استري النترا و لا بيرسونا

[dr_abooody]

السلام عليكم

انا كنت عايز اشتري عربية و انا في حيرة ما بين البيرسونا فول اوبشن اتوماتيك ب 89 عرض خاص هي اصلا ب 93

من عز العرب

او الالنترا اتوماتيك ب 99 الف من غبور

انا عندي معلومات كويسة عن الالنترا و جربتها و عجبتني جدااا بس البيرسونا ارخص 10 الف بس بردة عجباني من حيث الشكل لكن انا سامع انها فيها مشاكل في التقفيل زي الجين 2 هل الكلام دة صحيح و اية موضوع استهلاك البنزين الكتير دة

[Hosam_Optrawy]

قسم بروتون مليان مواضيع عنها

بص بصه هتلاقى كل اللى انت عايزه

[Terrible_DaRsH]

Personnnnna

[as01241]

السلام عليكم
البرسونا 2009 ما فيهاش أي عيوب تقفيل خالص لأن التوكيل عمل نظام فحص ال pdi وده نظام جديد لتلافي أي عيوب تقفيل ممكن تظهر أما إستهلاك البنزين فزيها زي أي عربية 1600 تانية ما فيش فرق

[ezzatfox]

انا رأيى خليك فى الالنترا .

[jisso82]

أولا زى مانت قولت أرخص 10000 جنيه و ده مبلغ يخليك تفكر 10000 مرة قبل ما تشترى
ثانيا فيه ناس من اللى ردت عليك هنا معاها البرسونا و حقيقى دلوقتى العربية ماشاء الله بتطلع بدون أى عيوب
استهلاكها للبنزين عالى على السرعات العالية 100 كم فيما فوق
بس هى و بشهادة واحد ركب الاتنين ثباتها أعلى من الالنترا و بشهادة نفس الشخص و شهادتى من حادثة عمليه صاجها أقوى كتير كمان
ده غير إن فرق الكماليات و الأوبشن بينهم لا يقارن أصلا

[as01241]

انا رأيى خليك فى الالنترا .

ده طبعا من باب اللي تعرفه أحسن من اللي ما تعرفوش !!!! وللأسف هو ده اللي جايبنا ورا

[M.almaghraby]

برسونا يا باشا عربية ممتازة والله

و سعرها قليل جدا علي كل الامكانيات دي

[أحمد كمال]

البيرسونا بتاعة زميلي في الشغل تكييفها عطل بعد اقل من اسبوعين و بيتوها في التوكيل و اضطروا يفكوا التابلوه و الضفيرة عشان يوصلوا للعيب و رفضوا يقولوا له العيب في ايه ....... بصراحة أه اللي نعرفه احسن من اللي مانعرفوش و خليك في الإلانترا

[as01241]

البيرسونا بتاعة زميلي في الشغل تكييفها عطل بعد اقل من اسبوعين و بيتوها في التوكيل و اضطروا يفكوا التابلوه و الضفيرة عشان يوصلوا للعيب و رفضوا يقولوا له العيب في ايه ....... بصراحة أه اللي نعرفه احسن من اللي مانعرفوش و خليك في الإلانترا

بردو انا واحد زميلي معاه إالنترا وحصلت فيها مشكلة كبيرة بعد ما جابها على طول(أول شهر) وباتت ليلة في التوكيل وإتصلحت ورجعت له ........... فكده بقى بصراحة لا اللي نعرفه أحسن ولا اللي ما نعرفوش

[M.Osman]

بصراحة انا بحب الجين و البيرسونا جداً .... لكن بسمع عنهم كلام متناقض ... مش عارف دا بيكون فرق استعمال من شخص لشخص ولا أية ؟؟

[D . a .\ AYMAN]

بص أنا ماركبتش لا دي ولا دي

بس أنا لو مكانك هاجيب بيرسونا

لأن أنا بكره هيونداي بسبب غبور مش لعيب في هيونداي نفسها ... ومش هاجيب أي عربية هيونداي طول ما غبور هو اللى معاه التوكيل بتاعها

وبعدين المشاكل الجامدة اللى ممكن تحصل في أي عربية زي مشاكل التكييف والمواتير والعيوب الفنية الكبيرة دي ممكن تظهر في أى عربية أيا كانت ماركتها هيونداي مش بعيدة عنها ...

إنما مشاكل التقفيل اللى كانت بتعاني منها بروتون بالنسبة للجين .. أعتقد كل ملاك البيرسونا وحتى الجين الجديدة مبسوطين جدا منها بالنسبة للتقفيل وده ممكن حضرتك تشوفه بنفسك في قسم بروتون

الحاجة الأخيرة ... بمقارنة الأوبشنز بتاعة العربيتين طبعا البيرسونا تكسب بفارق كبير جدا ولا وجه للمقارنة بينهم في الحتة دي نهائي

الشكل ... وطبعا دي حاجة ترجعلك ... أنا شايف إن البيرسنا أحلى .. وده مايقللش حاجة من إن اللإنترا برضه جميلة

[tarekabosdera]

لو عايز عربية اعتمادية تعيش معاك عمر طويل بدون مشاكل ان شاء الله يبقى اكيد الالنترا .

زي ما انت شايف العربية ماء الله ناجحة جدا على مدى اكتر من5 سنين وعاملة مسافات جبارة والماكينة حالتها ممتازة.

توكل على الله وهات عربية متقرفكش في المستقبل.

[M.almaghraby]

دا راي حضرتك الشخصي بعدين مين قال ان الجين مش اعتمادية؟

[tarekabosdera]

دا راي حضرتك الشخصي بعدين مين قال ان الجين مش اعتمادية؟

التجربة اللي قالتلي.

موديلات النترا من سنة 92 و93 شغالة لحد دلوقتي بكفائة .

جين 2 بقالها قد ايه ؟؟؟؟

واكتر عداد عامل كام في مصر ؟؟؟!!