Gen2 vs New Accent

[Abu Aly]

يا عزيزى انا اعتراضى من حيث المبدأ على عبارة شركة اسلاميه .. لا يوجد فى الاقتصاد العالمى حاجه اسمها
شركة اسلاميه او بوذية .. بل الشركات حتى اصبحت متعدده الجنسيات .. هل يمكن نقول على شركة النصر اللى بتتنج الكوكاكولا فى مصر انها شركة اسلامية مثلا لمجرد ان صاحبها - لو كانت قطاع خاص - مسلم ؟ ..
سواء كان اصحاب شركة بروتون مسلمين ام لا فشئ كويس ان دولة مثل ماليزيا من العالم النامى انها تحاول تنهض و تنافس
.. نرفع لها القبعه او العمه سواء كانت اسلاميه ام لا .. و ياريت نبقى زيها ..
يا عزيزى انا اصلا معترض على حكاية شركة اسلاميه .. و انا متأكد مائه فى المائه ان هذه الشركة لا يمكن ان تقول
عن نفسها داخل ماليزيا انها اسلامية او بوذيه الخ.. لان ذلك منافى للفلسفة و الروح التى تقوم عليها الدولة الماليزية اصلا ..
انصحك لو تقدر تسافر هناك فى اجازة صغيرة ما تترددش .. و لو كنت شفت اعلانات السياحة عن ماليزيا فى قناة مثل cnn .. سوف تجد الاعلان يشدد على ان ماليزيا هى روح اسيا لانها تضم جيع الاعراق و الاجناس و الديانات ...

انا يا استاذى مستعد اشترى جين 2 لو كانت عربيه كويسة بصرف النظر عن ديانة القائمين عليها .. و انا متأكد تماما
انه حتى لو كان صاحب او اصحاب - و غالبا هى شركة موجودة فى البورصة و بيشترى اسهمها الجميع بصرف النظر
عن ديانتهم - .. ثم لا وجود لكيان قانونى فى معظم دول العالم ينص على ديانة شركة استثمارية .؟؟ التسميات مثل الشركة
الاسلامية هذه شائعة فقط عندنا فى مصر و يمكن فى بعض الدول العربية اللى حالها زى حالنا ! - لكن الشركات الدولية الكبرى لا تعرف الجنسية أو الديانة او غيره ..Business is Buisness .. هذا هو مبدأ الاقتصاد و التجارة
الدوليين .. و لو عرفت خريطة الاقتصاد و التجاره اليوم لاصابت سيادتك الدهشة .. و حتى لو كان المساهمون
الرئيسيون فى شركة بروتون ماليزيا مسلمون فسوف تجد انه شئ عادى جدا هناك ان يكون مدير المصنع مثلا صينى
و المدير التجارى هندى و العمال خليط من كله .. ياريت و يا رب نبقى زيهم بنفس الوعى و السماحة و الثقة بالنفس ..

الصينيون البوذيون يصنعون و يصدرون السبح و الطواقى و سجاجيد الصلاة رغم انهم بوذيون .. Business ! ..
و يا خىالعزيز احنا مش فى خصومة و لا حاجة .. و كل واحد رأيه يحتمل الصواب و الخطأ و مفروض ان الحوار
يفيد الجميع و يستفيد منه الجميع .. الحوار مع من يتفقون معنا فى الرأى مجرد دردشة و تقضية وقت .. الحوار الحقيقى و المتعة هو مع من يختلفون معنا فى الرأى .. و لازم الواحد مايخدش المسأئل على انها كرامة و لازم ان رأيه هو اللى يطلع
صح او يزعل .. انا شخصيا بأكون سعيد لو طلعت فى نقاش مع اى حد بمعلومة جديدة او شئ يخلينى اغير ارائى
فى موضوع معين .. انا شخصيا زرت ماليزيا لذلك يمكن عندى معلومات دقيقة اكتر عن المجتمع الماليزى .
و بعدين ماليزيا نفسها حتى و لو كانت دولة اسلامية زى ما بتقول لم تقم من فراغ فهى تأخذ من التكنولوجيا الغربية
او الاسيوية من الدول الاسيوية التى سبقتها فى التطور زى اليابان .. و السيارات الماليزية ليست ماليزية 100 %
لانها اعتمدت فى البداية على محركات يابانية ( متسوبيشى ) فى الويرا و الواجا ثم بعد كدة على محركات انجليزى ..
الخلاصة لا يوجد اقتصاد اسلامى او مسيحى او بوذى .. و التكنولوجيا للجميع .. و الجهاز الصفير ممكن يضم
قطع مصنعة فى 4 او 5 دول مختلفة الثقافة و الديانة .. المهم تكون السلعة فى النهاية جيدة .. و دمتم .

