الكورولا و البرافو ؟؟

[kareemhisham]

هو انا فعلا لا اتفق مع الاستاذ delpo فى كل النقاط القالها ,, يعنى فى حتت الفخامة و استهلاك البنزين و الشبابية و كذا حاجة ,,

بس هل ممكن المش متفقين مع رأى الاستاذ delpo يقولوا اسبابهم ؟؟

و شكرا

[Sharky]

هو انا فعلا لا اتفق مع الاستاذ delpo فى كل النقاط القالها ,, يعنى فى حتت الفخامة و استهلاك البنزين و الشبابية و كذا حاجة ,,

بس هل ممكن المش متفقين مع رأى الاستاذ delpo يقولوا اسبابهم ؟؟

و شكرا

الأسباب ببساطة يا كريم انى شايف ان المميزات دى فى البرافو مش فى الكرولا

[delpo]

أختلف مع حضرتك فى هذه النقاط

الزميل العزيز شاركي,
ممكن نختلف ويبقى فيه وجهات نظر حول الفخامة أو الشكل أو انها شبابية, لكن انا اثق في وجهة نظرك المحايدة من مناقشاتي معاك الي قبل كده, فا عشان كده انا مستغرب ان حضرتك بتشكك في نقط زي ان الكورولا اعتمادية اكتر ؟؟ مع ان ده معروف من زمان وحضرتك في مشاركة ليك قبل كده قولت انها سيارة اعتمادية من الدرجة الاولى.
النقطة التانية قطع غيار ارخص.. هو حضرتك شايف غير كده ؟
النقطة التالتة إرتفاع اعلى عن الأرض ياريت حضرتك تقولي البرافو ارتفاعها اعلى من الكورولا ازاي بالأرقام.
النقطة الرابعة ودي بقى انا الحقيقة شايف ان دي ماينفعش نتناقش فيها لان الكورولا اعلى عربية في مصر في سعر اعادة البيع من الزيرو.
النقطة الخامسة شبابية اختلاف حضرتك مقبول ومفهوم طبعا لان دي ازواق وانا مش بقول انها شبابية اكتر من البرافو بس بقول تمشي شبابية برضو وحضرتك عارف ان الكورولا من اسهل العربيات الي ممكن تعدل عليها.
النقطة السادسة هو حضرتك شايف ان البرافو انعم في العفشة ؟؟!!!!!!!!!
النقطة السابعة الكراسي انا كتبت جنبهامن وجهة نظري ودي بتفرق من واحد لواحد.
النقطة الثامنة ايه الخطأ في ان العربية تمشي عربية مدينة وسفر في نفس الوقت ؟؟!!
النقطة التاسعة والأخيرة دي احساس شخصي بيختلف من شخص لآخر انا واحد من الناس بحس بساعدة وانا قدامي على الدركسيون علامة العملاق الياباني تويوتا أو علامة فولكس فاجن أو علامة هوندا رغم ان السيفيك مش ملائمة لشوارع مصر, ممكن واحد تاني يبقى فرحان بعلامة ميتسوبيشي او نيسان او هيونداي او اي كان هي ازواق.

اتمنى اعرف رأي حضرتك عشان نستفيد كلنا.

تحياتي

[Sharky]

الزميل العزيز شاركي,
ممكن نختلف ويبقى فيه وجهات نظر حول الفخامة أو الشكل أو انها شبابية, لكن انا اثق في وجهة نظرك المحايدة من مناقشاتي معاك الي قبل كده, فا عشان كده انا مستغرب ان حضرتك بتشكك في نقط زي ان الكورولا اعتمادية اكتر ؟؟ مع ان ده معروف من زمان وحضرتك في مشاركة ليك قبل كده قولت انها سيارة اعتمادية من الدرجة الاولى.

