استطلاع : اشترى ياريس زيرو و لا كورولا 2007 مستعمل

[abohalmos]

كل عام و انتم بخير

انا ان شاء الله ناوى اشترى عربية و بعد بحث و فحص و غلب

رسيت على الياريس زيرو مانوال هاف اوبشن و كورولا 2006 او 2007 مستعمل خفيف

ساعة اقول الزيرو زيرو و تشترى دماغك و تنسى

و ساعة اقول كورولا كورولا ........ عربية جميلة و امكانيتها هايلة و هايبقى موديلها قريب و اكشف عليها فى التوكيل

برضه 1600 و كماليات اعلى و صاج اقوى من الياريس كتير

ايه رأيكوا يا جماعة و يا خبراء نايل موتورز الافاضل

انا عندى اسرة من طفلين فمش هاقدر اغير بسهولة او عاوز عربية اشتريها و احافظ عليها و انساها

[Sharky]

لو مش فارق معاك ان الشكل الجديد من الكرولا نزل يبقى هاتها

[meeg]

طبعا الكورولا لعده اسباب:
ماتور افضل - امكانيات اعلى- ثبات على الطريق
وربنا يوفقك

[Nile Heart]

طبعا الكورولا افضل

بس اهم حاجه تكون عارف العربيه تماما... لان كسر الزيرو ده ساعات بتبقى فيه مصايب

[kojyad]

معلش ياباشا انت بتقارن برده باليارس يعني عربية ياباني 100 * 100 , انا اقولك الكورولا 2006 بس لو انت
بتقارن بكوري زيرو مثلا , او صيني او حتى ماليزي

معلش انا ارشحلك اليارس زيرو وانت اولى بسنة الصنع 2009 وممكن تستنى شهر او شهر ونص وتلحق 2010

بصراحة مهما كان الزيرو زيرو , وبرده اليارس تحفة فنية محدش بيشتكي ابدا منها غير في قلة الثبات بعد ال140
وانت راجل اسري ومعاك ماشاء الله طفلين اكيد مبتجريش اكتر من 120

[pharohtemo]

الكورولا عربية محترمة جداً و لو فرق أنك تجيب زيرو موديل السنة مش مهم ليك يبقى توكل على الله و هات الكورولا و طبعاً مش خسارة مشوار للتوكيل تكشف عليها علشان تمشى بيها مطمئن و مريح بالك

[احمدعبدالعزيز]

توكل على الله وخد الزيرو انت اول واحد تركب العربيه وبعدين الياريس عربيه محترمه صحيح الكورولا افضل لكن الزيرو بتشرى راحتك....

[kojyad]

توكل على الله وخد الزيرو انت اول واحد تركب العربيه وبعدين الياريس عربيه محترمه صحيح الكورولا افضل لكن الزيرو بتشرى راحتك....

كلام سليم 100 * 100
وبعدين متقلقش حتى لو الافضلية للكورولا , اكيد فرق انها مستعملة هيقلل الافضلية شوية لصالح اليارس
يعني بتشتري عربية ممتازة ( وتيوتا برده ) وبتحط في بطنك بطييييييخ صيفي

[Samah AbdAllah]

لو كورولا 2007 وحالتها كويسة ومضمونة يبقا كورولا افضل من ياريس

[omaroof]

اكيد الكورولا اولا 2006 ولا 2007 يعنى قريب زى الجديدة
ثانيا الصالون اكبر وعربية سحبها جامد وكمان تعيش معاك
ثالثا انت عندك اولاد وعاوز مساحة خصوصا انهم بيكبرو وماعتقدش انك كل شويه حاتغيير
وعلى فكرة انا معايا تويوتا كامرى وركبت الكورولا وركبت اليارس وراى بدون زعل اليارس دى فااااااااشله وكفايه انها مع صاحبى وطلعت على رصيف غيرلها المقصين وشوية حاجات كلفته مبلغ كبيييير

[Eslam.Elrefaey]

كورولا أفضل بكير حتى ولو مستعمله

[kojyad]

اكيد الكورولا اولا 2006 ولا 2007 يعنى قريب زى الجديدة
ثانيا الصالون اكبر وعربية سحبها جامد وكمان تعيش معاك
ثالثا انت عندك اولاد وعاوز مساحة خصوصا انهم بيكبرو وماعتقدش انك كل شويه حاتغيير
وعلى فكرة انا معايا تويوتا كامرى وركبت الكورولا وركبت اليارس وراى بدون زعل اليارس دى فااااااااشله وكفايه انها مع صاحبى وطلعت على رصيف غيرلها المقصين وشوية حاجات كلفته مبلغ كبيييير

ياريت ياشباب لو حد حب يقارن عشان نستفيد كلنا
ميحكمش حكم عشوائي ومهاجم بالشكل ده , يعني حضرتك بتقول اليارس فاااااشلة , على اي اساس ؟؟؟؟
على اساس انها منتشرة بشكل مرعب في الشوارع المصرية كلها , على اساس ان ده رأيك انت بس وفئة قليلة
جدا من الناس , لأن اكيد لو العربية فااااااشلة مكنتش حققت اكبر نسبة مبيعات في فئتها السعرية والسنوية

وبعدين العربية اسرية جدا جدا ومش ديقة خالص يمكن الصالون بتاعها اصغر شوية من الكورولا بس بحاجة بسيييييييييطة جدا جدا تكاد لاتذكر ,
انا مبقارنش الكورولا ب سبارك مثلا

ثم ان اليارس اسرية اكتر وموفرة جدا جدا في البنزين , والسحب ممتاز حتى مع التكييف
وعمر ما حد اشتكى ابدا ابدا في المنتدى كله من اليارس او موتورها غير بس في قلة الثبات بعد 140
وانا بقول قلة ثبات مش عدمه ,,,,,,,,

على فكرة انا ركبت الاتنين كتير ,,, والله اليارس اشيك مييييت مرة من الكورولا ,
خصوصا ال 2009 التابلوه بتاعها شيك جدا والوان العدادات بقت تحفة
- وعلى فكرة اليارس واخدة خمس نجوم في احتبارات امان الايرونكاب للاتحاد الاوروبي


-كلامي ده يا جماعة نت وحهة نظر الشائع , ومش معناه اني بعيب في الكورولا ابدا
بالعكس الكورولا محترمة جدا و2007 و 2008 مع ناس كتير من اصحابي وبيشكرو فيها
بس انا الحقيقة ميال لليارس اكتتتتتتر مع اني مش من ملاكها ( اوعدنا يارب )

لاكن انا بصراحة كلمت فااااشلة ده استفذتني اويييي اوي اوي لأنه حكم بدون مبدئ

[elshaba7]

على فكرة العمر بيجري بسرعة
والسنة اللي هتخليك تجيب عربية 1300 واقل من التانية في كل حاجة مش عشان هيا وحشة بس عشان فئة اقل
هتلاقيها عدت وبقيت راكب الفئة الاقل
بص ياباشا من الاخر ونا شايف ان الموضوع ده مفهوش حيرة من اساسو
اكشف على الكورولا كويس وهاتها

ياراجل ده نا حاسس ان نتا بتقول كرولا 2002 ولا حاجة