[PRO-DRIVE]

استاذ ابو علي اولا :- مش محتاجين نروح السفاره

http://en.wikipedia.org/wiki/Malaysia#Religion

ثانيا : حضرتك ما سمعتش علي البنوك الاسلاميه اللي موجوده في انجلترا و اوروبا و امريكا ؟
ثالثا انا شخصيا زرت ماليزيا و عارف انها دوله اسلاميه الغالبيه
صحيح ان مفيش اي دين للاقتصاد بس دايما الاوروبيين بيفضلوا المنتج الاوروبي
لو حضرتك زرت اليابان عمرك قااااابلني ان شوفت عربيه مش يابانيه الا مرسيدس و بي ام
فا موجود انتماء للشركه و موجود اتجاهات للمشتري
و بعدين كل واحد حر يشتري اللي هو عاوزه !!
و كل شركه حره تعلن عن اصلها !!!

[PRO-DRIVE]

بعدين حضرتك غيرت اتجاه الموضوع الرئيسي

[tutankhamoun]

If I were in your feet

معلش

هية مش بتتقال If i were in your shoes ولا الأتنين ولا انا الى غلطان

والله انا مش قصدى حاجة محدش يزعل منى انا بس بأكد المعلومة عندى

و بكرر تانى والله مش قصدى حاجة

أنا و الله ما أقصد شئ بس أنتو الأثنين غلط
هي تقال
If I was in your shoes
يعني في غلط نحوي و غلط في استخدام الكلمة
و هذا فقط لتثبيت المعلومة و لست أقصد إهانة أحد فيكم ........... فأنتم أخوة كرام و على رأسي من فوق

[tutankhamoun]

هية مش بتتقال If i were in your shoes ولا الأتنين ولا انا الى غلطان

لا إنت صح وبتتقال كمان "if i were in your boots :D

يا جماعة فين غلط نحوي هنا ....... أداة النداء أنا و التي هي I لا تستخدم معها were
و لكن was
فيقال
I WAS happy , I WAS SAD و هذا على سبيل المثال
أما مقولة
I WERE فهي خاطئة بنسبة 100 % و هذا أكيد 100 %
و شكرا

[tutankhamoun]

أنا أختار الجين 2 بدون تردد
سيارة ممتازة جدا و قوية و خامتها ممتازة و سريعة و تعتمد على تكنولوجيا عالية و صاجها جامد و العيب الوحيد اللي أنا شايفه هو عدم إنتشارها في الوقت الراهن و أرى أنها لا تقارن بأي ماركة صيني خالص لأنها في موقع أفضل من الصيني كله حتى الشيري و هذا رأيي اللشخصي ........ أرجوا أن أصحاب السيارات الصيني مايزعلوش مني

[fahd_628]

يا جماعة فين غلط نحوي هنا ....... أداة النداء أنا و التي هي I لا تستخدم معها were
و لكن was
فيقال
I WAS happy , I WAS SAD و هذا على سبيل المثال
أما مقولة
I WERE فهي خاطئة بنسبة 100 % و هذا أكيد 100 %
و شكرا

لا يا باشا انا بقى متأكد من موضوع If i were in your shoes دة و تأكدت منة دلوقتى

انا معاك ان If i were ك grammar غلط هيا الأصول If i was
بس هية بتتقال ك expression على بعض If i were in your shoes

و بص على اللينك دة حتلاقى ال expression دة مستخدم

http://www.google.com.eg/search?hl=en&q=if+i+were+in+your+shoes&meta=

اسف جدا للخروج عن اطار الموضوع بس حبيت اصحح

[tutankhamoun]

يا جماعة فين غلط نحوي هنا ....... أداة النداء أنا و التي هي I لا تستخدم معها were
و لكن was
فيقال
I WAS happy , I WAS SAD و هذا على سبيل المثال
أما مقولة
I WERE فهي خاطئة بنسبة 100 % و هذا أكيد 100 %
و شكرا

لا يا باشا انا بقى متأكد من موضوع If i were in your shoes دة و تأكدت منة دلوقتى

انا معاك ان If i were ك grammar غلط هيا الأصول If i was
بس هية بتتقال ك expression على بعض If i were in your shoes

