رينو لوجان ولا شيفروليه أفيو

[gaddar]

السلام عليكم ...

أنا بصدد شراء سيارة جديدة في حدود ال 75 ألف بحد أقصى إنشاء الله (ممكن ألف أو ألفين زيادة بالكتير) وفكرت في حاجات كتير زي الفيرنا واللانوس والبونتو كلاسيك والسبيرانزا لحد ما إهتديت للشيفروليه الأفيو المانيوال و ناس كتير شكروا فيها وروحت شفتها في التوكيل ...
من يومين بالضبط شفت وجربت الرينو اللوجان المغربي ورجعت للحيرة من تاني عشان كدة أنا محتاج رأي خبير أيهما تختار بغض النظر عن ال 13 ألف الفرق في السعر ...
النقاط اللى بفكر فيها هي:

1 - مدى الإعتمادية (أنا مش شاطر في الميكانيكا)
2 - التوكيل (الصيانة وقطع الغيار من حيث توافرها وأسعارها)
3 - سعر إعادة البيع


- شكرا

[Hosam_Optrawy]

انا رأيى ولا دى ولا دى

نيو أكسنت أحسن

[sindbad2day29]

طالما معاك 77 يبقى نيو أكسنت طبعا و من غير تفكير هاتكسب في كل النقاط. . . . . . . . . . . . . . . . . . . . .

[M.FOUAD]

النيو اكسنت بعدها الافيو اللوجان لسة منتشرتش في مصر عشان تحكم عليها في حتة الاعتمادية

[akram2010]

[QUOTE=gaddar;3871922743]السلام عليكم ...

أنا بصدد شراء سيارة جديدة في حدود ال 75 ألف بحد أقصى إنشاء الله (ممكن ألف أو ألفين زيادة بالكتير) وفكرت في حاجات كتير زي الفيرنا واللانوس والبونتو كلاسيك والسبيرانزا لحد ما إهتديت للشيفروليه الأفيو المانيوال و ناس كتير شكروا فيها وروحت شفتها في التوكيل ...
من يومين بالضبط شفت وجربت الرينو اللوجان المغربي ورجعت للحيرة من تاني عشان كدة أنا محتاج رأي خبير أيهما تختار بغض النظر عن ال 13 ألف الفرق في السعر ...
النقاط اللى بفكر فيها هي:

1 - مدى الإعتمادية (أنا مش شاطر في الميكانيكا)
2 - التوكيل (الصيانة وقطع الغيار من حيث توافرها وأسعارها)
3 - سعر إعادة البيع

السلام عليكم ورحمة الله وبركاته
بصراحه انصحك لوجه الله الهيونداى النيو اكسنت سيارة خطيرة وشكل وتكييف وسرعه وصالون وماكينه جبارة وكفايه انها كورى وعلى فكرة افضل من اليارس والصنى والاوبترا لو عايز تقارن بس انصحك فى مصر الاتوماتيك منها يريحك

[NaderNabil]

السلام عليكم ورحمة الله وبركاته
بصراحه انصحك لوجه الله الهيونداى النيو اكسنت سيارة خطيرة وشكل وتكييف وسرعه وصالون وماكينه جبارة وكفايه انها كورى وعلى فكرة افضل من اليارس والصنى والاوبترا لو عايز تقارن بس انصحك فى مصر الاتوماتيك منها يريحك

المثال الحي لقوة المثابرة

لا بترحم ولا بتسيب رحمة ربنا تنزل؟؟؟؟

[Abdm]

[QUOTE=akram2010;3871923273]

السلام عليكم ...



السلام عليكم ورحمة الله وبركاته
بصراحه انصحك لوجه الله الهيونداى النيو اكسنت سيارة خطيرة وشكل وتكييف وسرعه وصالون وماكينه جبارة وكفايه انها كورى وعلى فكرة افضل من اليارس والصنى والاوبترا لو عايز تقارن بس انصحك فى مصر الاتوماتيك منها يريحك

