ميجان ---- اوكتافيا a4 --- كلاكيت اخر مرة

[Migo123]

دي مقارنه بين تكاليف تشغيل واقتناء الميجان سيدان و تكلفة اقتناء وتشغيل الاسكودا A4 .... المعلومات كلها تم تجميعها من موضوعات بالمنتدى تم ارسالها بواسطه مالكي السيارتين
كنت متحفظ بزياده مع الميجان و زودت تكلفة الصيانه غير المتوقعه بنسبة 30% من اجمالي الصيانات الدوريه في حين اني اضفت 20% فقط للاوكتافيا

برضه قللت سعر اعادة البيع للميجان ب 10 الاف جنيه عن الاوكتافيا

Megan A4

P

rice 105000 120000
warranty 3 years 2 years
Options cruse control

running cost

10000 537 550
20000 775 550
30000 655 550
40000 820 550
50000 490 550
60000 2,600 2,600
70000 490 550
80000 775 550
90000 655 550
100000 775 550
تيل فرامل وطنابير 3,000 2,000
أخرى 3,472 2,865
تأمين (5سنوات) 13,908 15,894
اجمالي تكاليف التشغيل 28,951 28,309
اجمالي التكلفه 133,951 148,309
سعر البيع المتوقع 65,000 75,000
الخسارة الرأسمالية 40,000 45,000
اجمالي التكاليف 68,951 73,309
تكلفة الاقتناء السنوية 13,790 14,662
تكلفة الاقتناء الشهرية 1,149 1,222

المفاجأه ان تكلفة اقتناء الميجان لمده 5 سنوات او 100 الف كيلو طلعت اقل من تكلفة اقتناء الاوكتافيا بسعرها الحالي. وفي المقابل الميجان ركوبه اريح وافخم.

هل من تعليق ؟!!!!!!!!!!

طبعا كان نفسي احط الموضع في جدول بس معرفتش
اتمنى انه يكون واضح

[Hisham1]

طبعا الميجان تكسب

[sasam6]

الميجان عربية باشا واكيد هى الى كسبانة

[Ahmed Samy]

طب نا انت عملت اللي عليك و زيادة

و من غير كل الحاجات دي

انت لو ركبت الميجان مش عاتعرف تقعد في الأوكتافيا كتر

[tofy_urban]

موضوع حلو و فكرة تقييم جديدة عليا بس ياريت ان حضرتك تحاول تعرضها بصورة واضحة لاني مش فاهم اجزاء كتير من الارقام و لو عملتها علي ملف pdf و رفعته علي اي موقع و حطيت اللينك يكون افضل كتير و شكراً لمجهودك

[Migo123]

المفروض انها كده اوضح بس يارب الصورة تكون ظاهرة

[TOOLA]

أنا فعلن حابب العربيتين, و لكن لسبب لا أفهمه عندى اعتقاد أن الاوكتافيا حمالة قسية عن الميجان, يعنى لو مشاويرى كتيير و فيها بردو سفر كثير ما يوازى 30 الى 35 الف كيلو فى السنة, هل الميجان هتستحمل مثل الأوكتافيا خصوصا العفشة, و صحييح أسعار قطع غيار العفشة فى السيارتين, و هل الميجان بعد ال 100,000 كيلو هتكون بكفاءة الأوكتافيا؟؟

للعلم أنا حاليا مالك لكيا سبكترا و حبيع ان شاء الله لشراء فئة أعلى, و لكن لم أستطع ان ارسى على قرار, و اختياراتى تبدأ من:

(النترا 2005 أو جولف 4 حالة جيدة جدا للسيارتين و متاحين بالفعل للبيع لدى صديقين)

ثم لو فكرت أعلى شوية قدامى تيدا حالة ممتازة, و ما يقابلها من نفس الفئة السعرية من" الميجان أو الاوكتافيا a4 أو بورا (بس لسه هدور)

[Migo123]

والله يا ا/ أحمد سؤال في محله بخصوص حاله العربيتين بعد 100 الف كيلو ......... بس بصراحه في نقطه لازم تكون في الحسبان بعد 5 سنين ايه التغييرات اللي هتطرء على العربيات والموديلات الجديده اللي هتنزل والكماليات الجديده ........ ساعتها اعتقد ان الاتنين هيبقو اولد فاشون والرغبه في التغيير هتبقى موجوده حتى لو العربيه مفيهاش مشاكل

عفشه الرينو اسعارها معقوله ( ارجع لمشاركات مالكي السياره في قسم الرينو ) اما عفشه الاوكتافيا بأمانه ما حدش جاب سيرتها لان محدش احتاج يغير فيها حاجه اصلا....

