سيارة نوبل الجديدة

[monooo]

[grade="00008B FF6347 008000 4B0082"]
عاوزة معلومات عن سيارة نوبل الجديدة ومواصفاتها وعيوبها ومميزاتها كل شىء عنها لو حد يعرف ياريت يفيدنى وشكرا لكم
[/grade]

[monooo]

عذرا النص اختفى ولكن سؤالى لو حد يعرف معلومات عنها مواصفاتها مميزاتها عيوبها كل شىء عنها وشكرا لكم

[Eslam.Elrefaey]

هيا دى عربية؟؟؟

[Hosam_Optrawy]

اه دى اللى كان معمول عليها اعلانات كتير ودعايه السنه اللى فاتت ( الكتكوته )

سياره سيئه ومباعتش خالص

الأفضل انك تجيب بتمنها هيونداى أتوس ( 50 الف ) او شيفروليه سبارك ( 52 الف )

[monooo]

شكرا للمشاركة

[M.ABDEEN]

النوبل صيني بموتور وفتيس من سوزوكي اليابانية وموتور 1100 سي سي و 65 حصان تعتبر عربية ب 2 كرسي لان الكنبة وراء صغيرة جدا ومافيش شنطة خالص وفي منها سقف عادي ب 50 الف وسقف بانوراما ب 55 الف وجنوط سبور 15 وفرش داخلي جميل جدا والوانها الخارجية جميلة برده بس عربية بناتي وصغيرة

[alarabiya11]

انا شفتها بتجرى وبتاخد غرز وبتشد والله

[SAMEH_FOUAD]

هية دية سيارة اصلا بجد انا ركبتها

اسوء تقفيل ممكن تشوفة فى حياتك ,اسوء خامات موجودة فى سيارة ,اضيق عربية ركبتها فى حياتى , انا ورا معرفتش حتى ادخل رجلى معرفش لزمة الكنبة الخلفية اية ,سيارة ورق بمعنى كلمة ورق
من نظرى ليس لها علاقة بالسيارات اصلا بجد حرام اللى بيدفع فيها حتى 10000 الاف جنية

[د.محمود صلاح]

شبيهة السمارت ..

[Moh.Abdelbaset]

أنا أول مرة أسمع عن نوبل صيني
و استغربت لما شفت عنوان الموضوع لأن فيه سيارة اسمها نوبل أوروبية .. من أسرع سيارات العالم
و استغربت أن أحداً يسأل عنها في المنتدى

[nab!l]

انا ولا اعرفها
ممكن صوره

[Mustafa_Farouk]

السلام عليكم،

بجد أنا بتعجبني العربية دي جداً في شكلها ، دي مناسبة لشوارع مصر، بس مش بالسعر دة خالص