مقارنة بين الكليو والافيو

[أبو عبدالله]

بس عذرا ,هو لازم يغير الحاجات الشغالة كلها... جبريا يعني? وهل كان مأمن علي العربية?

لو هتصلح في التوكيل لازم يغيروا الكلام ده
ده نظام تصليحهم

مع إحترامي لرأي حضرتك و بناء علي تجربة شخصية الكليو عربية كويسة جدا والرينو ماركة شهيرة

ولكن بالنسبة لتكلفة الصيانة بتبقى عاليه جدا عن باقي العربيات انا تقريبا قريبي ده صرف تمن العربيه تكاليف صيانة في التوكيل وبدون مبالغه

المشكلة ان العربيات دي بتبقى متنفعشي تتصلح في اي حته والتوكيل محتكر الموضوع واسعار قطع غيارهم بالنسبة لعمرها الأفتراضي كبيره جدا وبالنسبة لفئة السيارة

واكيد انت شايف ده بين الكورولا والكليو
دي بتصرف كام ودي بتصرف كام

في سياسة توكيلات يبيع العربيه رخيصه ويحصل تمنها من الصيانة وقطع الغيار وده شئ ملاحظ جدا غير عربيات الناس بتقول سعرها مبالغ فيها ولكن مش متحتاج تشوف التوكيل يوما ما ولو حصل فيها حاجه اي صنايعي هيظبطها وهتخلص

ويجعله عامر

[Sharky]

واحد قريبي طلع فوق الرصيف ومحلصشي حاجه كبيره يعني والأير باجز فتحت راح

دا طبيعى كل العربيات اللى فيها إيرباج بتفتح لما الخبطة تكون تحت فى الإكصدام

21 الف جنيه مصري

نظام الأير باجز بس لوحده 8 الاف جنيه

دى الأسعار الطبيعية للعربيات اللى فيها الـAirbags انا لما سألت فى الياريس تكلفة تصليح الإيرباج فى العربية كام قالولى لن تقل عن 15.000 الاف جنيه

ولكن هما عاوزين يغييروا كل حاجه حتى الكمبروسور بتاع التكييف مع انه شغال وبيسقع والطبلية بتاعت العربيه اللي خلف الأكصدام مع انها سليمه والرادياتير مع انه مش بينقط والرادياتير

أبو عبدالله باشا أكيد الحاجات دى فيها مشكلة و إنتوا مش واخدين بالكم و لازم تتغير لإن توكيل رينو من التوكيلات المحترمة جدا فى مصر بإعتراف ملاك رينو

انا تقريبا قريبي ده صرف تمن العربيه تكاليف صيانة في التوكيل وبدون مبالغه

طب هو متمسك بالعربية ليه لحد دلوقتى ؟

والرادياتير لوحده مش عارف بحوالي 2000

دا سعر طبيعى جدا و مش غالى يعنى فى الياريس مثلا بـ 2100.00 جم

مع إحترامي لرأي حضرتك و بناء علي تجربة شخصية الكليو عربية كويسة جدا والرينو ماركة شهيرة

+1

[yahyanaabil]

حضرتك شركه استرازينيكا (بتاعه ادويه) جابت للمندوبين 7 عربيات كليو وطبعا عملت تأمين عليهم
العربيه مشكلتها لما بيحصل حاجه التامين مش بيعرف يصلحها غير فى التوكيل وطبعا الكلام ده بيعطل شغل ناس كتير
العربيه الكليو مع ابن عمتى قالى انها كويسه جدا و مريحه بس مشكلتها مفيش حد بيتغل فيها بره التوكيل وكمان مش منتشره اوى

[Ahmed Anwer]

مع إحترامي لرأي حضرتك و بناء علي تجربة شخصية الكليو عربية كويسة جدا والرينو ماركة شهيرة

أنا عارف إن الكليو عربيةكويسة و شيك جدا عشان كانت مع واحد قريبي و كان بيشكر فيها جدا و مقاليش حاجة علي مصاريفها لأن كان بيقولي مبعملش حاجة غير الصيانة الدورية
بس أعتقد برده العربيات المنتشرة افضل ، كصيانة و قطع غيار و إعادة بيع
و الأفيو صالونها أشيك بكتيررر، تابلوها جامد تحس إنها مازدا 3

[Chicco]

القاعدة الأساسية هي الكمال لله وحده. كل حاجة فيها مميزات و عيوب. لو اتفقنا علي النقطة البديهية دي يبقي السؤال إزاي نستفيد من المميزات ونتجنب العيوب. نيجي للكليو:
- عربية فرنساوي تقفيل تركي = عربية محترمة و إستفدت فرق 50 ألف عن الموديل الفرنساوي (طبعا الموديل الفرنساوي مختلف ومواصفاته أعلى )
- توكيل من أحسن التوكيلات في بلدنا = قطع غيار متوفرة وناس فاهمة العربية وتعامل محترم
- عربية حجمها مناسب وكمالياتها معقولة ومعدل الأمان فيها كويس
عيوبها:
إعادة البيع ديه أصلا مش وحشة في حالة الكليو و كمان في علم الغيب خصوصا لو حتستني كام سنة
قطع غيارها غالية نسبيا مقارنة بنفس الفئة بس الصيانة الدورية أسعارها جيدة....
يفضل الحوادث ودي قسمة ونصيب و ممكن تعمل تأمين يغطيها إذا حصل حاجة لا قدر الله.... و عامة نصيحة مخلصة أمن علي أي عربية زيرو
أنا مجربتش الأفيو فمش حأقدر أحكم عليها وكنت بافكر فيها لكن حكاية التقفيل المصرى ديه قلقتني
طبعا الأفيو عبارة عن لانوس جديدة بس حكاية إن مفيش فرق بين سعر الكورى والمصري مش فاهمها. وللأسف سمعة الأفيو وحشة جدا بره بالذات الإعتمادية والأمان
بالتوفيق ان شاء الله

