فلتر الهواء الرياضي.... من (ا) الى (ى)

[hulk_jotun]

يعنى من الاخر اركبة عندى فى العربية ولا لا انا معايا دوجان 1600 و الفلتر العادى بتاعها راكب ورا الفانوس الشمال و راكب فى خرطوم جلد او كاوتش
دلوأتى لو فكيت الفلتر العادى وركبت السبور هيعمل حاجة ولا اعمل ايه بالظبط و لو جبت الفلتر المضروب هيأدى برضة ولا لازم نوع جامد

[mido_1311]

هات سيموتا تايواني ب180 احسن من المضروب .. المضروب هيكتملك الموتور ... و طبعا هتحس بفرق ان شاء الله

[Haitham10]

طب انا معايا لانسر 2001 كاربوتير وعاوز اركبلها فلتر رياضي خصوصا ان تقريبا العمة الي عندي فيها كسر فقلت احط فلتر سبور وخلاص
فممكن حد يفهمني هل ينفع ولا لا وهركبه فيها ازاي والتكاليف تقريبا وفين لاني كل مااسال حد بيتنح ويسكت

[smsm_nabawy]

طب انا معايا لانسر 2001 كاربوتير وعاوز اركبلها فلتر رياضي خصوصا ان تقريبا العمة الي عندي فيها كسر فقلت احط فلتر سبور وخلاص
فممكن حد يفهمني هل ينفع ولا لا وهركبه فيها ازاي والتكاليف تقريبا وفين لاني كل مااسال حد بيتنح ويسكت

أن شاء الله ينفع ،، اللانسر دي بتفكرني بالموبايل ال 6600 ،، يتركب فيها أي حاجة ،، بس الرك على اللي حتروحلة ،، لو ممكن تحط صور للفلتر و العمة و مدخل العمة على الكابراير اللي عندك ،، و أن شاء الله الكل يفيدك ،، لأني معرفش شكل العمة بتاعتها عاملة أزاي ،، ،، و أن شاء الله نستفاد كلنا ...

[smsm_nabawy]

جبت فلتر رياضي مخروطي شكله مضروب اكيد بس مش حاسس لا بفرق صوت و لا فرق سحب بالعكس لما بشيل الفلتر خالص صوت الموتور بيبقي احلي

أولاً. غلط كده ،، متمشيش من غير فلتر بالعربية و تشد بيها ،، متعملش كده ، بجد بيأذي العربية عندك ،،

ثانياً. عربيتك نوعها أيه ،، و كاربراتير ولا أنجيكشان ؟

ثالثاً. حضرتك قلت بنفسم أنه مضروب ،، تتوقع منه أداء و صوت أزاي ؟!!

هو الغالي ده مش غالي عياقة حضرتك ،، ده غالي لأسباب ، " الجودة و الأداء و الصوت !! "



أنصحك نفس نصيحة الأخ ميدو

[Haitham10]

دة شكل العمة عندي فوق الكاربتير
ولو عندك فكرة عن الاسعار والاماكن ياريت تقولي

[smsm_nabawy]

دة شكل العمة عندي فوق الكاربتير
ولو عندك فكرة عن الاسعار والاماكن ياريت تقولي

يا سلام ،، ده يركب و يركب و يركب أوي كمان :)

بص ،، اسهل حااجة شيل الحتة اللي موضحة في الصورة دي .. و حط بدالها الفلتر السبور ،، و ده طبعاً بعد متشيل الفلتر الأصلي بتاعك من جوه العمة نفسها ،، و شوف بقى سواء عايز تطوله ، أو تقصره ، براحتك .. سواء كده أو كده ،، أستخدم ماسورة بولي فينيل ،، من عند أس سباك ب 2 جنيه بالكتير و بالقطر اللي أنت عايزه ،، و بعد كده قفل بأفزان

و أدي الحتة اللي قصدي أنك تشيلها


و بعد كده حيكون الشكل كده



و لو عايز تشيل العمة كلها ،، و تركب فلتر كامل بالماسورة ،، حتجيب حاجة زي كده ،،






منين دي معرفش على حسب انت ساكن فين ،، لو ساكن في أليكس ممكن أفيدك شوية و أنزل مش مهم معاك و نشوف مع بعض ،،

أما بكام ،،

سيموتا بحوالي 170 - 250

و k&N امريكي ب 350

دولا الحاجات النضيفة

و برده الأسعار ممكن تكون اتغيرت لأن دي آخر مرة سألت عليهم كان من 5 شهور ،، لو حد متابع أسعارهم في السوق ،، غلو ، رخصوا كده ياريت يقول

يا رب أكون أفدتك

[smsm_nabawy]

و معذرةً على رسمي الوحش في الصورة اللي وريتك فيها شكل الفلتر على العمة القديمة ،،

[khaled_sabry]

انا عندى سؤالين مستعجلين بخصوص الفلتر ده
انا اشتريت الناهرده فلتر صيني ب 80 جنيه من عند السجان بس شكل الفلتر نفسه غريب هو محاط بعلبه بلاستيك شفافه مقفوله من كل النواحى الا من عند القمه بس
فهل اركبه بالعلبه دى و لا اشيلها ؟؟؟
و ياريت ح يدلنى على مكان بيبيع فيه خرطوم الاكورديون ده او اى بديل لأنى واقف فى التركيب عليه بس

[M.almaghraby]

العلبة دي معمولة عشان تاخد هوا بارد من المقدمة بس ....

لو حتحطه فحتة مش سخنة شيلها

الماسورة عند انزو ب 80

[maclaren722]

الموضوع بجد شيق ياجماعة بس ياريت لو حد يعرف يتركب ازاى ف بيجو307 ياريت يردعليا ضرورى وشكرا

اللون الاحمر مخصص للادارة

يرجى مراجعة قوانين المنتدى

مشرف القسم

[mera11]

طبعا العربيه هتجرى بعد كده

[hero_xp10]

موضوع مفيد
شكرا لك

[ozo_7arfosh]

يا جماعة انا عندى old beetle فا ياريت حد يقوللى اية الحاجات اللى انا هجيبها بالظبط عشان اركبة فى العربية ... وشكرا

[فادى محمد]

السلام عليكم ورحمه الله ..

الموضوع جميل جدا ماشاء الله وكبرت في دماغي وان شاء الرحمن هركب الفنتر(بلغه الصنايعيه) ,سؤال رفيع بقي ..عندي في الفيكترا افضل مكان اركب فيه الفلتر هو ايه؟؟ ينفع اشيل نص العلبه العلويه للفلتر الاصلي واحط الفلتر السبور في النص التحتاني بتاعها ولا في حاجه احسن من كده؟؟ واليكم صوره موتوري للايضاح .ومشكورين مقدما