخد وقت جامد ,الاستابيلتى بتاع العربية ضايع بعد 100 العربية مافيهاش استابيلتى خالص ,انت هاتستغرب لو قولتلك انك لو دخلت شمال او يمين فجاءة على سرعة 60 او 70 هتلاقى العربية اتمرجحت بيك شمال ويمين ,دة غير المنحنيات العادية اللى لازم تاخدها مش اقل من 40
العربية صوتها هادى مش عالى ,التكيف كويس الى حد ما بس بياثر على سحب العربية ,يعنى عشان اجرى لازم اقفل التكيف درجة الاعتمادية بتاعة العربية مش هتبان العربية بقالها 10000 كيلو وغيرت تيل فرامل بس والعربية كاملة فيها 2 ايرباج .وabs بس فراملها مش قوية اوى وتقريبا بسبب الabs
ولو عايز تعرف اى حاجة عنها انا فى الخدمة

حضرتك بتتكلم عن أنهي عربية ؟؟؟

[ahmed4000]

شكرا على ردودكم يا جماعة
بس انا احترت فى كذا نقطة

اولا انا مهتم بالاعتمادية اكتر من الشكل لان لو العجلة نامت معرفش اتصرف معاها وانا حيبقى مشوارى طويل كل يوم 6 اكتوبر
(فده قالقنى شوية من حتى تقفيل تايلاندى)

بالنسبة للشكل فالاتنين كويسين السيتى حاسس انهم حاولوا يعملوها حلو بس باظت منهم فى حاجة
التيدا حلوة وواسعة من جوا بس باين من بره انها صغيرة عكس السيتى اللى بتدي برستيج اكتر

الاتنين من جوا وكويسين لكن الهوندا حاسس انها افخم

الوسع اعتقد التيدا حسيت انها اوسع وخاصة للكنبة بس تظل نقطة الشنطة الرهيبة بتاعة السيتى


بالنسبة للاستاذ semsem kane فعلا حضرتك بتتكلم على انهى عربية لان ده تقييم وحش جدا لاى من العربيتين

[SAMEH_FOUAD]

حضرتك بتتكلم عن أنهي عربية ؟؟؟

انا بتكلم عن نيسان تيدا 2008 اللى تقريبا معايا يوميا ,والله بتكلم بمنتهى الصراحة
ان لسة امبارح راجع من طريق مصر اسكندرية العربية عشان تجيب 140 خدت وقت كتير مقارنة باى عربية ,الثبات مش حلو العربية لو واخد اى ملف على سرعة مثلا 40 بتلاقى الكاوتش بيصفر جامد والعربية بتميل جامد,
العربية واسعة من جوة مقولتش حاجة وبعتبرها من اوسع فئات ال1600 بس عيبها ان لما بتركب تلاتة ورا اللى قاعد فى النص يبقى رجلة باظت,ودة اللى حصل مع واحد صاحبى امبارح مع ان وزنة لايتعدى 60 كيلو بس هو طويل يعنى حوالى 186 ,وعايز اقولك نزل رجلية مش قادر يمشى عليها,ودة عيب التيدا وكل الى بيركب عارف انها اخرها اتنين ورا والتالت زى ماقلت هيبقى مضايق جدا ,العربية ناعمة صوتها هادى,انا اللى معايا اتوماتيك يمكن عشان كدة بحس انها بطئية فى التجميع خاصة انى معايا sir فيمكن اكون متعود على الشد بتاعها,بس انا مجربتهاش مانيوال ,عزل العربية كويس ,من عيوب العربية كمان ان اى مطب بتلاقى التابلوة بيزيق وتحس انة مش مربوط كويس ودة عشان بيتكون من ثلاث قطع دة اللى عرفتة ,العربية عفشتها مش ناشفة اوى ومش ناعمة ,بس كويسة ,المسافات الطويلة للعربية غير مريحة للركاب ودة الل ىاصحابى قالوة مش انا اللى قولتة ,بالنسبة للتكيف حلو بس بياخد فترة لما بيسقع العربية حتى لو مركونة فى الظل ,والجرى مع التكيف بيقلل سحب العربية لو عايز تشد مع حد لازم تقفل التكيف,الاعتمادية بالنسبة للعربية كويسة جدا يعنى تتحمل والعريية بقالها سنة جرى وفحت مقالتش لأ غير بس تيل الفرامل ودة معروفة بالنسبة للاتوماتيك ,الباور جميل وسهل الفرامل حلوة بس مابتخليش العربية تكلبش فى الارض ودة عشان الabs ,امكان التخزين كويسة وكتيرة ,كمان ميزتها عن اى عربية تانية جديدة ان راس الراكب بتبقى بعيدة تماما عن السقف بعكس اى موديل جديد من السيارات من نفس الفئة ودية طبعا ميزة مهمة جدا
لكن بالنسبة للسيتى ماسوقتهاش ركبتها بس ,وخاماتها فقيرة جدا,ضيقة عن التيدا غير كدة ماعرفش عنها حاجة

