ايهما افضل ولماذا؟؟؟؟؟؟؟

[hemma]

هو الواحد لو فدامة انة يشترى يا رينو ميجان يا مازدا3 يا تويوتا يشترى انهى فيهم ولية؟ بغض النظر عن اسباب الاحتياج

[Sharky]

السلام عليكم

رينو ميجان أنا كان قدامى الثلاث سيارات و إخترت الميجان و كل يوم بيتأكد إن إختارى صح .
من الأخر سيارة ممتازة فيها كل اللى إنت عايزه من موتور و ثبات و كمايات و جودة و توكيل .

[أبو عبدالله]

مع كامل احترامي ترتيبهم من حيث كل الجوانب العملية ( توافر واسعار قطع الغيار وعمرها الأفتراضي , قوة الأستحمال والمتانة , قوة الأداء , سعر اعادة البيع ) ككل لأن حضرتك أزحت مسألة الأحتياجات الخاصه يبقى كتقييم عام هو كالتالي :

1- الكورولا وياريت الشكل الجديد
2- المازدا طبعا
3- الميجان

[M_ElSabaa]

انا متفق تماما مع الاستاذ أبو عبدالله فى الترتيب . ممكن يكون الترتيب بشكل مختلف فى بلد تانى بس فى مصر يبقى هو ده الترتيب الصح

[Abdallah]

اتفق مع اخى ابوعبدالله واود اضافة النيسان صنى المجمعة فى اليابان اذا كنت تفضل سيارة عائلية اما بالنسبة للسيارة الشبابية فـ سوبارو امبيرزا سيارة رائعة بحق يعيبها ضعف وكيلها فى مصر.

[د.أحمد سمير]

أنا متفق تماماً أن الياباني عموماً يكسب
وبخصوص قيمة إعادة البيع فالتويوتا تكسب .
وعند تفضيل الأوربي في رينج هذا السعر أعتقد الأوبل تكسب حيث قيمة إعادة بيعها أعلى من الرينو والفرنسي عامة .
أعرف أن الميجان جميلة وهايلة لكن نظرة واحدة لسعر الميجان الشكل قبل الحالي بالمقارنة بالأوبل فيكترا أو الأوكتافيا سيظهر الفارق الكبير .
المازدا طبعاً أفضل من الكورولا وتقييماتها أعلى ، لكن مشكلة إهمال التوكيل لها ، وقيمة إعادة بيعها أعتقد أنها تخسر أمام الكورولا

[Mo3taz Selim]

و الله فعلا الرينو الميجان كانت ستصبح الأفضل لولا التكنولوجيا العاليه التى تعتبر عيب فى بلدنا لأنها ماحدش ها يفهم فيها غير التوكيل

[Hazem Salah]

أنا أميل للميجان

أنا أتذكر جملة كنت دايما أسمعها فى السعودية ( المازدا فاسدة )، جايز مقارنة بالتويوتا و الهوندا

ده مجرد رأى ، وجهة نظر أرجو الا تزعج أحد

[baher]

انا رأي الكورلا أكثرهم عمليه في مصر من حيث توفر قطع الغيار وسعر اعاده البيع وعربيه عاليه عن الأرض يعني فيها كل مايناسب البيئه المصريه بس عيبها وميزاتها في نفس الوقت انها منتشره يعني لو انت عايز تركب حاجه مميزه وموش منتشره يبقى اكيد المازدا بس كع ياباشا عايز في العادي يبقى خليك في الكورلا أما الميجان فحسب معلوماتي ان قطع غيارها نار جدا جدا جدا

[hazem_khidr]

العربيه الاحسن قطع الغيار سعر اعاده البيع
1.رينو ميجان 1.تويوتا كورلا 1.تويوتا كورولا
2.مازدا 3 2.مازدا3 2.مازدا 3
3.تويوتا كورولا 3.رينو ميجان 3.رينو ميجان
متهيالي كده الصوره اتضحت و انت بايدك تختار و قدامك الميزات و العيوب بطريقه بسيطه علي اساسها ممكن تختار
يعني لو اخترت رينو ميجان يبقي انت اخترت قطع غيار غاليه و لما تيجي تبيعها مش حتجيب فلو
و لواحترت تويوتا حتختار قطع غيار معقوله نسبيا و اعلي سعر لما تيجي تبيعها

[Sharky]

السلام عليكم

أنا متفق مع حازم فعلا جاب من الأخر.

