هوندا سيتي 2009 & نيسان تيدا & i30 & نيو سيراتو

[Ghost2]

السلام عليكم
مقارنة صعبه اوي اوي اوي وهتحتار


1- هوندا سيتي 2009
2- نيو سيراتو 2009
3- i30 2009
4- نيسان تيدا 2009


بس يا ريت اللي يختار يحدد سبب اختياره




أحمد مختار

[Hosam_Optrawy]

السيتى عربيه حلوه لكن استبعدها لقلة كمالياتها

السيراتو طبعا ولا نص كلمه :)

ال i30 أحسن عربيه لو عايز هاتش باك

نيسان تيدا عربيه ممتازه لكن انا مش متقبل شكلها خالص

فى النهايه أختار سيراتو

[kareemhisham]

انا اختار السيتى ,,
شكل تحفة ,,
موتور قوى و متطور جدا ,,
تقفيل ممتاز ,,

و هى فعلا يعيبها كماليتها بس

التيدا انا بردو مبحبش شكلها خالص ,,

الi30 مفيهاش اى عوامل امان انما التانيين فيهم ,,

السيراتو .........
بص العربية حلوة شكلا , و كماليتها كتيرة , و توكيل كويس ......

بس انا شايف ان عربية فيها كل دة و بالسعر دة ..... يبقى اكيد فى "ان"

و على فكرة هى الاقل فيهم من ناحية جودة الخامات الداخلية

[Ghost2]

أنا معاك يا كريم وانا بصراحة ارشح السيتي

[M.ABDEEN]

السيتي تقفيل تايلندي والتيدا سيدان مشكلتها الشكل لكن لو هاتشباك حلوة و اي 30 برده حلوة والنيو سيراتو شكل وامكانيات وعوامل امان وتوكيل كويس وعن نفسي
1- نيو سيراتو
2- تيدا هاتشباك مش سيدان
3- اي 30
4- سيتي

[tarekabosdera]

اكيد النيو سيراتو . عربية ممتازة وتفوقت على عربيات ياباني كتير واعتقد انها تتفوق بجدارة على السيتي والتيدا.

[Eng.Sameh]

اكيد النيو سيراتو . عربية ممتازة وتفوقت على عربيات ياباني كتير واعتقد انها تتفوق بجدارة على السيتي والتيدا.

ممكن تفيدنا وتقولنا تفوقت على عربيات ياباني بجدارة في ايه وامتى وهي لسه نازلة ؟؟؟؟؟؟؟

[nano1980]

1- نيسان تيدا .....عيبها شكلها
2- السيراتو ......عيبها بساطه الخامات الداخليه
3-i30 ........عيبها انعدام عوامل الامان
4- السيتي ......سعر مبالغ فيه علي عربيه فاضيه وتجميعها تايلندي
كلهم يتميزو بنفس المستوي والاداء......زي بعض بالظبط كقوه و اداء وتميز
اركبهم كلهم واكتر واحده ترتاح لقعدتها ....اتكل علي الله
مش حتزعل لانهم كلهم اختيار ممتاز

[kareemhisham]

ممكن تفيدنا وتقولنا تفوقت على عربيات ياباني بجدارة في ايه وامتى وهي لسه نازلة ؟؟؟؟؟؟؟

+1111111111111111

[tarekabosdera]

ممكن تفيدنا وتقولنا تفوقت على عربيات ياباني بجدارة في ايه وامتى وهي لسه نازلة ؟؟؟؟؟؟؟

باختصار تفوقت في القيمة المالية مقابل الكماليات والمميزات.

اي عربية ياباني فيها كماليات السيراتو هتلاقيها فوق 140 الف .

السيراتو عربية ممتازة من كل النواحي بس يعيبها حاجة واحدة بس خامات الطابلوه رديئة وده مش عيب جوهري وممكن تتغلب عليه انك تجيب خليجي.

بينما الياباني اللي في نفس فئة السيراتو السعرية هتلاقيه ميستهلش المبلغ ده . زي السيتي عربية مبالغ في سعرها جدا مش عارف في مقابل ايه !!! علامة هوندا ؟

كمالياتها محدودة وكمان مش تقفيل ياباني!!

