اليارس و اللوجان حد يفدني في المقارنة ده

[kojyad]

اولا ياجماعة انا مش بقول ان الياريس احسن من اللوجان خااااالص و ده لاني مش خبير او بفهم في العربيات للدرجة اللي تخليني اقارن عربيتين زي دول واقول مين احسن لكن ارجو ان حد يفهمني الارقام دي و يقولي معناها اييييييه :

اقصي قدرة
الياريس : 84 حصان عند 6000 لفة
اللوجان : 87 حصان عند 5500 لفة
وزن السيارة
الياريس : 1035 إلي 1055 كجم
اللوجان : 980 كجم
عرض السيارة
الياريس : 1695 ملم
اللوجان : 1735 ملم
طول السيارة
الياريس : 3825 ملم
اللوجان : 4250 ملم
الارتفاع الكلي
الياريس : 1530 ملم
اللوجان : 1525 ملم
قاعدة العجلات
الياريس : 2460 ملم
اللوجان : 2630 ملم
الارتفاع عن الارض ( الخلوص )
الياريس : 140 ملم
اللوجان : 155 ملم
سعة الشنطة الخلفية
الياريس : 388 لتر
اللوجان : 510 لتر

1- انا كده شايف ان اللوجان بتولد قوة اكبر عند عدد لفات اقل و وزنها اخف من الياريس يبقي علي قد فهمي البسيط ده معناه ان سحبها افضل
2- عرض و طول السيارة اكبر من الياريس و ده بردو علي قد فهمي اللي قلت انه بسيط بيدي وسع اكبر للصالون
3-الارتفاع الكلي تقريبا متساوي و ده معناه ان اللوجان مش عالية اوي زي ماناس قالت و ان العلو ده بيخلي العربية مش ثابته اعتقد كده ان ارتفاع العربية طبيعي و مفيش فيه مشكلة
4- قاعدة العجلات للوجان اكبر و ده معناة ثبات اكتر للوجان
5- الخلوص عن الارض للوجان اعلي و ده معناه تفادي مطبات مصر العظيمة بصورة افضل من الياريس
6- سعة الشنطة لاتقارن طبعا
اخيراً و الله العظيم انا مش بقول ان واحدة احسن من التانية لاي مصلحة بس انا عايز اشتري و قريت المعلومات دي و عايز اخد رايكم ايه معني الكلام ده و هل اللي انا فهمته و كتبتة ده صح ,,,,
* مصدر المعلومات ( موقع شركة رينو , موقع شركة تويوتا , منتدي رينو و منتدي تويتا هنا البيانات اللي كاتبها العضو شاركي عن بيانات كل سيارة )

[Samir Elshahawy]

شكرا علي المقارنة و مجهود أحييك عليه و لكن أسمح لي بتوضيح بعض النقاط :

انا كده شايف ان اللوجان بتولد قوة اكبر عند عدد لفات اقل و وزنها اخف من الياريس يبقي علي قد فهمي البسيط ده معناه ان سحبها افضل

مش شرط لأن هناك أيضا عوامل أخري تدخل في الحسبان مثل نوع التكنولوجيا المستخدمة في توليد هذه القدرة و نقلها من المحرك الي العجلات

عرض و طول السيارة اكبر من الياريس و ده بردو علي قد فهمي اللي قلت انه بسيط بيدي وسع اكبر للصالون

من الممكن أن الطول و العرض الاكبر هذا لم يستغل لحساب الصالون و تم أهدار قدر منه علي حيز الموتور و الشنطة المهم هو ابعاد الصالون من الداخل في هذه المقارنة

الارتفاع الكلي تقريبا متساوي و ده معناه ان اللوجان مش عالية اوي زي ماناس قالت و ان العلو ده بيخلي العربية مش ثابته اعتقد كده ان ارتفاع العربية طبيعي و مفيش فيه مشكلة

برضه الثبات لايقاس بالوزن أو بالارتفاع عن الارض فقط , هناك عوامل أخري يتحدد عليها مدي الثبات مثل نظام التعليق و المسافة بين قاعدة العجلات و مكان مركز الثقل و مسافته عن محور الدوران

قاعدة العجلات للوجان اكبر و ده معناة ثبات اكتر للوجان

نفس الكلام , الثبات لايتم الحكم عليه من عامل واحد و لكن من عدة عوامل معا

الخلوص عن الارض للوجان اعلي و ده معناه تفادي مطبات مصر العظيمة بصورة افضل من الياريس

الفرق 15 مم يعني 1 و نص سنتيمتر , مش كبير أوي للدرجة يعني لو حاجة علي الارض عالية و هاتحك الياريس يوجد أحتمال أنها تحك اللوجان , حسب حالة التحميل و مرونة المساعدين لكلا العربيتين

سعة الشنطة لاتقارن طبعا

مش هانختلف و لكن اكيد علي حساب الصالون

هذا بالطبع لايمنع من أن كلا السيارتين لشركتين كبيرتين و هما تويوتا و رينو , و المقارنة لايمكن أن تقلل من أحداهما و لكن المستفيد هو المشتري الذي سيبني قراره علي وفق أحتياجاته و متطلباته التي ستحققها أحدي السيارتين له

[kojyad]