أنا حقول لحضرتك ليه مش بتفق معاك فى النقاط دى
فعلا انا مع ان الكرولا إعتمادية جدا لكن عندما لا يكون بها اوبشن و تكنولوجيا جديدة زى الشكل القديم لكن الجديد ما أعتقدش أنه حيكون بنفس إعتمادية القديم

النقطة التانية قطع غيار ارخص.. هو حضرتك شايف غير كده ؟

طبعا شايف غير كده قطع غيار اليابانى الأصلى غالية و ليست رخيصة و اللى مخلى اليابانى رخيص قطع الغيار الغير الأصلية المنتشرة فى مصر

النقطة التالتة إرتفاع اعلى عن الأرض ياريت حضرتك تقولي البرافو ارتفاعها اعلى من الكورولا ازاي بالأرقام.

بصراحة ماعنديش بيانات عن إرتفاع البرافو أد إيه لكن دا بالمنظر العام شايف ان الكرولا أوطى منها و قد تكون هذه المعلومة غلط لإنى بنتكلم بالنظر

النقطة الرابعة ودي بقى انا الحقيقة شايف ان دي ماينفعش نتناقش فيها لان الكورولا اعلى عربية في مصر في سعر اعادة البيع من الزيرو.

دا حقيقى بس مش فى كل الموديلات و موجود فى الكرولا 1993 و الكرولا 2001 لكنه غير موجود فى الكرولا العيون 1998 و الكورلا الجنوب أفريقى

النقطة الخامسة شبابية اختلاف حضرتك مقبول ومفهوم طبعا لان دي ازواق وانا مش بقول انها شبابية اكتر من البرافو بس بقول تمشي شبابية برضو وحضرتك عارف ان الكورولا من اسهل العربيات الي ممكن تعدل عليها.

مع إحترامى لرأى حضرتك النقطة المعروفة فى الكرولا الحالية أن شكلها مش مقبول قوى و غير شبابية نهائية لدرجة ان فيه زميل لينا فى المنتدى أحمد ابو سمرة كان بيقولى ان فى حد استغرب انه شاب و جاب الكرولا لإن شكله عواجيزى شويه

النقطة السادسة هو حضرتك شايف ان البرافو انعم في العفشة ؟؟!!!!!!!!!

و ليه ما تكونش انعم فى العفشة ؟؟

النقطة الثامنة ايه الخطأ في ان العربية تمشي عربية مدينة وسفر في نفس الوقت ؟؟!!

دا مش خطأ لكن الخطأ ان حضرتك تحكم ان أفضل من البراقو فى الموضوع دا

[delpo]

أنا حقول لحضرتك ليه مش بتفق معاك فى النقاط دى
فعلا انا مع ان الكرولا إعتمادية جدا لكن عندما لا يكون بها اوبشن و تكنولوجيا جديدة زى الشكل القديم لكن الجديد ما أعتقدش أنه حيكون بنفس إعتمادية القديم


طبعا شايف غير كده قطع غيار اليابانى الأصلى غالية و ليست رخيصة و اللى مخلى اليابانى رخيص قطع الغيار الغير الأصلية المنتشرة فى مصر


بصراحة ماعنديش بيانات عن إرتفاع البرافو أد إيه لكن دا بالمنظر العام شايف ان الكرولا أوطى منها و قد تكون هذه المعلومة غلط لإنى بنتكلم بالنظر


دا حقيقى بس مش فى كل الموديلات و موجود فى الكرولا 1993 و الكرولا 2001 لكنه غير موجود فى الكرولا العيون 1998 و الكورلا الجنوب أفريقى


مع إحترامى لرأى حضرتك النقطة المعروفة فى الكرولا الحالية أن شكلها مش مقبول قوى و غير شبابية نهائية لدرجة ان فيه زميل لينا فى المنتدى أحمد ابو سمرة كان بيقولى ان فى حد استغرب انه شاب و جاب الكرولا لإن شكله عواجيزى شويه


