دوجان ولا شاهين ولا...ممكن ريجاتا

[Pharaoh]

عندى مقارنة من الحاجات اللى الناس مش بتتكلم فيها خالص

الشاهين يا جماعه
الصندوق المتحرك

بس محتار بين الشاهين و بين الدوجان
فى ناس بتقول ان الدوجان احلى واقل عيوب

علما بانى بتكلم فى حدود اقل من 30 الف
ولو نزقت معايا ممكن انزل كمان للرجاتا يبقى 20 الف

رايكوا اية يا جماعه

علما بانى ركبت لانسر كريستاله 3 شهور و حبيتها اوى
بس مشكلتها انها واطية على الارض وانا عندى مطبات تجننننننننن

كان فى نيتى اجيب لانسر 2001 بس للاسف اتزنقت فى كذا حاجة كدة

شكرا جميعا

[M.FOUAD]

يا رب يعدهالك على خير و يفك زنقتك
مفيش فرق بين الدوجان و الشاهين غير في سعة الموتور عشان التكييف و بعض التقفيل البسيط
انت ممكن تجيب دوجان 92 او 93 في حدود 28 الف
لو مفيش امكانية ممكن تجيب لادا 95 قي حدود 24 الف

[Pharaoh]

اية يا جماعه
مش دا مستوى المشاركة اللى انا متعود علية فى المنتدى

كل دة عشان بسالكم على شاهين

[faron525]

ربنا يكون في عونك تنزل من لانسر الي شاهين ربنا يفك زنقتك وعموم انا عن نفسي افضل الريجاتا عن الشاهين

[sasam6]

لو انت فى زقة موقتة بأذن الله
اركب دلوقتى الريجاتا حلوة ورخيصة

[mimo3000]

بص انا كان معايا ريجاتا ولسه بايعها من كام يوم عشان اشترى حاجه جديده
بص يا سيدى تجربتى معاها بقى طول 4 سنيين

العربيه موتورها حلو اوى اوى واعتقد احسن من الشاهين جبت بيها 160 على طريق العين السخنه بس الموتور فوت بعديها وعملتلها عمره
عفشتها كويسه بالنسيه للطرق بتاعتنا بس المساعدين مش هتلاقيهم جديد استيراد بس
التكييف بتاعها كويس بس بيقلل من كفائه العربيه جدااااااااا والموتور بيسخن بسببه وسحبها بيقل
العربيه انا كنت مرتاح معاها جداااا وكانت عجبانى جداااااااااااااااااااا وحبيتها وارتحت معاها بس بعتها عشان اجيب عربيه جديده
بس فى عيب خطير جدا فالريجاتا الثباااااااات مش ثابته خالص ومتخدمش فالغرز عشان عاليه
الريجاتا 85 هتلاقيها فرنج من 18-22 حسب الحاله
ربنا يوفقك انشاء الله وانا رايي الريجاتا احسن من الشاهين والدوجان وارخص منهم