اوبترا ولا صني ولا بيرسونا اتوماتيك

[Hosam_Optrawy]

بس خلى بالك الوبترا مش تقفيل بلدها خالص
يعنى شركة امريكى وعفشة اسبانى وفتيس يابانى وموتور كورى و تقفيل كورى
عربية تجميع يعنى
و الا صح هو موضوع بروتون مصر ده حقيقى ولا ايه ؟؟ ربنا يستر فعلا

شركة امريكيه عشان جنرال موتورز اشترت دايو موتورز

فعليها علامة شيفروليه بس العربيه بتطلع من مصنع جنرال موتورز فى كوريا

عفشه اسبانى دى أول مره اسمعها بصراحه

الفتيس يابانى اوك

الموتور فى أقاويل كتير وانا مش متأكد عشان مابقاش بافتى

فى ناس بتقول كورى وناس بتقول أمريكى من تصميم جنرال موتورز وناس بتقول المانى

والتقفيل كورى اوك

يعنى العربيه بالكامل كورى والفتيس يابانى ودى حاجه كويسه مش وحشه

يعنى مفيهاش حاجه صينى ولا حاجه مصرى

[Hosam_Optrawy]

بجد لو الكلام ده أكيد بيقى إستهلاكها كويس جدأً أنا أعرف إن اللانسر الأوتوماتيك بتعمل 160-170 في الصفيحه

ايوه ياباشا أكيد

وفى الطرق المفتوحه بتعمل أكتر من كدا

انا أخر مره سافرت من القاهره للاسكندريه

ال 20 لتر عملوا 250 كم

والسرعه بين 120 - 140 والتكييف مفتوح على طول

[momopersona]

هى العفشة gm اسبانى تقريبا
والموتور هو بتاع النوبيرا مش كده
والفتيس يابانى زى مانت قولت
انا دى معلوماتى وهى مش واخدة من الدايو غير الموتور بس على فكرة
انا رأيى برده ان تقفيل النيسان عالى جدا بجد بس هو سوء خامات الصالون ودى بقت مشكلة كل العربيات الرخيصة

[mohamed_sabry]

انا معايا الجين 2 , اللى هى اخت البرسونا , و البرسونا و الجين 2 عربيات جميلة جدا جدا , و كل المشاكل اللى بتسمع عنها دى مشاكل تافهة جدا , لكن للاسف التوكيل هو السبب فى ان المشاكل التافهة دى تبقى عظيمة و ضخمة , يعنى من الاخر التوكيل يكرهك فى العيشة و اللى عايشنها و العربيات و اليوم اللى فكرت فيه تشترى عربية , ده من الاخر يعنى .
انا شخصيا افضل النيسان صنى , بس لو السوبر صالون , انما الاكس صالون مش قد كده , برضه العشر تلاف الفرق دول بيدولك تجهيزات و كماليات كتير من اير باجز و عفشة رياضية و جنوط و مرايات تطوى كهربائيا و abs&ebd و شياكة فى الصالون , يعنى فرق يستاهل التفكير , الاوبترا عربية شكلها حلو و موتورها كويس بس ثباتها زى الزفت و صاجها خفيف , و ده عند مقارنتها بالجين 2 , انا معتاد على المشى بسرعة 120-130 كم , لما جربت الاوبترا حسيت انى و انا ماشى على 120 كم انى طااااااير .
و ربنا يوفقك الى مافيه رضاه و الخير لك .

[just_magdy1]

انا معايا الجين 2 , اللى هى اخت البرسونا , و البرسونا و الجين 2 عربيات جميلة جدا جدا , و كل المشاكل اللى بتسمع عنها دى مشاكل تافهة جدا , لكن للاسف التوكيل هو السبب فى ان المشاكل التافهة دى تبقى عظيمة و ضخمة , يعنى من الاخر التوكيل يكرهك فى العيشة و اللى عايشنها و العربيات و اليوم اللى فكرت فيه تشترى عربية , ده من الاخر يعنى .
انا شخصيا افضل النيسان صنى , بس لو السوبر صالون , انما الاكس صالون مش قد كده , برضه العشر تلاف الفرق دول بيدولك تجهيزات و كماليات كتير من اير باجز و عفشة رياضية و جنوط و مرايات تطوى كهربائيا و abs&ebd و شياكة فى الصالون , يعنى فرق يستاهل التفكير , الاوبترا عربية شكلها حلو و موتورها كويس بس ثباتها زى الزفت و صاجها خفيف , و ده عند مقارنتها بالجين 2 , انا معتاد على المشى بسرعة 120-130 كم , لما جربت الاوبترا حسيت انى و انا ماشى على 120 كم انى طااااااير .
و ربنا يوفقك الى مافيه رضاه و الخير لك .