و ليه ما تكونش انعم فى العفشة ؟؟


دا مش خطأ لكن الخطأ ان حضرتك تحكم ان أفضل من البراقو فى الموضوع دا

شكرا على سرعة الرد وكلامك منطقي في مجمله لكن .. قطع غيار البرافو الأصلية أغلى من البرافو والغير أصلية ليست متوفرة بالشكل الكبير وايضا اغلى من الكورولا.
بالنسبة لإعتمادية الموديل الجديد هو بقالو سنتين نازل ومنقدرش نحكم ولكن لحد الآن ملاكها بيأكدو ان الإعتمادية واحدة برغم الكماليات الكتير الإضافية.
سعر أعادة بيع الكورولا الجنوب أفريقي مازال مرتفع وماسك سعره وحضرتك ممكن تشوف اسعار المستعمل في موقع كونكت كارز وتقارن بسعر اعادة بيع البرافو.
بالنسبة للشكل الشبابي حضرتك كلامك مافيش خلاف عليه لانها ازواق بس اسمحلي اعبر عن رأيي الشخصي واقول اني شايف شكلها يمشي رياضي لكن مش اكتر من البرافو طبعا.
نعومة العفشة انا شخصيا متأكد ان الكورولا انعم في العفشة من ركوبي للإتنين واتمنى حضرتك تجرب الكورولا الجديدة وتقارن بنفسك.
هو الحقيقة انا مجربتش البرافو على طريق سفر طويل عشان احكم لكن اعتقد هتكون ممتازة, وعموما العربيتين بهم الميزة دي انهم عربيات تنفع للمدينة والسفر

[Sharky]

سعر أعادة بيع الكورولا الجنوب أفريقي مازال مرتفع وماسك سعره وحضرتك ممكن تشوف اسعار المستعمل في موقع كونكت كارز وتقارن بسعر اعادة بيع البرافو.

للأسف الواقع مختلف تماما و أسعار السوق تدل على العكس و الديل ان كان فيه زميل لينا فى المنتدى تعب جدا لحد ما باع الكرولا الجنوب أفريقى لإنها غير محبوبة فى سوق المستعمل و هى لسه لم تتخطى سنة و على ما أظن خسر فيها حوالى 30 الف جم !

واتمنى حضرتك تجرب الكورولا الجديدة وتقارن بنفسك.

انا جربت فعلا الكرولا الجديدة :)

[mohamed_rhem]

اسمحولي ادلو بدلوي في الموضوع الشيق ده

في البدايه انا قرات كل مشاركه وبصراحه كان في تحيز لكن انا بقول حتي المتحيزين كانو علي صواب

كل واحد بيحسبها من رأيه الشخصي اللي قال سعر اعاده البيع واللي قال قطع الغيار والتوكيل والصيانه واللي اتكلم في الشكل

واللي قارن ياباني بأوربي وهلم جرة

طبعا انا مؤيد لكل رأي علي حده لكن احب اضيف ملحوظه صغيرة

كان لابد من اجابه كاتب الموضوع مسبق علي اسئلة قد تتواري الي زهن القارء

مثلا ان يكتب صراحة

1-هي سيارة ليست عائليه
2-لا اهتم بمصاريف الصيانه الدوريه ولا اعاده سعر البيع
3-موضوع سياره لها شعبيه وتاريخ لا يهمني بقدر الرقاهيه والامان
4-اهتم بالشكل الخارجي
5-وهكـــــــــــــــــذا

اللي عاجبني بصراحه في الموضوع التقيم وردود اللي ادوها الاعضاء للفيات

ده معناه ان العهد القديم وتفكير ان الفيات 128 و131 و132 و127 و125 خلاص راح وان ده كانت سيارات شعبية وزمانها راح

وان فيات جزء من منظومة السيارات الاوروبيه التي ينظر لها في العالم بأسره حتي في مصر علي انهافئة اعلي من السيارات الاسياويه الصنع (اليابان-كوريا-مالزيا-الصين)

طبعا بغض النظر عن مصاريف التشغيل والصيانه وقطع الغيار وكذلك سعر اعادة البيع

(لان في فعلا ناس مسأله التكلفه مش في حساباتها اصلا)

[kareemhisham]

اسمحولي ادلو بدلوي في الموضوع الشيق ده

في البدايه انا قرات كل مشاركه وبصراحه كان في تحيز لكن انا بقول حتي المتحيزين كانو علي صواب