[Ahmed Anwer]

و الله يا أخ chicoo أنا بحس إن العربيات الحديثة كلها زي بعض لو في نفس الفئة ، و كلها كويسة و إعتمادية و مريحة و أدائها كويس و الفروق بسيطة
فبحس إن الإختيار بعد كده يبقي متوقف علي الراحة النفسية لموديل معين ، و الإعجاب بشكله و صالونه و سهولة الصيانة و إعادة البيع
للأسف إحنا بنقسو أوي علي التجميع المحلي ، رغم إنه ابتدي من التسعينات في القطاع الخاص و عربياته ماشية كويس
و كله يقولك يع التقفيل وحش و الفيبر مفارق و مش عارف ايه ، رغم إن الحكاية كلها مفكات وكلبسات و بنط لحام
و مبنبصش للميزات فرق السعر و الإنتشار الأكيد للتجميع المحلي و توفر قطع غياره أكيد و تشجيع المنتج المحلي
بس اتفق معاك إن حاجة غريبة إن الأفيو التجميع المصري تبقي بسعر الكوري ،، يبقي أيه بقه لازمته التجميع المحلي ؟؟
ده حاجة من الثلاثة يأما سرقة مالهاش لازمة يأما مستنين لما الأفيو الكوري تخلص من السوق و بعد كده ينزلوا سعر الأفيو المصري يأما إن عربيات 2008 هتغلي و هيا دي البداية

[mazgangy]

طبعا لكل واحد وجهة نظر بس انا بقول ان الكليو افضل من الافيو وعن تجربه وافضل من الانوس وللعلم ان الافيو ما هى الا لانوس تحت اسم شيفرليه اللى بيخع الناس لكن هى افضل ومشكله التوكيل ده توكيل محترم وقطع الغيار بتعيش احسن من الافيو اللى بتتقفل هنا دى والاستحمال والعفشه الرينو افضل واحسن من الكورى عمتا وحضرتك اللى قريبك عمل حادثه اكيد الحاجات اللى ذكرتها دى عايزه تتغير مفيش حاجه اسمها قطعه غيار شغال بكامل كفائتها وتتغير ممكن تكون انت شايفها شغاله بس والله حبيبى لما هما يشوفوا تتغير يبقى غيرها افضل لان حضرتك اللى بتركب العربيه امان احسن والتوكيل شايف شغله ويعرف اكتر وكل واحد يعرف اكتر فى شغله وشكرا ليكم جميعا

[Chicco]

العربيات الحديثة كلها زي بعض لو في نفس الفئة ، و كلها كويسة و إعتمادية و مريحة و أدائها كويس و الفروق بسيطة
فبحس إن الإختيار بعد كده يبقي متوقف علي الراحة النفسية لموديل معين ، و الإعجاب بشكله و صالونه و سهولة الصيانة و إعادة البيع

+1111111111111111111111111111111111

للأسف إحنا بنقسو أوي علي التجميع المحلي

مع حضرتك تماما برضه و نفسي أبقي غلطان في ظنى بس حأقول إيه اللى اتلسع من ال.....شوربة :lol: :lol:

[محمدايهاب]

بعيدا عن رأي
الأفيـــــــــــــــــــــــــــــــــــــــــــــ ــــو : الكليــــــــــــــــــــــــــــــــــــــــــــو
الأفيو موديل 2008 مجمعة محليا في مصانع جي إم 100% صناعة فرنسية أوروبية
ضمان 3سنين أو 100 ألف ضمان 3 سنين أو 100الف
محرك سعة 1500 أربع سلندر محرك سعة 1400 أربع سلندر 8 صمامات على شكل v
83حصان عند5600 عزم أقصى 128 عند3000 75 حصان
الطول 3310
العرض 1710 1707
الأرتفاع 1505 1.493
طول قاعدة العجلات 2480mm
وزن السيارة 1100 كجم
سعة خزان الوقود 45 لتر سعة الخزان 45 لتر

سعر يبدا من 69000 السعر يبدأ من 73000

[limo]

انا رائى انك تجيب ياريس 2007 حتى لو نصف كماليات لو جيت حسبت الفرق هتلاقيه مش كبير بس فيه فرق فى الاداء و كفايه انها يابانى بالكامل
انا رائى انك تحاول تجمع فرق السعر ومش هتندم حتى لو هقسط الباقى
انا لما كنت بجيب الكليو جبتها ب54 الف جنيه فى الوقت الى كان فيه الانوس بنفس السعر وكان اليابانى معدى ال80 الف فالكليو كان احسن اختيار فى الوقت ده يعنى كل وقت وله اذانه

نيجى لنقطه قطع غيار الكليو
انا معايا عربيه ناعمه واستهلاكها للبنزين رائع واداءها مقارب من العربيات اليابانى واحسن من الكورى عن تجربه بس الضريبه انها معقده شويه فى صيانتها علشان تكنولجيا حديثه ويا عالم بعد كام سنه هيحصل ايه وقطع غيارها غاليه شويه مقاربه لليابانى واغلب العربيات الكورى الحديثه وارخص من الاوروبى وفى نفس الوقت العربيه رخيصه فى سعرها ومعمره كمان وتوكيلها محترم بيصلح فعلا والعربيه بتخرج من عنده تمام التمام
انا سايب حضراتكم تحكموا على العربيه ؟