و بص على اللينك دة حتلاقى ال expression دة مستخدم

http://www.google.com.eg/search?hl=en&q=if+i+were+in+your+shoes&meta=

اسف جدا للخروج عن اطار الموضوع بس حبيت اصحح

يا باشا كلامك صح .......... بس هي مش علشان تعبير أو expression
عندما تقول أنا كنت كذا
تقول I was sad مثلا و لا تقول I were sad
و لكن هنا جاءت كقاعدة ......... و تستخدم إذا تحدث المتحدث عن شئ ليس حقيقي و خصوصا عندما نستخدم "لو" .......
فمثلا نقول إذا كنت في مكانك كنت فعلت كذ و كذا
لذلك عند قول لو أنا كنت كذا و كذا دائما من الممكن أستخدام I were و ليس لهذا التعبير فقط
و هذا للتوضيح

[Nader]

!!اية هي اتحولت لـGrammar & Linguistics ولا اية :D !!

انا شايف ان الGEN2 افضل، النيو اكسنت تقيلة جداً في اعادة البيع ومش منتشرة + ان سعرها عالي اوي عليها

بس الله اعلم اية اللي هيحصل في السوق بعد ما نزلت تاكسي العاصمة.

[Abu Aly]

استاذ ابو علي اولا :- مش محتاجين نروح السفاره

... كويس توفر تمن بنزين العربية ....

نيا : حضرتك ما سمعتش علي البنوك الاسلاميه اللي موجوده في انجلترا و اوروبا و امريكا ؟

.... سمعت لكن مفيش فارق بينها و بين البنوك العادية و من وجهة نظرى الشخصية و انا حر فيها هى
فكرة غلط و الموضوع تجارى بحت علشان يلموا ودائع المسلمين زى ما كان بيعمل السعد و الريان !
....

صحيح ان مفيش اي دين للاقتصاد بس دايما الاوروبيين بيفضلوا المنتج الاوروبي

... طبيعى هم رواد صناعة السيارات و الا عايزهم يشتروا الكورى و الماليزى ؟ ...اذا كان ماليزيا نفسها
بتجيب منهم المحركات ثم انهم بيشتروا الاوربى علشان اوربى مش علشان مسيحى ..........

لو حضرتك زرت اليابان عمرك قااااابلني

و انت روحت اليابان و الا بتتكلم سماعى ؟ .. و بعدين اليابان تطورت جدا فى صناعة السيارات و تكاد تصل لمستوى
السيارات الاوربية و كمان عندهم حماية جمركية تخللى المستورد الاوربى اغلى من اليابانى ثم ان معندهمش عقد ممكن
يشتروا عربيات اوربية اذا تفوقت على اليابانية زى ما انت بالظبط قولت بنفسك و اخيرا برضه لما بيشتروا
اليابانى بيشتروه علشان يابانى مش عشان شينتوى او بوذى ....

بعدين كل واحد حر يشتري اللي هو عاوزه !!

.... و هل انا اعترضت او فكرت او حتى املك انى امنع حد يشترى اللى هو عاوزه ؟ ... هل انا منعت سيادتك
تشترى السوبارو ؟؟ :lol: :lol:

كل شركه حره تعلن عن اصلها !!!

... المشكلة يا عزيزى ان الشركة لم تنكر اصلها ( Origin ) او انها شركة ماليزية لكنها : لا .. و لم .. و لن تعلن عن ديانة الشركة .... يعنى احنا ملكيين اكتر من الملك !!و هذا هو اصل اختلافى مع الزميل و ليس اى شئ اخر و الله العظيم ... احلف ع المصحف يا شيخ ؟!

بعدين حضرتك غيرت اتجاه الموضوع الرئيسي

... نسيت تقوللى فين بطاقتك الشخصية !!! :mrgreen: :mrgreen: :mrgreen:

و بعدين سيادتك ليه مش عارف بتكتب بطريقة ظاهر فيها العداوه ؟؟ :( .. و اذا كان الكلام عن ماليزيا فأنا لو كنت باتناقش مع شخص ماليزى لكان اكثر ودا من سيادتك .. و هى بلد جميله باحب ناسها و ادبهم و معاملتهم الودية و تواضعهم و رغبتهم فى التعلم و سماحتهم .. و تقبل تحياتى

[PRO-DRIVE]

يا استاذ ابو علي باشا مفيش عداوه ولا حاجه بس انا كنت متحمس شويه :mrgreen:

اولا بالنسبه لـ :

طبيعى هم رواد صناعة السيارات و الا عايزهم يشتروا الكورى و الماليزى ؟ ...اذا كان ماليزيا نفسها
بتجيب منهم المحركات ثم انهم بيشتروا الاوربى علشان اوربى مش علشان مسيحى .

