رأيكم بسرعة جدا؟؟؟

[youssefmustang]

بسم الله الرحمن الرحيم
السلام عليكم ورحمة الله وبركاته
اخوانى
محتاج رأيكم معايا
الفلوس على الابواب وانشاء الله هشترى يعنى هشترى العربيات رخصت العربيات رفعت العربيات ولعت انا هشترى فاعايز رأيكم معايا
كيا بيكانتو
اسبيرانزا a113
شيفروليه سبارك
هيوزنداى i10
فيات باليو
اخوكم يوسف

[Eslam.Elrefaey]

أنا رأيى ii10 بس لو هاتبيع الجولف لو بتاعتك مظنش إنهم هيبقو أحلى منها

[amr.elsayed]

بص انا مش بفهم فى الهاتش باك عشان كدة متخدش بكلامى خالص
من وجه نظرى انا شايف الفيات باليو افضل انك تحس فعلا انها هاتش باك
بصراحة التانين كلهم بحس انهم من فئة الماروتى وحاول تدخل معاها
البونتو كلاسيك سمعتها كويسة لاكن اسمع توكيلها مش ولا بد
ولا اكنك قريت حاجة بجد عشان خبرتى فى الهاتش تعتبر زيرو
وربنا يوفقك لما فيه الخير وللاختيار الامثل ان شاء الله

[devilishtigers]

من وجهة نظري انا شايف 1- الفيات باليو 2- ال هيونداي i10 وبعديهم ما فيش حاجة مميزة والقرار في الاخر ليك ولازم تكون مستريح ومقتنع وربنا يوفقك

[Hosam_Optrawy]

كيا بيكانتو

[monmonmon]

رأيى هيونداى i10 او بيكانتو بسسسسسسسسسسسسسسسسسسسسسسسسس من ضمن الاختيارات اللى ذكرتها

و لو انى افضل طبعا الهيونداى لانها معايا من شهر يناير و الحمد لله زى الفل و عامله 6750 كم.. انا شايف ان البيكانتو فى اكتر من واحد اشتكوا من حاجات فيها و راحوا التوكيل كتيير لكن الحمد لله عندى مفيش اى مشاكل تذكر انا حتى اول تغيير زيت كان عند 6421 كم و لسه العربية ناعمه.. و عايز اقولك لو هاتجيبها حاول تغير الكاوتش لواحد اعرض و اعلى (عند البطل الرومانى) هتحس بفرق فى احساسك بالمطبات و فى الملفات الحاده مقابل فرق بسيط فى التغيير (هياخد منك الفردة القديمة ب 50 جنيه) لكن سحب العربية هيقل شويه فى المقابل..

للامانة المشاكل اللى واجهتنى:

عضه فى الفتيس للنقلة الخلفية و دى اتحلت فى التوكيل بشد سلك الدبرياج (طبعا ده لا يعتبر عيب)

التكييف بعد 1000 كم كان تعبااااااااان لكن اتحسن بشكل كبيير جداااااااااااا

استهلاك البنزين بيزيد كل لما سرعتك تزيد على الطريق السريع يعنى لو مشيت بسرعة 120 الاستهلاك هيرتفع



المميزات:

عمرها ما حكت فى اى مطب و بيكون راكب فيها 5

استهلاك بنزين ممتاز اقل استهلاك لى كان 310-330 كم فى الصفيحة مع تشغيل التكييف و الزحاااااااااام و افضل استهلاك كان 385 كم فى الصفيحة بدون تكييف

لو هتجيب الفول اوبشن فيها كماليات مش موجودة فى البيكانتو

ثباتها هايل حتى مع الكاوتش الاصلى

فرامل تسعفك و قويه جداااااا

باور ناعم جدااااا و خفيف و بيتقل مع السرعة




طبعا اكبر عيوبها ان اسعار قطع غيارها لا تصدق بأنها لسيارة مينى

[M.FOUAD]

توكل على اللة و هات i10