محتاربين كارنز&جين 2

[أبــوحبيبه ونور]

محتاربين

كارنز

جين 2

حجز الكارنز من اربع شهورغير اكيده قابل للزيادة ومش هقدر استنا الفترة دى كلها بدون عربية

حجز الجين 2 شهر بالكتير وكل الناس بتقول ال جين 2 بتيجى فى معدها

ملحوظة

انا حابب الكارنز جدا بس ال 4شهوركتير جدا جدا جدا

[a_elbosaty]

استنى الكارينز
دي نصيحتي ليك

[أبــوحبيبه ونور]

استنى الكارينز
دي نصيحتي ليك

طيب اعمل ايه فى ال 4 شهور من غير عربية خصوصا انى بعت اللى كانت عندى وبعدين 4 شهور قابله للزيادة وبعدين والاسوا من دا كله ان الناس اللى معها كارنز بيقولى نازله فيها حاجات ناقصه فى الكمليات
وعلى الرغم من دا كله انا حابب الكارنز برضة

[ggggggggg]

انت ازاي تقارن بين لكارنز والجين 2 ....... دي مش مقارنة اصلا مش هنقدر نفيدك ....... ماينفعش

[dreslam]

الكارينز عربيه عائليه في المقام الاول والاخير ...ممكن تقارنها بالماتريكس والرينو السينيك والتويوتا افانزا
الجين 2 عربيه شبابي مش بتاعت عائله الا لو كانت عائله صغيره 4 افراد بالكتير

[mxz911]

الكارينز احسن طبعا

مع انى مفيش مقارنه ... لكن ف حاله ان انت شاب وكده ومش محتاجها لاسره واستعمال شخصى او مع شباب يبقى جين 2

بس الكارينز احسن ف حاجات كتير

[احمدعبدالعزيز]

فعلا لازم تحدد الاول انت عاوز تستخدم العربيه مع عائله او مع شباب ولو عاوز العربيه عشان الجرى والحركات بتاعت الشباب يبقى بدون نقاش الجن 2 اما لو انت متزوج وعندك اسره يبقى الكارينز اوسع واحسن .

[أبومعاذ]

العربيتين فئتين مختلفتين عائلية و رياضية
بس كجودة و كماليات الجين 2 مفيش اخنلاف عليها و الناس اللي بتذم فيها ياريت يقولو عيوبها ايه

[أبــوحبيبه ونور]

فعلا لازم تحدد الاول انت عاوز تستخدم العربيه مع عائله او مع شباب ولو عاوز العربيه عشان الجرى والحركات بتاعت الشباب يبقى بدون نقاش الجن 2 اما لو انت متزوج وعندك اسره يبقى الكارينز اوسع واحسن .

انا عارف ومتاكد ان الكارنز انسب وافضل خصوصا ان عندى عائلة بس مشكلتها انى هستنا من4 الى6 شهور للاستلام قابله للزيادة ودا كتير جدا والاهم انى بعت العربية اللى كانت عندى وكنت بفكر فى ( التيجو اسبرنزا-من حيث الفئة والامكانيات) بس طبعا مش مقتنع فكان الاختيار التانى من حيث الاقتناع ال جين 2 ماذا تفعلو لو كنتو مكانى

[Youssef.Awad]

انت ازاي تقارن بين لكارنز والجين 2 ....... دي مش مقارنة اصلا مش هنقدر نفيدك ....... ماينفعش

فعلا المقارنة غير متكافئة لأن كل عربية تنتمى لفئة غير الثانية سواء الاستخدام او الحجم او السعر

[ahmad--ezzat]

المقارنه لا تصلح تمام....اللى هيحدد المقارنه دى حضرتك وحسب متطلباتك

[Ibrahim88]

الاحسن توسيع دائرة اختياراتك

[mxz911]

ا عارف ومتاكد ان الكارنز انسب وافضل خصوصا ان عندى عائلة بس مشكلتها انى هستنا من4 الى6 شهور للاستلام قابله للزيادة ودا كتير جدا والاهم انى بعت العربية اللى كانت عندى وكنت بفكر فى ( التيجو اسبرنزا-من حيث الفئة والامكانيات) بس طبعا مش مقتنع فكان الاختيار التانى من حيث الاقتناع ال جين 2 ماذا تفعلو لو كنتو مكانى

حضرتك متفكرش خالص فى التيجو ودى وجهه نظرى لانى شفت تقيم العربيه دى وكان زباله جدا ومحدش شكر فيها الا نادرا وكل اللى جابوها بيبقوا عاوزين يبيعوها ويخلصوا منها بسرعه ..

وعلى فكره يا جماعه البروتون حلوه برضه وانا مقولتش حاجه وحشه عليها ... بس وانا شاب برضه على فكره ونصحتك بالكارينز .. ولو انا قدامى الاتنين برضه هجيب كارينز ! وهيه مش شكلها وحش اوى لدرجه انها متنفعش ل شاب !! بالعكس انا شايف انها جميله جدا ولو انت شاب ومتحير وعاوز تجيب ف هيه ممكن بكل سهوله تتروش جدا

ماشاء الله عربيه امكانيتها جميله جدا وواسعه جدا وبعتبرها من احسن ما عملت شركه كيا هيه والسيراتو الجديد




ودى صوره واحده معدله واعتقد انه تعديل فوتوشوب بس ممكن يتعمل على الحقيقه بسهوله :

[eng.octooo]

طيب ماتشوف البيرسونا او الواجا دول نفس جودة الجين تو ؟؟؟؟

[Ghost2]

مقارنتك من الفئة السعرية فقط .. مفيش فيها مشاكل طبعا .. لكن رأيي الكارينز تتفوق في توكيلها وخدمات ما بعد البيع اما الشكل والكماليات فهو للجين تو بس توكيلها ربنا يكفيك شره