[أبو عبدالله]

أنا أميل للميجان

أنا أتذكر جملة كنت دايما أسمعها فى السعودية ( المازدا فاسدة )، جايز مقارنة بالتويوتا و الهوندا

ده مجرد رأى ، وجهة نظر أرجو الا تزعج أحد

أولا مينفعش حضرتك تقول جايز مقارنه بالتويوتا والهوندا ملقتشي الا الاتنين دول تتكلم عليهم

وبعدبن مسالة المازدا فاسده دي كانت زمان لأن كانت العربيات ليها اعطال كتير وخلاص الزمن ده راح
بدليل حضرتك لو انت بتقول في الخليج بيقولوا كده ان التويوتا والهوندا من اوائل العربيات هناك وانت عارف جو الخليج والطرق عامله ازي يعني العربيه اللي تستحمل هناك تبقى عربيه محترمه عالطول

واخونا العزيز اللي بيقول ان الميجان ليها سعر اعادة بيع وسعر قطع الغيار معرفشي هو فعلا عارف اسعار قطع الغيار الميجان او الرينو عموما بكام
وحتى سعر اعادة البيع بتاعها كام برضه
ده قطع الغيار تركي ونار يعني حتى مش فرنساوي دي تركي واسعارها نار
التويوتا اسعارها مقارنة يالقوه والكفاءه لقطع الغيار تعتبر كويسه جدا وانزل أسأل اسعار دي كام ودي كام ودي بتتغير بعد كام كيلو ودي بعد كام كيلو

والله المستعان

[PRO-DRIVE]

انا شخصيا اختار 1- مازدا 3 2- ميجان 3- تويوتا

[Sharky]

السلام عليكم

أبو عبدالله باشا مافيش حد من الناس اللى ردت قال إن سعر إعادة بيع الميجان عالى أو إن قطع غيارة رخيصة بالعكس تماما هما دول عيوب الميجان الرئيسية
(قلة سعر إعادة البيع - إرتفاع أسعار قطع الغيار )

[Salah_sr]

أنا لي ملحوظتين علي الرد السابق أولا لا يوجد صني ياباني الآن نهائيا و لقد ولي زمن الصني في دول العالم المتقدم بمعني إنك لو بحثت عن صني في نيسان علي مستوي أوروبا و أمريكا و كندا لن تجد الصني و هي تصنع حاليا في مصر و كوريا و يمكن الصين للتوزيع الإقليمي بما لها من شعبية في هذه المنطقة من العالم و هذا ليس لعيب فيها ولكن الدنيا تطورت و أمور التسويق كما إن الموديل الموجود حاليا 2007 في مصر أو 2007 في الخليج هو نفس موديل 2000 مع أختلاف الفوانيس و بعض التعديلات البسيطة في المقدمة و لكن نفس الماتور لم يتغير..
ثانيا بالنسبة للمازدا فاسدة هذا ليست مقولة سعودية ولكن مقولة مصرية 100% بسبب إن الجيش في الثمانينات كان بيبيع مازدا 323 كوري و كانت سيئة للغاية أما الآن فالمازدا من أقوي السيارات اليابانية و أنا كان لي تجربة سنة 1991 معسيارة مازدا 626 أستمرت معي 10 سنوات و كانت سيارة أكثر من رائعة في القوة والتكيف و الثبات وذهبت إلي الحج بها من مسقط إلي المدينة - مكة رجوعاً إلي مسقط حوالي 5800 كيلو دون مشكلة واحدة علي سرعة لا تقل أبدا عن 140كيلو و بما إني الآن من مالكي اللانسر منذ 2002 فالمازدا أقوي بكثير م اللانسر وقط غيرها معمرة جدا ولكن ليست رخيصة ويكفي أن أقول لكم إن تيل الفرامل بيتغير علي 80 إلي 90ألف و لانسر بيتغير علي 35ألف إلي 40 ألف أنا حبيت أحكي تجربتي و أسف للتطويل