لينيا (بعد العرض دا) ولا النترا؟

[hash_mafia]

ياجماعة دلوقتي انا لو معايا في حدود110000 ...
أجيب النترا ولا اللينيا 1400 turbo؟؟

وهل الفرق بينهم (لو فيه فرق) يستاهل اني اضحي براحة الأوتوماتيك.. خصوصا اني مش سويق يعني ومش غاوي

[ahmad--ezzat]

هو اللينيا التربو ب 110

[eng.octooo]

اة الينيا رخصت وبقت اعلى فئة (مثبت سرعة ) بقت ب110 وبجد تستاهلللللللللللللللل دة جودة رهيييييييييبة وموتور 120 حصان وعزم 206 يعنى نفس قوة المرسيدس c200 وشكل مميز جداااااااااااااااا واوعى تقارن بينها وبين الالنترا اكييييد لينيا دى ايطالى (تركى تقريبا)

[Ibrahim88]

لو عايز اوتوماتيك حاجة غير الالنترا يبقى الهوندا سيتى

[Ghost2]

لينيا ومتفكرش

[ainshouka]

انا لو من مكانك ابص لبعد كده........

على فكرة انا من اشد المعجبين بالفيات وعارف انها عربية فوق الوصف ومتتقارنش بأى عربية تانية

بس المشكلة دلوقتى عربية مش منتشرة
فيها تكنولوجيا وتقنيات عالية يعنى لو حصل عطل تتصلح بكام وفين
التوكيل بتاعها سئ جدا كفاية ان طول السنين اللى فاتت وشوف الفيات عملت مبيعات اد ايه يعنى تقريبا من بعد ال 2000 الى الان لم تنتشر سوى السيينا
بيتهيألى ان طالما ان احنا لسه فى مصر يبقى اظن ان العربيات دى مينفعش نركبها
احنا هنا نركب الحاجة السهلة اللى مفيهاش تعقيد ومش مكلفة وسهل تصليحها
يعنى من الاخر متتغرش بسعرها اللى نزل المهم حتكلف كام بعد كده

[M.Osman]

انا لو من مكانك ابص لبعد كده........

على فكرة انا من اشد المعجبين بالفيات وعارف انها عربية فوق الوصف ومتتقارنش بأى عربية تانية

بس المشكلة دلوقتى عربية مش منتشرة
فيها تكنولوجيا وتقنيات عالية يعنى لو حصل عطل تتصلح بكام وفين
التوكيل بتاعها سئ جدا كفاية ان طول السنين اللى فاتت وشوف الفيات عملت مبيعات اد ايه يعنى تقريبا من بعد ال 2000 الى الان لم تنتشر سوى السيينا
بيتهيألى ان طالما ان احنا لسه فى مصر يبقى اظن ان العربيات دى مينفعش نركبها
احنا هنا نركب الحاجة السهلة اللى مفيهاش تعقيد ومش مكلفة وسهل تصليحها
يعنى من الاخر متتغرش بسعرها اللى نزل المهم حتكلف كام بعد كده

+100000000000

[M.Mosaad]

ياجماعه العربيات الاوربي كلها مش اللينيا بس اللي عايز يجيبها يبقي ياخد باله انه ميهنهاش يعني يعمل صياناته في مواعيدها يحافظ علي العربيه ميطنشي في تغيير الزيت و الاعطال لان التكنولوجيا كتير و احنا مش اقل من الناس اللي برة لية بنخاف من التكنولوجيا
و كمان واحد شاري عربيه فوق ال 100000 جنيه يبقي يعمل حسابه يدفع في الصيانه بس الحاجة هتعمر
يعني اللي عايز يشتري ميجان او فوكس او لينيا او ليون او التيا ياخد باله انه معاه عرييه بنت ناس مش عايزة اهانه يعني تربيط عفشة كشف عن زيت و تكييف و كمبيوتر كله ف مواعيده العربيه هتبقي ز ي الفل مش هتقدر علي كدة يبقي عليك و علي الكوري و الياباني اعتماديه كويسة و شكل جميل و تكنولوجيا بسيطة بس فخامه اقل (((( انا بتكلم عن العربيات اللي بتنزل مصر ))))

[Sala7.Bravo]

