كورولا و سيفيك و اوكتافيا

[Corolla2010]

بعد ما اسعار التلات عربيات قربت من بعض
الكورولا الاوتوماتك ب 150 تسليم فورى باسيك والادفانسيد 165
السيفيك 150 الباسيك
الاوكتافيا a5 ب 155 الباسيك
رينج السعر قريب طبعا مع اختلاف الكماليات و الشكل والجوده والاعتماديه
عايزين نتكلم عن أفضل التلات سيارات من كل ناحيه بدون حياديه للقادمين على الشراء

[Samah AbdAllah]

افضل الاوكتافيا

والافضل والافضل فيكترا

[Hondawy_2008]

سيفيك طبعا تكسب في كل شىء عدا الكماليات اللي بيضحكوا بيها على الناس

[NaviGator_13]

سيفيك طبعا مش محتاجة كلام

[Anxs111]

يا ريت اللي عندو تفضيل يقول الأسباب لأن هي دي اللي ممكن تفيد مش الثقة في الإجابة بماركة معينة .

[Hosam_Optrawy]

سيفيك وكورولا

[M.ABDEEN]

سيفيييييييييك طبعا

[Fadi Ezzat]

سيفيك واوكتافيا انا هشيل الكورولا من المقارنة خالص

[Eng.Sameh]

سيفيك .. أشيك وأقوي في العزم والأحصنة .. يعيبها الأرتفاع أو بمعنى أصح طول قاعدة العجلات وقلة الكماليات ، وهي أكثر شبابية من الأوكتافيا

أوكتافيا .. وقورة وكبراتي شوية .. اعادة بيعها جيدة .. متينة .. حمولة .. والأتنين عفشتهم ناشفة

الكورولا .. شخصيا مبحبهاش ولكن ذلك لا يقلل من قيمتها .. ولكن عندما تدخل في المقارنة مع أوكتافيا وسيفيك .. فلن تصمد وليست افضل من تلك او ذاك

وشخصيا .. من بين الأختيارات ... رأيي سيفيك

[Anxs111]

يعني هل أنا لو عايز اشتري عربيه وبسأل الناس هل هشتري عشان واحد قال "الماركة " طبعاً .
طبعاً دي مصدرها إيه بالظبط ولا دي إثبات للي كتبها إن هو الوحيد إللي بيفهم ولمفروض كل الناس تمشي وراه مدام قال كلمة السر طبعاً .
طب والناس إللتي اشترت حاجات غير طبعاً دول نعتبرهم إيه واللي قال طبعاً بيعتبرهم إيه .
لم الراجل اللي كاتب الموضوع قال عايزين نتكلم عن أفضل التلات سيارات من كل ناحيه بدون حياديه للقادمين على الشراء واحد يقول طبعاً يبقى كدة خلاص .
لو مكسل تكتب حاجة مفيدة ممكن تشارك في التصويت أعلي الصفحة لأن "طبعاً " لا تزيد معلومة أكتر من التصويت .
شكراً للأخ justs عشان شرح رأيه بموضوعيه من غير طبعا

[Eslam.Elrefaey]

الأوكتافيا أحسن

[mando_yaris]

بوس انا ماءدرش انكر انالوكتفيا هلوا ولا اقدر الءول ان السفك وهشا ولا ادضر اقول نا التيوتا برا المنفسا انا في راءي ان كول هاجا ليها موميزتها
الول التيوتا :
سعرين انا شايف انها ارخص من السفك لان السفك هي لين ب185 الف
و كمان كملياتها وليا عن التيوتا شويا
السفك انا بتعجبني لانها شبابيا اكتر من التنان
التيوتا اقتصديا في البنزين و الكل شهد بكدا
الوكتفيا انا بشوفها بتاعت برستيج اكتر
فا لو شب عايز عربيا و ماعا فلوي يبا سفك
لو شب او راجل كبي يهمو الراها ول رفاهيا و وفرت البنزين يبءا التيوتا
لو رجل كبير يهمو البرستسج اكتر و يكون شكل العربيا فخم تبءا الوكتفيا
و شكران
ده راي الشخصي

[Eng.Sameh]

بوس انا ماءدرش انكر انالوكتفيا هلوا ولا اقدر الءول ان السفك وهشا ولا ادضر اقول نا التيوتا برا المنفسا انا في راءي ان كول هاجا ليها موميزتها
الول التيوتا :
سعرين انا شايف انها ارخص من السفك لان السفك هي لين ب185 الف
و كمان كملياتها وليا عن التيوتا شويا
السفك انا بتعجبني لانها شبابيا اكتر من التنان
التيوتا اقتصديا في البنزين و الكل شهد بكدا
الوكتفيا انا بشوفها بتاعت برستيج اكتر
فا لو شب عايز عربيا و ماعا فلوي يبا سفك
لو شب او راجل كبي يهمو الراها ول رفاهيا و وفرت البنزين يبءا التيوتا
لو رجل كبير يهمو البرستسج اكتر و يكون شكل العربيا فخم تبءا الوكتفيا
و شكران
ده راي الشخصي

يا باشا انت عندك لدغة في الحروف .. ولا الكيبورد بتاعتك بايظه ..

مش عارف اجمع جملة على بعضها !!!!!!!!!!!!!!!!!

[ahmed_mabrook]

السلام عليكم
طبعا الهوندا كويسة جدا بس فيها عيوب اولا قطع غيار غالية جدا يعنى مثلا فانوس الامامى بى 1800 جنية وتوكيل غالى غير انها ناقصة كماليات كتير و تقريبا اقصى طول يقعد ورا حوالى 185 سم وشنطة العربية 380 لتر بس طبعا هى عربية جميلة جدا من ناحية المحرك بتاعها .
الكورولا بصراحة معنديش معلومات بيها كتير بس عماة تيوتا عربية اعتمادية بدرجة كبيرة بس النسخة الاخيرة منها اتصنع فى جنوب افريقيا ففى عيوب فى الفتيس وده مش عيب ادام اعترفوا بية بس اهم حاجة يكونوا عالجو العيب.
الاكتافيا وخصوصا الفانتزيا عربية ماشاء الله عليها اولا برستيج وقطع الغيار مش غالية
الشبكة امامية 700 جنية
فانوس امامى 1200 جنية
كبوت 1300 جنية
اكصدام 1100 جنية
رفرف 450 جنية
الشنطة بتاعتها واسعه جدا 560 لتر , عفشتها احسن بكتير قدام مكفرسون (اغلبية العربيات قدام مكفرسون) ورا متعدد الاذرع مع بار مانع انقلاب السيارة وطبعا الكماليات بتاعتها ممكن ترجعوا لقسم اسكودا تعرفوا الكماليات ده غيرالسوق بتاعها عيبها المحرك بتاعها 102حصان فالتسارع بتاعها من 0 الى 100 كم /الساعة 14 ثانية ابطىء من السيفك بحوالى 2 ثانية ممكن يفرق مع ناس وناس لا.
علشان كده اخترت اوكتافيا

[ahmed_mabrook]

على فكرة اوكتافيا 2010 زودو فيها بعد الكماليات
طارة مالتى فنكشن
طارة وفتيس جلد طبيعى
الكاست بقى العريض الى كان بينزل فى الجانس