elantra or yaris

[mizo91]

السلام عليكم
أنا عندي صداع من فترة بحاول اختار مبين الإلنترا والياريس
أنا محتاج عربية جوا المحافظة مش بسافر كتير و إستهلاك بنزين كويس.
الياريس واضح انها المناسبة للمهمة دي بس أنا شايف إن مبالغ في سعرها شوية و ممكن أجيب إلنترا بنفس السعر و هيبقى معايا إمكانيات أفضل ولكن أنا عايز عربية تعيش معايا سنين كتيرة ف التويوتا تكسب فالنقطة دي...
تنصحوني بإيه ؟

شكراً

تم النقل للمقارنات بمعرفتي
مشرف هيونداي

[ahmad--ezzat]

بلا يارس بلا سرقه

هات النترا احسن 120000000 مره بكل المقاييس

[mizo91]

ليه بقى الإلنترا أحسن من الياريس؟
كمان أنا عايز عربية تعيش معايا سنين كتيرة.. مش الإلنترا د بردو اخرها خمس سنين و بالسلامة زي أي هيونداي؟؟؟
أصلي لو حسيب الياريس ممكن كمان أفكر في ال- cerato
الفكرة كلها اني عايز عربية اعتمادية كويسة
حاجة تعيش مش أبئة عايز أرميها كمان كم سنة.
مفيش ردود له يا جماعة

[Diaby]

الالنترااااااااااااااااااااااا بكل المقايسسسسسسسسسس

[tarekabosdera]

ليه بقى الإلنترا أحسن من الياريس؟
كمان أنا عايز عربية تعيش معايا سنين كتيرة.. مش الإلنترا د بردو اخرها خمس سنين و بالسلامة زي أي هيونداي؟؟؟
أصلي لو حسيب الياريس ممكن كمان أفكر في ال- cerato
الفكرة كلها اني عايز عربية اعتمادية كويسة
حاجة تعيش مش أبئة عايز أرميها كمان كم سنة.
مفيش ردود له يا جماعة

يا راجل حرام عليك بتقارن ايه بايه ( الاسد بالقطة)...

اولا الالنترا افضل من الياريس من جمبيع النواحي الآتية:

-من ناحية السعر متقاربة رغم الفارق الشاسع اللي بين العربيتين و معروف ان الياريس لا تستحق الثمن المبالغ فيها ( ده عربية 1300 سي سي وصغيرة واقل فئة في تويوتا).

-الالنترا سيارة بماكينة ذات دفع جبار 121 حصان - 1600 سي سي وبتتغلب على جميع السيارات في فئتها في قوة السحب.

-تكييف فوق الممتاز كالعادة في جميع سيارات هيونداي.

- العربية واسعة من جوة وصالونها شيك والخامات الداخلية جيدة جدا.

- التقفيل ممتاز جدا وكفائة لانها متقفلة بالكامل في كوريا - المصنع الرئسي

- ثابتة على الطرق السريعة والمنحنيات بفضل العفشة ( ماكفيرسون - متعددة الاذرع).

- نيجي بقه للنقطة اللي اللي معقدة كل الناس والكلام التقليدي اللي بيتردد من غير تفكير ومن غير بحث اللي

هو ( العربية ده ياباني وده كوري) ( الكوري اخره 5 سنين ومع السلامة) ( ده تويوتا وده هيونداي).

سيدي الفاضل اللي متعرفوش عن هيونداي لسنة 2009 في اختبار الجودة المبدئية لشركة j.d power العالمية انها اخذت المركز الرابع على جميع شركات سيارات العالم وده مركز متقدم جدا بيسبق اكبر الشركات العالمية.
يعني الكوري كله كوم وهيونداي موم تاني من التطور والجودة والاعتمادية. وانا مش هضحك عليك وهقلك ان هيونداي طول عمرها كده . لا . التطور ده محصلش الا في الست سنوات الماضية تقريبا.

وتقدر تتابع شركات التقييم العالمية وانت تعرف مستوى شركة هيونداي وصل فين بالنسبة للشركات التانية.

- في نفس تقييم الشركة اللي ذكرتها ادت هيونداي النترا المركز الاول على جميع السيارات في فئتها في الجودة المبدئية لسنة 2009 . وهكتبلك الروابط عشان متقلش اننا بخرف.

- احنا للاسف عندنا عقدة اسمها عقدة الياباني وعندنا اعتقاد ان الياباني مفيش الا هو !!

الكلام ده اتغير دلوقتي ومستوى سيارات هيونداي وصل لمستوى السيارات اليابانية وافضل في بعض السيارات.


- انا رأيي متفكرش كتير وهات الالنترا افضل بكتير من الياريس واعتقد لو جبت الياريس هتندم على المبلغ اللي دفعته في عربية مبالغ في سعرها بصورة كبيرة جدا.

انا مبقلش ان الياريس وحشة بس سعرها لازم ينزل عن كده كتير.




