محتاج مساعدتكم وراى الخبراء

[MMamdouh]

Re: محتاج مساعدتكم وراى الخبراء

اشترى عربية مستعملة بحالة نضيفة بنفس حدود اسعار دول يعنى فى الستينات كده
والعربيات دى زى اوبل فكترا او كورسا او لانسر 98 او بيجو 206 او نوبيرا او سيتروين اكسارا او كيا ريو او هوندا سيفيك

انصحك لو عايز تشترى مستعمل اشترى لانسر موديل 98 فيما فوق او هوندا سيفيك عربية نضيفة جدااا وماتنزلش عن موديلات 85 علشان حالة العربية تكون كويسة وبلاش الاوبل خالص علشان قطع غيارها غالية جدااا

طيب هى الكورسا قطع غيارها غالية و الهندات و اللانسرات قطع غيارها رخيصة؟؟

MMamdouh

[Abdallah]

السلام عليكم ورحمة الله وبركاته
بالنسبة للسيارات الزيرو انا افضل اللانوس لانه معروف مميزاتها وعيوبها وحقيقة عيوبها مش معضلة ممكن تتحل بسهولة.
بالنسبة للمستعمل عندك اللانسر عفشتها ضعيفة شوية بس عربية محترمة ورينج سعرك ممكن يجبلك حاجة موديل 2002 او 2001 االى بيسموها المكواة وهيا فعلا عربية محترمة ولها نفس تابلوه البوما على ما اذكر ولكن مش عايزة دغدغة فاهمنى يعنى مش بتاعت شد وحرت وكذلك اللانسر الكرستالة نفس الكلام.
السيفيك عربية ممتازة يعيبها المبالغة فى قطع الغيار ودى تقدر تحلها انك تجيب حاجتها من بورسعيد ويعيبها ايضا ان العربية واطية بزيادة يعنى لو ركب معاك والديك على ما اعتقد هتحف جامد فى المطبات وموتورها قوى لدرجة الغشم وبتليق على الشباب اوى ودى موجودة من موديل 92 الى 95 بس انا اشرحلك موديل 1993 SI بتبقا كاملة كل حاجة.
الاوبل قطع غياره غالية وبياكل عفشة كتير.
بيجو 206 مستعملة مش هتسعفك لانها ضعيفة للغاية , كنت اعرف واحد جايبها تجارة ودخل فيها 128 من ورا بهدلتها جامد وصرفتلها بتاع 5000 جنيه ودة كل الى اعرفه عنها.
وفى الاخر استخير ربنا وتوكل على الله.

[sokasoon]

Re: محتاج مساعدتكم وراى الخبراء

اشترى عربية مستعملة بحالة نضيفة بنفس حدود اسعار دول يعنى فى الستينات كده
والعربيات دى زى اوبل فكترا او كورسا او لانسر 98 او بيجو 206 او نوبيرا او سيتروين اكسارا او كيا ريو او هوندا سيفيك

انصحك لو عايز تشترى مستعمل اشترى لانسر موديل 98 فيما فوق او هوندا سيفيك عربية نضيفة جدااا وماتنزلش عن موديلات 85 علشان حالة العربية تكون كويسة وبلاش الاوبل خالص علشان قطع غيارها غالية جدااا

طيب هى الكورسا قطع غيارها غالية و الهندات و اللانسرات قطع غيارها رخيصة؟؟

MMamdouh

مين قالك ان سعر قطع غيار اللانسر اغلى من قطع غيار الاوبل استحالة طبعاااا

وبعدين قطع غياراللانسر معقولة ومتقدرش تقول قطع غيارها غالية

[Abonora]

طبعا قطع غيار الاوبل غاليه وغالية نار كمان اسئل علي البوبينة والسنسورز بتاعتها كفايه انا ليا واحد صاحبي معاه كورسا وهو عايز يبيعها بسبب قطع غيارها الناااااااااااااااار ديه

[besho art]

طب اخر سؤال
اجيب عربية مانيوال ولا اتوماتيك
علما انى اول مرة فى هاسوق عربية ومشكلتى الاساسية فى السيارة هى الدبرياج لانى مش كويس فى التزامن مع البنزين
بس
فا حبيت اعرف رايكوا انهى احسن لى المانيوال ولا الاتوماتيك حتى بعد كده فى السيانه
ولو عطلت منى فى السكة مش هاينفع ازقها
بس فياريت تفيدونى فى الموضوع ده
وانا عارف انى وجعتلكوا دماغكوا
وشكرا على ردودكوا مقدمااااااااااااااااااااااااااااااا

[Abonora]

لو هتشتري جديد اشتري اوتوماتيك لان اكتر الجديد في مفتاح بيفصل الGearBox فتقدر تجر العربية ( و ان شاء الله متجرهاش ولا حاجة - اما لو مستعمل فانا افضل المانيول لان المستعمل وارد فيه الصيانة واستبدال قطع الغيار وانت عارف بقي الاوتوماتيك قطع غيارة بالترس وفيه تروس بتمن جير بوكس كامل مانيول

[amgad29]

نصيحة لوجة الله ابعد عن القسط عامة اللي هتدفعه مقدم هات بيه عربية مستعملة نضيفة و لو مؤقتا و بعدين لما ربنا يكرمك بقرشين بيع و اشتري زيرو كاش انا رأيي فكر في الكرولا 92 -- 98 أو الشاهين أو اللانسر أعتقد هما دول المستعمل اللي ينفع تجيبه عشان تضمن سهولة اعادة البيع بدون خسارة و كذا سهولة الصيانة
و ربنا يوفقك

[PAYOO]

نصيحة لوجة الله ابعد عن القسط عامة اللي هتدفعه مقدم هات بيه عربية مستعملة نضيفة و لو مؤقتا و بعدين لما ربنا يكرمك بقرشين بيع و اشتري زيرو كاش انا رأيي فكر في الكرولا 92 -- 98 أو الشاهين أو اللانسر أعتقد هما دول المستعمل اللي ينفع تجيبه عشان تضمن سهولة اعادة البيع بدون خسارة و كذا سهولة الصيانة
و ربنا يوفقك

بصراحه أنا أول ما قرأت الرد ده حسيت أني أنا إللي كابته وانا باكد عليك في حكاية القسط دي .... بلاش قسط ..... نصيحه لوجه الله بلاش قسط

[besho art]

مرسى على الردود يا اخواتى
انا عارف ان القسط عليه فايده كبيره بس انا مش معايا كاش كبير ففكرت يا اقسط عربية من معرض او اخد قرض من البنك بضمان مرتبى وادفع قسطه كل شهر للبنك بس المشكلة الكبيرة فى الفايدة وانا عارف كده
او يا اما اجيب حاجة رخيصة شوية زى الهيونداى اكسيل او سكودا فيليشيا او سيات ابيزا او فولكس بولو
بس
فا مش عارف رايكوا ايه
ياريت تقولولى

[sokasoon]

مرسى على الردود يا اخواتى
انا عارف ان القسط عليه فايده كبيره بس انا مش معايا كاش كبير ففكرت يا اقسط عربية من معرض او اخد قرض من البنك بضمان مرتبى وادفع قسطه كل شهر للبنك بس المشكلة الكبيرة فى الفايدة وانا عارف كده
او يا اما اجيب حاجة رخيصة شوية زى الهيونداى اكسيل او سكودا فيليشيا او سيات ابيزا او فولكس بولو
بس
فا مش عارف رايكوا ايه
ياريت تقولولى

بالنسبة للسيارات اللى عرضتها انا اقولك الافضل

انا من رأيى بلاش اسكودا فليشيا ولا سيات ابيزااا مش بفضلهم الصراحة

خليك فى الهيونداى اكسيل وتكون نضيفة وكويسة

او فولكس بولو عربية جميلة جدداااا وبالنسبة لقطع الغيار فى الاكسيل هيا متوفرة ورخيصة مش غالية

وبالنسبة لسحب البنزين فهيا مش بتسحب بنزين يعنى خفيف اوووى

اما الفولكس بولو فقطع غيارها موجودة ولاكن معرفش اسعارها ايه

بالنسبة للبنزين فهيا سحبها عادى ومش اقتصادية زى الاكسيل اوووى ولاكن مش بتاخد بنزين كتيررر

[besho art]

مرسى على ردك يا استاذ sokasoon واهتمامك بيا باستمرار
ومانساش كمان كل الاعضاء اللى ساعدونى
بس انا ناوى اخد برايكم واجيب عربية تعبانة اتمرن عليها السواقة واخبط فيها براحتى وبعد كده ابقى اجيب الحاجة الكويسة على نضيف وبعدين انا لسه عمرى 21 سنة يعنى لسة صغير
وفى دماغى العربية فيات 132 بس مش عارف ايه نظامها فى قطع الغيار وفى البنزين (انا اسمع انها بتسحب بنزين كتير بس انا هاجيب منها 1600 سى سى)

[besho art]

مرسى على ردك يا استاذ sokasoon واهتمامك بيا باستمرار
ومانساش كمان كل الاعضاء اللى ساعدونى
بس انا ناوى اخد برايكم واجيب عربية تعبانة اتمرن عليها السواقة واخبط فيها براحتى وبعد كده ابقى اجيب الحاجة الكويسة على نضيف وبعدين انا لسه عمرى 21 سنة يعنى لسة صغير
وفى دماغى العربية فيات 132 بس مش عارف ايه نظامها فى قطع الغيار وفى البنزين (انا اسمع انها بتسحب بنزين كتير بس انا هاجيب منها 1600 سى سى)
وبعدين هى بيبقى فيها باور استيرنج ولو مش موجود بيتركب بكام وكمان

[sokasoon]

مرسى على ردك يا استاذ sokasoon واهتمامك بيا باستمرار
ومانساش كمان كل الاعضاء اللى ساعدونى

العفوو وانا موجود لاى استفسار

وفى دماغى العربية فيات 132 بس مش عارف ايه نظامها فى قطع الغيار وفى البنزين (انا اسمع انها بتسحب بنزين كتير بس انا هاجيب منها 1600 سى سى)

هيا قطع غيارها موجودة وبالنسبة للبنزين العربية ديه ماتتوصاش بلاعة بنزين وال1600سى سى اقل فى السحب من ال2000سى سى

وبعدين هى بيبقى فيها باور استيرنج ولو مش موجود بيتركب بكام وكمان

هيا فيها باور ستيرنج ولو مافيهاش ممكن يركبلها وبالنسبة لسعر تركيبة مش عارف بالظبط

[besho art]

شكرا على ردك استاذى المحترم