ماذا أشترى بـ 120 ألف جنيه

[cheetos_892005]

أنا عرفت من المنتدى أن تنك البنزين أسفل الكرسى مش الموضوع يقلق شويه

يا باشا دي هوندااااااااااااااااااا
يعني ناس مبتهرجش
متخافش طبعا
كمان انت بس اركبها و اراهنك لو عرفت تنزل من جمالها
انا رايي ان عيبها الوحيد قله الكماليات شويه زي الفوج و مفتاح الريموت
بس فيها كماليات جامده جدا بردو زي كمبيوتر الرحلات و الشنطه الخرافيه
بالنسبه للبوما 1600
سعرها من علي كونتاكت كارز فول اوبشن اوتوماتيك 111000
فول اوبشن اوتوماتيك سبورت 123000 فتحه سقف كمان متهيالي
ربنا يوفقك
لو فكرت في الفيات اعتقد متجيبش غير اللي فيهاتربو

[blazer]

ارشحللك رينو ميجان الفئه التانيه اوتوماتيك اللى ب 125 -كل الكماليات والرفاهيه والامان اللى انت عاوزه-
او كيا سيراتو sx
سكودا رومستر اوتوماتيك

[ahm8716]

يبقى كده الامور وضحت معاى شويه أما هوندا سيتى أوميجان

[ahm8716]

ال 120000 يجيبوا يا باشا ميجان Authentic أول فئة اوتوماتيك، انا لسه سائل عليها من كام ساعة
الوكيل عنده منها 2010 بس مفيش الوان غير الفضي والرمادي وبيقول انه فاضل عنده عربيتين بس، اما الموزعين عندهم 2009 وانا كنت سالت عند مهندس كار وقالي انه عنده كل الألوان وبنفس السعر وعنده كمان الفئة الأعلى Dynamic ب 125000
وبصيت برده على السيات كوردوبا لاني عايز اشتري عربية في رينج ال 120000 زي حضرتك
وهي عربية لطيفة وفيها اوبشن كويس وشنطتها كبيرة بس الكنبة الخلفية ضيقة شوية وليها مركز خدمة واحد على كلام المعرض في ارض اللواء.

أخبار قطع الغيار ايه
ملحوظه لا يوجد مركز خدمه فى البحر الاحمر

[ahm8716]

باشا ممكن تفكر في الكروز أوتوماتيك أو هوندا سيتي (معرفش حوار البنزين ده!) ..
ولو أنا مكانك اختار الكروز .
على العموم متنساش الاستخارة .

أشكرك على المشاركة الطيبه بس الكروز بعيده جداً بسبب اللى بيعمله الوكيل
نصيحه : محدش يشترى الكروز لأن كروز يعنى النصب

[ahm8716]

انت شكلك كدة عايز حاجة الماني او ياباني
بالنسبة للكرطبة انا سمعت انها عربية حلوة
بس مش منتشرة اوي اعادة سعر البيع مش اد كدة
ومعرفش توكلها نظامة اية بس ممكن تخش علي السيت في المنتدي ونتا هتلاقي عليها كلام كفاية
ونا اعرف ان سعر الخليجي منها في حدود 88 الف بس مش الاوتماتك ممكن يزيد حوالي 7 الاف ولاحاجة
علي فكرة لية مفكرتش في التيوتا ولا النيسان تيدا عربيات محترمة جدا
خصوصا التيدا محدش اشتكي منها والتيوتا معروفة بس ابعد بعيد عن التبترونك كلهم بيقولو زفت

بصراحه أما عربيات فى السوق المصرى اليابانى أو الاوربى
الكورى اللى بينزل مصر حرام تدفع فيه الفلوس
والدى اشترى كيا سيراتو
الشكل حلو التابلوه شكله حلو الخامات سيئه جدا جدا جدا

[dodi2]

بس انا شفت تابلوه التيدا برده الخامات مكنتش اد كده , و مش حنكر ان خامات التابلوه فى السيراتو مش حلوة اوى , و ان السيتى انضف من جوه بس برده سعر اعادة البيع و قطع الغيار حيبقى اسهل فى السيراتوعن السيتى

[MAGPC]

الحيرة زادت أكتر و أكتر
هل موتور الفيات قوى يستحمل و أخبار قطع الغيار أيه

Fiat linea specifications:p

http://www.nilemotors.net/Nile/97000-a.html

more info:P

http://www.nilemotors.net/Nile/597-a.html

[ahm8716]

Fiat linea specifications:p

http://www.nilemotors.net/Nile/97000-a.html

more info:P

http://www.nilemotors.net/Nile/597-a.html

اشكرك يا أخى على المشاركة

[M_samir]

باشا اشترى شيفرولية كروز عربية ممتازة

[Ahmed Selim]

أخبار قطع الغيار ايه
ملحوظه لا يوجد مركز خدمه فى البحر الاحمر

الضمان على جميع سيارات ريــــنو 3 سنوات أو 100.000 الف كيلو متر و 100.000 الف كيلو متر على صندوق التروس.
للإستعلام من جميع أنحاء الجمهورية 16202 (24 ساعة ) صيانة و مبيعات.


مراكز الخدمة:

*مركز الجميل :
الغردقة
(065) 554010/20

*شركة جنوب سيناء للأعمال الهندسية:
شرم الشيخ

أسعـــــار الصيـــانة و قطــــع الغيــــار الأصليـــة للميــــجان II (.... أسعار الصيانة و قطع الغيار - رينو ميجان 2 ....)

أسعار قطع غيار الميجان II خارج التوكيل (أسعار قطع غيار الميجان Ii خارج التوكيل)

أعطـــــــال الميـــــجان II من مـــلاكهـــا و إصلاحــــها (أعطـــال الميجان من مالكى السيارة)

بس خلى بالك أن أعادة البيع بتاع الميجان قليل.......يعنى لو بتفكر تغير بعد أقل من 5 سنين متجيبهاش لو الموضوع ده يهمك.

[alzelafy]

لانسر شارك او كروز

[AHMED HAGGAG]

أنا عرفت من المنتدى أن تنك البنزين أسفل الكرسى مش الموضوع يقلق شويه

اسف جدا على الـتأخير فى الرد لظروف الشغل لأنى طبيب و انفلونزا الخنازير عاملة عمايلها و طبعا الرد بسيط و اتكتب قبل كده :

1- اسم هوندا
2- تكنولوجيا فصل البنزين عند الحوادث لا قدر الله
3- لو هنفكر فى الحوادث والخطورة يبقى ممكن تيجى الخبطة من ورا او من قدام ده كله بتاع ربنا الأول انما بعد كده المهم تكنولوجيا الأمان

و ربنا يوفقك للاختيار المناسب

[Samah AbdAllah]

انت لو تزود شوية تجيب اوبل فيكترا افضل
او فكر فى رينو ميجان

[Eng.GEMI]

أنا برشح لحضرتك الميجان برده...بس لو موضوع اعادة البيع هيفرق...يبقى خليك فى السيتى الجديدة...شكلها شيك جدا و مش واطية على الأرض زى السيفيك..