انا معايا اوبترا ومش معاك خالص فى نقطة ان السرعة لما بتوصل 120 كم/ساعة العربية بتحسسك انك طاير ... العربية ثابتة عند ال 140 واحيانا بجيب 120 من غير ما احس

[Hosam_Optrawy]

انا معايا اوبترا ومش معاك خالص فى نقطة ان السرعة لما بتوصل 120 كم/ساعة العربية بتحسسك انك طاير ... العربية ثابتة عند ال 140 واحيانا بجيب 120 من غير ما احس

وانا كمان مش معاك فى نقطة الثبات

الأوبترا ثباتها ممتاز

وحتى لو الجين ثباتها أحسن

مش شرط يبقى ثبات الاوبترا وحش

وبتطير على 120

مش للدرجه دى

[mohamed_sabry]

وانا كمان مش معاك فى نقطة الثبات

الأوبترا ثباتها ممتاز

وحتى لو الجين ثباتها أحسن

مش شرط يبقى ثبات الاوبترا وحش

وبتطير على 120

مش للدرجه دى

يا جماعة بقول " عند مقارنتها بالجين 2" , لكن برضه النيسان صنى السوبر صالون لما سقتها لقيت العربية ثابتة جدا جدا زى الجين 2 , لازم حضرتك تجربها و تسوقها بنفسك لكى تلاحظ الفرق , انا مش باحاول اشوه الاوبترا و ربنا يبارك لاصحابها فيها , بس الراجل سأل و انا بس بانقله التجربة الشخصية بتاعتى

[Hosam_Optrawy]

يا جماعة بقول " عند مقارنتها بالجين 2" , لكن برضه النيسان صنى السوبر صالون لما سقتها لقيت العربية ثابتة جدا جدا زى الجين 2 , لازم حضرتك تجربها و تسوقها بنفسك لكى تلاحظ الفرق , انا مش باحاول اشوه الاوبترا و ربنا يبارك لاصحابها فيها , بس الراجل سأل و انا بس بانقله التجربة الشخصية بتاعتى

يبقى أكيد العربيه اللى حضرتك جربتها كان فيها مشكله او حاجه

لان اغلب اللى جربوا الاوبترا وملاكها شهدوا لها بالثبات

وعلى فكره الجين لازم تبقى أثبت لعدة عوامل

أقصر طولا من الاوبترا مع ان لها نفس طول قاعدة العجلات 2600

أقرب من الأرض عن الاوبترا

بتنزل بجنوط سبور 15 وكاوتش عريض 195

جايز لو حضرتك جربت الاوبترا سبورت ممكن تلاقى ثباتها زى الجين ويمكن أحسن كمان

لانها بتنزل بجنوط سبور 15 وكاوتش عريض 195 وعفشه مختلفه وكل دا طبعا بيفرق

[sha2e]

بصراحه يا استاذ حسام انا شايف ان الصنى و الجين 2 ( او البيرسونا ) يتفوقو على الاوبترا
1- الثبات
2- الكماليات
3- استهلاك البنزين
4- الشكل ( وان كانت دي اذواق )

طبعا انا مأقصدش ان الاوبترا واحشه لكن فى رأيي هتكون أقل من الاتنين دول

[Hosam_Optrawy]

بصراحه يا استاذ حسام انا شايف ان الصنى و الجين 2 ( او البيرسونا ) يتفوقو على الاوبترا
1- الثبات
2- الكماليات
3- استهلاك البنزين
4- الشكل ( وان كانت دي اذواق )

طبعا انا مأقصدش ان الاوبترا واحشه لكن فى رأيي هتكون أقل من الاتنين دول

رأيك يحترم طبعا

1 - موضوع الثبات صدقنى الاوبترا ثباتها كويس جدا

مع انها بتنزل بكاوتش 14

يعنى لو بجنوط 15 هايبقى ثباتها أفضل كمان

2 - موضوع الكماليات معاك حق فيه الأوبترا أقلهم فى الكماليات وعشان تركب الفل أوبشنز ب 105 الف

3 - استهلاك البنزين مش معاك فيه برضه

الاوبترا اوتوماتيك بتعمل 200 كم فى الصفيحه وبالتكييف

الصنى والجين 2 والبيرسونا بيعملوا كام ؟

4 - الشكل اذواق زى ما انت قلت

وطبعا مش هانختلف ان الجين 2 والبيرسونا أحسن شكل فيهم وكمان أحدث تصميم

بس برضه حضرتك نسيت عوامل مهمه بس جايز تكون متهمكش

1 - الاوبترا تتفوق عليهم فى التقفيل

2 - تتفوق فى الوسع الداخلى

3 - تتفوق فى الارتفاع عن الأرض

4 - اعادة البيع وتوافر قطع الغيار

وفى الأخر الاختلاف لا يفسد للود قضيه

وانا شخصيا لو ماكنش فى حاجه اسمها اوبترا فى السوق وقت ما كنت باشترى

كان هايبقى احتمال كبير اوى اكون بروتونى :)