[hosamabraq]

التيدا واسعة من جوة وفعلا اوسع من السيتى من جوة ,موضوع الشنطة ضيقة شوية بس كطول لكن كعرض واسعة
بالنسبة للتقفيل التيدا تقفيل التابلوة والخامات فقيرة بس ميزتها حاجة انها فيها مساند سفنج فى الابواب ودة بيريح اللى قاعد ,تانى حاجة العربية على المسافات البعيدة غير مريحة بسبب المطبات وكمان الكراسى ,دة غير انها هتبقى ضيقة بالنسبة للراكب التالت اللى فى الكنبة الخلفية وهيكون مضايق جدا
العربية بالنسبة للسحب بطيئة فى طلعتها لحد الوصول الى 100 كيلو وكمان عشان تعدى سرعة 100 كيلو بتاخد وقت جامد ,الاستابيلتى بتاع العربية ضايع بعد 100 العربية مافيهاش استابيلتى خالص ,انت هاتستغرب لو قولتلك انك لو دخلت شمال او يمين فجاءة على سرعة 60 او 70 هتلاقى العربية اتمرجحت بيك شمال ويمين ,دة غير المنحنيات العادية اللى لازم تاخدها مش اقل من 40
العربية صوتها هادى مش عالى ,التكيف كويس الى حد ما بس بياثر على سحب العربية ,يعنى عشان اجرى لازم اقفل التكيف درجة الاعتمادية بتاعة العربية مش هتبان العربية بقالها 10000 كيلو وغيرت تيل فرامل بس والعربية كاملة فيها 2 ايرباج .وabs بس فراملها مش قوية اوى وتقريبا بسبب الabs
ولو عايز تعرف اى حاجة عنها انا فى الخدمة

عندي سؤال بعد إذن حضرتك

هى صيانة ال60 ألف كيلو للتيدا بتتكلف كام تقريباً

شكراً

[abou_ruqi]

انا بتكلم عن نيسان تيدا 2008 اللى تقريبا معايا يوميا ,والله بتكلم بمنتهى الصراحة
ان لسة امبارح راجع من طريق مصر اسكندرية العربية عشان تجيب 140 خدت وقت كتير مقارنة باى عربية ,الثبات مش حلو العربية لو واخد اى ملف على سرعة مثلا 40 بتلاقى الكاوتش بيصفر جامد والعربية بتميل جامد,
العربية واسعة من جوة مقولتش حاجة وبعتبرها من اوسع فئات ال1600 بس عيبها ان لما بتركب تلاتة ورا اللى قاعد فى النص يبقى رجلة باظت,ودة اللى حصل مع واحد صاحبى امبارح مع ان وزنة لايتعدى 60 كيلو بس هو طويل يعنى حوالى 186 ,وعايز اقولك نزل رجلية مش قادر يمشى عليها,ودة عيب التيدا وكل الى بيركب عارف انها اخرها اتنين ورا والتالت زى ماقلت هيبقى مضايق جدا ,العربية ناعمة صوتها هادى,انا اللى معايا اتوماتيك يمكن عشان كدة بحس انها بطئية فى التجميع خاصة انى معايا sir فيمكن اكون متعود على الشد بتاعها,بس انا مجربتهاش مانيوال ,عزل العربية كويس ,من عيوب العربية كمان ان اى مطب بتلاقى التابلوة بيزيق وتحس انة مش مربوط كويس ودة عشان بيتكون من ثلاث قطع دة اللى عرفتة ,العربية عفشتها مش ناشفة اوى ومش ناعمة ,بس كويسة ,المسافات الطويلة للعربية غير مريحة للركاب ودة الل ىاصحابى قالوة مش انا اللى قولتة ,بالنسبة للتكيف حلو بس بياخد فترة لما بيسقع العربية حتى لو مركونة فى الظل ,والجرى مع التكيف بيقلل سحب العربية لو عايز تشد مع حد لازم تقفل التكيف,الاعتمادية بالنسبة للعربية كويسة جدا يعنى تتحمل والعريية بقالها سنة جرى وفحت مقالتش لأ غير بس تيل الفرامل ودة معروفة بالنسبة للاتوماتيك ,الباور جميل وسهل الفرامل حلوة بس مابتخليش العربية تكلبش فى الارض ودة عشان الabs ,امكان التخزين كويسة وكتيرة ,كمان ميزتها عن اى عربية تانية جديدة ان راس الراكب بتبقى بعيدة تماما عن السقف بعكس اى موديل جديد من السيارات من نفس الفئة ودية طبعا ميزة مهمة جدا
لكن بالنسبة للسيتى ماسوقتهاش ركبتها بس ,وخاماتها فقيرة جدا,ضيقة عن التيدا غير كدة ماعرفش عنها حاجة

حضرتك إحنا ملاك للعربية مش سمعنا عنها و أحب أقول لحضرتك إن العربية مافيهاش حاجة من اللي قلت عليها دي إلا موضوع إن التابلوه 3 قطع , دي الحاجة الوحيدة اللي ممكن اتفق فيها معاك
إنما واضح إن عربية صاحب فيها مشاكل كبيرة قوي خليه يوديها ال توكيل يكشف على موتورها و عفشتها
التيدا (الاوتوماتيك) بتجمع 100 كيلو في 10 ثواني عاوز منها تجميع أكتر من كده إيه ؟؟
وأدي تجربة عملية

http://www.nilemotors.net/Nile/showthread.php?t=73513

تقفيل و خامات التيدا حضرتك بتقول عليها فقيرة وأنا عندي العربية جلد في جلد , التابلوه جلد و الابواب جلد في قماش مخملي و كذلك الكراسي والمخادع جلد و مساند جلد , عاوز خامات أحسن من كده إيه ؟؟؟

أما ثبات أعربية أه ممكن تكون أقل من الأوروبي إنما أحسن من أي حاجة أسيوي سواء كان كوري أو ياباني , وفي التيدا الراكب ما يحسش هي ماشية على 100 وألا 180 لإن اتزان العربية واحد و صوت الموتور واحد

التكييف بتاعها فريزر وصعب قوي حد يكون قاعد قدام و موجه فتحة التهوية إلى وشه , مش حيستحمل 5 دقائق

فراملها فيها كل أنواع التكنولوجيا المتوفرة علشان الآمان Ebd Abs Ba والمسافة اللي بتقف فيها العربية من سرعة 100 مذهلة ودي أنا مجربها في كل العربيات اللي ركبتها

بصراحة أنت جاي على لاعربية قوي , مش بكذبك في عربية صحبك بس أكيد عربيته فيها مشاكل والله أعلم