New Accent Vs. Rio Vs. Persona

[Vendetta]

السلام عليكم،
أولا أحب أوجه شكر كبير جدا لكل أعضاء المنتدى اللي استفدت من أرائهم وتقييمهم كتير جدا.
ثانيا : ان شاء الله قريب قوي هشتري عربية. بقالي حوالي شهر بسأل وبدور وبشوف تعليقات أعضاء المنتدى. والحمد لله استقريت على واحد من الثلاثة دول New Accent أو Kia Rio أو Persona . طبعا كله Full option, Manual
أنا شخصيا ميال لل New Accent . لكن عشان يكون القرار أكثر موضوعية أرجو من السادة الأعضاء ابداء الرأي في النقاط التالية (بالنسبة للسيارات الثلاثة):
1- Options
2- Durability and maintenance
3- Re-sell price
4- Safety options
5- and finally, Overall Value for money
أسف إذا كنت باطلب كتير، وشكرا مقدما لكل من ساعدني بوقته وعلمه.

[حماده المصري]

انت بتتكلم في مقارنه صعبه جدا جدا

جوده وخامات نيو اكسنت وريو والاتنين في النهايه وجهان لعمله وحده قطع غيار وشاسيهات واحد

اوبشن ومواصفات بروتون

عيوب مصنعيه البروتون مليانه

اعتماديه اكيد الكوري افضل

ثبات وعفشه بروتون ممكن تكون احسن شويه بسيطه

سعر البيع متقاربين

انا لو مكانك هجيب ريو

[sss2000]

النيو اكسنت 1600 سسي عفشة قوية ناشفة شوية سحب ممتاز اعادة بيع سهلة وسعر مناسب

[dr_walid]

النيو اكسنت و الريو تقريبا واحد لان الشركتين بقو شركة واحدة
النيو اكسنت افضل فى الاتى
الموتور 1600 الريو 1400 و دى تفرق كتير فى السفرو التكييف
الاكسنت ارخص فى حدود 3000
هيونداى البيع اسهل بكتير من الكيا فى اعادة البيع
و بالتوفيق ان شاء الله

[placebo]

مميزات النيو اكسنت : موتور حديث وبتكنولوجى جديد (cvvt) موفر واقتصادى فى البنزين ، سعر اعادة بيع جيد ، مراكز خدمة منتشرة (بس طبعا الصيانة عند غبور بتبقى انت وحظك)

عيوب النيو اكسنت : قطع غيار غالية بشكل مبالغ فيه ( بخلاف باقى عربيات هيونداى) ، عفشة ناشفة الى حد ما بتخلى العربية تتنطط من ورا وتصبح الجلسة غير مريحة للجالسين بالخلف ، العربية بينظر لها على انها حريمى حبتين . مفيش وسائل امان نهائى وفيه كلام ونقاش عن ثباتها على الطريق بعد الـ 130 مابين مؤيد ومعارض من ملاكها ، واخيرا انها من عند غبور

مميزات كيا ريو: تصميم افضل من النيو اكسنت ( اذواق) - مع العلم ان شركة هيونداى اشترت كيا وان العربيتين متشابهين لحد كبير فى الموتور والشاسيه .. بس ارجع واقول ان الاكسنت 1600 سى سى وموجود منها موديل 2010 والريو 1400 سى سى .. والموجود منها موديل 2009
. ثبات الريو احسن من الاكسنت وانعم فى القيادة ( بس العفشة ناشفة برضه بعض الشىء) ، توكيل وصيانة افضل بكثير من غبور ( توكيل نصير)

عيوب الريو : هى مش عيوب بالظبط ولكن زى ماقلنا فرق فى سعة الموتور من 1600 للاكسنت الى 1400 للريو ، وطبعا مفيش اير باجز ولا انظمة فرامل مساعدة زى abs و ebd
سعر اعادة البيع افضل للاكسنت خصوصا وانك متأخر سنة فى فرق الموديل

البرسونا :
مميزات : شكل وتصميم احسن من الاكسنت والريو ، ثبات على سرعات عالية افضل بكثير الاكسنت والريو.. موتور كامبرو ماليزى ومتصنع بتوجيهات واشراف شركة لوتس الانجليزية ، وسائل امان وكماليات اكثر بكثير من الاكسنت والريو على سبيل المثال
اكياس هوائية ، فرامل abs ، ايموبليزر ، حساس ركن ....
عيوب البرسونا : تقفيل متواضع ، خامات الصالون مش اد كده ، عفشة ناشفة جدا ، توكيل ( عز العرب) تقييمه 50% بس بيبيع كاش وتقسيط جديد ومستعمل كسر زيرو فى التوكيل

[MomoMedo]

على فكرة الريو دلوقتي فيها اير باج للسائق ..