الف شكر ياباشا بجد على سرعة ردك , كلام جميل وكلام معقول مقدرش اقول حاجة عنه
بس ياريت بقى اصحاب السيارات الى فاهمين الميكانيزم للكلام ده يردو عليا
عشان لو فرق السعر ده مستاهل انا بجد هجيب اليارس , لكن لو مش مستاهل اوي , وطلعت اللوجان بنفس كفاءة اليارس , يبقى اكيد انا أولى بالعشرين الف الزيادة ,
وبعدين انا في حاجة عايز حد يفدني فيها ,,,,, هل موضوع انها كامة واحدة ده بيفرق في سحب الموتور ؟

[Samir Elshahawy]

أقولك علي حاجة .... روح شوف العربيتين و أقعد جواهم و شوف أنت مرتاح في أنهوا عربية أكتر من ناحية :
- الراحة في القاعدة جواها
- الرؤية

كمان ممكن تاجر لوجان (لو فيه منها ايجار) و تركبها يوم و تسوقها و تأجر ياريس و تقارن في النهاية بينهم علي أساس من التجربة العملية مش بس كلام نظري

و ربنا يوفقك الي الاختيار الصحيح

[Ahmed Selim]

كلم 16202 و أحجز تست درايف للوجان

[alisleman]

فى حاجة حضرتك مش عامل حسبها
مثلا زى قطع الغيار فى تويوتا هتلاقيها ارخص من رينو وكمان متوفرة عن رينو
واعادة البيع الشعب المصرى بيعشق حاجة اسمها تويوتا
على فكرة انا مش متحيز لليارس ولا علشان هى عربيتى ولا حاجة انتا مختار نوعين عربيتن ليهم اسمهم
بس انتا لازم تبص على كل حاجة فى العربيه قبل متشتريها
ولازم تعمل تست درايف على الاتنين علشان تشوف انتا مرتاح لاى واحدة فيهم واتمنالك التوفيق

[Ahmed Hassan]

على فكره.... 1.5 سم فرق كبير جدابين خلوص(ارتفاع) عربيتين. اللي مش فاهمه ازاي الياريس اللي معروف عنها انها عاليه عن الارض تكون 14 سم؟!! متأكدين من الرقم ده!

[kojyad]

ايوه ياباشا انا متأكد من الرقم ده انا كاتب المصادر في العنوان الي فوق

[HRH_Sameh]

معلومات الياريس جزء كبير منها مش مظبوط
جايز دي بتاع الهاتشباك

[M.Mekawy]

الارتفاع عن الارض ( الخلوص )
الياريس : 140 ملم
اللوجان : 155 ملم

ارتفاع الياريس عن الارض بالمناسبة 149 مم

[kojyad]

ياجماعة احنا عملنا زي الي ملئاش في الورد عيب قال ده احمر الخدين
انا مش عايز اسيب اساس الموضوع وامسك في 2 او 3 سم فرق ارتفاع
انا اساس موضوعي ده اني اعرف هل كدة معناه ان اللوجان بنفس كفائة اليارس اوتقريبا افضل, وخصوصا في السحب والشد
لأن ده الى بتقوله الارقام ,
من الاخر انا معجب باليارس جدا جدا واللوجان جدا بس كنت خايف من كفائة الموتور بتاعها , لكن لو اتضح انها بنفس كفاءة اليارس تقريبا يبقى هتكل على الله واجيب اللوجان لأني بصراحة كدة مش شايف اي لازمة لل25000 الزيادة وانا اولى بيهم .
ياريت بجد محدش يبخل عليا بالنصيحة لأني بجد محتاااار وشكرا لكل الاصحاب الي ردو عليا

[tofy_urban]

بابني اسمع كلامي و توكل علي الله و نجيب انا وانت اللوجان انت و إياد ابقي بال 25 الفرق دول

[Eslam.Elrefaey]

مهما قولت مهما عدت اليارس أحسن من اللوجان

[mahamedaraby]

من راى ان الياريس افضل من جميع النواحى انا لا معايا دى ولا معايا دى

الياريس يابانى صنع وتقفيل ودى بالنسبه ليا كفايه مش تقليل من رينو لكن تقليل من تقفيلها فى المغرب

الياريس الموتور بتاعها احدث من اللوجان بمراحل

الياريس موفره فى البنزين عن اللوجان

الشكل طبعا للياريس ودى ازواق

العزل بردوا للياريس

من راى الياريس احسن فى كل حاجه

[Ahmed Hassan]

ياجماعة احنا عملنا زي الي ملئاش في الورد عيب قال ده احمر الخدين
انا مش عايز اسيب اساس الموضوع وامسك في 2 او 3 سم فرق ارتفاع
انا اساس موضوعي ده اني اعرف هل كدة معناه ان اللوجان بنفس كفائة اليارس اوتقريبا افضل, وخصوصا في السحب والشد
لأن ده الى بتقوله الارقام ,
من الاخر انا معجب باليارس جدا جدا واللوجان جدا بس كنت خايف من كفائة الموتور بتاعها , لكن لو اتضح انها بنفس كفاءة اليارس تقريبا يبقى هتكل على الله واجيب اللوجان لأني بصراحة كدة مش شايف اي لازمة لل25000 الزيادة وانا اولى بيهم .
ياريت بجد محدش يبخل عليا بالنصيحة لأني بجد محتاااار وشكرا لكل الاصحاب الي ردو عليا

حضرتك بتقارن بين عربيتين على اساس معطيات معينه... لو المعطيات دي غلط هتتطلع في الاخر نتيجه المقارنه غلط. هوه ده المقصود