لانسر مكواه و ماتريكس و كريستاله

[cuppo]

هي ممكن تكون عجيبه شويه
بس انا عايز اعرف المقارنه ترسي علي مين
لو كلامنا متنيوال و اتوماتيك
من ناحيه الراحه العفشه الاعتماديه الثبات و كل انواع القارنات لاهل الخبره
و يا ريت لو حد ركب اتنين منهم مثلا يقول الفرق

[M.FOUAD]

مكوة طبعا لو الاختيارات مانيوال لان الاتوماتيك بتاعها ثقيل جدا و مجربتش الباقي اتوماتييك صراحة عشان اقولك مين احسن فيهم

[cuppo]

شكرا علي ردك
مستني اراء الجميع

[elshaba7ana]

كريستالة ومفتكرش انها عايزة كلام

[cuppo]

و لسسسسسسسسسسسسسسه :]
كده رايين

[cuppo]

مفيش حد جرب و لا يعرف و لا ايه ؟

[msds_eg]

ماتريكس ثابته على سرعات عاليه لحد 160 ولا هزه واحده عكس لانسر كريستاله بتضيع بعد 120

[dr-mohamed]

بصراحة ماتريكس احسن من المكواة والكريستالة
الكريستالة واطية جدا جدا جدا جدا مفيش مطب الا هتاخده خصوصا المطبات البلدي هتكرهك في الدنيا
المكواة الفرق مش كبير في الانخفاض عن الكريستالة مجرد 1 ونص سم
الماتريكس مفيهاش المشكلة دي خالص
الاستعمال في الاتوماتيك الماتريكس افضل لو الكريستالة او المكواة هاتبقي 1300

[MoMohsen]

مينفعش تقول انهى احسن وعربيه 1300 كربرادتير و التانيه 1600 انجكشن.
من الاخر هو استخدامك للعربيه هو اللى هيفرق يعنى لو متجوز و عندك اطفال الماتريكس افضل طبعا.لكن لو انت شاب و عاوز عربيه اعتماديه و شكلها شيك يبقى كريستاله او مكواة و عربيه انعم و تكييفها احسن ولو عاوز تجرى سقطلها موتور 1500 او 1600 انجكشن.

انا على فكرة معايا مكواة وعربيه ناعمه و ثابته و انسى انها تحك فى مطب هو بس لو موتورها 1600 كانت تبقى حكايه فعلا و فى نفس الوقت عربيه مش منتشرة و شكلها دة مسألة اذواق انا عن نفسى شايفه شيك جدا.

[Mohammmed]

المقارنة متنفعش
الموديلات مختلفة واحجام العربيات والمواتير وكله ...

[cuppo]

فاهمك انا المقارنه غريبه و قولت كده من الاول

فاهمك انا المقارنه غريبه و قولت كده من الاول
بس الموضوع اني معايا كريستاله و ممكن قريب جدا نجيب يا مكوه يو ماتريكس
فبعرف فروق
طيب بالنسبه لاستهلاك بنزيز في ماتريكس اوتوماتيك و مكوه اتوماتيك

[yahiahelaly]

مكواه لكذا سبب اولا استهلاك البنزين فارق بكتير عن الماتريكس ونفس الوسع تقريبا يقل حاجة بسيطه وثابتة جدا وقطع غيرها معقولة
وانا طبعا مستبعد الكريستالة عشان الفارق العمري المكواه من 2001 ل2003 وممكن تلاقي 2004 كمان

[cuppo]

طيب لو هغير من كريستاله لي مكواه ايه الفروق؟ اللي هحس بيها
و فرق سعر كام؟

[MoMohsen]

طيب لو هغير من كريستاله لي مكواه ايه الفروق؟ اللي هحس بيها
و فرق سعر كام؟

للامانه الفروق بسيطه يعنى اكتر حاجة هتفرق هى التابلوه و العربيه من الداخل.
اما من ناحيه الثبات او السحب فالفرق لا يذكر

[cuppo]

للامانه الفروق بسيطه يعنى اكتر حاجة هتفرق هى التابلوه و العربيه من الداخل.
اما من ناحيه الثبات او السحب فالفرق لا يذكر

طيب لو عايز اجيبهي الفرق في الفلوس بقي؟
يعني ادفع كام عليها؟