[just_magdy1]

بصراحه يا استاذ حسام انا شايف ان الصنى و الجين 2 ( او البيرسونا ) يتفوقو على الاوبترا
1- الثبات
2- الكماليات
3- استهلاك البنزين
4- الشكل ( وان كانت دي اذواق )

طبعا انا مأقصدش ان الاوبترا واحشه لكن فى رأيي هتكون أقل من الاتنين دول

بصراحه انا مش متفق مع حضرتك خالص فى نقطة ان الصنى والجين افضل من الاوبترا وبالمناسبة انا بعد ماجبت الاوبترا حسيت انى كان ممكن يكون اختيارى افضل من الاوبترا وبدات ابحث عن بديل فى نفس الفئة السعرية ابتداء من اللانسر مرورا بالواجا والصنى والجين
ركبت وسوقت اللانسر حسيت ان اداء الاوبترا افضل ... ركبت الصنى بس ماسوقتهاش لقتها ضيقه وخامات الصالون اى كلام ركبت الجين 2007 لقيت الصالون بتاعها متقشر سوقت الاكسنت ماعجبتنيش خالص ... حتى السيراتو كنت معجب بيها جدا لغاية ماسوقتها لقيت خامات صالون الاوبترا افضل كتير بالاضافة الى فروق تانية كتير بسيطة بس بتبين جودة السيارة منها حاجة بسيطة جدا محدش هاياخد باله منها وهى قفلة باب الاوبترا والعربيات الى انا ذكرتها .. اوكى هى تبدو شىء تافه بس بتبين اهتمام المنتج بالعربية .. واخيرا انا مقتنع بشىء ان الفروق بين كل السيارات الى انا ذكرتها قليل جدا سواء فى الاداء او الخامات او شىء المهم ان ربنا يحفظ العربية ... ربنا يبارك ويحفظ عربياتنا جميعا .

[sha2e]

يا استاذ حسام ويا استاذ مجدي انا مقولتش ان الاوبترا وحشه
ومقولتش برضو انها مش ثبته الاوبترا ثبتها حلو على 140 لكن الصني والجين ثبتهم يتفوق على الاوبترا
1- معاكم ان تقفيل الاوبترا أفضل شويه من الجين والصني لكن فى المقابل العزل فى الاوبترا اقل من الجين والصنى سهل اوى انك تسمع صوت الموتور وانت داخل العربيه ولو ركزت ممكن تسمع صوت الكوتش كمان
2- الوسع الداخل اتفق معاك انها اوسع بحاجه بسيطه جدا من الصنى والجين لكن فى المقابل لو تلاته ركبو ورا هتلاقى العربيه نامت جدا من ورا وبدأت تحك عكس الصني والجين
3- الارتفاع برضو نفس الموضوع الاوبترا برغم انها اعلى لكن عفشها اضعف وخصوصا من الجين ( يعنى الاوبترا ممكن تحك فى المطب اللى الجين محكيتش فيه )
4- بخصوص اعادة البيع الان فالصني تتفوق بجدارة عن الاوبترا والجين

ولكم مني فائق الاحترام والتقدير

[Hosam_Optrawy]

يا استاذ حسام ويا استاذ مجدي انا مقولتش ان الاوبترا وحشه
ومقولتش برضو انها مش ثبته الاوبترا ثبتها حلو على 140 لكن الصني والجين ثبتهم يتفوق على الاوبترا
1- معاكم ان تقفيل الاوبترا أفضل شويه من الجين والصني لكن فى المقابل العزل فى الاوبترا اقل من الجين والصنى سهل اوى انك تسمع صوت الموتور وانت داخل العربيه ولو ركزت ممكن تسمع صوت الكوتش كمان
2- الوسع الداخل اتفق معاك انها اوسع بحاجه بسيطه جدا من الصنى والجين لكن فى المقابل لو تلاته ركبو ورا هتلاقى العربيه نامت جدا من ورا وبدأت تحك عكس الصني والجين
3- الارتفاع برضو نفس الموضوع الاوبترا برغم انها اعلى لكن عفشها اضعف وخصوصا من الجين ( يعنى الاوبترا ممكن تحك فى المطب اللى الجين محكيتش فيه )
4- بخصوص اعادة البيع الان فالصني تتفوق بجدارة عن الاوبترا والجين

