حاجة تعقد فعلا ...

[lovelorn]

انهارده اتجننت فى عقلى وقلت ادخل معرض سوبارو فى الداون تاون فى اسكندرية

رغم انى عايز اشترى عربية صغيرة ودماغى رايحة للبيكانتو ... بس طقت فى دماغى انى اشوف السوبارو


طبعا العربية ما شاء الله عليها .. بجد تحفة .. فيها كل اللى تتمناه وقعدتها مريحة أوى أوى أوى

طبعا العربية مصممة بحيث انها تكون زى القفص .. بمعنى ان السقف والأبواب فيهم بارات حديد عشان تحميك من اى صدمات وغير كده الصاح محمل جامد واجمد من بتاع الأوكتافيا ..

بعد ما بهدلت العربية بقى قلت للراجل ايه اخبار الفرامل ؟؟

- كان الرد : no comment

قلتله بص انا معقد فرامل فا قصدك ايه ب no comment

- قالى ثوانى يا فندم

بعدين راح جيلى تانى

- حضرتك بتسوق مانيوال

انا بسوق حاليا اوتوماتيك بس بسوق مانيوال عادى

- طب يلا عشان تجرب العربية والفرامل بنفسك

هااااااااه

- تحب اسوق انا

قلتله لأ طبعا

ورحت داخل على العربية ودورت .. راحت المرايا مفتوحة ....

جبت الأول ولسه بدوس بنزين ال rpm وصل 4 .. رغم انى دوست دوسه خفيفة يعنى

المهم طلعت بالعربية وحرقت بيها ورحت مفرمل مره واحده بس مش جامد أوى يعنى

مش عارف اوصفلكم ايه الأحساس اللى حسيته

العربية كلبشت فى الأرض بغراااه فى ثوانى لدرجة انى اتعقدت منها

فا الراجل قالى ايه رأيك فى الفرامل

قلتله : no comment


روحت البيت وانا بلعن فى الانسر وقلت طب جرب كدا دوس على الفرامل نفس الدوسه يمكن ربنا ينفخ فى صورتها ... الحمد لله العربية كانت بتهدى ... والله كتر خيرها ...

نيجى على التقيل بقى ...

كلمت والدى على العربية وباين ان علامات الأنبهار كانت باينة على وشى .. فا قالى تعالى نشوفها ...

شافها عجبته جدا ...

وقرر يشتريها ويعيش هوا بالانسرررررررر

العربية ال high line ب 154000 وكان العرض انى ادفع النص والباقى على سنة بدون فوائد

ولقيت ان والدى وافق ... كل ده وانا متنننننح ...

قالى شوف لو كده نروح ندفع بكره ....

انا والله محتار ... السوبارو وهم .. والميجان هى عشقى الأول والأخير ...

والأتنين الصيانة فى التوكيل وقطع الغيار النااااااااار

فا انتوا ايه رأيكم يا شباب ... سوبارو امبريزا هاتش باك ولا ميجان ... ولا ارجع للحلم النونو " بيكانتو " ...

شورووووووووووو عليا

[dr-mohamed]

حاجة من اتنين:
1- تجيب السوبارو وتريح نفسك لانك لو اشتريت عربية تانية كل ما تشوف السوبارو هتتضايق وتلعن اليوم اللى اشتريت فيه عربية تانية
2- تجيب البيكانتو والفرق تحطه في البنك للزمن متعرفش اللى جاي ايه

[mando_07]

وش سوبارو انت هتجيب عربيه كل يوم :d
بس ابقى افتكرنى بلفه :p

[sir_servizio]

سوبارو علشان مفيش وجه مقارنه

[lovelorn]

عندك حق فى نقطة البيكانتو

بصراحة انا فيه حاجة ضايقتنى دلوقتى وبسببها كده حلغى الفكرة

Alsafwa Service Center

Authorized Service Center



دا أخر مكان انا ممكن اتعامل معاه ... اصلا مش بثق فيهم عشان يصلحوا الانسر ... حتعامل معاهم فى امبريزا ؟؟ّّّّّ!!!

[bishoy02010]

شوف العربية اللى ترتحالها اكتر لأنك فى الحالتين لو اخترت ديه ولا ديه وشوقت واحدة من الأتنين قدامك هتقول ياريت بس متهيقلى طالما والدك وافق فانا لو مكانك هنزل اجيبها من غير مفكر

[1.8Tee]

لية الموضوع فى قسم ميتسوبيشى ؟؟؟؟ لو فى قسم المقارنات هيفيدك اكتر.

