ايه احسن. اللادا و الا 131 والا سكودا و لال الشاريد افيدونى

[heroo]

يا جماعه دى اول مشاركه ليا فى المنتدى الجامد ده انا بقالى تلت ساعات قاعد فى المنتدى موش لاحق اقرا كل حاجه. باختصار جامد جدا
موضوعى انى عاوز عربيه فى حدود من 17 الى 20 الف و انا لسه بتعلم السواقه. ناس كتير قالولى انزل سوق الجمعه بس يكوون معك حد رقم واحد امين رقم اتنين بيفهم فى العربيات.طبعا الصنايعيه لانى لسه معرفش حد منهم ممكن يسمسروا عليك
انا محتار بين:
1....لادا 2105 او 2107 بس ناس كتير قالوا على عيبين
انها خشنه و البيض بيملص بس انا ركبتها عربيه واسعه و شديده و انا حابب 2105 عن 2107 بس بيقولوا 2107 افضل
2... سكودا فيفوريت موديل 93 او 94
انا بحب السكودا و شايف العربيه دي كويسه بس انا معرفش اى حاجه عنها بس كانت مه واحد زميلي و بيشكر فيا اوى
3... فيات131 كله بيشكر فيها بس قديمه كلها موديلات قبل 90 و بصراحه ال131 السوبر جميله جدا و عاجبانى اوى 1300 سي سي
حتى لو موديل 86 او 87
4.... الشاريد بس انا شايف انا عربيه صغيره زي الماروتى و انا عاوز اسافربيها
5... اخر اختيار 128 بس دي انا موش حاسس انها افضل من اللى قبل كده
ارجو من اللى عنده خبره الافاده لتعم الفائده و جزاكم الله خيرا و انا ناوى اشترى بعد العيد ان شاء الله او فى رمضان لما الفلوس تيجى يا ريت تقولولى اشترى ايه احسن و امتي و جزاكم الله خيرا

[M.FOUAD]

توكل على اللة و هات لادا بس رانج الفلوس ميجيبش غير موديلات ثمانينات و 2105 احسن من 2107 فياستهلاك البنزين لانها 1200 و غير كدة ارخص و مش هتحس بفرق في السحب بينهم

[heroo]

يا جماعه 17 مشاهده ورد واحد ليه كده انا مزعلكم فى حاجه

[Ahmed_Gadalah]

هات اللادا 2105 وربنا يوفقك

[swedan78]

هات اللادا 2105 وربنا معاك

[M.almaghraby]

زود شوية و هات فيليشيا

[Samah AbdAllah]

هى لادا تقيلة اوى لو تزود فعلا وتجيب سكودا فيليشيا يبقا احسن

[ma7oo]

انا كان معايا 31 سوبر جيت الدنيا لقتها قعدت معايا 20 سنة كانت موديل 77 والله جمل عمرها ماشتكت وربت اجيال وفى الاخر بعتها وانا زعلان والله عليها

[SAMER_ENGINES]

رأيي بإختصار لادا 2105 و أهلا بيك معانا في المنتدي

[SeiffoZ]

الفيات ال131 أخر إنتاج ليها كان سنة 1984 ...