لو على العربيات اللي حضرتك بتفكر فيها اعتقد الجولف لو حالتها كويسه يبقى توكل على الله

[Col. Eng. Khaled]

أنا فعلن حابب العربيتين, و لكن لسبب لا أفهمه عندى اعتقاد أن الاوكتافيا حمالة قسية عن الميجان, يعنى لو مشاويرى كتيير و فيها بردو سفر كثير ما يوازى 30 الى 35 الف كيلو فى السنة, هل الميجان هتستحمل مثل الأوكتافيا خصوصا العفشة, و صحييح أسعار قطع غيار العفشة فى السيارتين, و هل الميجان بعد ال 100,000 كيلو هتكون بكفاءة الأوكتافيا؟؟

للعلم أنا حاليا مالك لكيا سبكترا و حبيع ان شاء الله لشراء فئة أعلى, و لكن لم أستطع ان ارسى على قرار, و اختياراتى تبدأ من:

(النترا 2005 أو جولف 4 حالة جيدة جدا للسيارتين و متاحين بالفعل للبيع لدى صديقين)

ثم لو فكرت أعلى شوية قدامى تيدا حالة ممتازة, و ما يقابلها من نفس الفئة السعرية من" الميجان أو الاوكتافيا a4 أو بورا (بس لسه هدور)

إسأل مجرب : Mohammed Moustafa

[Migo123]

العضو الكريم
Mohammed Moustafa

مطلوب فورا للادلاء بشاهدته بناءا على طلب الجماهير
يارب يكون سامعني :)

[Col. Eng. Khaled]

العضو الكريم
mohammed moustafa

مطلوب فورا للادلاء بشاهدته بناءا على طلب الجماهير
يارب يكون سامعني :)

عليكم و على الخاص لإن ممكن جدا يكون ما شفش الموضوع

[M.Moustafa]

معلش يا جماعة بس انا اليومين دول تقريبا مطحون شغل

نبدا المشوار انا العربية معايا من 2006 شاريها زيرو العربية دلوقتي عامله معايا 110 الف

العفشة مش هقدر احكم عليها كويس لاني انسان غبي في التعامل مع العفشة بجد يعني اربط عفشة واظبطها وتبقى العربية معايا اخر حلاوة ابدا ارزع فيها بمعنى كلمة ارزع طبعا تبدا تضيع مني بس عايز اقول اني بروح بالعربية في حتت والله العظيم لو حد شافها وشاف انا بسوق فيها ازاي ممكن ياخد مني العربية عشان اللي بعمله فيها ويقولي حرام عليك اعتقها ومع ذلك لسه مغير مساعدين من مافيش 15 الف كيلو والبركة في احمد عبد المقصود اللي اخدت منه المساعدين ولحد دلوقتي ما دفعتلوش تمنهم لاني مش عارف اشوفه والله اليومين دول خالص.

العربية ما شاء الله طول ما انا محافظ على الصيانة العربية ما بتعملش معايا دقات نقص الا لو انا اللي قسيت عليها.

الحاجة الوحيدة اللي مضيقاني منها واللي ما كنتش حاسس بيها وانا في السعودية هيا الجنوط طبعا بلادنا الحمد لله البلاعات فيها ارتفاعها من 5 متر ونص وانت طالع وبالتالي كل يومين ارشقلي في بلاعة والجنط يتني

انا لسه كنت بقول لوالدتي من يومين العربية دي حمالة قسية على اللي انا بعمله فيها لاني في بعض الاوقات بعتبرها عربية نص نقل وبحمل فيها حاجات

طبعا الامان واتزان العربية والفخامة مش هتكلم فيه لان محدش هيصدق كلامي الا لما يركبها ويسوقها بس كفاية كلمة قالها هاني قبل كده بتحس ان العربية بتكلمك من كام يوم خبط في طوبة والجنط اتعوج جدا والصامولة اللي موصله لكاليبر الفرامل من زي الفرامل فكت وسربت العربية نورت وكتبتلي ستوب ومنورالي لمبة الهاند بريك. ما اعتقدش في حاجة احسن من كده

عموما اللي محتاج يعرف عن العربية اكتر في اي وقت انا او اي حد من الوحوش حاضرين نوريله العربية

[Migo123]

ربنا يطمنك يا ا/ محمد

افهم من كلامك ان العفشه بتحتاج تربيط باستمرار
انت عندك جنوط 16ً تفتكر العربيه لو بجنط عادي 15ً هيأثر في الثبات ولا مش هتفرق كتيير ؟؟؟

[Ahmed Selim]

اما عفشه الاوكتافيا بأمانه ما حدش جاب سيرتها لان محدش احتاج يغير فيها حاجه اصلا....

واحد صاحبى كان باع عربيته ال a4 و كانت عاملة 102 ألف كم و الميكانيكى كان قايله أن المساعدين ال 4 خفيفة و هيحتاجو تغيير على ال 120 ألف بالكتير.

بس مش فاكر تمنهم بالظبط بس كان فى حدود ال 1500 برة التوكيل لل 4 مساعدين.

ربنا يطمنك يا ا/ محمد

افهم من كلامك ان العفشه بتحتاج تربيط باستمرار
انت عندك جنوط 16ً تفتكر العربيه لو بجنط عادي 15ً هيأثر في الثبات ولا مش هتفرق كتيير ؟؟؟

الجنط ال 16 هيفرق فى الثبات بس مش فرق شاسع

العربية كده كده بيربطولها عفشة فى كل الصيانات المجانية و المدفوعة.

[TOOLA]

محمد مصطفى باشا مش عارف اشكرك ازاى,و الموضوع فعلن يحير عموما ربنا يلهمنى للصواب و اللى فيه خير ليا ان شاء الله