فورد فوكس هاي لاين ولا كورولا ولا سيفيك

[ahmedlr]

شباب - سلام عليكم و رحمة الله

انا محتاج رايكو ضروري ... التلاتة نفس السعر تقريبا

اللي يهمني في العربية 3 حاجات

1 - التجهيز الداخلي و التابلوه : انا عايز عربية عائلية تسافر و تكون مريحة و بصراحة العربية الحلوة تابلوه حلو

2 - الاداء : انا للأسف بحب الجري . و يهمني الاداء و الشد بس برضه في المعقول يعني شد ميموتش

3 - التكاليف الدورية و قطع الغيار و الصيانة : انا للأسف مبروحش لميكانيكية يعني لو التوكيل سفاح ... حلبسه

رجاء الحقوني براي صائب يرجح قراري

ولو المناقشة طولت ... هل تنصحو بأني اروح ادور علي بي ام 318 مو 2003 او 2004 و ادوس و اخلص ؟؟

[Mohamed.Ramah]

يبقى خليك فى التويتا كورولا افضلهم وبالنسبة للبى ام حط فى بالك استهلاك البنزين الكتير وقطع الغيار بتبقى غالية لاكن اداء وجرى حدث ولا حرج اهم حاجة متجيبش الا الحالات النضيفة ركز في شرائك على أن تكون أساسيات السياره سليمه (شاسيه - قوائم - حوض الموتور بالكارتيرات والسدر الأمامي - حوض الشنطه بالمرايه ) وديه أهم حاجه وماتكنش مغيره ربع ولا نص لأنها أحيانا لا تكتشف بالعين السريعه خد بالك كويس من الحاجات ديه وبعد كده بص على الميكانيكا والكهرباء (أهم حاجه الكهرباء في البي إم دبليو ....عشان ماتكرهش نفسك وتكره البي إم) الكمبيوترات أهم مايميز البي إم تأكد من سلامتها لتسلم من وجع دماغ الأعطال

[tarekabosdera]

اولا انصحك بلاش المستعمل.

انا كنت هقولك سيفيك طبعا عربية ممتازة بس للاسف قطع غيارها نار والوكيل سفاح. فا بالتالي الاختيار الانسب ليك هيكون الكرولا عربية ممتازة واعتمادية وأعطالها قليلة ان شاء الله في المستقبل وقطع غيارها ارحم من السيفيك.

القورد برضه اعتقد ان قطع غيارها نار. وربنا يوفقك

[Amr Axel]

خليك فى الكورولا تناسب متطلباتك و عائلية

[M.ABDEEN]

فخامة وسرعة وثبات واعتمادية سيفيك او فوكس لكن الاثنين في البيع ثقيل شوية وقطع الغيار نارررررررررررررررررر وجودة تقفيل ممتازة
الكورولا كويسة والبيع وقطع الغيار احسن شوية

[ahmedlr]

ممتاز .. شكرا للأفادة

انا لسة رايح توكيل الفورد و حكولي هناك ان قطع الغيار اتوفرت جدا مع التوكيل الجديد (تيل ب 400 و فانوس امامي 560 و خلفي ب 460 ) و بعد رايكو اللمذكور اعلاه انا دلوقت ما بين الفوكس و الكورولا و بصراحة تابلوه الفوكس و تجهيزاتها الداخلية روعة و باين فيها لمحة فخامة الالماني

- فورد جيا اس ال بي (165000 جنيه)
تتميز ب (4 وسادة هوائية - فرش جلد- امكانيت تحريك الكراسي الأماميه كهرباء - سخان كراسي - فتحت سقف - جنوط سبور - ستائر ابواب خلفية -فتح و اغلاق الزجاج من الريموت )
القوة(حصان/ لفات المحرك):119/6000
العزم(نيوتن.متر/لفات المحرك):155/4180
ناقل الحركة:ستربيترونيك-4سرعات

-تويوتا كورولا 2009 Automatic ادفانسد (159900 جنيه)
تتميز ب (9 وسادة هوائية - عجلة قيادة و الفتيس مكسوين بالجلد - راديو وسي دي تشانجر 6 اسطوانات مع تحكم في عجلة القيادة - (سمارت كى) - اضاءة زينون - بخاخات لغسل فوانيس)
القوة(حصان/ لفات المحرك):؟؟؟؟؟
العزم(نيوتن.متر/لفات المحرك): ؟؟؟؟؟
ناقل الحركة:اوتوماتيك 3 او 4 سرعات






و يتماثلو تقريبا في بقية المواصفات دي

1. ABS + EBD.
2. مرآة داخلية ذاتية التعتيم.
3. فوج لايت.
4. جنوط 16 إنش.
5. حساسات مطر.
6. مخرج كهربائي 12 فولت.
7. تكييف تتش.
8. ريموت كنترول للفتح و الغلق و فتح الشنطة.
9. حساس لإضاءة الأنوار اوتوماتيكيا.
10. مثبت سرعة.
11. باركينج سنسور.
12. 5 سماعات للتويوتا 8 سماعات للفورد

هااا ايه رايكو علشان بصراحة المقارنة سيحت دماغي... هل في حد ركب الاتنين علشان يقوللنا الفرق ؟؟

[M.ABDEEN]

الفورد فوكس دي عربية محترمة جدا جدا بصراحة فخمة وتحس انها تقيلة وموتور وعفشة جباريين وناعمة وبرستييج جامد .........
اخو المدام معاه واحدة 2007 بصراحة 100 100 وعلى فكرة العربية اسباني مش الماني ...وفعلا فعلا تحس بركوبة الاوروبي