الرجاء المساعده في إختيار سيارة

[dilmia]

بسم الله الرحمن الرحيم

بداية، أنا مقيم في مصر (بحكم العمل) - لست مصريا!، متطلبات الحياة تحتم علينا شراء عربية تفاديا لشجع التكاسي وزحمة المتروا.

لست خبيرا بالسيارات ولا بالسوق المصري!

ميزانيتي للسيارة هي في حدود 100 ألف جنيه، حاليا أنا أفكر في الياريس، مع مراعات دخول سيارات أخرى في السباق ك: هيونداي ألنترا، كيا سيراتو.
مع إمكانية الوصول إلى الهوندا سيفيك، ميجان او أوبل.

الفرق في كل هذه السيارات انني ملزم ببيعها عند مغادرتي لمصر (حسب طبيعة العمل ومتطلبات الشركة).

في بلدي الأصلي، إختيار السيارة سهل بحكم قلة المنافسة وحسمها لصالح الشركات الفرنسية!

على فكرة أنا شفت الميجان الجديده تحفةةةةةة بس لسة مدخلتش مصر!

ملخص :

مع ميزانية 100 ألف (+20%) ماهي أحسن سيارة ممكن الواحد يشتريها وسهل إنوا يبعها بعد سنتين أو ثلاثة (إن شاء الله).

مع وافر الشكر

[Ghost2]

كيا نيو سيراتو sx عربية ممتازة جدا .. وهتكون مرضية ليك زي الاوربي الي حد ما .. ادخل قسم كيا وشوف مواضيعها

[Ahmed Selim]

مع الوضع فى الأعتبار حقيقة أنك ممكن تبيع السيارة فى أى وقت
1- أبعد عن الفرنسى لأنه بيخسر فى أعادة البيع أكتر من الأسيوى
2- حاول تخليك فى أى من الماركات دى : تويوتا أو هيونداى عشان هما أكتر الماركات اللى سعر أعادة بيعها عالى.

بعيداً عن سعر أعادة البيع لو مش فارق معاك يبقى أختار بين الميجان أو النيو سيراتو أو السيفيك.

[Drift_Lover]

مع الوضع فى الأعتبار حقيقة أنك ممكن تبيع السيارة فى أى وقت
1- أبعد عن الفرنسى لأنه بيخسر فى أعادة البيع أكتر من الأسيوى
2- حاول تخليك فى أى من الماركات دى : تويوتا أو هيونداى عشان هما أكتر الماركات اللى سعر أعادة بيعها عالى.

بعيداً عن سعر أعادة البيع لو مش فارق معاك يبقى أختار بين الميجان أو النيو سيراتو أو السيفيك.

+1111111111

[M.FOUAD]

احسن عربية تبيعها بدون خسارة كبيرة و بهولة هي لانسر بومة و في رانج الفلوس اللي معاك

[Hosam_Optrawy]

سيراتو أو النترا أو لانسر

[madoo]

أو هيونداى عشان هما أكتر الماركات اللى سعر أعادة بيعها عالى.

هيونداى ازاى .........انا صاحبى جاب النترا السنه اللى فاتت ب 104 الف ........دلوقتى 94 الف وتقريبا كمان 92 الف


خليك فى الانسر البومه ...او الكورولا كمان افضلهم هما دول اللى اعاده البيع سهله بالنسبه ليهم

[dilmia]

السلام عليكم،

بداية أشكر كل الزملاء على الردود والمساهمة القيمة،

زوجتي من المعجبات بـتيوتا ياريس اللي عاملة 103 ألف، بس المشكلة فيه ناس بتشكر فيها جامد، وناس مش عجباها!

استخدماتنا للسيارة إلى حد ما محدوده، بمعنى داخل القاهرة، وممكن سفريات ولكن سوف تكون محدودة، بحكم العمل.

عمليا، أهم شيء في السيارة هو الأمان والراحة، أعتقد أن غلاء قطع الغيار شيئ نسبي، الصيانة الدورية للسيارة والإعتناء بها، إلى حد ما يزيد من عمر المحركة وبالتالي يقلل من إستهلاك قطع الغيار.

حقيقة الإختيار صعب!
كل عام وانتم بخير

[Ahmed Selim]

هيونداى ازاى .........انا صاحبى جاب النترا السنه اللى فاتت ب 104 الف ........دلوقتى 94 الف وتقريبا كمان 92 الف

10 ألاف فى عربية زيرو موديل سنة فاتت مش كتير قوى..........و خصوصاً أن الحالة مش معروفة.....يعنى فابريكة ولا لأ و ماشية كام ألف كم.