كل واحد بيحسبها من رأيه الشخصي اللي قال سعر اعاده البيع واللي قال قطع الغيار والتوكيل والصيانه واللي اتكلم في الشكل

واللي قارن ياباني بأوربي وهلم جرة

طبعا انا مؤيد لكل رأي علي حده لكن احب اضيف ملحوظه صغيرة

كان لابد من اجابه كاتب الموضوع مسبق علي اسئلة قد تتواري الي زهن القارء

مثلا ان يكتب صراحة

1-هي سيارة ليست عائليه
2-لا اهتم بمصاريف الصيانه الدوريه ولا اعاده سعر البيع
3-موضوع سياره لها شعبيه وتاريخ لا يهمني بقدر الرقاهيه والامان
4-اهتم بالشكل الخارجي
5-وهكـــــــــــــــــذا

اللي عاجبني بصراحه في الموضوع التقيم وردود اللي ادوها الاعضاء للفيات

ده معناه ان العهد القديم وتفكير ان الفيات 128 و131 و132 و127 و125 خلاص راح وان ده كانت سيارات شعبية وزمانها راح

وان فيات جزء من منظومة السيارات الاوروبيه التي ينظر لها في العالم بأسره حتي في مصر علي انهافئة اعلي من السيارات الاسياويه الصنع (اليابان-كوريا-مالزيا-الصين)

طبعا بغض النظر عن مصاريف التشغيل والصيانه وقطع الغيار وكذلك سعر اعادة البيع

(لان في فعلا ناس مسأله التكلفه مش في حساباتها اصلا)

فعلا ملاحظة قوية و انا كان المفروض اعمل كدة ,,

بس انا مش عايز اتكم فى نقط كتير ,,

هو يادوب اعادة البيع ,, و انتشار قطع الغيار ,, و الاداء

انا عارف ان اعادة البيع و انتشار قطع الغيار تحسب فى صالح الكورولا عن البرافو ,,

بس انا بصراحة عايز عربية "حلوة" و مدخش على قطع غيارها ,,

يعنى انا ممكن اجيب عربية قطع غيارها مش منتشرة و ادوخ عليها بس تكون عجبانى اوى او الوحيدة العجبانى فى فئتها ,, يعنى مجيبش عربية مش عجبانى عشان قطع غيارها منتشرة ,,

المهم ,,

انا فعلا مستريح للاتنين جدااا ,, و انا كنت عايز اجيب الكورولا السنة الفاتت بدل اللانسر بس محصلش نصيب ,,

بس ياريت محدش يقولى ما دام الموضوع كدة يبقى حيران ليه او بتقارن ليه ,,

انا دماغى مش ناشفة و بفكر فى كل العربيات المتاحة ,, و فعلا عجبتنى البرافو ,,

عشان كدة انا عملت المقارنة دى عشان اعرف اراءكم ,,

انا كنت فاكر ان البرافو هتكتسح بس الاستطلاع بيقول غير كدة

[mohamed_rhem]

بالعكس البرافو اكتسحت فعلا

الاستطلاع بيأكد كلامي

انت انهارده في مصر خلاص الفكر القديم بتاع ان فاتك الياباني وعربية العمر والكلام بتاع الثمانينات من القرن الماضي خلاص

الفكر اختلف واكبر دليل وجود مؤيدين لسيارة مثل البرليانس في مصر مع انها مبقلهاش عمر

[delpo]

للأسف الواقع مختلف تماما و أسعار السوق تدل على العكس و الديل ان كان فيه زميل لينا فى المنتدى تعب جدا لحد ما باع الكرولا الجنوب أفريقى لإنها غير محبوبة فى سوق المستعمل و هى لسه لم تتخطى سنة و على ما أظن خسر فيها حوالى 30 الف جم !