اليابانى بيشتروه علشان يابانى مش عشان شينتوى او بوذى ....


الفكره اني بنتمي لشيئ سواء كان فكر جنسيه دين دوله لون .... فا الفكره واحده


انت روحت اليابان و الا بتتكلم سماعى ؟

مش محتاج اروح اليابان في حاجه اسمها مبيعات الشركات و تقارير المبيعات في اليابان
( العالم اصبح قريه صغيره :mrgreen: )

[Ahmed Anwer]

معلهش بس يا أخ ابو علي
أنا مش عالم دين و لا حاجة
بس اعتقد لو اشتريت منتج من دولة إسلامية
بنية إنك تنفع ناس مسلمين اعتقد ربنا هيجازيك خير علي نيتك دي
و من ناحية دنيوية بحتة ،
فعلآ المان بيفضلوا منتج بلادهم و مبيكلموش غير لغاتهم
اليابانين كذلك
فالإعتزاز بإنتماءك لشئ و (التطرف ) في الإنتماء ده مش عيب و هوا سر التقدم
الحلم القومي زي مابيقولوا
ده رأيي حبيت أقوله بصراحة

[Abu Aly]

انا كنت متحمس شويه

الحماس حلو بس بلاش تسخن زياده .. انا مش قدك ! :mrgreen: :mrgreen:

ش محتاج اروح اليابان في حاجه اسمها مبيعات الشركات و تقارير المبيعات في اليابان

... لو صحيح بتقرأ التقارير ده .. ارفع لك القبعة .. و لو ان راسى معاهاش اى قبعه او حتى طاقية دلوقتى !!

فالإعتزاز بإنتماءك لشئ و (التطرف ) في الإنتماء ده مش عيب و هوا سر التقدم

... صديقى العزيز المنتمى احمد بك انور ... انا زيك و الله منتمى ..لكن اعتقد من اسباب مشاكلنا الان تديين كل شئ - هذا رأيى الخاص - حتى فى كل المسائل الحياتية البحته اللى الرسول الكريم قال " انتم اعلم بشئون دنياكم " ..و اصبحت الفتاوى تنهال علينا زى الرز و اكيد انت بتقرأ و تسمع اغرب الاشياء حتى الى بتشوه صورتنا قدام العالم ..
احيانا الشخص الذى بينتقد زى حالاتى بيبقى بينتقد مش لانه معندوش انتماء لكن لانه بيحب بلده زياده و زعلان على حالها
و ليس العكس .. لو نمنا و استريحنا او كابرنا و قلنا كل شئ تمام فذلك من اسباب عدم تقدمنا .. مش عيب الواحد يعترف
بعيوبه او يعترف اننا تخلفنا عن كتير غيرنا و يحاول يعرف الاسباب ..و اجمل شئ فى ماليزيا هو التواضع و محاولة
الاستفاده من تجربة غيرهم .. صدقنى العمل هو الاساس و هو اللى حينفعنا مش رفع شعارات دينية او وطنية و خلاص ..
الحلم القومى يتحقق بس بالعلم و العمل الشاق و طبعا الثقة بالنفس و الوطن و الايمان بالله لتحقيق الهدف و ربنا بيجازى الانسان و يكافئه على عمله و من غير كده يبقى احلام يقظة ...السد العالى اتحقق بلعمل الشاق 10 سنين و بالاصرار على تنفيذه رغم العقبات .
الانتماءات شئ جميل لكن فى حدود معقولة .. طبعا اوافقك على ان الواحد اولا يفضل و يشجع منتجات بلده لكن لازم
منتجاتنا تبقى بجوده عالية زى منتجات الدول اللى بتعجبنا .. لو قفلنا الباب امام المنجات الاجنبية الجيده بس لتشجيع الصناعة
الوطنية فلن تتقدم صناعتنا الوطنية ابدا طالما ضامنه تبيع فى السوق المحلى .. المنافسه يمكن تخليهم يتحركوا و يحاولوا
عمل منتجات جيده تبيع و تنافس مش بس فى السوق العالمى و تصبح مصدر فخر لينا .. و اهلا بمنتجات ماليزيا او اى بلد " اسلامى " .. تخيل مثلا ان بعض السلع و المنتجات المصرية اللى كنا متميزين فيها تدهورنا .. تخيل حتى الجبنه البيضا !
انا كنت فى سوبر ماركت من يومين و لقيت علبة جبنه بيضا مستورده من السعودية !! و تخيل طلعت احسن من جبنة كل
الشركات المصرية ؟!! .. معقوله ده يا عالم فين الجبنة الدمياطى اللى كانت احسن جبنه فى العالم ؟!! ... شئ جميل ان ماليزيا تعمل عربية كويسة و نتمنى تكون احسن كمان و ياريت نتعلم منها و نتحرك و نقلدها بس بلاش شعارات دينية ... اليابان بتننج من غير ما تقول شركة بوذية و كذلك الاوربيين من غير ما يرفعوا شعارات يبان منها تعصب او تمييز على الجنسيات او الاديان الاخرى ..طيب لو قلت انا شركة اسلاميه .. طب ايه اللى يخللى الدول غير الاسلامية تشترى منك ؟؟
( عدد سكان العالم 6.5 مليار منههم فقط مليار مسلم ) ..

