عايز رايكم اجيب النترا اتوماتيك زيرو و لا تويوتا كرولا مستعملة

[M.Osman]

-برستيج عن الكرولا (الشكل القديم مش نازلى من زور)

لو عالشكل ... لا الكورولا الجديدة ولا القديمة نازلينلي من زور!!
انا اللي بحب الياريس اوي !! (كشكل خارجي)

....

[زكريا عيسى]

استاذنا لو ماكنتش اشتريت لسه توكل على الله واشترى الالنترا الزيرو للاسباب التاليه
عن تجربه شخصيه مع الالنترا الغربيه محترمه جدا كشكل واداء وقيمه وثبات على الطريق وموتورها 1600 طبعا مدى الغربيه لاقوه بالاضافيه للكماليات اللى فيها كمان انت هتركب عربيه زيرو يعنى امامك 5 ستوات على ماتنبدأ مصاريف غلى الغربيه \اما العيب الوحيد الذى صادفتى فى الالنترا ان الييات الخلفيه مصممه بخيث تكون طريه نوعا ما فعند تحميل العربيه من الخلف باكثر من اثنين تلاقلى العربيه وطيت من وره
اما الكورولا فميزتها الوحيده هى ثبات السعر الى خد ما عند اعاده البيع ولكن الغيب الخطير اللى يخليك ملتستمتعش بالغربيه هى انها 1300سى سى يعنى تيجى تشغل التكييف تلاقى الغربيه بتكن منك وعزم العربيه لايتناسب اطلاقا مع وزنها وحجمها
ثم ان الانترا دلوقتى سعره مريح جدا وانصحك نصيحه كمان حاول تدور على عربيه النترا كسر زيرو يعنى موديل 2009 او بالكثير 2008 هتلاقى فرق سعر واضح جدا يعنى هتتكلم فى الثمانينات واخيرا ربنا يوفقك لما فيه الخير

[زكريا عيسى]

أسعار العربيات المسعتملة في مصر تهرييييييييييييج رسمي ومبالغ فيها بشكل بشع
مثلا في السعودية الإلنترا الزيرو ب 40 ألف والكوكو 2007 عمرها ماتعدي ال 25 يعني تقريبا نص السعر
أما هنا في مصر العربية إتبهدلت بقالها سنتين ولبست حفر ومطبات للصبح ومشيت 40 ألف ولسه سعرها 95
ورأيي الشخصي إن العربية الزيرو لاتقارن أبدا بالمستعملة خصوصا لو كانت العربية المستعملة دي من نفس الفئة
طبعا هات إلنترا زيرو

الله ينور على حضرتك

[kliken]

الالنترا و توكل على الله

[M.Mekawy]

لو عالشكل ... لا الكورولا الجديدة ولا القديمة نازلينلي من زور!!
انا اللي بحب الياريس اوي !! (كشكل خارجي)

....

طب و داخليا ؟
أنا رايى بدون اى فلسفة : الكتيت كتيت
و لو ولابد يابانى عشان الكورى مش عارف ماله , يبقى ياريس زيرو برضه

[bishoy02010]

النتــــــــــــــــــــــــــــــــــــــــــــــ ـترا وانتة مغمض

[M.Osman]

طب و داخليا ؟
أنا رايى بدون اى فلسفة : الكتيت كتيت
و لو ولابد يابانى عشان الكورى مش عارف ماله , يبقى ياريس زيرو برضه

داخلياً بحس اني راكب مكوك فضاء
مش شايف اول العربية ولا اخرها
الموضوع دا واضح في عربيات كتير مش بس الياريس... زي التيدا و الأفيو

(يمكن عشان انا قصير)

و طبعاً طبعاً
الجديد جديد ..مفيش كلام
انا اعرف ناس كانوا شاريين كورولا 2002 ماشية 70 ألف كم من 3 سنوات ... عند ال75 ألف كم لمبة الـcheck engine نورت و راحوا صرفوا مبلغ محترم في التوكيل .. (افتكر 7000 جنيه)

طب وعلى اية؟
ما انا معايا فلوسي و الزيرو موجود!!

[tarekabosdera]

انا ارشحلك النترا بصفتي مالك للعربية وما شاء الله تبارك الله عربية فوق الممتازة في القوة والثبات والفخامة والاعتمادية ورخص قطع الغيار وتوفرها.

وياريت الاخ اللي بيقول مشفتش حد بيشكر في الالنترا يتأكد من الكلام اللي بيقوله كويس. وياريت محدش يتكلم عن الالنترا الا ملاكها لضمان وصول معلومات سليمة لطالب المعلومة وعدم تضليله ................

[abo samra]

لو عالشكل ... لا الكورولا الجديدة ولا القديمة نازلينلي من زور!!
انا اللي بحب الياريس اوي !! (كشكل خارجي)

....

عندك حق الفيرنا شكلها احلى بكثير

[Mustafa_Farouk]

السلام عليكم ،
أنا أرشح أي عربية زيرو بدل المستعمل، عندك حاجات كتير ياريس، نيو سيراتو، إلنترا، لو عايز حاجة صاج حديد وإمكانيات ممكن بردو سكودا رومستر.
دي كلها وجهة نظري في الموضوع.

[sasam6]

بصرف النظر عن المركتين الزيرو زيرو

[Fadi Ezzat]

اكيد النترا

[delpo]

أكيد كورولا بدون تفكير, أضمن في الصيانة والبيع واستهلاك البنزين وعمر افتراضي اطول واسمك راكب كورولا

[alfbaa]

على راي المثل

المثل الشعبي بيقول : فيات زيرو ولا مرسيدس عامله 5 كيلو


ابعد عن المستعمل في رايي ال95 الف يجيبو عربيه زيرو كويسه (غير الالنترا) عندك ياباني تاني كتير عندك لانسر و دايهاتسو وياريس ......واهي برضه تويوتا انا شخصيا معرفش حاجه عن الالنترا بس الكوري مش زي الياباني والياباني مش زي الاوربي و الاوربي مش زي الامريكاني

[tarekabosdera]

الالنترا حائزة على المركز الاول على جميع السيارات السيدان في فئتها.

يعني جودة الالنترا اعلى من اللانسر والكرولا .