الاخ Akram2010دة أنا مش عارف أقلة أية بكل أسف كل زميلنا وجميع الاعضاء حفظوك خلاص وعارفين انك شغال فى توكيل هيونداى وتدخلك أنا أسف جدا غير مرغوب فية لانك وبكل أسف بردة النصيحة اذا ما كنتش خالصة لوجة الله ملهاش لازمة أنا مش قادر أمسك أعصابى من كل مشاركاتك ولازم الادارة تعمل حاجة لان جميع الردود بتاعت الاخ أسطمبة واحدة بدون شرح كتير كلكم عارفين الموضوع دة كدة ما ينفعش دة استهانة بالاعضاء وكأننا أغبياء والادارة كمان أسف غبية وعدم احترام للجميع أنا مش من الاداريين لكن لازم يشوفو حل لايقاف المهزلة دية. الاخ دة بيضر كل المنتدى وأكتر من مرة تلقى نقد من الاعضاء وبردة ما فيش فايدة .هو الاخ مفروض على المنتدى عافية يعنى ولا أية الحكاية يا ريت حد يفهمنى الادارة لية سكتة على اللى بيعملوا الاخ بدون رد فعل. أنا أول مرة أكتب ورد بالشكل دة وعمرى ما عملت كدة لكن مش لاقى حل لايقاف الاستهتار والاستهزاء والسخرية وفساد النصيحة ,غير المواجهة وطلب الى الادارة انهاء والغاء جميع نصايح الاخ وعدم مشاركتة بأى نصيحة تانى نهههههائى وشكرا

[sasam6]

لو هتقارن بين الفيو ورينو لوجان
اقولك بدون تفكير اللوجان
عشان عربية اروبى مش مصرى وتقفيل معفن
اللوجان لسة منتشرت عشان جديده لكن هتثبت جدارتها فى مصر فى فترة قليلة
عشان فرق السعر الى هتوفرو حوالى 16 الف
فى البرستيج بتاع العربية الاتنين واحد ويمكن والله اللوجان اكتر......الافيو عربية صغيرة وحريمى

[ahmed76]

الاخ akram2010
الزميل بيسأل افيو ولا لوجان حضرتك تقولوا هيونداى نيو اكسينت

وبمتابعة مشاركات حضرتك تأكدت ان اى واحد هيسألك مرسيدس ولا بي ام هتقولوا
هيونداى
طبعا مجهود طيب ودعايه فوق الممتازه لهيونداى

[tofy_urban]

لو حضرتك بتتكلم في حدود ال75 ممكن تزود 4 الاف كمان و تجيب رينو سيمبول عربية من الاخر مش هتلاقي زيها في نفس السعر ولو بتفكر بين الافيو و اللوجان يبقي لازم تجيب اللوجان و تستفيد بفارق السعر و لازم تروح تتفرج علي العربيات في المعرض و تقعد فيها و شوف كماليات العربيات و الاتساع و انت تقدر تقرر لاني مقتنع تماما ان الافيو لا تقارن باللوجان او السيمبول دي عربيات اوروبي مش كوري يعني رفاهية و ثبات و شوف صاج العربيات التلاتة عامل ازاي هتلاقي الافيو اسواءهم و شوف الاتساع الداخلي الافيو اضيق واحده فيهم اما موضوع الشكل الداخلي و الخارجي فدي طبعا اذواق ولكني انا بفضل السيمبول في التلاتة و ربنا يوفقك

[abohalmos]

انا بس لى تعليق بسيط

اولا : انا بس باعترض على كلمة حد من الاخوة قال
لا بيرحم و لا بيخلى رحمة ربنا تنزل
و الجملة دى فيها اجتراء على الله تعالى
لانه لا احد كان او سيكون يملك او يقدر انه يمنع رحمة ربنا و العياذ بالله
و لللاسف الجملة دى منتشرة اوى .......و حاجة تضايق فعلا انه الناس بتردد كلام كده و خلاص
يا جماعة اكتر حاجة بتدخل الناس النار هيا السنتهم مصداقا لكلام اشرف الخلق عليه الصلاة و السلام
انا مش بوعظ حد ....... وانا اوحش واحد ..... حد محدش بيقول انى داخل افتى

ثانيا : الافيو دى اعجوبة لسبب تخش على المنتدى بتاعها متلاقيش واحد بيشكر فيها او فى التوكيل خااااااااالص
و تنزل الشارع تلاق الشارع كله افيو سواء ملاكى او تاكسى ........
انا مش فاهم حاجة خااااااااااااااااااااااااااااااالص ...... و اللى فاهم يفهمنى

