جيب شيروكى

[Jokar]

الاخوة الاعزاء السلام عليكم
بصراحة انا هاموت واشترى عربية جيب شيروكى وخاصة من بعد هبوط اسعارها والناس كلها بتخوفنى منها وبتقولى ان قطع غيارها غالية وضريبتها عالية ومش مريحة وان محتار جدا وشايف انها عربية محترمة اوى اوى
عاوز حد يفدنى بالفرق بين ال 4 وال6 سلندر من حيث السعر وقطع الغيار وكفاءة السيارة والضريبة
لان طريق سفرى طويل ومكسر ويطلع عين اى عربية ؟
ارجو الافادة وشكرا

[M.FOUAD]

هو انت بتسال على الشكل القديم 94 و95 ولا على الزيرو

[Jokar]

على الشكل القديم

[rms1986]

هات تيجو 1600 سي سي

اكبر كن الشيروكي من جوه وزيرو

[Jokar]

ابعد عن الصينى

[M!NA]

عن تجربة شخصية...

العربية محترمة جدا جدا...

لو بتسافر كتير... و بتمشي في طرق مكسرة.... تبقا هي ديه أنسب حاجة

ال4 سلندر موفرة في البنزين عن ال6 ... بس ماتدخلش صحرا... ( و الصحرا اللي بتكلم عليها مقصود بيها غرود رملية و رملة ناعمة و كدا)

لكن كعربية أسفلت و مدقات و طرق غير ممهدة... تحفة


من ناحية تانية... ال4 سلندر قطع غيارها أغلى من ال6
بس في النهاية قطع غيار الشيروكي رخيصة جدا لو قارنتها بأي عربية تانية...

[Jokar]

شكرا مينا

[Sameh]

ويا أستاذ مينا إيه أخبار التكييف والسخونة ؟ ومصاريف الترخيص السنوى بالنسبة للشكل اللى قبل الليبرتى وبالنسبة لليبرتى بعد إذنك لو تعرف
وهو الشكل القديم ده أخره موديل سنة كام وبعد كدة قلب ليبرتى ؟
معلش أسئلة كتيرة بس هى العربية مغرية جداً أصلها :)

[M!NA]

ويا أستاذ مينا إيه أخبار التكييف والسخونة ؟ ومصاريف الترخيص السنوى بالنسبة للشكل اللى قبل الليبرتى وبالنسبة لليبرتى بعد إذنك لو تعرف
وهو الشكل القديم ده أخره موديل سنة كام وبعد كدة قلب ليبرتى ؟
معلش أسئلة كتيرة بس هى العربية مغرية جداً أصلها :)

التكييف تحفة... و مش بيأثر على السخونة - دا طبعا لو انتا مظبط دورة التبريد عندك و صيانتك الدورية في المواعيد و كله تمام...

الترخيص السنوي ب1104 جنيه في السنة
الشكل القديم آخره سنة 2001 و فيه عدد قليل من الموديل 2001 رخصت 2002

[Sameh]

على كدة الليبرتى ممكن تكون أكثر إغراءاً عشان هتبقا موديلات أحدث ، بس مصاريف ترخيصها برضه فى حدود الألف ولا بنتكلم على أبو 6 الاف ؟

[M!NA]

على كدة الليبرتى ممكن تكون أكثر إغراءاً عشان هتبقا موديلات أحدث ، بس مصاريف ترخيصها برضه فى حدود الألف ولا بنتكلم على أبو 6 الاف ؟

الشيروكي الxj تعتبر آخر العربيات المحترمة... أي حاجة بعدها عك x عك و أي هبل و خلاص...

الليبرتي و الشيروكي الشكل الجديد شكل و خلاص... لكن كآداء في الصحرا... مع الأسف مش أد كدا...

آخر عربيات حلوة كانت الشكل بتاع 1998 - 2001

و طبعا الليبرتي ترخيصها كذا ألف عشان موديل جديد (ممكن 3-4-5 آلاف) حسب السنة...

[Jokar]

شكرا لكم جميعا

[Eslam.Elrefaey]

الشيروكي الxj تعتبر آخر العربيات المحترمة... أي حاجة بعدها عك x عك و أي هبل و خلاص...

الليبرتي و الشيروكي الشكل الجديد شكل و خلاص... لكن كآداء في الصحرا... مع الأسف مش أد كدا...

آخر عربيات حلوة كانت الشكل بتاع 1998 - 2001

و طبعا الليبرتي ترخيصها كذا ألف عشان موديل جديد (ممكن 3-4-5 آلاف) حسب السنة...

معلش بس مين الى قال لحضرتك إن الليبرتى شكل وخلاص حرام عليك....حرام عليك طب جربتها حتى دى عربية محترمة جدا وكانت مع عمى بس عربية سعر إعادة البيع بتعتها رخيص غير كده عربية 100%100 وكمان لو ممكن تقول مش عجباك ليه وتكون مناقشة

[M!NA]

معلش بس مين الى قال لحضرتك إن الليبرتى شكل وخلاص حرام عليك....حرام عليك طب جربتها حتى دى عربية محترمة جدا وكانت مع عمى بس عربية سعر إعادة البيع بتعتها رخيص غير كده عربية 100%100 وكمان لو ممكن تقول مش عجباك ليه وتكون مناقشة

هسألك سؤال عن الليبرتي...

جربت تدخل بيها صحرا و تطلع بيها غرود رملية عالية؟ أو حتى منخفضة (ارتفاعات 5-6 متر) ؟