[m.3abdel3al]

مميزات النيو اكسنت : موتور حديث وبتكنولوجى جديد (cvvt) موفر واقتصادى فى البنزين ، سعر اعادة بيع جيد ، مراكز خدمة منتشرة (بس طبعا الصيانة عند غبور بتبقى انت وحظك)

عيوب النيو اكسنت : قطع غيار غالية بشكل مبالغ فيه ( بخلاف باقى عربيات هيونداى) ، عفشة ناشفة الى حد ما بتخلى العربية تتنطط من ورا وتصبح الجلسة غير مريحة للجالسين بالخلف ، العربية بينظر لها على انها حريمى حبتين . مفيش وسائل امان نهائى وفيه كلام ونقاش عن ثباتها على الطريق بعد الـ 130 مابين مؤيد ومعارض من ملاكها ، واخيرا انها من عند غبور

مميزات كيا ريو: تصميم افضل من النيو اكسنت ( اذواق) - مع العلم ان شركة هيونداى اشترت كيا وان العربيتين متشابهين لحد كبير فى الموتور والشاسيه .. بس ارجع واقول ان الاكسنت 1600 سى سى وموجود منها موديل 2010 والريو 1400 سى سى .. والموجود منها موديل 2009
. ثبات الريو احسن من الاكسنت وانعم فى القيادة ( بس العفشة ناشفة برضه بعض الشىء) ، توكيل وصيانة افضل بكثير من غبور ( توكيل نصير)

عيوب الريو : هى مش عيوب بالظبط ولكن زى ماقلنا فرق فى سعة الموتور من 1600 للاكسنت الى 1400 للريو ، وطبعا مفيش اير باجز ولا انظمة فرامل مساعدة زى abs و ebd
سعر اعادة البيع افضل للاكسنت خصوصا وانك متأخر سنة فى فرق الموديل

البرسونا :
مميزات : شكل وتصميم احسن من الاكسنت والريو ، ثبات على سرعات عالية افضل بكثير الاكسنت والريو.. موتور كامبرو ماليزى ومتصنع بتوجيهات واشراف شركة لوتس الانجليزية ، وسائل امان وكماليات اكثر بكثير من الاكسنت والريو على سبيل المثال
اكياس هوائية ، فرامل abs ، ايموبليزر ، حساس ركن ....
عيوب البرسونا : تقفيل متواضع ، خامات الصالون مش اد كده ، عفشة ناشفة جدا ، توكيل ( عز العرب) تقييمه 50% بس بيبيع كاش وتقسيط جديد ومستعمل كسر زيرو فى التوكيل

يا جماعة حكاية التقفيل في البيرسونا دا انتو جبتوه منين انا معاية جين 2008 و ناس كتير صحابي معاهم بيرسونا ومفيش عيوب التقفيل دي و لا خامات التابلوه السيئة ولا حاجة و بعدين البيرسونا افضل في كل الحاجات الي انت حططها معاده تمن اعادة البيع هو قليل شوية بس مع انتشار العربية التمن بيزيد كتييييييير

و بعدين بالنسبة للعفشة الناشفة دي بتدي ثبات خرافي وده ميزه مش عيب اني اكون ماشي على 150 و 160 و محسش بحاجة مش الاقي نفسي عمال اتهز بالعربية اكني ماشي بطيارة

طبعا مافيش مقارنة البيرسونا تكتسح جدا جدا جدا

وممكن حضرتك تخش على بروتون وتتاكد من المواضيع و العيوب

[M.Osman]

حاجة تحير ... بس بصراحة الريو تعتبر مظلومة وسط الإتنين الـ1600 سي سي

[Vendetta]

شكرا لكل اللي ساعدو برأيهم
لي 3 تعليقات:
أولاً : لمشرف الهيونداي اللي نقل الموضوع لقسم المقارنات ،،، قرار سليم جدا، المشكله أن الموضوعات المشابهه في قسم المقارنات الردود فيها طالعة بالبروتون السما ، معظمها انطباعات شخصية من ناس بتحب عربيتها. العربية فعلا كويسة بس أكيد مش للدرجة دي وإلا مكانش فيه عربيات تانية اتباعت . غياب الموضوعية ومعايير واضحة للحكم هو اللي خلاني أدور على إجابات بصورة أكثر تفصيلاً.

ثانيا : لو سمحتولي، ممكن أشارككم المعلومات اللي عندي حتى الآن:
1- Options:
a. طبعا البيرسونا تتفوق بلا منازع (مرايات كهربا، Park Sensor, Multifunction driving wheel) (بالمناسبة هي أغلي حوالي 7000 جنيه عن الأكسنت) سؤالي هو عن مدى اعتمادية المواصفات دي؟ شغالة كويس ولا بتعطل كل شوية؟ (خاصة اني عرفت ان زراير الدريكسيون بتعلق أحيانا)
b. تكييف الأكسنت مشهور بقوتة ، ويمكن كمان أعلى من الRio (موتور 1400 cc)
c. الزجاج الخلفي في الRio مش كهربا، مش فاهم ليييييييييه
d.صالون الأكسنت أوسع من الريو (بالذات ورا)، بصراحة ماركبتش ال Persona قبل كده
e. كاسيت الأكسنت CD و MP3
تقييمي : Persona 9/10, New Accent 8/10, Rio 6/10

2- Durability and maintenance
a. بروتون بقالها فترة مش قليلة في السوق المصري (حوالي 10 سنين) وعربيتها ماشية كويس (معنديش معلومات مفصلة) وأصحاب ال Wira و ال Waja مش بشتكو منهم أوي بالعكس فيه منهم بيشكرو فيهم جدا. مش هعلق على التوكيل لإن في رأيي مفيش توكيل كويس في مصر وكل برامج إدارة الجودة و خدمة العملاء لايزال ينقصها الكثير.
بالنسبة للPersona نفسها في كلام ان جودة التقفيل مش عالية. سؤالي عن مدى صحة هذا الكلام وهل تظهر بها عيوب كثيرة بعد فترة من الاستخدام (عام مثلا)؟
b. موتور الأكسنت أقوى ما فيها, أداء واعتمادية. التقييم على المدى البعيد غير واضح حتى الآن. هيونداي نفسها ارتفع ترتيبها العالمي الى المركز الرابع بالنسبة لمعايير الجودة.
بالنسبة للمواصفات الفنية و تعديلتها، مهندس مروان غطى الموضوع بحرفية عالية، وان كنت أعتقد ان في الموديلات الجديدة صوت الموتور أهدأ ومفيش صوت في العفشة من ورا.
c. خوفي الأساسي من ال Rio هي المشكلة اللي حصلت للوكيل بتاعها واللي خلت مالكي الKia بدون وكيل لمدة حوالي سنتين. صحيح هو رجع بقوة مع ال New Cerato لكن لا أخفي قلقي حتى الآن.
تقييمي حتى الآن: Persona 8/10, New Accent 9/10, Rio 7/10

3- Re-sell price
a. الحقيقة بقى في سوق متزايد لل Proton لكن أدائها في سوق العربيات المستعملة مش واضح بالنسبة ليه. بتتباع بسهولة ولا لأ؟ سعرها بينزل قد إيه؟ تعليق المشتريين عليها إيه؟
b. سعر إعادة البيع نقطة قوة لصالح الأكسنت، بتتباع بسرعة، بتنزل 10-15 ألف جنية حسب الاستخدام والحالة، وده دليل اعتمادية كويسة
c. الوضع بالنسبة لل Kia ضبابي جدا بالنسبة لي. بعد عودة الوكيل معظم العربيات لسة في طور البيع - مش إعادة البيع - وبالتالي مفيش معلومات واضحة عن سعر إعادة البيع. اللي مقلقني زيادة هو ان كان فيه موديلات لKia في فترة مش بعيدة، تحديدا Spectra و Sephia ومختفية تماما دلوقت . هل ده دليل عدم وجود دعم فني للعربيات دي؟؟؟؟ لو حد عنده معلومات أرجو الإفادة.
تقييمي: ليس لدي تقييم واضح لهذه النقطه نظرا لنقص المعلومات , ولكن عموما أعطي أفضلية للأكسنت