[lovelorn]

هوا فى قسم الميتسوبيشى عشان انا عضو فى اسرة الميتسوبيشى أولا ولأنى بحترم رأى الأعضاء اللى هنا

[lovelorn]

يا جماعة بس خلونا نفكر بعقل

ومش ينفع الواحد يقع فى نفس الغلطة مرتين

لما جبت الانسر مسألتش على التوكيل بتاعها ولا مراكز صيانة ... واكتشفت ان كلهم ايدك منهم والقبر .. ملهومش فيها تماما

فا مش معقول السوبارو يدفع فيها 154 ألف وفى الأخر انزل اعمل صيانتى فى الصفوة ...

بجد انتوا عشان فى القاهرة فا متعرفوش يعنى ايه مركز الصفوة دا ... اخرتوا توك توك


انا بصراحة كنت فاكر ان ابو غالى ليه مركز صيانة ...

مستنى رأيكم

[1.8Tee]

محدش قال حاجة..بس اللى فهمتوا من موضوعك ان انت بتفكر فى البيكانتو و الامبريزا و الميجان....مفيش سيرة ميتسوبيشى....

و المنتدى كلة اسرة واحدة و بيحترم بعضة.

[mando_07]

يا جماعة بس خلونا نفكر بعقل

ومش ينفع الواحد يقع فى نفس الغلطة مرتين

لما جبت الانسر مسألتش على التوكيل بتاعها ولا مراكز صيانة ... واكتشفت ان كلهم ايدك منهم والقبر .. ملهومش فيها تماما

فا مش معقول السوبارو يدفع فيها 154 ألف وفى الأخر انزل اعمل صيانتى فى الصفوة ...

بجد انتوا عشان فى القاهرة فا متعرفوش يعنى ايه مركز الصفوة دا ... اخرتوا توك توك


انا بصراحة كنت فاكر ان ابو غالى ليه مركز صيانة ...

مستنى رأيكم

يا باشا مش مشكلة أنك تروح كل 10 تلاف كيلو القاهرة أدام أنك تركب سوباره وأنا شايف أن بدم والدك وافق خلاص مفيش مجال للمقارنة بنها وبين الانسر و بين أي عربية تانية دي سوباره يا بوب
و مبروك مقدماً

[yoko]

يا باشا مش مشكلة أنك تروح كل 10 تلاف كيلو القاهرة أدام أنك تركب سوباره وأنا شايف أن بدم والدك وافق خلاص مفيش مجال للمقارنة بنها وبين الانسر و بين أي عربية تانية دي سوباره يا بوب
و مبروك مقدماً

+1

[gomha]

يا راجل بيكانتو اية شوف انا معايا سوبارو سيارة اعتمادية بشكل رهيب واحب اقولك انا عمرى ما روحت التوكيل غير انى اشترى قطع الغيار وامشى بركب البواجى بنفسى غيرت الكويل بنفسى طيب العيب الوحيد فى السوبارو وهو الفرق بينها والميجان ناشفة ذى الحجر يعنى فى السفريات الطويلة متعبة شوية بس يمكن انا بحس بكدة بس دا من واقع خبرتى لن تجد افضل منها فى الثبات والمناورة سيارة تحمل الطابع الرجولى بشدة عنيدة وليست سهلة القيادة لكن ممتعة لاتشترى سوبارو اتوماتك الجير العادى لة طعم اخر مع سوبارو ولاتنسى ان السوبارو السيارة الوحيدة الان الماكينة بالطول مش بالعرض ودة يخلى كل حاجة اقدامك اول ما تفتح الكابوت لا اعرف الوكيل بمصر لان خبرتى من واقع معيشتى فى السعودية التسارع ليست افضل من الميجان ولكن لن تجد افضل من السوبارو فى الطلعات الصعبة والمنحنيات والطرق الرملية والغير مستوية خصوصا طريق الغردقة تكيف تلج على رقم اتنين

اذا بتفكر للاستخدام العائلى روح للميجان وبس

[mantoros]

طيب ممكن اسأل سؤال؟!!
ايه رأيكم بحياد و منطقية بين السوبارو 2006 و البوتون نيو واجا 2009

أرجو الرد من أصحاب الخبرة و التجربة

و رمضان كريم

[lovelorn]

محدش قال حاجة..بس اللى فهمتوا من موضوعك ان انت بتفكر فى البيكانتو و الامبريزا و الميجان....مفيش سيرة ميتسوبيشى....

مفيش سبب لذكر الميتسوبيشى لأنها بالفعل معايا ... وممكن تقول سبب ذكر الميتسوبيشى ان فراملها عقيمة بالمقارنة بيها ( أوعى يكون دا السبب اللى زعلك عشان انا اللى اقصده انى اوضح الضعف اللى بنحاول نتغلب عليه فى فرامل الانسر )

المقارنة بين الميجان والأمبريزا ... دى فئة معينة ...

البيكانتو ملهاش علاقة بالمقارنة دى تماما ... هى بس اللى كانت على بالى لأنى كنت عايز حاجة صغيرة لمشاوير البلد والزحمة ... والأمبريزا جت صدفة ( رب صدفة خير ) ...