ولكم مني فائق الاحترام والتقدير

معلش أختلف معاك خالص

1 - العزل فى الأوبترا ممتاز وصوت الموتور مش عالى خالص

2 - اتحداك بجد انها تحك لو ركبت 3 ورا ولا حتى 4

الاوبترا اعلى عربيه فى الفئه دى وعن تجربه ودا من أهم مميزاتها اللى صعب تلاقيها فى اى عربيه فى نفس فئتها

3 - عفشة الاوبترا قوية جدا وبتستحمل كتير اوى وزى ماقلت لحضرتك مستحييييييييييييييييييل تحك وتحدى

4 - اعادة البيع فى الاوبترا والصنى أفضل من الجين والاوبترا لا تقل عن الصنى فى اعادة البيع

واضح ان حضرتك مجربتش الاوبترا كويس او لو كنت جربتها اكيد كان فيها مشاكل

انا معايا اوبترا بقالى حوالى سنه ونص وكل كلامى وارائى من خلال تجربتى الشخصيه وبقولها وبكل أمانه وربنا يعلم

وتحياتى ليك

[just_magdy1]

يا استاذ حسام ويا استاذ مجدي انا مقولتش ان الاوبترا وحشه
ومقولتش برضو انها مش ثبته الاوبترا ثبتها حلو على 140 لكن الصني والجين ثبتهم يتفوق على الاوبترا
1- معاكم ان تقفيل الاوبترا أفضل شويه من الجين والصني لكن فى المقابل العزل فى الاوبترا اقل من الجين والصنى سهل اوى انك تسمع صوت الموتور وانت داخل العربيه ولو ركزت ممكن تسمع صوت الكوتش كمان
2- الوسع الداخل اتفق معاك انها اوسع بحاجه بسيطه جدا من الصنى والجين لكن فى المقابل لو تلاته ركبو ورا هتلاقى العربيه نامت جدا من ورا وبدأت تحك عكس الصني والجين
3- الارتفاع برضو نفس الموضوع الاوبترا برغم انها اعلى لكن عفشها اضعف وخصوصا من الجين ( يعنى الاوبترا ممكن تحك فى المطب اللى الجين محكيتش فيه )
4- بخصوص اعادة البيع الان فالصني تتفوق بجدارة عن الاوبترا والجين

ولكم مني فائق الاحترام والتقدير

لا بجد واضح ان حضرتك بتتكلم عن عربية تانية غير الاوبترا ... الاوبترا اخر عربية ممكن تحك فى المطبات وعفشة الاوبترا بشهادة ملاك الصنى افضل من عفشة الصنى ...ودى عن تجربة لانى بسافر لشرم الشيخ احيانا ومعايا المدام و 4 اولاد .. حجم اولادى مش كبير بس المدام بتاخد معاها السوبر ماركت كله فى الشنطه بتاعة العربية وعمرها ماحكت فى مطب جايز حضرتك تقصد الالنترا .
اما عن اعادة البيع الاوبترا لا تقل عن الصنى فى الميزة دى والدليل خش على موقع كونتاكت كار قسم المستعمل وشوف الصنى ال اى اكس الى هى نفس سعر الاوبترا بتتباع بكام .

[hsorogy]

أنا معايا بروتون برسونا 2009
فول أوبشنز أوتوماتك
ثبات خرافى بجد
عفشة رياضية
كل الأوبشنز اللى بتحلم بيها
جنوط سبور 15 205/65- فوانيس شابورة أمامى و خلفى - باركنج سنسور - abs & ebd - كاسيت بلوبنكت سى دى - كمبيوتر رحلات - تكيف رائع - 2 إير باج - 4 زجاج كهربا - 2 مرايات كهربا نفس لون العربيا - ملتى فنكشن - سنتر لوك - إنذار - فتح الشنطة بالريموت - تعديل المعقد فوق وتحت - طى الكنبة الخلفية -شنطة 450 لتر- كونسول - إدراج تخزين - حامل أكواب خلفى - 4 سماعات - قفل مركزى للأبواب أول ما تدوس فرامل- سخان زجاج خلفى - إمكانية التحكم فى درجة إضاءة التابلوه
عالية عن الأرض 16.5 سم مابتحكش فى مطبات مصر المحروسة و عن تجربة كان راكب معايا 3 ورا و 2 قدام و محكتش فى اى مطب
.... توكيل جيد
.... قطع غيار متوفرة برة التوكيل
### العيوب عيوب فى تقفيل الكماليات مش فى الأساسيات و بتتحل فى الصيانة
### إستهلاك بنزين بشد وجرى و تكيف الصفيحة 20 لتر بتعمل 240 كم