ده رأيي حبيت أقوله بصراحة

و ده رأيى حبيت اقوله بصراحه .. على الله اكون عرفت اوضح من غير اخوانا المتحمسين ( :mrgreen: )
ما ينزلوا في طاخ طيخ ... :mrgreen: :mrgreen: :mrgreen:

[tutankhamoun]

موضوع الصناعة ده موضوع كبير
و لو نظرنا إلى الموضوع نظرة أعمق من ذلك نجد أن كل المتحاورين لديهم وجهة نظر صحيحة 8) 8)
أنا عن نفسي أشتري معظم إحتياجاتي " صنع في مصر " و الأشياء التي ليس لها بديل أبحث عن الجيد بين منتجات الدول الإسلامية و من ثم الدول الأخرى .
و هذا ليس لأني أكره الدول الأخرى ......... بل لأن الدول الأخرى أصلا غنية جدا و من يحتاج التدعيم و المساندة هي الدول الإسلامية الناهضة ......... فعندك مثلا أمريكا يوجد متعصبين فيها كثيرين و هم يحبون أن يشتروا منتجات بلادهم ليس لسبب إلا أنها "صنع في أمريكا " . يعني الموضوع مش في مصر فقط و لكن في كل مكان و لكن المشكلة هنا أننا نلبس عباءة الدين لكل شئ
و في النهاية كل من على الأرض فهو عبد من عباد الله و الله يرزق من يشاء من عباده إيا كان مسيحي أو بوذي أو مسلم
الكل لديه عند الله نصيب بما أن الله هو الخالق العادل
8) 8) 8) 8) 8)

[barakota]

معلش ردي الاول كان بعيد عن الموضوع شوية

بص يا عم ودة كلام ممكن يزعل ناس مني ولكن اقول رائي لوجة الله لاني اتعشم ان اجد من ينصحني في يوم ما.

إمبارح بس لو كنت شوفت موضوعك قبل الساعة 4 مساءا كنت قلتلك GEN2 و إنت مغمض :!: ولكن إمبارح الساعة 4 كنت على موعد مع مسؤل مبيعات ال GEN2 عندنا في إسكندرية علشان اتفرج عليها علشان بفكر اشتريها. وكانت المفاجأة..............

1- السيارة المعروضة كانت sport package وهي تزيد عن العادية في الاسبويلر والعتب والكساحة وكن الزيادة دي تكلفك 4000 جنية :shock: ........ ايوة ويبقى تمن المانيوال الكاملة 1600 سي سي سبورت باكج 87900 :shock: :shock: :shock:

2- السيارة جميلة بالنسبة للتصميم الخارجي والوسع الداخلي معقول جدا ل 5 افراد متوسطي الحجم.

3- الشنطة واسعة.

4- التقفيل الداخلي للابواب والتابلوة والكراسي فقير جدا جدا واكاد اقارنة بالادا او الشاهين....... الخامات بلاستيكية تتسم بالرقة وعدم المتانة ولا اعتقد انها ممكن تعمر اكتر من سنتين في حال الاستخدام اليومي المتكرر وليس الخفيف.

