جيتا 2009 ولا نيو سيراتو

[moody78]

يا جماعة يريت تردوا عليا بسرعة ، أنا محتا بين جيتا 2006 الفئة الأولى و كيا نيو سيراتو 2009 ياريت تفيدوني مع العلم أن الجيتا المستعملة الي معروضة عليا في حدود 115000 و تقريبا الكيا الهي لاين قريبة منها في السعر

[islamaboelnaga]

انت بتهزر صح ؟؟

[Corolla2010]

انت بتهزر صح ؟؟

+1111111111

[M.Osman]

بيهزر ازاي يعني؟
هو طالب مقارنة بين موبايلين ولا أية ؟
و بعدين دا واحدة منهم مستعملة و موديل 2006 !!

[ConDoR]

الزيرو زيرو مهما كان لان مش ممكن تعرف اللي قبلك كان بيعامل العربيه ازاي وعمل فيها ايه وخصوصا دي جيتا يعني اقل مشكله فيها حتزعلك جامد اوي اتوكل على الله واشتري الزيرو واستمتع بانك تكون اول واحد يسوق العربيه وبالتوفيق

[GasDealer]

:))) الجيتا عملا كام كيلو؟

[Eng.Sameh]

جيتا ايه يا راجل ..... أكيد طبعا النيو سيراتو احسن ، وبعدين النيو سيراتو تتقارن بالباسات مش بالجيتا

( سامحني يا رب )

[Samah AbdAllah]

الزيرو افضل من المستعمل

والنيو سيراتو هاى لاين ومحتار؟؟؟؟؟؟؟؟؟

طبعا نيو سيراتو

[ashouhdy]

سؤال غريب !!

[ashouhdy]

جيتا ايه يا راجل ..... أكيد طبعا النيو سيراتو احسن ، وبعدين النيو سيراتو تتقارن بالباسات مش بالجيتا

( سامحني يا رب )

[ashouhdy]

اية يا جدعان انت عايزين تقنعوا الراجل ان
السيراتو انضف من الجيتااااااااااا

!!!!!!!!!!!!!!!!!!!!!!!!!!!!!!!!!!!!!!!!!!!!!!!!

[bassam nagy]

الجيتا طبعا احسن من مليون كورى

[Corolla2010]

يا جدعان كورى ايه الى يتقارن بالجيتا
واضح انه نظر الشعب المصرى بقى ضعيف جداا
النهارده كنت معدى جمب توكيل عربيات واقف السيراتو جمب كورولا فرق شاسع جداا بين الاتنين والله حسيت انه السيراتو دى عامله زى التوكتوك جمب الكورولا مع احترامى لكل العربيات بس هى دى الحقيقه و الكورولا فيها مشاكل اكييد ومش احسن حاجه يعنى عايزين لما نقارن حاجه نقارن حاجات قريبه من بعض مش فى الفرق ده
انا كنت مقتنع بالسيراتو جداا اول ما نزلت بس بعد ما شفتها على الحقيقه العربيه سيئه جداا خامات اى كلام و واضح انها خفيفه اوى وحرام يتدفع فيها المبلغ ده

[ashouhdy]

بالضبط كدة عشان منظلمش السيراتو يبقى تتقارن بنفس فئتها
لكن جيتا
دة كفاية ثبات الجيتا ع الطريق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!

[Ahmed Selim]

وحرام يتدفع فيها المبلغ ده

و مش حرام يتدفع مبالغ أعلى فى عربيات زيها و يمكن كمالياتها أقل ( بدون توضيح )

و كلامى مش على الجيتا خالص..........أنا أصلاً داخل أقول لصاحب الموضوع أنه يكشف على الجيتا و لو طلعت مفيهاش مشاكل يتوكل على الله.