أوبترا 1600 ولا ماتيرا 1500 ولا سيتي 1300

[Migo123]

لو عايز تشتري عربيه وقدامك الاختيارات التاليه

اوبترا 1.6 M/T 2008 87000
ماتيريا 1.5 F/O M/T 2007 97900
سيتي 1.3 M/T 2008 84900

ولا تسيبك من كل العك ده وبوظها وازنق نفسك وخش على دي

تيدا 1.6 H/B F/O M/T 2007 120000
مع ان الفرق بينها وبين الاوبترا 30000 يعني حوالي 35% هل يستاهل ؟؟!!!

[Migo123]

ايه يا رجاله .................. محدش عايز يفكر معانا

[Sharky]

رأى فى الإختيارات دى الاوبترا
أو بره الأختيارات دى الياريس الفول أوبشن عن تجربة

أو لو ممكن تزود هات التيدا أحسن منهم كلهم

[Migo123]

مش عارف ليه انا متقبل الاوبترا (كشكل) أكتر بكتييير عن الياريس
الياريس جميله بس مش ليه ............ انا عايز حاجه كلاسيك شويه

[Migo123]

التيدا حبيتها قوي لما ركبت جواها حسيت اني مرتاح
عربيه مريحه جدا جدا جدا
كمان انا لسه كنت واخد عربيه من الشغل نيسان اكس ترايل 2007 بس الياباني مش المصري .......... بصراحه متعه متعه متعه
الكراسي مريحه ولا فوتيهات الانتريه ........... والعربيه مالهاش صوت .... وتحس انك ماشي على مرتبه قطن مش شارع

[Air Karam]

انا مع الاوبترا 1600 جميع الكماليات - صالون واسع - موتور ممتاز - عفشة مخصصة لشوارعنا العظيمة...

[modux]

اوبترا

[عبد الرحمن اسامه]

انا شخصيا بحب الماتيريا، مرة شفتها فى التوكيل كانت تحفة بجد.

[معاذ الشرباصى]

ماجد باشا بالنسبة لاختياراتك:

1- بالنسبة للوسع الداخلى
ماتيريا
سيتى
اوبترا

2- جودة التقفيل الداخلى
ماتيريا
اوبترا-سيتى

3- استهلاك البنزين
سيتى
ماتيريا
اوبترا

4- اسعار قطع الغيار
اوبترا
ماتيريا
سيتى

5-الوكيل

كلهم كويسين جدا زى بعض

6- الكماليات فى كل سيارة
ماتيريا
اوبترا -سيتى

7- سعر و سهولة اعادة البيغ
اوبترا
سيتى
ماتيريا

-----------------------------------------

انا رأى لو هتجيب ماتيريا تبقى اتوماتيك, علشان فيها ال ABS, EBD ده غير العيب بتاع الفتيس المانيوال

بالترتيب هختار
ماتيريا
سيتى
اوبترا

اما بقى فى موضوع التيدا, هى عربية ممتازة جدا, انا سقتها و كانت اتوماتيك

سحبها ممتاز, ابعادها ساسة و سهلة و سواقتها ممتعة

انت ممكن تخلص التيدا السيدان على 111 الف و الهاتشباك على 117-116 الف انت و شطارتك و ده كلام واحد مسئول مبيعات فى شركة العوض, قالى الناس بتفاصل و هما اصلا عارضين التيدا ارخص الفين جنيه من السعر الرسمى

بس انت ممكن تجيب الماتيريا الاتوماتيك ب 105 الف و اوسع من التيدا كمان

يبقى رأى النهائى

ماتيريا (لو اتوماتيك)
تيدا
ماتيريا (لو مانيوال)
سيتى
اوبترا

ربنا يوفقك فى الاختيار

[محمدايهاب]

السيتي : عربية عائلية شبابية كاملة المواصفات أنا شايف إنها الأوسع من الثلاثة
الماتيريا : ياباني تقفيل ممتاز وسع داخلي تصميم داخلي مميز
الاوبترا : توكيل ممتاز الأفضل شكلا عربية منتشرة قطع غيار متوفرة سهلة البيع


أنا عن نفسي أختار السيتي

[yahyanaabil]

على ما اعتقد الاوبترا
التيدا عربيه جميله محدش فى المنتدى اشتكى منها او قال كلمه وحشه وكمان واسعه جدا (ده لو ناوى تزنق نفسك وتجيبها)

[fahd_628]

{اى اوبترا و لو تقدر على التيدا توكل على الله

[Migo123]

شكرا لكل اللي شارك في الموضوع وانا شايف الاوبترا تكسب طبقا لعدد المشاركيين

يبقى رأى النهائى

ماتيريا (لو اتوماتيك)
تيدا
ماتيريا (لو مانيوال)
سيتى
اوبترا

ربنا يوفقك فى الاختيار

معاذ الوحيد اللي رشح الماتيرا ........ بس جوده منتجات دايهاتسو اعتقد انها محل نقاش

يعني لو بنتكلم على عمر أفتراضي مين يكسب الاوبترا ولا النيسان ولا الماتيرا

انا أعتقد ان الترتيب هيكون ( نيسان- أوبترا - ماتيرا ........ ) مش كده ولا ايه ؟؟؟

[zezo13178]

لو تقدر علي التيدا هي الاحسن
الاوبترا عربيه ممتازه وموتور اقوي وقع غيار ارخص وسهوله في البيع
الماتيريا عربيه ممتازه وواسعه رغم شكلها المزعج جداااااااااااااااااا بس سعرها غالي مقارنه بعربيات تانيه
السيتي عربيه ممتازه لكن فيه شكاوي كتير من السيتي ال 1300 وكمان تقفيل تايلاندي
فيه عربيه انت نسيت تحطها في القايمه لانسر 1600 في رايي حتبقي الاحسن وسعرها قريب من الماتيريا
- الماتيريا احسنهم كعربيه بس بصراحه شكلها وحش اوي اشتري اوبترا احسن

[abouzaid2000]

أولاً دي أول مشاركة لية .... حبيت اضيف الهوينداي النترا السيارة دي بتشتغل في جدة تاكسي بس ال2000 سي سي و اللي يشتغل تاكسي في جدة دة يبقي سيارة أكثر من ممتازة بسبب أرتفاع درجة الحرارة اللي بتوصل في الصيف ل 46 درجة و الشوارع مش ناعمة قوي وخصوصا الشوارع الجانبية برضة مكسرة ووسعها الداخلي ممتاز وبتمشي هنا حوالي 400 كيلو في اليوم الواحد وفي في الشوارع موديلات 2001 لسة شغالة فيا تري الألنترا في مصر فيها مشاكل ولا يمكن الإعتماد عليها زي اللي في جدة