مقارنة بين الاوبترا والنوبيرا.......

[dahmedsamir]

السلام عليكم ...... عاوز حل منطقى للمشكلة اللى انا فيها دى!!!!!!!!!!!!!
دلوقتى انا معايا مبلغ 60 الف وبعد بحث وحوارات استقريت على نوع عربية اشتريها وهى اوبترا 2006 مانيوال وامامى واحدة جيدة بس لسه ماخلصتش فيها.......... المهم , انا اللى يهمنى فى العربية هى المصاريف اللى بعد كدة من قطع غيار وبنزين وانا سمعت ان الاوبترا الحاجات دى فيها غالية ..
فاذا كان ده صحيح ممكن اجيب نوبيرا 2006 لو قطع الغيار رخيصة خاصة اننى كنت بافاضل بينها وبين الاوبترا بس انا ميال جدا للاوبترا لكن ده ميمنعش انى ممكن استغنى عنها لو هتعور فى قطع الغيار...........................
طولت عليكو بس الموضوع مهم وانا امامى العربيتين وهاخلص فى واحدة الاسبوع ده فاكسبوا فيه ثواب وياريت يكون رد مقنع ...نسيت اقول لكم ان مراتى هتسوقها معايا والنوبيرا مش حريمى خاااااااااااااااالص........!!!!!!!!!!!!!!!!! وشكرا....

[Nader007]

ايوه يا جماعة دا موضوع مهم جداً عشان كتير من الناس بيقولوا قطع غيار الاوبترا غالية !!! فاليعرف اى اسعار يارات ينورنا و جزاه الله كل خير

[Hosam_Optrawy]

مع انى لسه ماليش تجارب كتير مع قطع الغيار

لانى لسه عربيتى تعتبر جديده

الا ان ليا كذا صديق معاهم اوبترا

وبيقولولى قطع الغيار متوفره ورخيصه جدا

موضوع انها غاليه دى اشاعات

قطع الغيار تعتبر من أرخص قطع الغيار اللى فى السوق مقارنة بباقى العربيات

رأيى توكل على الله فى الاوبترا أحسن من النوبيرا

[dahmedsamir]

شكرا على الاهتمام بس انا لو حبيت اسال حد على اسعار قطع الغيار للسيارتين ..اسال التوكيل ولا اسال محلات بيع قطع الغيار ولا ايه ...............

[M.almaghraby]

مفيش شك ان الاوبترا احسن من النوبيرا

بس لازم تجيبها مستعمل نضيف عشان متقرفكش

وربنا معاك

[m_s_h_a]

يا باشا المعلومه المهمه ان فى بعض قطع الغيار بتاعت الاوبترا والنوبيرا بيركبوا على بعض قطع الغيار رخيصه وموجوده الاوبترا افضل بكتير انسى النوبيرا خالص شكلا واعادة بيع الاوبترا طبعاااااا

[raed badr El Kelany]

بص يا باشا انا كان معايا اوبتر قبل النيو سيراتو السيارة قطع غيارها كلها متوفرة فى التوكيل وخارج التوكيل الاسعار معقولة نسبيا وهناك بعض الاسعار بها فارق كبير بين التوكيل والخارج لكــــــــــــــــــن التعليق الوحيد فى الاوبترا 2006 هى
1 - المساعدين تحتاج الى تغيير اذا كانت هى الاصلية اللى نزلت بها العربية لانها بتجيب زيت
2- علبة الدركسيون بتعمل صوت لو السيارة فى الضمان ولم تتعدى تقريبا ال 40000كم لان العفشة غالبا يتم اخراجها من الضمان بعد ال 25000كم لكن الوكيل عارف انه هناك عيب صناعة غى علبة الركسون والمساعدين فى 2006 وذلك تم تلافيه فى الموديلات اللاحقة

,وبناء عليه حاول تكون السيارة 2007 علشان تستمتع بها دون مشاكل لانها سيارة جميلة جدا وعملية للغاية والمانيوال منها موفر جدا فى البنزين .

[raed badr El Kelany]

بص يا باشا انا كان معايا اوبتر قبل النيو سيراتو السيارة قطع غيارها كلها متوفرة فى التوكيل وخارج التوكيل الاسعار معقولة نسبيا وهناك بعض الاسعار بها فارق كبير بين التوكيل والخارج لكــــــــــــــــــن التعليق الوحيد فى الاوبترا 2006 هى
1 - المساعدين تحتاج الى تغيير اذا كانت هى الاصلية اللى نزلت بها العربية لانها بتجيب زيت
2- علبة الدركسيون بتعمل صوت لو السيارة فى الضمان ولم تتعدى تقريبا ال 40000كم لان العفشة غالبا يتم اخراجها من الضمان بعد ال 25000كم لكن الوكيل عارف انه هناك عيب صناعة غى علبة الركسون والمساعدين فى 2006 وذلك تم تلافيه فى الموديلات اللاحقة

,وبناء عليه حاول تكون السيارة 2007 علشان تستمتع بها دون مشاكل لانها سيارة جميلة جدا وعملية للغاية والمانيوال منها موفر جدا فى البنزين .

[dahmedsamir]

شكرا على الردود لكن انا متأكد ان الاوبترا احسن من النوبيرا لكن موضوع ان قطع غيار الاوبترا رخيصة دى عملية نسبية حسب ظروف كل واحد ... ياريت ارقاام اسعار ان امكن .

[egyptianmafia]

There is a thread about the prices of the Optra parts

[ahmad--ezzat]

هو الموضوع دة مش برضه فى قسم دايو ولا ايه...

كنت تكتبه فى قسم المقارنات واخلص...بدل ما تكتبه فى القسمين دايو وشيفورليه....(بس امااااااااااانه عليك متكررهوش فى المقارنات تانى)