نيو سيراتو ولاشيفروليه كروز

[momomania22]

في البداية كده انا مش ناوي أغير العربية ولا حاجة
بس انا كنت مع واحد صاحبي بنتفرج على كام عربية عشان هوا ناوي يشتري
وبعدين حصرنا الاختيار مابين النيوسيراتو والكروز والاتنين ب 125
بس الصراحة هوا محتار جدا ومش عارف يقرر
والصراحة انا كمان
اصل الاتين حلوين جدا
ياريت لو حد عنده اي معلومات للمقارنة بين الاتين
واي نقاط ضعف او قوة تفرق السيارتين عن بعض
ولكم جزيل الشكر

[fikri]

kia new cerato

[Hosam_Optrawy]

السيراتو هاى لاين ب 126 لكن بالحجز وانتظار بالشهور

وتمنها بال Over Price بيعدى ال 130 دا لو لقيتها أصلا

او تقصر وتجيبها خليجى

الكروز حاليا ب 127 مفيش ب 125

نقاط التفوق للسيراتو اللى مفيش عليها كلام

كماليات أكتر - موتور أقوى - ضمان 5 سنين أو 100 الف كم

نقاط تفوق الكروز

من جوا أشيك وخامات أفضل - شنطه أوسع - فتيس اوتوماتيك 6 نقلات

دى الفروق الملموسه بدون تجربة السيارتين

مع التجربه بقى بيبان استهلاك البنزين والثبات والعزل ... الخ

[Hosam_Optrawy]

فى كمان نقطه نسيت أضيفها

بالبروشور والأرقام المفروض ان الكروز أطول وأعرض وارتفاعها أعلى

لكن على الطبيعه الفرق مش هيبقى ملحوظ اوى

لأن الفرق يتراوح بين 1.5 سم الى 7 سم

[emadhamdy]

اعتقد الكروز افضل
لسه صاحبي جايبها من حوالي شهر وبيشتكي منها كمان له صديق سمكري قاله انها من قدام فايبر مقوي مش صاج
والله العظيم قاله كده ومن وقتها وهو حاسس انه دخل في الحيطه ومش علي بعضه
مش عارف ليه بيستخسروا وايه الفكره من كده

[Ghost2]

انا اعتقد ان المقارنة متكررة كتير وفي اكتر من مقارنة ليها .. الافضلية كانت للنيو سيراتو .. وخليه يستخير ربنا وان شاء الله هيستقر