محتار مين فيهم هيستحمل الجرى فى الحر

[taswos]

السلام عليكم ورحمة الله وبركاته

انا نويت اشترى عربيه صغيره على قد الماديه الموجوده حاليا ومحتار بين 3 عربيات
الاونو 2000
والابيزا 94
والبونتو 94
وتقريبا كلهم فى حدود 27-30 الف
ومش عارف مين فيهم احسن فى الموتور وفى قطع الغيار وفى الجرى فى الحر وانا مقصدش بالجرى هى السرعه لأ انا اقصد المسافات الطويله فى الحر
ياريت اللى عنده فكره عن اى حاجة فيهم يفيدنى افادكم الله
وبالنسبه لقطع الغيار واسعارها واستحمالها لانى سمعت ان قطع غيار الابيزا ما يتدومش فهل الكلام ده صحيح ولا اشاعات ...
,وبالنسبه لموضوع الباور اللى مش موجود فىا لعربيات فهل فى امكانيه انى اركب باور فى العربيه ولا الموضوع صعب

اتمنى الرد من اصحاب الخبره

[pro_samir]

ادخل كل قسم خاص بعربية من دول واقرا بنفسك عنها

أهم حاجة تلاقي حالة كويسة ودة صعب فى الأبيزا اللى تعتبر افضلهم

[ehab_mansour]

شوف يا اخي الفاضل
انا معايا ابيزا 98 1000 سيسي ودائم السفر بيها لشغلي في الحر وغيره والحمد لله مافيش اي مشاكل ولو عايز تعرف ردي عن بقية استفساراتك ادخل شوف الموضوع ده وانت هتعرف كل حاجه

http://www.nilemotors.net/Nile/98000-35.html

بالإضافة ان زي ما قلك الأخ اللي رد عليك قبلي ادخل كل قسم وانت هتعرف كل حاجه
لكن في النهاية انا برشحلك الإبيزا بس اهم حاجه تلاقي حاجه حالتها كويسة

[mr_sameh]

الابيزا بس صعب تلاقي حاجة نضيفة لانها شبابي والشباب طبعا مابتوصوش