الفيرنا ولا الشاهين1600

[gade2]

انا عاوز اعرف ايه الافضل بالنسبه لشوارع مصر الفيرنا ولا الشاهين1600 وشاكر ليكم

[arch_peter]

الشاهين

[sherif_84]

طبعا الشاهين من غير كلام
بس نصيحة غير الكاوتشات بنوع مستورد زى هانكوك أو كومهو أو ماكسيس مقاس 185 / 13 هيفرق معاك جااامد وده عن تجربة

[Ahmed Anwer]

أدام حطتيت الشاهين في المقارنة
يبقي حضرتك متقبل شكلها و صالونها

لو مش كده انا طبعا اختار حاجات من الأحدث و الأنعم و الأريح زي الفيرنا و الأفيو

بصراحة استحرم ادفع 67 الف في شاهين مبنية علي تكنولوجيا ال 132

مش هاحس خالص إني جبت عربية جديدة

[yahyanaabil]

الفيرنا طبعا شكل احدث وموتور اكيد احدث وانعم مشكلتها انها اوطى من الشاهين بس

[fahd_628]

كمناسبة لشوارع مصر

شاهيييييييييين

[Hossam_Hassan]

شوارع عن شوارع تفرق، حدد لنا اكتر طبيعة مشاويرك

[ahmedsrs]

هو الشاهين لو بتمشى فى مدقات بس ده لو متقبل شكلها الى بقالة 30 سنة وتابلوه قديم جدا جدا واو عايز اداة للشغل الشاق مش عربية ركوب

[zezo13178]

بصراحة استحرم ادفع 67 الف في شاهين مبنية علي تكنولوجيا ال 132

الشاهين مبنيه علي تكنولوجيا ال 131
بالنسبه للاختيار الشاهين كعربيه اقوي من الفيرنا اما الفيرنا شكل كديد وموتور واستايل احلي من الشاهين

[tutankhamoun]

الشاهين حاجة والفيرنا حاجة تانية
الشاهين قوة و تحمل و عمر أطول حتى لو تكنولوجيا صناعتها أقدم ....... شكل عتيق ......... مش ناعمة زي الفيرنا ..قطع غيار أرخص بكتير ...... سهولة في التصليح و الصيانة عند أي ميكانيكي
الفيرنا شكل أجمل ....... أنعم ......... أحدث ............. أجمل ........ توفير في الوقود على ما أعتقد
عيوبها
أضعف ........ واطية على الأرض لو قارنتها بالشاهين ............. أعتقد أن عمر موتورها أقل من الشاهين

و لكن أي سيارة ممكن تعيش معاك عمر طويل مديد لو أنت بتحافظ على العربية ( أي عربية )

[MR MARINE]

لا الفرنا لاحسن طبعا انعم واريح من الشاهين

[sab3aawy]

انا من ركاب الشاهين السابقين

وحبيتها وبعشقها وشفت معاها احلى ايام حياتى ومش بس عمرها ما عملت دقة نقص معايا ، لكن كمان كنت ولازلت بحس انها من احلى الركوبات اللى الواحد يركبها

لكن

كل وقت وله اذان

شمس الشاهين دخلت فى مرحلة الغروب، الشاهين ككل شئ جميل قاربت على الوصول الى نقطة النهاية التى ستصبح بعدها ذكرى جميلة، بقول الكلام ده وانا حزين لكن حقائق الواقع لا يمكن تجاهلها

شركتها الام (توفاش) توقفت عن انتاجها وتنتج فقط المكونات للتجميع فى مصر واثيوبيا، وشركة النصر بتشاور عقلها، كما ان تكنولوجيا الجر والتتعليق فى الشاهين مختلفة عن السيارات الحديثة مما يساهم-الى جانب أفول نجم فيات فى مصر-فى تضييق الفرصة لتناسب قطع غيار سيارات اخرى مع الشاهين مما سيصعب الحصول على قطع غيار الشاهين فى المستقبل، وبالتالى يخفض سعر اعادة بيعها

فى حين ان الفيرنا منتج قادم من شركة نجمها صاعد فى مصر هى هيونداى، كما ان تصميمها يتناسب مع كثير من السيارات المعتمدة على تكنولوجيا متسوبيشى مما يسهم فى سهولة تبادل قطع الغيارة، وبالتالى ستظل سهلة الصيانة محتفظة بسعرها لسنوات طويلة قادمة

الفيرنا لا تفتقر الى المتانة -كما ان الشاهين بعكس ما يعتقده الكثيرون ممن لم يجربوها لا تفتقر للنعومة- فانا رايت اليوم حادث ليارة فيرنا مع سيارة استرا، كان من قوته ان القى بالأسترا خارج الطريق، كل اصابات الفيرنا انحصرت فى الرفر والكوبت بدون تشوه حقيقى فى بدن السيارة، وكانت اصابات الاسترا الى حد كبير مشابهة، مع ان الأسترا تلقت الصدمة فى الحلف فى منطقة شديدة التعصيب، وفى رأييى ان هذة نقطة فى صالح الفيرنا

اللى قصدى اقوله انه بعيدا عن الشكل الخارجى والداخلى فالسيارتين ميفرقوش عن بعض كتير فى امكانيات السيارة ومتعة القيادة والمتانة ، الشاهين عمر محركها اطول ، لكن اللى انا شايفه فى الوقت الحالى ان الفيرنا مستقبلها احسن فى مسالة سهولة الصيانة وسعر إعادة البيع

[Sharky]

رأى الشخصى فيرنا

[Ahmed Anwer]

-كما ان الشاهين بعكس ما يعتقده الكثيرون ممن لم يجربوها لا تفتقر للنعومة-

أخويا قاعد في دبي ،، معاه هناك هوندا CRV

بيقولي انه بيحب سواقة الشاهين جدا ،،

م / سبعاوي ،، كان في موضوع تاني لتقييم السيينا ذكر جملة من اول ما تراها كل شئ فيها بيقول أنا إيطالية

فواضح إن في سمات معينة و احساس للسيارات الإيطالية

اتمني م / سبعاوي يعملنا موضوع باسلوبه الأدبي الرشيق و خبرته بالسيارات

عن الطعم الإيطالي ده ،،

زي ما كل الناس عماله تحكي عن السيارات اليابانية ،،

بالنسبة ليا في السيارات الإيطالية دايما لما بقعد فيها مهما كانت كبيرة سيينا ، شاهين ، ريجاتا ، تمبرا ، 132

صالونها و تابلوها بيديني إحساس إنها متفصلة بالضبط علي قد جسم الإنسان مفهاش اي براح زيادة أو ضيق زيادة

بانتظار موضوع م / سبعاوي عن السمات الإيطالية

[eng / AhmeD]

الأفيووووووووووووووووووووووووووووو
...........................................
جديدة و ناعمة و جميلة و في نفس الوقت عالية و مش بتحك في نقر ولا مطبات :lol: