إعـــــــلان

**أبو عبدالله** · 22-10-2009, 01:22 PM

ممكن توضح ايه متطلباتك في العربيه بالظبط بأولوياتها بالترتيب
وكذلك ايه الحاجت اللي مش عاوزها في العربيه ومش هتعجبك فيها برضه بالترتيب
علشان يبقى فيه دقه في الكلام والأختيار
ونصيحة من الأول عاوز تستخير كتير علشان ترزق الخير بإذن الله فالخير لا يعلمه الا الله

**MOK3336** · 22-10-2009, 03:03 PM

إية يا أبو عبدالله منا قولت أهه

المشاركة الأصلية كتبت بواسطة mok3336 مشاهدة المشاركة

السلام عليكم و رحمة اللهو بركاتة
-أنا متطلباتي في العربية يا جماعة
تكون عائلية - موفرة جدا جدا في البنزين و قطع الغيار - و ساعت محب أشد بيها تشد بيا

و تاني يا عم عشام خاطر عبدالله
عاوز عربية موفيرة في كل حاجة قطع غيار و بنزين
عربية عائلية مش معني كده تكون 7 راكب لا بس تكون معقولة
تكون قوية تستحمل الشوارع و طبعا كلنا مش قاعدين علي البحر ولا علي النيل
مريحة في سواقتها و مش مرهقة في السفر ( انا مش بسافر كتير بس برده )
وقت ما أحب أشد بيها ألاقيها تشد بيا متكسفنيش
لو جديدة يبقي 67 ألف و لو مستعمله مش أكتر من 50000
و في الحالة التانية ( مستعملة ) مش عاوز أصرف عليها غير المصاريف العادية او المعروفة زى غيار الزيت مثلا يعني الحجات ايلي كده كده هتتعمل في اى عربية سواء جديدة أو مستعملة
وشكرا يا أبو عبدالله علي الإهتمام ( علي فكرة أسم عبدالله ده جميل جدا و كنت هسمي أبنى عبدالله بس سميته عمر :) )

**amr.elsayed** · 22-10-2009, 03:19 PM

اولا مينفعش تجمع بين كل حاجة فى عربية واحدة ماكنش حد احتار
وكان كل الناس اشترت عربية واحدة لان فيها كل حاجة
1- عائلية وموفرة فى البنزين يبقى لوجان
2- عائلية وسعر قطع غيار رخيصة لانوس
3- شد وسحب وقطع غيار رخيصة يبقى فيرنا
واى عربية من دول حتحب تشد بيها حتسحب معاك واداء جيد وافضل تسارع فيهم الفيرنا وارخصهم قطع غيار هى اللانوس واكثرهم عائلية وراحة هى اللوجان
بالنسبة للمستعمل :-

لو مستعملة أجيب إية بس في الحالة دي مش هيبقي أكتر من 50 ألف

ممكن تجيب لانوس حالة جيدة بال 50000 وهى افضل عربية فى المستعمل فى راى لانك لو تحب تظبتها مش حتدفع كتير

وهل هتبقي زى الزيرو و لا لأ يعني في الأداء وكده

عاما الزيرو افضل طبعا العربية تحت ايدك جديدة وانت اللى حتاخد خيرها
ومعروف ان العربية بتاخد خيرها فى اول سنتين تلاتة من وهى جديدة
بعد كدة بيبدأ يظهر على قطع السيارة الاستهلاك
وراى الشخصى لو حتجيب جديد يبقى لوجان
ولو حتجيب مستعمل يبقى لانوس
واستخير ربنا قبل اى شيئ وربنا يرشدك للاختيار الامثل
لان مفيش حد حيختارلك عربيتك لازم انت اللى تختار عربيتك
اللى تلبى احتياجاتك

**ahmdmagdy** · 23-10-2009, 12:13 AM

اللانوس من غير تفكير

**HanyHanyHany** · 23-10-2009, 02:39 AM

1- عائلية وموفرة فى البنزين يبقى لوجان
2- عائلية وسعر قطع غيار رخيصة لانوس
3- شد وسحب وقطع غيار رخيصة يبقى فيرنا

+1

**MOK3336** · 23-10-2009, 11:23 AM

طيب يا جماعة أنا شوفت عربية إستعمال نيسان صيني 2007 مانوال كانت ب65000 إية رأيكم فيها هي ولا اللواجن أو اى عربية بالسعر ده جديد

**A.Saad** · 23-10-2009, 12:00 PM

القيرنا موتورها مش تقنية حديثة

**MoHaMed HaMeD** · 23-10-2009, 06:39 PM

لوجان زى مال رينجو وحضرتك مش هتبقى عايز تشد علطول
يبقى لوجات تسارع مرضى ثبات ع السرعات العاليا كماليات مش هتلاقى زيها ف نفس السعر
وسائل امان فيها ((ايربارج للسائق))

معادله لصالحك ف الاخر

ومتنسيش تسخير ربنا

ونقطه تانيه تكيلها محترم جدا وثبات نفسه
وحضرتك قولت هتحافظ عليها يبقى خليك ف اللوجان وان شاء الله مش هتندم

**medo_2060** · 23-10-2009, 10:48 PM

انا راى تجيب اسبرانزا m11 الجديده عربيه تحفه بجد وفى ناس فى المنتدى هنا جابوها وبيشكروا فيها اوى وانا شوفتها فى الحقيقه واشايف ان اسبرانزا شالت اغلب العيوب الى كانت فى الموديلات الى قبل كدا من ال m11 بس هى ب 75 الف يعنى اغلى شويه من الى انت كاتبه ولو لازم من الاختيارات بتاعتك يبقى لانوس او لوجان برضه ممتازه

**mando_07** · 24-10-2009, 12:34 AM

بص أنا رأيي لو عايز زيرو هات فرنا لو عايز مستعمل هات لانسر موديل 99 f\o اللوجان مقدرش افتيلك فيها عشان مجربتهاش لكن الصراحة بكره شكلها
بس سؤال إيه الفرنا الجديدة دي ؟؟؟؟

**MOK3336** · 24-10-2009, 01:45 PM

السلام عليكم و ررحمة الله و بركاتة
mando_07

بس سؤال إيه الفرنا الجديدة دي ؟؟؟؟

أنا كنت مفكر أن موديل 2010 هيبقي مختلف

روحت سئلت عليها لقيتها هى هى شكلها زى ما هو و بـ 68500 ؟؟؟

و شكرا يا جماعة بجد علي الإهتمام و الله منا عارف أقولكم إية
بس معادلة كده بسيطة نحلها مع بعض ممكن

دلوقت لو العربية زيرو (نقول في المتوسط 65000 )
طبعا لما تعلق نمر ثمنها هينقص 10000 بالراحة كده من غير حتى ما تمشي 1000ك
ولو مستعملة ( نقول في المتوسط 65000 برضة )
أكيد هتبقي فيها إمكانيات أعلي من الزيرو أم 65000
غير كده مش هخسر 10000 لما أبيع زى الزيرو ( ده لو بعت أساسا )
و علي الاقل الرخصة خيبقي فيها سنة و لا حاجة ( يعني توفير فلوس الترخيص لمدة سنة )

طبعا من كلامي ده تحسوا أنى مقتنع بالمستعمل

و ممكن وحد يقولي أما أنت واجع دمغنا ليى من الصبح

بس ده مش كلامى و الله ده كلام واحد تاجر عربيات سئلته امبارح و قالي يا عم أنت هتروح بالعربية لأى ميكانيكي تعرفة و كمان سمكري و هما أكيد هيعرفوا إية ظروف العربية لكن حرام تجيب زيرو و تخسر فيها 10000 كده بالراحة من غير اى حاجة و المبلغ إيلي معاك ده يجبلك حاجة كويسة مويل 2006 - 2007 و هتبقي جديدة برضة
.................................................. ......
أنا بقي مش عااااااااارف أعمل إية بس وحيات أبوكم محدش يقولي شوف ظروف نفسك مهو لو أنا عارف أنا هعمل إية مكنتش سئلتكم و وجعت دماغكم

**mando_07** · 25-10-2009, 02:33 AM

الزيرو زيرو يا كبير لو تقدر هات زيرو كفاية أنك هتبقى أول واحد راكب العربية ومتحسبش كل حاجة بالظبط عشان متتعبش احساسك وانت أول واحد راكب العربية وشامم ريحة الفبريكة هينسيك اللي اندفع
بس نصيحة لو هتجيب فرنا هاتها كاملة

**MOK3336** · 25-10-2009, 01:08 PM

شكرا يا mando_07 و يارب يطول في عمري لحد ما أشوفك mando_1405 ههههه
يعني أنت شايف الزيرو أحسن و بالتحديد أجيب فيرنا ؟
نشوف الباقي هيقول إية و شكرا لتاني مرة علي الإهتام

Comment

إعـــــــلان

.

بالله عليكم مش عارف أعمل إية

بالله عليكم مش عارف أعمل إية

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment