جين تو ولا الينترا

[prohossam]

السلام عليكم
ياجماعة انا بجد محتار اوي وتعبت
انا من عشاق الجين تو ونفسي اجيبها بس للاسف ناس كتيرة مخوفاني من سوق ببيعها بعد كدة

والالينترا بيقولولي انها افضل منها فهل دا صحيح؟

انا شفت الاتنين لقيت ان الفرق الوحيد وسع الصالون وانا مش في حاجة لدا اوي

لكن كشكل .. مش عارف دي شبابي والتانية عائلية اوي

ياريت تفيدوني بجد

[akram2010]

ياعمو الهيونداى افضل من غير ما تفكر .. واى خيار اخر حد بينصحك بيه بيضحك عليك . الهيونداى منافس لليابانى والامريكى فى بلدة سيارات ما تحتاج

[ezzatfox]

السلام عليكم
ياجماعة انا بجد محتار اوي وتعبت
انا من عشاق الجين تو ونفسي اجيبها بس للاسف ناس كتيرة مخوفاني من سوق ببيعها بعد كدة

والالينترا بيقولولي انها افضل منها فهل دا صحيح؟

انا شفت الاتنين لقيت ان الفرق الوحيد وسع الصالون وانا مش في حاجة لدا اوي

لكن كشكل .. مش عارف دي شبابي والتانية عائلية اوي

ياريت تفيدوني بجد

الفرق بين الاثنين مش اعادة بيع و وسع بس .. فى فروق تانية جوهرية
الالنترا سحبها و تجميعها اعلى من الجين بفرق ملحوظ خصوصا على السرعات القليلة .
الالنترا استهلاكها فى البنزين اقل من الجين 2 عشان تكنولوجيا cvvt .
الالنترا تقفيلها احسن بكتير جدا من الجين 2 سواء فى الخامات او المستوى .
الجين تتفوق فى حاجتين بس - عوامل الامان (abs + ebd + Airbag ) و ثباتها اعلى.
و سيبك من اللى هيقولك كماليات الجين 2 اعلى لان الكماليات مش بكترها .. المهم هتعمر قد اية
التوكيل .. الاثنين مش قد كدة و ان كان غبور افضل من عز العرب على الاقل فى مدى توافر قطع الغيار و مراكز الخدمة.. كما ان انتشار الالنترا اكثر بكتير جدا من الجين و سهل تلاقى اى حاجة تخصها برة التوكيل بسهولة بعكس الجين 2 .
رأيى الشخصى الالنترا

[M.Osman]

الإلانترا موجود فيها ABS و airbags حالياً

[M.FOUAD]

لو هتجيب زيرو خليك في الالنترا لكن لو مستعمل يبقى هات الجين 2 على الاقل عاجباك و مش هتخسر حاجة في سعرها لانك هتشتريها رخيصة اصلا

[tarekabosdera]

الالنترا عمر افتراضي طويل واعتمادية تماثل الياباني.

[prohossam]

ياريت اسمع اراء كمان

[tutankhamoun]

العربيتين ممتازين
كل واحدة لها منهم لها نقاط تميز عن الأخرى :
هابدأ بالإلنترا
الصالون أوسع -------- السحب أحسن علشان الموتور أقوى -------- العربية مجملا ناعمة و أنعم من الجين 2 .
العربية حازت على جائزة في أمريكا لأفضل سيارة في حجم 2000 سي سي تقريبا و مش فاكر سنة 2007 أو 2008 ؟؟؟؟ و لكنها حازت على جائزة .

الجين 2
الشكل أحلى و دي أذواق ----------- الصاج أقوى -------- كماليات أكتر ------ سعر أفضل ------- ثبات عالي جدا .

بالنسبة لسعر اعادة البيع :
مفيش عربية في اعادة البيع بتكسب ..... لازم تخسر
الجين 2 بتتباع دلوقتي موديلات 2006 أو 2007 من 60 ألف إلى 70 ألف حسب الحالة
و لو قارنت الثمن ده بالثمن الأصلي ..... اللي هو 82 ألف جنيه .......... أعتقد أنه مش خسارة كبيرة و لا أعتقد أن الإلنترا أو أغلب العربيات في السوق لو ثمنها الأصلي في حدود 82 ألف جنيه ...... هاتتباع مستعملة أقل من 15 ألف جنيه للثمن الأصلي ؟؟

الأخوة المشككين في جودة كماليات الجين 2 :
كاسيت بلاوبونكت ألماني سي دي و أم بي 3 ........ و الأصلي بتاع العربية على عكس موديلات كتيرة من غبور اللي غبور بيركب السنتر و الأنذار و الكاسيت هنا بمزاجه علشان يقلل الجمارك .

ضفيرة كهرباء بوش ألماني .
بطارية جافة من نوعية جيدة جدا جدا .
و بقية الكماليات زي زجاج الكهرباء للأربعة أبواب و انذار و مجمد للمحرك و مرايات بتتعدل كهرباء .......و طارة دريكسيون بأزرار للتحكم في مشغل الأغاني ........
بالاضافة إلى وسائل الأمان من عدد 2 وسادة هوائية و فرامل abs ebd
يعني من الأخر العربية جاهزة من مجامعيه ...... و ثمن ممتاز ................... و جودة جيدة جدا .
أنا معايا العربية من سنتين و ماشاء الله و لا حول و لا قوة إلا بالله ............................... الحمد لله مرتاح جدا و مبسوط جدا منها و لو غيرت مش هاغير إلا لبروتون برضه .
و كفاية أنها من ماليزيا .................

في النهاية لو أنت مش هاتشتري عربية علشان تبيعها بكرة .... و لا أيه ؟؟
و لذلك أشتري اللي نفسك فيه ..... و سيبك من كلام الناس ......... العربية مضمونة و متجربة في السوق بقالها 4 سنين و موجودة في السوق البريطاني و السوق الأسترالي و بعض أسواق أوروبا الصغيرة زي مالطا و قبرص و موجودة في تركيا كمان بالاضافة للأسوق التانية
يعني عربية معروفة ...... مش عربية من غير أسم علشان تخاف منها .

أتكل على الله لو أنت مستريح للعربية و عاجباك ............... اللي يمشي و را كلام الناس لا هايروح ورا و لا قدام .... و لا أيه ؟؟

[أبومعاذ]

GEN2 = Best Value For Money
الالنترا عشان تغووور من وش غبووور