كل عام و أنتم بخير.

[madoo]

10 ألاف فى عربية زيرو موديل سنة فاتت مش كتير قوى..........و خصوصاً أن الحالة مش معروفة.....يعنى فابريكة ولا لأ و ماشية كام ألف كم.

كل عام و أنتم بخير.

يا حبيب قلبى انت مش فهمتنى

انا بقصد انه لما اشتراه زيرو كانت ب 104 اوكيه .....دلوقتى تمن الالنترا الزيرو من المعرض نفس الفئه اللى هوا اشتراها ب 92 الف

شوف بقى لو حد مكانه وجه يبيع هيخسر كام تحت ال 92 دول ماهى اصلا زيرو دلوقتى وموديل السنه ب 92 شوف بقى موديلات 2008 او 2007 (فى نفس الفئه تخسر كام )

[Ahmed Selim]

يا حبيب قلبى انت مش فهمتنى

انا بقصد انه لما اشتراه زيرو كانت ب 104 اوكيه .....دلوقتى تمن الالنترا الزيرو من المعرض نفس الفئه اللى هوا اشتراها ب 92 الف

شوف بقى لو حد مكانه وجه يبيع هيخسر كام تحت ال 92 دول ماهى اصلا زيرو دلوقتى وموديل السنه ب 92 شوف بقى موديلات 2008 او 2007 (فى نفس الفئه تخسر كام )

معلش أنا كنت فاكرك بتقول أن العربية مستعمله جايباله الرقم ده.

بس كده أعتقد برضه أن تمن العربية نزل و دى حاجة مش بتحصل كل يوم........بل بالعكس فى أسعار عربيات بتزيد بحجج أرتفاع أسعار العملات أو غيره أو غيره.

عموماً هى كده كده تويوتا رقم 1 فى سعر أعادة البيع فى مصر.

[madoo]

معلش أنا كنت فاكرك بتقول أن العربية مستعمله جايباله الرقم ده.

بس كده أعتقد برضه أن تمن العربية نزل و دى حاجة مش بتحصل كل يوم........بل بالعكس فى أسعار عربيات بتزيد بحجج أرتفاع أسعار العملات أو غيره أو غيره.

عموماً هى كده كده تويوتا رقم 1 فى سعر أعادة البيع فى مصر.

فعلا كده لو انت حد يهمك اوى انك لما تقول هبيع وتبيع فى نفس اليوم تبقى تويوتا كورولا ولما تقول انك عاوز تمسك فلوس فى ايدك بعد البيع تبقى برضه كورولا

دا مش علشان انها احسن عربيه فى السوق ولا ولا ولا بس دى ثقافه شعبنا فى سوق السيارات


بس انا عمرى ماحسبتها كده ...انا اركب العربيه اللى انا نفسى فيها وطوز فى اى حاجه تانيه ماهو انا ممكن اموت اصلا قبل مابيع وابقى لا ركبت العربيه اللى كان نفسى فيها ولا قعدت لليوم اللى شوفت عربيتى فيه بتتباع فى خمس دقايق
وكمان مش ببقى عاوز امشى راكب عربيه مجبر انى اركبها وكل ماشوف العربيه اللى كنت عاوزها اقعد اقول بص بص يااااااااه ويارتنى وبتاع

وربك هو اللى بيسرها مش البشر ...بمعنى انى لما جبت الماتيريا والدى قالى اجبلك النترا قولت لا طيب لانسر قولت لا يا ماتيريا يا مش هركب عربيات وتوفر فلوسك ...والله العظيم مش علشان حاجه بس انا عارف نفسى استحاله هبقى مبسوط ولو ركبت عربيه تانيه غيرها
وشوف بقى ربنا الالنترا سعرها نزل ...والماتيريا موديل 2009 (نفس موديلى ) تمنها زاد عن انا ماكنت جايبها بعدها ب 3 شهور

فلو هبيع مش هخسر كتير زى الالنترا بالعكس انا الزيرو بتاعى فى العالى

[yossef]

بروتون جين2 او نيو سيراتو

بروتون جين2 انا اختارتها عشان هى عربية كويسة
وموفرة فى البنزين و وبتستحمل المشوير الطويل
وسعرها مناسب وفيها جميع الكمليات