4- Safety Options
a. فقيرة اجمالا في الأكسنت وال Rio ، تقتصر على الدعامات الفولاذية في الأبواب. الموديل نفسه في الأكسنت برة فيه 6 Air bags و ABS ، لكن عمنا غبور شال الحاجات اللي مالهاش لازمة دي.
b. أعتقد ال Persona فيها Air bags و ABS (معلومة محتاجة تأكيد). ثباتها مفيش كلام أحسن بكتير. بالنسبة لي أنا مابسوقش أكتر من 120 والغرز مش من هواياتي. ربنا بس يكفينا غباوة الميكروباصات وسواقين النقل.
تقييمي: Persona 9/10, New accent 7/10, Rio 7/10

5- Overall Value for Money
طبيعي كل ما المواصفات تزيد كل ما السعر يزيد، السؤال هو هل العربية دي ( بمواصفاتها، بجودتها، بصيانتها و توكيلها) تستاهل السعر ده ؟
تقييمي بناء على المعلومات اللي عندي بالنسبة للسعر كما يلي :(Full option, Manual)
a.Persona : 85000 LE ----> 8/10
b. New Accent: 78000 LE ----> 9/10
c. Rio: 81000 LE ----> 6/10

ملحوظة : التقييمات دي شخصية، والقرار النهائي لشراء العربية بيبقى على حسب الوزن اللي بتديه لكل ميزة مقارنة بالباقي
لو فيه أي معلومة مش مظبوطة أرجوكم تصححوها،

شكرا مرة تانية لكل اللي حاولو يساعدوني. ومستني تعليقاتكم.
اللون الاحمر مخصص للمداخلات الاداريه فقط لا غير
مشرف عام 3

[Hosam_Optrawy]

اختيارى فى الوقت الحالى هايكون أكسنت

وأتمنى الريو تنزل بالشكل الجديد وبالموتور ال 1600

هاتكون ساعتها اختيارى الأول دائما فى الفئه دى

[Vendetta]

تعليقي التالت ل ا/ حمادة المصري،

بالرغم انك من مالكي الأكسنت الجديدة إلا أنك بتنصحني بالريو، في رأيك ايه المزايا اللي في الريو اللي مش موجوده في الأكسنت, وايه العيوب اللي في الأكسنت اللي مش موجوده في الريو؟

[meezus]

تعليقي التالت ل ا/ حمادة المصري،

بالرغم انك من مالكي الأكسنت الجديدة إلا أنك بتنصحني بالريو، في رأيك ايه المزايا اللي في الريو اللي مش موجوده في الأكسنت, وايه العيوب اللي في الأكسنت اللي مش موجوده في الريو؟

+111111111

[aljurjani]

الريو عربية مدن في المقام الأول لأنها توفر في الوقود وهذا عامل مهم خصوصاً مع ارتفاع سعر الوفود. التوفير ممكن يصل إلى 100 جنيه شهرياً إذا كانت العربية تقطع مشاوير كثيرة كل يوم.

مشكلة اهتزاز الأكسنت مشهور فهي سيارة غير مريحة من حيث العفشة.

توكيل الريو أفضل من توكيل الأكسنت، وفي بعض الأحيان يكون أقرب خاصة للساكنين في مصر الجديدة وهذا عنصر مهم بالنسبة لي.

مشاكل الريو أقل من مشاكل الأكسنت بحسب شهادة أصحاب الأكسنت.

كلما قلت المشاوير إلى التوكيل أصبح فارق السعر بين ريو وآكسنت قليل القيمة، بل على المدى المتوسط قد تصبح الريو أرخص من الأكسنت.

[Vendetta]

الريو عربية مدن في المقام الأول لأنها توفر في الوقود وهذا عامل مهم خصوصاً مع ارتفاع سعر الوفود. التوفير ممكن يصل إلى 100 جنيه شهرياً إذا كانت العربية تقطع مشاوير كثيرة كل يوم.

1- منطقي ان عربيه 1400 استهلاكها أقل من عربية 1600. المشكلة ان استهلاك البنزين بيعتمد على عومل أخرى. استخدام التكييف والسواقة في مناطق مزدحمة بيزود استهلاك البنزين. والفرق ما بين 1400 وال 1600 في استهلاك البنزين مش بيبان غير على الطرق السريعة. وبالتالي لو انت معظم مشاويرك داخل المدينة مش هتحس بالفرق ده. من ناحية ثانية استخدام التكيف في ال 1400 بيأثر بشكل واضح على سحب العربية وبيزود الحمل اوي على الموتور وده بيأثر عليه على المدى البعيد. بصراحة أنا شايف ان نزول الريو بموتور 1400 (حتى وان كان تحت دعوى تقليل استهلاك البنزين) هي نقطة ضعف مش نقطة قوة في الريو.