[ahmed4000]

ارشح الهوندا او التيدا اى واحد منهم حتختاره مش حتزعل بعد كده ان شاء الله
انا بفكر فى الاتنين برده وبعد لف كتير واقف على الاختيار بين الاتنين دول (وان كنت ابتديت ابص على سوزوكى sx4) قريت تقييم كويس عنها هنا وكمان شكل كويس (بس مقلق من التوكيل وان كان نفس توكيل التيدا)

بالنسبة للهوندا شكلها فيها حاجة مش مظبوطة ومش منتشرة خالص

التيدا منتشرة بس السيدان شكله فى حاجة غريبة رغم انها واسعة من جوا

وربنا يوفقك وكله كويس ان شاء الله

[Eng.Sameh]

باختصار تفوقت في القيمة المالية مقابل الكماليات والمميزات.

اي عربية ياباني فيها كماليات السيراتو هتلاقيها فوق 140 الف .

السيراتو عربية ممتازة من كل النواحي بس يعيبها حاجة واحدة بس خامات الطابلوه رديئة وده مش عيب جوهري وممكن تتغلب عليه انك تجيب خليجي.

بينما الياباني اللي في نفس فئة السيراتو السعرية هتلاقيه ميستهلش المبلغ ده . زي السيتي عربية مبالغ في سعرها جدا مش عارف في مقابل ايه !!! علامة هوندا ؟

كمالياتها محدودة وكمان مش تقفيل ياباني!!

يا سيدي الفاضل لو على الكماليات الكتير بسعر قليل ... يبقى الصيني يتفوق على الجميع ..

معذرة .. ليس هذا هو المعيار اطلاقا .. وليست الخامات السيئة في الطابلوه فقط .. لكن الطابلوه هوه اللي انت شايفه ... والله اعلم لسه بالمستخبي زي الموتور والتعليق والأجزاء الميكانيكية

[M.Osman]

يا سيدي الفاضل لو على الكماليات الكتير بسعر قليل ... يبقى الصيني يتفوق على الجميع ..

معذرة .. ليس هذا هو المعيار اطلاقا .. وليست الخامات السيئة في الطابلوه فقط .. لكن الطابلوه هوه اللي انت شايفه ... والله اعلم لسه بالمستخبي زي الموتور والتعليق والأجزاء الميكانيكية

حضرتك محرك السيراتو هو نفس محرك الإلانترا ... اعتقد الإلانترا متجربة كويس لحد دلوقتى.
و إذا كان عالصيني فيوجد صيني حلو(نسبياً) و صيني وحش و نفس الحكاية في الكوري و الياباني.

رأي شخصي (قيمة سعرية) :
1- سيراتو
2- i30 (أعلى فئة)
3- تيدا
4- سيتي

[Ahmed.TV]

ان ارشح الهوندا سيتى بعد ما سعرها 114 الف ورخصت بصراحة ماتور متطور جدااااااااا واحسن من عربيات كتير فى نفس الفئة السعرية وقطع غيارها مع انها غالية بس معمرة ومحترمة وكفاية انها هوندااا ومفيش عرية دلوقتى قطع غيارها رخيص ,, وعن نفس افضل الماتور المترم عن الكماليات اللى ممكن تكون محطوطة بخامات قليلة فاانا عن نفسى ارشح اسيتى ثم النيو سيراتوا ثم التيدا سيدان

[Ghost2]

طيب بصراحة انا شايف ان كلكو بتحكمو على العربية من خلال الكماليات جوه العربية ... يا جماعة اللي بتتكلمو فيه ده هي ارخص حاجه في تكاليف العربية يعني دي خامة صالون او كاسيت مش ام بي ثري ده الفرش مش جلد ... يا جماعه نتكلم بعقل شوية يعني معلش هل عمر السيراتو او ال i30 زي عمر الهوندا ... اظن الاجابة لا ... وبعدين عزم الموتور والاداء بالنسبة للجديد في تشابة كتير بين كتير من العربيات .. وعوامل الامان .. طيب ما الصيني فيه airbags و abs هل معنى كده انها عربية امان .... خلونا نتكلم عن عربية تعيش العمر يعني مش بنتكلم عن سنتين ونلاقي مشاكل تظهر وبعدين زي ما احنا شايفين الناس بتشتري هوندا موديل 90 يعني عربية بقالها عشرين سنه و ماشية كويس واداء عالي والكلام كله في الاول عن الموتور اما بالنسبة لقطع الغيار فا توكيل الفطيم بدأ يغير سيايته عشانيخلي في اقبال على الهوندا عموما وياريت نخلي حكمنا على العربية في اول تلت حاجات مهمين ( الموتور - الثبات - التكييف ) بعد كده الكماليات والكلام ده ممكن تخلي عربية 128 فيها كماليات بورش .... وطبعا في الاول و الاخر دي وجهات نظر وانا بردة مصمم على السيتي وسعرها 114 الف