جنوط للبولو2000

[Sherif Moussa]

السلام عليكم
ان استفدت كتير من المنتدى ده ويارب قريب أقدر أفيد ,وانا لسه باقول يا هادى.
وكنت عايز أعرف هل جنوط 15/195 مناسبة للبولو 2000؟ علشان انا عايز أجنط .
جزاكم الله خيرا

[معاذ الشرباصى]

لازم تقرأ الكتالوج بتاع العربية و تشوف ايه المقاسات المانسبة للعربية و متضرش بالعفشة

[MoMohsen]

هو اولا المقاس الاصلى اللى راكب عندك كام؟

[Sherif Moussa]

أولا شكرا لأهتمامكم
هو أنا ماعنديش الكتالوج بتاعها بس لو تعرف تدلنى عليه تبقى عملت فيا معروف.
المقاس بتاعها 175/70/13
وشكرا لكم

[معاذ الشرباصى]

شريف باشا

انت معاك الموديل اللى قبل العيون و لا اللى قبليه؟

لأن الموديل اللى قبل العيون راكب فيه جنوط 14

لكن الموديل اللى كان 98-99 و اول 2000 راكب فيه جنوط 13

[MR MARINE]

الجنط 15 هيبهدل العفشه ركب 14 احسن :arrow:

[MoMohsen]

انا رأيى ان 15 هيبقى كبير اوى و هيبوظ العافشة
ركب 14/185 هيبق كويس ان شاء الله

[3mr Farrag]

بصراحه انا مش عايز افتي اوي.......بس مقاسك زي مقاس عربيتي و سألت علي تركيب جنوط 15 و كل الناس قالتلي هيتعب العفشه.......بس لأن برضوا عفشه الاكسنت اصلا مش حلوه
بس ممكن ينفع عندك لأن اكيد البوبو عفشتها احسن من الاكسنت......
و اقولك برضوا رووح محل معروف بتاع جنوط و أسأله او تروح تسأل في التوكيل

[Sherif Moussa]

ألف شكر يا جماعة وأنا اسف على تأخرى فى الرد لظروف شغلى.
المهم هى أول موديل 2000 بس هى شبه موديل 2001 اللى هو قبل موديل العيون ,
وطالما ان انت بتقول يا معاذ باشا ان 2001 راكبله 14 , يبقى انا ممكن اركب185 /14 زى مابيقول الأخ mmringo .
وبالمناسبة دى...حد يعرف الجنوط هنا أحلى ولا فى بورسعيد؟
يعنى مستاهله أضرب المشوار؟
وجزاكم الله خيرا