مشكلة اهتزاز الأكسنت مشهور فهي سيارة غير مريحة من حيث العفشة.

2- مشكلة الاهتزاز في الأكسنت حقيقية بشهادة التوكيل. لكن المشكلة دي اتحلت في موديل 2010 لأنهم خلو الباور زيت (مش كهربا زي الموديلات السابقه). وده اداها ثبات أعلى فوق ال 120 (على الأقل ده كلام التوكيل, وتبقى التجربة هي الفيصل)

توكيل الريو أفضل من توكيل الأكسنت، وفي بعض الأحيان يكون أقرب خاصة للساكنين في مصر الجديدة وهذا عنصر مهم بالنسبة لي.

3- توكيل غبور مش تحفة (في رأي دي ضريبة الانتشار وفلسفة الزحمة), لكن لي قريبي معاه ماتركس ومشتكاش من غبور ومشكرش فيه برضه. أكيد نصير هيكون أحسن لإن عربياته مش في كترة عربيات غبور.

مشاكل الريو أقل من مشاكل الأكسنت بحسب شهادة أصحاب الأكسنت.

4- في رأي مفيش عربيه مافيهاش مشاكل، والريو لم يتم اختبارها جدياً بعد لأنها لم تنتشر في السوق والتقارير عنها نسبيا قليله. أكيد هيبان حاجة مع الوقت وإلا تبقى الريو هي معجزة صناعة السيارات في العالم. ( طبعا المفروض أصحاب الريو هما اللي يتكلمو عن مشاكلها، أصحاب الأكسنت يتكلمو عن مشاكل الأكسنت )

[M.Osman]

شكرا لكل اللي ساعدو برأيهم
لي 3 تعليقات:
أولاً : لمشرف الهيونداي اللي نقل الموضوع لقسم المقارنات ،،، قرار سليم جدا، المشكله أن الموضوعات المشابهه في قسم المقارنات الردود فيها طالعة بالبروتون السما ، معظمها انطباعات شخصية من ناس بتحب عربيتها. العربية فعلا كويسة بس أكيد مش للدرجة دي وإلا مكانش فيه عربيات تانية اتباعت . غياب الموضوعية ومعايير واضحة للحكم هو اللي خلاني أدور على إجابات بصورة أكثر تفصيلاً.

ثانيا : لو سمحتولي، ممكن أشارككم المعلومات اللي عندي حتى الآن:
1- Options:
a. طبعا البيرسونا تتفوق بلا منازع (مرايات كهربا، Park Sensor, Multifunction driving wheel) (بالمناسبة هي أغلي حوالي 7000 جنيه عن الأكسنت) سؤالي هو عن مدى اعتمادية المواصفات دي؟ شغالة كويس ولا بتعطل كل شوية؟ (خاصة اني عرفت ان زراير الدريكسيون بتعلق أحيانا)
b. تكييف الأكسنت مشهور بقوتة ، ويمكن كمان أعلى من الRio (موتور 1400 cc)
c. الزجاج الخلفي في الRio مش كهربا، مش فاهم ليييييييييه
d.صالون الأكسنت أوسع من الريو (بالذات ورا)، بصراحة ماركبتش ال Persona قبل كده
e. كاسيت الأكسنت CD و MP3
تقييمي : Persona 9/10, New Accent 8/10, Rio 6/10

2- Durability and maintenance
a. بروتون بقالها فترة مش قليلة في السوق المصري (حوالي 10 سنين) وعربيتها ماشية كويس (معنديش معلومات مفصلة) وأصحاب ال Wira و ال Waja مش بشتكو منهم أوي بالعكس فيه منهم بيشكرو فيهم جدا. مش هعلق على التوكيل لإن في رأيي مفيش توكيل كويس في مصر وكل برامج إدارة الجودة و خدمة العملاء لايزال ينقصها الكثير.
بالنسبة للPersona نفسها في كلام ان جودة التقفيل مش عالية. سؤالي عن مدى صحة هذا الكلام وهل تظهر بها عيوب كثيرة بعد فترة من الاستخدام (عام مثلا)؟
b. موتور الأكسنت أقوى ما فيها, أداء واعتمادية. التقييم على المدى البعيد غير واضح حتى الآن. هيونداي نفسها ارتفع ترتيبها العالمي الى المركز الرابع بالنسبة لمعايير الجودة.
بالنسبة للمواصفات الفنية و تعديلتها، مهندس مروان غطى الموضوع بحرفية عالية، وان كنت أعتقد ان في الموديلات الجديدة صوت الموتور أهدأ ومفيش صوت في العفشة من ورا.
c. خوفي الأساسي من ال Rio هي المشكلة اللي حصلت للوكيل بتاعها واللي خلت مالكي الKia بدون وكيل لمدة حوالي سنتين. صحيح هو رجع بقوة مع ال New Cerato لكن لا أخفي قلقي حتى الآن.
تقييمي حتى الآن: Persona 8/10, New Accent 9/10, Rio 7/10