ياجماعه العربيات الاوربي كلها مش اللينيا بس اللي عايز يجيبها يبقي ياخد باله انه ميهنهاش يعني يعمل صياناته في مواعيدها يحافظ علي العربيه ميطنشي في تغيير الزيت و الاعطال لان التكنولوجيا كتير و احنا مش اقل من الناس اللي برة لية بنخاف من التكنولوجيا
و كمان واحد شاري عربيه فوق ال 100000 جنيه يبقي يعمل حسابه يدفع في الصيانه بس الحاجة هتعمر
يعني اللي عايز يشتري ميجان او فوكس او لينيا او ليون او التيا ياخد باله انه معاه عرييه بنت ناس مش عايزة اهانه يعني تربيط عفشة كشف عن زيت و تكييف و كمبيوتر كله ف مواعيده العربيه هتبقي ز ي الفل مش هتقدر علي كدة يبقي عليك و علي الكوري و الياباني اعتماديه كويسة و شكل جميل و تكنولوجيا بسيطة بس فخامه اقل (((( انا بتكلم عن العربيات اللي بتنزل مصر ))))

+111111111111111111

[tarekabosdera]

انا لو من مكانك ابص لبعد كده........

على فكرة انا من اشد المعجبين بالفيات وعارف انها عربية فوق الوصف ومتتقارنش بأى عربية تانية

بس المشكلة دلوقتى عربية مش منتشرة
فيها تكنولوجيا وتقنيات عالية يعنى لو حصل عطل تتصلح بكام وفين
التوكيل بتاعها سئ جدا كفاية ان طول السنين اللى فاتت وشوف الفيات عملت مبيعات اد ايه يعنى تقريبا من بعد ال 2000 الى الان لم تنتشر سوى السيينا
بيتهيألى ان طالما ان احنا لسه فى مصر يبقى اظن ان العربيات دى مينفعش نركبها
احنا هنا نركب الحاجة السهلة اللى مفيهاش تعقيد ومش مكلفة وسهل تصليحها
يعنى من الاخر متتغرش بسعرها اللى نزل المهم حتكلف كام بعد كده

رأي الاخ مظبوط جدا بالاضافة ان الالنترا اعتمادية ومعمرة واعطالها بسيطة وسهلة التصليح وقطع غيارها متوفرة وارخيصة . وكمان مراكز الصيانة كتير جدا على مستوى الجمهورية.

[ainshouka]

ياجماعه العربيات الاوربي كلها مش اللينيا بس اللي عايز يجيبها يبقي ياخد باله انه ميهنهاش يعني يعمل صياناته في مواعيدها يحافظ علي العربيه ميطنشي في تغيير الزيت و الاعطال لان التكنولوجيا كتير و احنا مش اقل من الناس اللي برة لية بنخاف من التكنولوجيا

الموضوع مش حكاية احنا اقل من حد او كده

بس الحكاية كلها ان فى اوروبا العربيات دى عادية هناك واى مشاكل تظهر تتصلح علطول فهى مش عاملالهم اى مشاكل

لكن احنا عندنا فى مصر هنا التوكيل -اى توكيل- بيفتخر انه مركبلك فى العربية اير باج فيبتدى يحسسك انه بيمن عليك ويطلع عينك فى الصيانة لو حصل اى حاجة على اساس انك طالما اشتريت عربية فيها ايرباج يبقى انت زبون حلو ليهم

فمش عشان العربية رخصت ونزل سعرها وبقت فى متناول ايدى طبقة كبيرة من الناس يبقى هى كده كويسة لان عربية زى دى لو عطل فيها حاجة يبقى حرام توديها لحد من الميكانيكية بره عشان يكشفلك عليها فلازم تروح بيها على التوكيل

ومين اللى يقدر يروح التوكيل كل شوية عشان حصل اى عطل يبقى كده عاوزة مصاريف تانية لوحدها

ومش حقول طبعا ان العربية حتكون كل شوية فى التوكيل بس المرة الواحدة اللى ممكن تروح فيها حتكلفنى اد ايه - خاصة ان اى توكيل بيبصلك على انك زبون-

والموضوع مش موضوع خوف من تكنولوجيا ولا حاجة الموضوع انك بتقعد كام سنة عشان تحوش قرشين تجيب بيهم عربية تغنيك عن بهدلة المواصلات
يعنى مش كل شوية حقعد اصرف عليها (حتى من غير ميحصلها اى اعطال ممكن يكون الاكسسوارات بتاعتها غالية يعنى لو جه واحد غبى خبطك من ورا مثلا حتكلفك اد ايه) - وخلى بالك الفيات متعقد منها بسسب العربيات اللى مش منتشرة فبتغلب عما تجيب لها اكسسواراتها او يا اما تروح للتوكيل اللى بيعتبرك زبون ليهم-