انا جربت فعلا الكرولا الجديدة :)

اسمحلي اقولك ان كلام حضرتك مش مطابق للوقاع وانا مش بشكك في صدق كلامك بس يمكن دي حالة فردية والراجل كان مستعجل والعربية ليها ظروف معينة لكن انا بتكلم عن سوق كامل سعر الكورولا الجنوب افريقي معروف وماسك سعره بشكل غريب ولو قارنا بالبرافو في النقطة دي هنلاقي مساحات شاسعة في اعادة البيع وحضرتك تأكد بنفسك من اي معرض مستعمل او اي سوق عربيات وشوف وهتلاقي كلامي 100% مظبوط ومن ارض الواقع.

مع انك جربت الكورولا الجديدة الا ان حضرتك اول واحد اشوفو يقول ان عفشة البرافو انعم بجد كلام لا يمكن يتصدق ولا في الأحلام اعذرني بس الكورولا معروفة عالميا وحتى بموديلاتها القديمة نعومة العفشة من اهم المميزات الخاصة بيها.

وفي جميع الاحوال انا كتبت 20 نقطة الكورولا متفوقة فيهم وحضرتك ناقشتني فعشرة منهم فا هقول حتى لو مصمم على رأيك في العشرة دول في عشر اسباب اخرى تخليك تجيب كورولا عشقي الأبدي.

[delpo]

بالعكس البرافو اكتسحت فعلا

الاستطلاع بيأكد كلامي

انت انهارده في مصر خلاص الفكر القديم بتاع ان فاتك الياباني وعربية العمر والكلام بتاع الثمانينات من القرن الماضي خلاص

الفكر اختلف واكبر دليل وجود مؤيدين لسيارة مثل البرليانس في مصر مع انها مبقلهاش عمر

هههههههههههههههههههههههههههههههههههههههههههههههههه ههههههه والله هموت من الضحك .. بقى الياباني عربية العمر ده كان في التمانينات هههههههههههههههههههههههههههههههههههه هو كان في ياباني في التمانينات غير المازدا هههههههههههههههههههههههههههه والقرن الماضي كمان هههههههههههههههههههههههههههههههههههههههههههههههههه هههههههه.
والبرليانس كمان دخلت في الموضوع هههههههههههههههههههههههههههههههههههههههههههههههههه ههه

شوف يا سيدي هما جملة ونص : الكورولا باتباع منها اكتر من كل عربيات فيات الجديدة في مصر ومعاهم كمان الميجان والبيجو 307 عشان متزعلش, وده اكبر دليل ان العربية دي خرافية والا الناس دي تبقى هبله مثلاً ؟؟!!! ومتنساش ان الشعب المصري مش لاقي فلوسو في الشارع زي دول تانية ومش بيطلع القرش الا وعارف كويس ان تمنو فيه.

[Sharky]

اسمحلي اقولك ان كلام حضرتك مش مطابق للوقاع وانا مش بشكك في صدق كلامك بس يمكن دي حالة فردية والراجل كان مستعجل والعربية ليها ظروف معينة لكن انا بتكلم عن سوق كامل سعر الكورولا الجنوب افريقي معروف وماسك سعره بشكل غريب

انا مش حقولك انه قعد فترة أصلا لحد ما أتباعت لإنها مش مطلوبة فى السوق زى ما هو قال لكن حاقولك أنزل السوق و انت تعرف ان كلامى صح و لا لأ

ولو قارنا بالبرافو في النقطة دي هنلاقي مساحات شاسعة في اعادة البيع وحضرتك تأكد بنفسك من اي معرض مستعمل او اي سوق عربيات وشوف وهتلاقي كلامي 100% مظبوط ومن ارض الواقع

انا معاك فى دى أن البرافو أكيد سعر إعادة بيعها وحشة لإنها مش منتشرة و غير معروفة فى السوق لكن الكرولا الشكل الجديدة برضه مش زى بقية الكرولات فى سعر إعادة البيع

مع انك جربت الكورولا الجديدة الا ان حضرتك اول واحد اشوفو يقول ان عفشة البرافو انعم بجد كلام لا يمكن يتصدق ولا في الأحلام اعذرني بس الكورولا معروفة عالميا وحتى بموديلاتها القديمة نعومة العفشة من اهم المميزات الخاصة بيها.