طبعا رأيى للوجان ..... و لو تقدر تزود اللاكسينت
و ربنا يديلك الخير دايما

[yoko]

ثانيا : الافيو دى اعجوبة لسبب تخش على المنتدى بتاعها متلاقيش واحد بيشكر فيها او فى التوكيل خااااااااالص
و تنزل الشارع تلاق الشارع كله افيو سواء ملاكى او تاكسى ........
انا مش فاهم حاجة خااااااااااااااااااااااااااااااالص ...... و اللى فاهم يفهمنى

بص أنا واحد من الي معاهم العربية ومش طايقها ولا طايق التوكيل لكن معيش فلوس أغير العربية يدوب مكملة سنة وهتلاقي معظم الناس كده وفيه منها الكوري مشكلة أقل والأكتر منهم الناس الي مش فاهمة أنا أعرف ناس معاهم العربية بقالها ٦ شهور ومقتنعين إن الrpm يعلى ده طبيعي ويقولولك المهندس الي في التوكيل قلي كدة وفيه عمرها ما زودت عن ال١٠٠كم\س عشان كده محسوش بمشكلة الطنابير ويا ريت تنزل أي فرع من فروع منصور وسأل أصحاب العربية هناك عن مشاكلها وبيروحوا التوكيل كام مرة أنا وصلت أروح الصيانة كل إسبوع

[mada121977]

الاخ الكريم صاحب الموضوع بما ان حضرتك محتار بين الافيو واللوجان فنصيحه لحضرتك تجيب اللوجان على طول لان الافيو المشكله بتاعه ال rbm اللى فيها ممكن تجيبلك العصبى من اللى هتشوفه منها .. شوف انا عربيه حمايا افيو 2009 كورى جايبنها ب 82 الف من شهر 8 السنه اللى فاتت وقبل ماتكمل الالف كم المشكله دى ظهرت ولم تختفى حتى الان وحدث ولا حرج .. لما بنروح التوكيل الزباله بتاعها تلاقى اسؤ معامله ممكن تشوفها من توكيل سيارات المفروض انه محترم وتلاقى المهندس اللى مش لاقى حل للمشكله يقعد يفتى فى اى حاجه علشان مش عارف يحل العيب اصلا .. والعربيه حتى الان عامله 7 الاف كم بدون مبالغه كل اسبوعين نوديها التوكيل علشان العيب ده ينزلولها سوفت وير وبعد يومين تلاقى العيب ظهر تانى .. فانت اذا كان عند حضرتك طول بال على المشاكل اللى فى العربيه وطول بال انك تروح كل شويه التوكيل علشان تاخد حقك ( ومع احترامى مش هاتخده ) يبقى هات الافيو .. اما اذا كنت عاوز تستريح ويبقى بالك هادى يبقى هات عربيه تانيه يعنى لوجان او اى عربيه انت تستريحلها وهتوفر كمان فلوس

[mhoss]

الاخ akram2010
الزميل بيسأل افيو ولا لوجان حضرتك تقولوا هيونداى نيو اكسينت

وبمتابعة مشاركات حضرتك تأكدت ان اى واحد هيسألك مرسيدس ولا بي ام هتقولوا
هيونداى
طبعا مجهود طيب ودعايه فوق الممتازه لهيونداى

ممكن نبلغ الإدارة علشان الموضوع كده زاد عن حده....و أنا نبهته قبل كده برده...

[hesham_tawfiq]

السلام عليكم جميعا
من وجهة نظرى المتواضعه الكفه تميل لصالح اللوجان موتور 1600 كماليات اكتر وعربيه اوسع واريح وصاج افضل من الافيو .
ثبات افضل نظرا لمقاس الاطارات الاكبر
النقطه الوحيده اللى مش فى صالح اللوجان بكل امانه هى سعر اعاده البيع لان الناس بتسمع اسم رينو يجيلها هسس مش عارف ليه
بالنسبه لقطع الغيار فاللوجان اغلى بنسبه بسيطه جدا عن الافيو وتقدر حضرتك تتابع ف منتدى رينو اخبار اللوجان بقطع غيارها
واخيرا بالنسبه للتوكيل فمتقلقش تماما من توكيل رينو والناس فى قمة الاحترام