وده روابط التقييم العالمي للالنترا .. واقرا الجملة اللي مكتوبة بالاحمر فوق التقييمات.
JDPower.com | Elantra


وده تقييم شركة هيونداي بشكل عام.

JDPower.com | Elantra


وده تقييم الاعتمادية بتاع العربيات السيدان - 2006 . طبعا عشان الاعتمادية مبتظهرش غير بعد كذا سنة من الاستخدام وهتلاقي ان الالنترا 2006 واخدة المركز الخامس ( يعني مش 5 سنين ومع السلامة).

Ratings | J.D. Power

[elshaba7]

بص ياباشا
سحب البنزين الياريس بفرق كبير
قوة الموتور الالنترا بس الياريس موتورها مش ضعيف خالص ومش هتحس ابدا انها 1300 ومتقلش عن الالنترا كتير
الشكل نتا وزوقك
الياريس واسعه جدا من جوه بجد بس الالنترا اوسع شوية
العمر الافتراضي الياريس ومش عشان ياباني والكلام ده بس دي الحقيقة
الثبات على الطريق مفتكرش ابدا انو لصالح الالنترا
من الاخر
لو الوسع الزيادة يهمك وفرق استهلاك البنزين مش فارق معاك هات الالنترا
لو عايز متور قوي واستهلاكو ممتاز جدا وانتقالاتك كلها جوة المدينة ونادر لما تسافر هات ياريس

[elshaba7]

لو عايز الصح اكتر
زود شوية وهات السيراتو

[ahmad--ezzat]

ليه بقى الإلنترا أحسن من الياريس؟
كمان أنا عايز عربية تعيش معايا سنين كتيرة.. مش الإلنترا د بردو اخرها خمس سنين و بالسلامة زي أي هيونداي؟؟؟
الفكرة كلها اني عايز عربية اعتمادية كويسة
حاجة تعيش مش أبئة عايز أرميها كمان كم سنة.

خلاص برحتك ياباشا..انت عملت مقارنه ودى الاراء...بتحب اليارس توكل على الله.
هو حضرتك داخل تدافع على اليارس ولا ايه
الحقيقه انا مش فاهم؟؟

[ezzatfox]

الثبات على الطريق مفتكرش ابدا انو لصالح الالنترا

دور فى المنتدى هتلاقى ملاك الياريس نفسهم اشتكوا من ثبات الياريس و بعد ال 100 بتبقى خفيفة جدا

الالنترا تكتسح الياريس فى كل حاجة ما عدا استهلاك البنزين و دة طبيعى بين عربية 1300 و عربية 1600

[Hosam_Optrawy]

اختار النترا

لان انا شخصيا مستحيل أدفع 104 فى الياريس

لو عايز أجيب عربيه صغيره وموفره

فى بدايل للياريس

رينو سيمبول - كيا ريو

والعربيه المعمره مش بس بنوعها

باهتمامك وطريقة استعمالك ليها

[Dr Ahmed]

سيارتين لا يجمعهم إلا الفئة السعرية
الالنترا غير كده فئة أعلى من الياريس بلا شك
الالنترا تقارنها بالكورولا أو السيراتو أو لانسر شارك أو 1600 ، أنما تتقارن بياريس؟ ظلم للألنترا

[MohamedFadel5]

من وجهة نظرى
لو معظم مشاويرك جوة البلد أختار الياربس لأنها موفرة فى البنزين 1300cc
لو معظم مشاويرك سفر أختار الالنترا لأنها ثباتها و شد و سحب كويس 1600cc

بس بصراحة أنا مستغلى سعر الياريس , تقريبا التوكيل مغليها علشان علامة TOYOTA و يابانى !!!!!!!!!!!!!!!!!!!!!!!!!!!!!

[M.ABDEEN]

حرام السعر اللي بيتتباع بيه الياريس !!!!!!!!!!!وفي الاخر مفيش ثبات كويس والتابلوه في النصف والحوض الامامي صغير جدا ممكن اي حادثة الموتور يتاثر ....التوكيل مغلي سعرها مش عارف ليه يمكن علشان علامة تويوتا !!!!!!!!!!
الالنترا تكسب مليون الف مرة

[mizo91]

لا مش داخل ادفع عن الياريس بس بحب أعرف أنهي أفضل و ليه مش أكتر.
و أنا معك إن الياريس مبالغ في سعرها فعلاً.

شكراً عل مشاركات يا جماعة و شكر خاص ل-tarekabosedra

[Diaby]

مفيش وجه مقارنة الالنترا عربية ملهاش حل اليارس اولا سعرها غالى جدااااااااا وتمشى بيها كأنك ماشى بضفدعة طول السكة عمالة تتنطط ومش ثابتة خالص و1300 ده حيأثر على السحب وخصوصا لما تشغل التكيف او ممكن تجيب لانسر 1600