انا ما قولتش غير ليه ما تكونش البرافو أنعم ؟
على أى أساس حضرتك قلت ان عفشة الكرولا انعم من البرافو
انا عن نفسى مجربتش البرافو فمقدرش اقول هى انعم أو الكرولا و حضرتك برضه مجربتش البرافو فمينفع نقول ان واحدة افضل من غير تجربة الغتنين و لا كلامى غلط ؟
و هى دى النقطة المختلف فيها مع حضرتك

وفي جميع الاحوال انا كتبت 20 نقطة الكورولا متفوقة فيهم وحضرتك ناقشتني فعشرة منهم فا هقول حتى لو مصمم على رأيك في العشرة دول في عشر اسباب اخرى تخليك تجيب كورولا عشقي الأبدي.

و أنا محترم رأيك و ووجهة نظرك بس من حقى أختلف معاك لو فيها حاجة غير مقتنع بيها
و ربنا يبارك لك فيها يزيد عشقك للكرولا أكتر يا سيدى

[kareemhisham]

يا جماعة عايزين نهدى شوية عشان الموضوع ميولعش و يقلب بخناقة زاى باقى مواضيع الكورولا هههههههههههه ,,

عامة التوكيل كلمنى انهاردة و قالى ان العربية وصلت المينا و انها الوحيدة المانيوال هاى لاين على المركب كلها هههههههه ,,

انا شكلى كدة هتوكل على الله و اجيب الكورولا ,, لان الكورولا فيها الاداء و الامان و حاجات تانية ,,

انا عملت المقارنة دى على امل انى الاقى نقطة قوية فى البرافو ,, بس لقيت كل الناس بتقول برافو طبعا و خلاص ,, و البيقول اسبابه بيقول شكلها احلى و بس ,,

و شكرا لتعاونكم و اهتمامكم بالموضوع

[Sharky]

ربنا يبارك لك فى الكرولا و ان شاء الله تكون إختيار موفق

[abo samra]

انا مش حقولك انه قعد فترة أصلا لحد ما أتباعت لإنها مش مطلوبة فى السوق زى ما هو قال لكن حاقولك أنزل السوق و انت تعرف ان كلامى صح و لا لأ



انا معاك فى دى أن البرافو أكيد سعر إعادة بيعها وحشة لإنها مش منتشرة و غير معروفة فى السوق لكن الكرولا الشكل الجديدة برضه مش زى بقية الكرولات فى سعر إعادة البيع


انا ما قولتش غير ليه ما تكونش البرافو أنعم ؟
على أى أساس حضرتك قلت ان عفشة الكرولا انعم من البرافو
انا عن نفسى مجربتش البرافو فمقدرش اقول هى انعم أو الكرولا و حضرتك برضه مجربتش البرافو فمينفع نقول ان واحدة افضل من غير تجربة الغتنين و لا كلامى غلط ؟
و هى دى النقطة المختلف فيها مع حضرتك


و أنا محترم رأيك و ووجهة نظرك بس من حقى أختلف معاك لو فيها حاجة غير مقتنع بيها
و ربنا يبارك لك فيها يزيد عشقك للكرولا أكتر يا سيدى

انا فعلا ما جربتش البرافو يا شاركى بس ده ما يمنعش ان البرافو مستحيل تكون انعم من الكورولا
لان العربيات الايطالى عموما معروفه بنشوفيه العفشه لصالح الثبات والاداء الرياضى
وانا شفت كذا تقييم للبرافو اجمعوا على ان العفشه نشفه نسبيا وبتحس بتفاصيل الطريق ده غير ثباتها الاقل من السيارات المنافسه زى الاسترا والجولف
هحاول ادورلك على اللينك وابعته
بس فعلا الكورولا الجنوب افريقى مريحه فى قاعدتها وسواقتها كمان اكثر من العربيات اللى فى فئتها واليابانى كمان اكثر نعومه والباور اخف كمان
تحياتى