يعنى انا لما افكر اشترى عربية مش حفكر حتى يكون فيها مرايات كهرباء عشان مبقاش محوج للتوكيل فى اى حاجة
لكن عربية سهل تصليحها وتكنولوجيا مش معقدة وبسيطة تاخدنى وتودينى مشاويرى كده يبقى قشطة وابوس ايديا وش وضهر كمان

فطبعا لو انت معاك فلوس وتقدر على العربية عند وبعد الشراء يبقى خلاص اشتريها وارشحها كمان لانها عربية حلوة وفيها مميزات كتير جدا وجميلة

[bahaahssn]

لو بتتكلم عن الأعتمادية يبى اتكلم عن اليابانى و سيبك من الكورى خالص
و على فكرة الايطالى مينفعش يقارن بالفرنسى ده حاجة و ده حاجة تانية خالص
و على فكرة انا بقالى حوالى شهر بجمع معلومات عن العربية اللينيا و مشاكلها و الحمد لله لحد النهاردة ملقيتش عيب واحد خاص بموتور او اجزاء ميكايكية و فى كل العالم بيقولوا عليها اعتمادية جدا كمان
و اقول لحضراتكم المشاكل اللى ظهرت فيها رغم انها اتحلت
1- لو رفعت الكرسى لفوق و انت قاعد عليه و نفس الوقت بتطلعه لقدام مبيتحركش خالص و طبعا للى عارف دى حركة صعبة جدا
2- حزام الأمان الخلفى يمين مبيقفلش فى السوكت اللى قريب منه بيتقفل فاللى بعديه
3- لو عايز تغير حاجة فى نظام البلو اند مى عن طريق الفلاشة لازم تكون الفلاشة فاضية خالص الأ للحاجة اللى انت عايز تغيرها بس
4- العربية بتنزل برة بحساسات مطر و حساسات اضاءة و منزلوش مصر بيهم
لعدم ملائمتهم للأجواء المصرية
5- برة مصر بتنزل من غير تصفيح فى مصر بتصفيح كامل عشان شوارعنا
6- فى الفئة اللى فيها الكنبة بتتشال خالص و تطبق العملية دى صعبة جدا و مجهدة و محتاجة تتدرب عليها مرتين تالاتة كده
7- الحديدة اللى بتمسك الكبوت لما تفتحه بتتفك و تتركب لو فتحت الكبوت و شيلتها يبقى لازم تعمل حاجات كتير عشان تفتح الكبوت
8- قفلت الشنطة تقيلة عشان على اتنين مساعدين غاز

و ديه كل العيوب اللى لقيتها للعربية و بكل امانة و ده من على منتديات تركية و اسبانية و هندية و برازيلية

نقطة كمان العربية مصممة عشان صيانتها تكون كل 15000 كيلو مش 5000 زى الألنترا و السيراتو , و للى مش مصدقنى يكتب fiat linea service interval و يعمل سيرش على جوجل و هوة يعرف صيانتها برة مصر كل قد ايه
و على فكرة البرازيل و الهند حر زى عندنا بالظبط .

[Samah AbdAllah]

فيات لينيا وانتظم فى الصيانة ولو هى انهاردة جديدة ومش منتشرة محدش عارف بكرة ايه

[bahaahssn]

اقولك على حاجة كمان انا انشاء الله هشتريها الأسبوع اللى جاى
من تلات سنين كدة كنت عايز اشترى عربية و كانت عاجبانى جدا السيريون
و كانت لسة اول دفعة و كانت فول اوبشن و فيها كل حاجة اتوماتيك ب 74000ج
1300 سى سى و كنت باخد رائى ابوية و قاللى لأ دى لسسة جديدة و كدة و قطع غيارها و الكلام ده كله دلوقتى بعد 3 سنين اخويا كان بيتكلم معاه قالوا هاتها و بكام ب 90000 ف انا متأكد انشاء الله ان الأوربى هيبداء فى الأكتساح و فى خلال 3 سنين انشاء الله مش هيكون فى وجود للكورى الا ما رحم ربى
و اول الأكتساح ده هوة اللينيا انشاء الله و الله اعلم بس دى قرايتى للسوق .

[abohalmos]

لو بتتكلم عن الأعتمادية يبى اتكلم عن اليابانى و سيبك من الكورى خالص
و على فكرة الايطالى مينفعش يقارن بالفرنسى ده حاجة و ده حاجة تانية خالص
و على فكرة انا بقالى حوالى شهر بجمع معلومات عن العربية اللينيا و مشاكلها و الحمد لله لحد النهاردة ملقيتش عيب واحد خاص بموتور او اجزاء ميكايكية و فى كل العالم بيقولوا عليها اعتمادية جدا كمان
و اقول لحضراتكم المشاكل اللى ظهرت فيها رغم انها اتحلت
1- لو رفعت الكرسى لفوق و انت قاعد عليه و نفس الوقت بتطلعه لقدام مبيتحركش خالص و طبعا للى عارف دى حركة صعبة جدا
2- حزام الأمان الخلفى يمين مبيقفلش فى السوكت اللى قريب منه بيتقفل فاللى بعديه
3- لو عايز تغير حاجة فى نظام البلو اند مى عن طريق الفلاشة لازم تكون الفلاشة فاضية خالص الأ للحاجة اللى انت عايز تغيرها بس
4- العربية بتنزل برة بحساسات مطر و حساسات اضاءة و منزلوش مصر بيهم
لعدم ملائمتهم للأجواء المصرية
5- برة مصر بتنزل من غير تصفيح فى مصر بتصفيح كامل عشان شوارعنا
6- فى الفئة اللى فيها الكنبة بتتشال خالص و تطبق العملية دى صعبة جدا و مجهدة و محتاجة تتدرب عليها مرتين تالاتة كده
7- الحديدة اللى بتمسك الكبوت لما تفتحه بتتفك و تتركب لو فتحت الكبوت و شيلتها يبقى لازم تعمل حاجات كتير عشان تفتح الكبوت
8- قفلت الشنطة تقيلة عشان على اتنين مساعدين غاز

و ديه كل العيوب اللى لقيتها للعربية و بكل امانة و ده من على منتديات تركية و اسبانية و هندية و برازيلية

نقطة كمان العربية مصممة عشان صيانتها تكون كل 15000 كيلو مش 5000 زى الألنترا و السيراتو , و للى مش مصدقنى يكتب fiat linea service interval و يعمل سيرش على جوجل و هوة يعرف صيانتها برة مصر كل قد ايه
و على فكرة البرازيل و الهند حر زى عندنا بالظبط .

يا جماعة عايزين شوية معلومات عن لينيا بالماتور العادى مش التربو

هل اولا موجودة فى موديل 2009 و لا الموديلات القديمة بس ؟؟؟؟؟؟؟
خصوصا ان مش كل الناس بتاعة شد و جرى فيه ناس برضه عندها اسرة و بتمشى بالراحة عشان المدام و الاولاد (زيى كده ) و برضه فيه فرق فى السعر مش قليل للناس اللى فاتحة بيوت و لا ايه ؟؟؟؟؟؟؟

2- نوع الوقود المستخدم للماتور العادى لانه مكتوب هنا نسبة الانضغاط 1:11 و ده معناه انها تاخد بنزين 95 على الاقل مش كده ؟؟؟؟؟؟؟؟؟؟

3- المرايا بتاعة العربية سواء التربو او العادية تحس انها طالعة لبرة اوى و بارزة عن العربية يعنى ممكن تتخبط بسهولة فى الزحمة صح و لا ايه يا جماعة ؟؟؟؟؟؟؟ يعنى اقصد المراية بتتقفل ممكن و لا تفضل مفتوحة كده على طول ؟؟؟؟؟؟؟

4- الماتور العادى بتاعها بيدى 77 حصان طب ده مش قليل عليها لو معاك ناس و مشغل التكييف و كده ؟؟؟؟؟؟؟؟؟؟؟ مع العلم انى عمرى ما بمشى اكتر من 120 كم و مش بتاع سحب و جرى و شد و كده و كمان موضوع 8 صباب يعنى زى تقريبا الافيو ........ محتاجين شوية معلومات عن قدرات الماتور ده و يا سلام لو حد عنده الموديل ده و يخبطنا تقرير من اللى هوا

5- شكرا مقدما