3- Re-sell price
a. الحقيقة بقى في سوق متزايد لل Proton لكن أدائها في سوق العربيات المستعملة مش واضح بالنسبة ليه. بتتباع بسهولة ولا لأ؟ سعرها بينزل قد إيه؟ تعليق المشتريين عليها إيه؟
b. سعر إعادة البيع نقطة قوة لصالح الأكسنت، بتتباع بسرعة، بتنزل 10-15 ألف جنية حسب الاستخدام والحالة، وده دليل اعتمادية كويسة
c. الوضع بالنسبة لل Kia ضبابي جدا بالنسبة لي. بعد عودة الوكيل معظم العربيات لسة في طور البيع - مش إعادة البيع - وبالتالي مفيش معلومات واضحة عن سعر إعادة البيع. اللي مقلقني زيادة هو ان كان فيه موديلات لKia في فترة مش بعيدة، تحديدا Spectra و Sephia ومختفية تماما دلوقت . هل ده دليل عدم وجود دعم فني للعربيات دي؟؟؟؟ لو حد عنده معلومات أرجو الإفادة.
تقييمي: ليس لدي تقييم واضح لهذه النقطه نظرا لنقص المعلومات , ولكن عموما أعطي أفضلية للأكسنت

4- Safety Options
a. فقيرة اجمالا في الأكسنت وال Rio ، تقتصر على الدعامات الفولاذية في الأبواب. الموديل نفسه في الأكسنت برة فيه 6 Air bags و ABS ، لكن عمنا غبور شال الحاجات اللي مالهاش لازمة دي.
b. أعتقد ال Persona فيها Air bags و ABS (معلومة محتاجة تأكيد). ثباتها مفيش كلام أحسن بكتير. بالنسبة لي أنا مابسوقش أكتر من 120 والغرز مش من هواياتي. ربنا بس يكفينا غباوة الميكروباصات وسواقين النقل.
تقييمي: Persona 9/10, New accent 7/10, Rio 7/10

5- Overall Value for Money
طبيعي كل ما المواصفات تزيد كل ما السعر يزيد، السؤال هو هل العربية دي ( بمواصفاتها، بجودتها، بصيانتها و توكيلها) تستاهل السعر ده ؟
تقييمي بناء على المعلومات اللي عندي بالنسبة للسعر كما يلي :(Full option, Manual)
a.Persona : 85000 LE ----> 8/10
b. New Accent: 78000 LE ----> 9/10
c. Rio: 81000 LE ----> 6/10

ملحوظة : التقييمات دي شخصية، والقرار النهائي لشراء العربية بيبقى على حسب الوزن اللي بتديه لكل ميزة مقارنة بالباقي
لو فيه أي معلومة مش مظبوطة أرجوكم تصححوها،

شكرا مرة تانية لكل اللي حاولو يساعدوني. ومستني تعليقاتكم.

تحليل منطقي رائع جداً
لكن لي تعليق على موضوع غبور و انه شال وسائل الأمان من الأكسنت:
هو لو نزل الأكسنت بوسائل الأمان هتبقى مش منافسة في سعرها خالص.. زي ما حضرتك قلت هيونداي تقدمت جداً .. و بعدين سعر الأكسنت برة مقارب للياريس.. طب هنا هل لو الأكسنت في نفس رينج الياريس .. مين اللي هيبيع؟؟
بصراحة انا شايف ان الوكلاء هنا في مصر اذكياء في النقطة دي (بالنسبة للفئة السعرية دي) .. بدليل حضرتك في الآخر اديت للأكسنت 9من10 كـoverall

.. تحياتي و ربنا يوفقك للإختيار المناسب