نيو سيراتو 2009 ولا كورولا 2009

[DigitalMR1]

مرحب بكم أعضاء منتدانا الرائع

اريد مشورتكم فى هذين الأختيارين حيث من السعر وجدت نيو سيراتو 2009 سعرها حلو

[img3]http://fannat.com/news/Kia-Forte-TestDrive_files/image001.jpg[/img3]

وكورية % وتوكيل محترم وفيها وسائل أمان وشكلها حلو

فأريد نصيحتكم لأنى سمعت من مختصين ان الكورولا بئت كورى اللي هى جاية مصر كــــورى .... انا من مصر ومش حعتل العربية يعنى استعمال عائلى

ارجو الرد .....

[M.FOUAD]

الكيا سيراتو لسة نازلة و محدش لسة يعرف عيوبها
التويوتا طبعا غنية عن التعريف و ان كان ظهر فيها بعض العيوب في التقفيل الجنوب الافريقي
انا لو هشتري هشتري التويوتا من غير تفكيير

[elnour_toktok]

انا كنت ناوى اشترى السيراتو الهاى لاين خاصة انها سواء من ناحية الماتور او الشكل او الكماليات وجدت قبول من معظم المهتمين ولننى تردد فى الحظة الاخية بسبب سوء خامات الطبلوة والابواب انا هدفع 126000 وركب عربية خامات طبلوة وابواب سيئة ومع البحث وجت ان سعر التويوتا mmt فئة 130000 والفئة الهاى لين 147000 وخاماتها فوق الوصف بل تزيد كماليات عن السيراتو وطبعا فرق اليابانى من الكورى قررت شراء الكورولا وبعد موصلت لسعر 145000 فى الهاى لاين قررت شراء التويوتا ودفعت 1000 وحجزت الون الابيض وهستلم ان شاء اللة اخر الاسبوع

[ahmad7610]

أعتقد فى العربيتين بلد المنشأ مش زى اليابانى 100% .. لكن أعتقد الكورى 100% أضمن من تقفيل جنوب أفريقيا كعفشة و موتور وكده.. لكن السيراتو للاسف تقفيلها من جوه باين عليه إنه كورى والخامات مش كويسة زى الكورولا . اللى تتفوق من جوا عن السيراتو
-
الكماليات فى الكورولا الجنوب أفريقى الكاملة أحسن ..
-
العربيتيتن اختيار موفق .. وطبعا الكورولا تعتبر أفضل بشكل عام

[DigitalMR1]

شكرا يا جماعة على الردود الحلوه

بس عايز اعرف ازاى التئفيل الداخلى وحش يعنى النترا تئفيل أحسن

بس النيو سيراتو عليها ضمان 5 سنوات .. بس ياريت حد يوضح المشوار الداخلى .

ولو فى حاجة احسن ياريت نحطها بنفس السعر 126

والرابط بتاع صحبنا
http://www.nilemotors.net/Nile/showthread.php?t=72913

في واحد هنا معنا جاب العربية وشغلها معه تمام وبيضرب بيها المثل . . بالنسبة لعربية كور ى 100%

[kemo0o]

نيسان تيدا

[SAMEH_FOUAD]

انا كنت ناوى اشترى السيراتو الهاى لاين خاصة انها سواء من ناحية الماتور او الشكل او الكماليات وجدت قبول من معظم المهتمين ولننى تردد فى الحظة الاخية بسبب سوء خامات الطبلوة والابواب انا هدفع 126000 وركب عربية خامات طبلوة وابواب سيئة ومع البحث وجت ان سعر التويوتا mmt فئة 130000 والفئة الهاى لين 147000 وخاماتها فوق الوصف بل تزيد كماليات عن السيراتو وطبعا فرق اليابانى من الكورى قررت شراء الكورولا وبعد موصلت لسعر 145000 فى الهاى لاين قررت شراء التويوتا ودفعت 1000 وحجزت الون الابيض وهستلم ان شاء اللة اخر الاسبوع

اخيرا لقيت حد مقتنع ان السيراتو خاماتها فقيرة جدا ,وياسلام بقى لو حضرتك كمان فتحت درج التابلوة

التويوتا اكيد بس هاتها اتوماتيك

[GasDealer]

الموضوع بسيط ...... لو بتحب المغامرة اشتر نيو سيراتو يمكن تبقى كويسة جدا و تبقى وفرت فرق السعر و ممكن تتطلع سيئة و تبقى ضيعت فلوسك.... او تبقى فى السليم و تشترى التويوتا المضمونة بنسبة اكبر

[mohaismail]

نيو سيراتو طبعا

[abo samra]

الكورولا بالنسبالى افضل اختيار على الاطلاق بالنسبه بسعرها
السيراتو كويسه بس اللى ب 116 الف انما لو هدخل فى رينج 125 فيما فوق يبقى نستبعد السيراتو تماما من المقارنه
خصوصا انى لاحظت ان السيراتو المنتشره اللى ب 116 الف او اقل والهاى لاين مش بشوف منها غير عدد محدود جدا جدا
تحياتى

[M.ABDEEN]

هم لسه لاحقوا يسلموهم علشان تنتشر ؟؟؟؟وبعدين السيراتو تستبعد ليه ؟؟؟وبعدين يعني تقفيل الكورولا هو اللي عدل اوي كلها مشاكل خاصة في الفيتيس واهم هايرجعوا تاني الفتيس الاتوماتيك العادي وكمان في كلام ان الكورولا بعد كده هتكون تقفيل تايلندي .....انا مش متحيز بس مستغرب ان الناس بتقول دي السيراتو زبالة ...انت راميت فلوسك ...دي كوري ....دي مقلب ...دي متنافس اصلا ....كل الهجوم ده ليه امال لو اتجمعت في مصر ولا حتى في السودان هتعملوا ايه ...التويوتا محترمة ومحدش قال حاجة بس ما يمنعش ان حتى الكيا تنافسها وبلاش فقر خامات وبلاستيك وصاج ورق كل الجديد كده

[abo samra]

هم لسه لاحقوا يسلموهم علشان تنتشر ؟؟؟؟وبعدين السيراتو تستبعد ليه ؟؟؟وبعدين يعني تقفيل الكورولا هو اللي عدل اوي كلها مشاكل خاصة في الفيتيس واهم هايرجعوا تاني الفتيس الاتوماتيك العادي وكمان في كلام ان الكورولا بعد كده هتكون تقفيل تايلندي .....انا مش متحيز بس مستغرب ان الناس بتقول دي السيراتو زبالة ...انت راميت فلوسك ...دي كوري ....دي مقلب ...دي متنافس اصلا ....كل الهجوم ده ليه امال لو اتجمعت في مصر ولا حتى في السودان هتعملوا ايه ...التويوتا محترمة ومحدش قال حاجة بس ما يمنعش ان حتى الكيا تنافسها وبلاش فقر خامات وبلاستيك وصاج ورق كل الجديد كده

انا قولت راىء شخصى مش عارف انت متعصب كدا ليه!!!!!!!!!!
انت متاكد انك ركبت الكورولا قبل كدا انا واثق انه لا
لان ابسط حاجه ان تقفيل الكورولا افضل من السيراتو ب 10 مرات على الاقل
الفتيس ما فيهوش اى مشاكل والعربيه معايا 30 الف كيلو وبشد وبحول على المانيوال وعلى الوضع الرياضى وبعدى بيها 200 كثير والفتيس زى الفل ولا عمره قال لا
ما حدش قال خالص انها هتنزل تايلندى زى ما هى جنوب افريقى
بالنسبه لفقر الخامات ده شىء اكيد اركب الاثنين وقول رايك وبلاش تحيز
بس فعلا فعلا محدش بيشترى السيراتو ويسيب الكورولا ابدا
ده اعلى فئه فى السيراتو ب 126 الف واقل فئه فى الكورولا 2010 اوتوماتيك ب 145 الف
تحياتى

[faroukahafeez]

بس يا باشا انا عندى الكورولا الجنوب أفريقى وما شاء الله العربية ممتازة فى كل حاجة

وعلى فكرة تقفيل الجنوب افريقى ممتاز ولا يقل على اليايانى وأسال ملاك العربية محدش طلع عيب فيه على الاطلاق

[DigitalMR1]

يا جماعة انتم بتتخنئوا لية ده الموضوع كويس

الكورولا لها عيوبها والسيراتو لها عيوبها ودية ليها مميزات ودية ليه مميزات ... مفيش حاجة كاملة على حالها *

بس انا لو أشتريت نيو سيراتو هتبقى هاى لاين 10 على10 مش ناقصة حاجة *

بالنسبة لسعرها هذا بها مميزات كتــير اكثر من الكورولا *

[elshaba7ana]

طبعا التويوتا الجنو افريقي لو ببلاش متجبهاش عشان مشكلة الفتيس _بينتش وبيعلق _
لكن لو المقارنة بين التويوتا الخليجي والسيراتو يبقى نتا بتهزر!!!
التويوتا طبعا منغير كلام الا في حالة واحدة بس
ان الفلوس هتفرق معاك اوي
لكن السيراتو ممتازة بس مش زي التويوتا طبعا