5- حاجة غريبة إن الكبوت بيفتح من ناحية اليمين للراكب إلي جنب السائق لية؟؟؟؟؟؟

6- الموتور شكلة محترم وتقفيلة محترم لكن عادي والفينيش لبعض الاجزاء مش ولا بد.

7-الجنوط جميلة ولكن شكل جديد غير الاولاني إللي بدوائر.

8-مفاجئة اخرى....... بينزل منها فرش اسود فقط ودة شكلة عادي جدا ومش ظريف.

9- الدهان بتاع المقابضعق ووش الكاسيت ومقبض عصاية الغيار "الاوكسدي" شكلة مش قد كدة وأعتقد مع الرطوبة والشمس والعرق مش حيعمر! وخير دليل العربيات المعروضة في CAR100100.com ولو بصيتو عليها حتلاقوا دهان عصاية الغيار ممسوح وشكلة وحش جدا مع إنها مكملتش سنتين.

10- الصاج متين ومعالج ضد الصدأ ولكن في إعتقادي كل السيارات الجديدة على هذا المنوال.

11-سألت الراجل بتاع المبيعات عن قطع الغيار وتوافرها قالي إنهم بيستوردوا منها 300 عربية كل شهر ومعاهم طلبية قطع غيار. وكمان قالي إن عز العرب هو وكيلها في الشرق الاوسط :!:

تقيممي العام "الشخصي"

- صرفت نظر عنها نظرا لغلو السعر مقارنة بالتقفيل المتواضع.
- بنفس السعر اجيب ميتسوبيشي لانسر ولو كانت 1300 سي سي
- عداد البنزين والباركنج سنسورز وال ABSوالريموت والكاسيت سي دي والتكييف وكل دة جميل بس معتقدش إنة حيكون معمر في حالة الاستخدام اليومي زي حالاتي.
- على النت بيقولو العربية مصممة لتعمر لحد 10 سنوات او 250 الف كيلو قبل ما يتعملها اول عمرة وانا اشك في ذلك.
- شركة مسلمة 100% ومكوناتها محلية 100% شئ اعتز وافتخر بة ولكن السعر مغالى فية ولو كان السعر معتدل او مثل سعر الصيني المحترم مثل Chery A11 لكنت اول من غشتراها.

نصيحة للاخوة روحو شوفوا العربيات واركبوها زي ما انا عملت قبل ما تفاضلوها وتبدوا اراكم زي ما كنت انا حعمل مع الاخ إللي بيسأل.

واخيرا إجابة سؤال الحلقة :lol: أختار الاكسنت إذا لم يكن هناك مجال لأي إخيار اخر.

بعيد عن موضوع الديانة .........

والدى عندة سيارة جين تو استلام يناير2007

ملاحظاتى وتعليقى على كلام اخى الكريم

1-لاتعليق على السعر و لكن اشترينا standard بسعر 83900 جنية.....كويس انه غليت

2-الكراسى الامامية مريحة جدا و لكن فى الخلف مش واسعه

3-تقفيل السيارة جيد جدا فعلا و من خامات محترمة و بتتحمل كويس جدا و على فكرة انا والدى استخدامة سىء جدا للعربيات و مع ذلك السيارة كانها جديدة تماما كل الغيرة تيل الفرامل فقط بالامس..........معاك فى لون الفتيس لانة فعلا راح اللون و لكن هذا لا ينطبق على باقى اجزاء العربية........يكفى عزل الصوت داخل الصالون و صوت غلق الابواب مثل السيارات الالمانى

4-الصاج متين جدا فعلا

5- جميع كماليتها بتعمل بصورة جيدة جدا مثا السنسور و فرامل ABSوالسى دى و الريموت وخلافة

6-ثبات رائع جدا جدا على السرعات العالية

7-استهلاك البنزين عالى مقارنة بمثيلتها الكورى و اليابانى ال1600 ccودة من العيوب

8-سعر السيارة جيد جدا مقارنة بالتقفيل و قوة الموتور و الكماليات و الشكل الخارجى الرائع

9-وضعية مقبض فقتح الكبوت فى اليمين لان التصميم انجليزى مثل الموتور و عندما تم التقفيل فى ماليزيا لم يلتفتوا الى هذة النقطة و هى غريبة بعض الشىء

10- و لا يوجد بها ولاعة او طفاية

هذا رأيى الشخصى لأستخدامى لهذة السيارة لمدة 10 شهور..........لوفى أى سؤال انا موجود

و اخيرا رأيى Proton Gen 2

حظ سعيد