أنا عامل زي اللي هيجوز ومحتاااااااااااااااااااااااار أفيدوني

[boooody]

السلام عليكم

أنا أول مره أشوف المنتدى ده وتصفحته كتير وعجبني أراء وردود الناس

عشان كده شاركوني التفكير


هشتري عربية جديدة ومحتار بين

مازدا 3 ولانسر ex


المازدا الهاي لاين دلوقتي ب 135

محتار في اللون أبيض لولي أو فيراني

وفي حاجة كمان ........... 2009 هاي لاين لـ 135 ولا 2010 ساده ( يعني أول فئة فاضية ) بـ 150

طبعا اللانسر سوبر أكشن اللون أبيض ووصل سعرها دلوقتي 138

وأشتري دلوقتي ولا أستنى شوية .... وأشتري من مين

بجد أنا دماغي بقت كده عامل زي اللي هيجوز ومحتاااااااااااااااااااار



أي حد له رأي في حاجة ما يبخلش علي

[delpo]

المازدا 3 أفخم وأشيك وأثبت وأمتع في السواقة وبرستيج أكبر لكن لا يوجد توكيل وقطع الغيار اسعارها نار.
اللانسرقطع غيار ارخص خدمة احسن اعادة بيع افضل, سيارة اثبتت كفائتها على مدى سنوات طويلة.

أنا لو مكانك اشتري اللانسر شارك

[Mohammmed]

انا رأى تركب ال 2
واللى تستريح فيها اشتريها

[yuyu0000yuyu]

المزدا 3 افجم واشد واقوى واقيم واقل تواجدا وهو ده الى بيديه برستيج عالى والون الابيض فيه جنان وروش وسهل تنظيفه وتلميعه والفرانى جميل بس الابيض احلى .........

[boooody]

أشكركم يا رجاله


اللانسر شارك دي اللي هي إي إكس الشكل الجديد ؟

على سرعة عالية المازدا أثبت ولا اللانسر ؟ معقولة المازدا ؟

من ناحية الراحة النفسية وحب السيارة انا بعشق المازدا ... مش مهم توكيل وسعر إعادة بيع أنا بإذن الله مش هبيع دلوقتي بالميت خمس ست سنين

أشتري دلوقتي ولا أستنى .... و

2009 هاي لاين ولا 2010 سادة (فاضية )


===========
والله الأبيض فعلا سيد الألوان yuyu0000yuyu شكلك بتحب الأبيض 128 جميلة في الأبيض

[M.almaghraby]

ال2010 شكلها مش حلو اوي وغالية جدا

[أبو صلاح]

مش مهم توكيل وسعر إعادة بيع أنا بإذن الله مش هبيع دلوقتي بالميت خمس ست سنين

طيب الكلام ده بالميت
طيب ومن غير الميت ؟
ربنا يباركلك ويوفقك
بس عن نفسي افضل اللانسر
متسألنيش عن السبب لاني مش فاهم زي الناس العمالقة اللي هنا
بس ده راي شخصي

[sasam6]

رأى تستنى شوية لحد ماتنزل موديلات 2010 كلها وده هيكون فى معرض فورميلا الاهرام فى اخر ديسمبر بتكون فيه الاسعار اقل 10% على الاقل وفيه كل الموديلات الجديدة

[Hosam_Optrawy]

انا عندى رأى مختلف

مادام وصلت ل 150

يبقى سيفيك

[Fadi Ezzat]

المازدا 3 طبعا

[kliken]

مازدا 3 افضل

[boooody]

الف شكر

أنا كدت أن أغلط وأفكر في لانسر

بس من كلامكم المزاج اتعدل للمازدا

الشرا منين أفضل مصرية ولا حد تاني كويس