If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
اولا عشان تركب فلتر اسبور لازم يكون عندك حساس هواء عشان يتركب فى ماسورة الفلتر لان الفلتر من غير الماسورة دية ولا يسوى شىء هيبقى مجرد صوت بس بالعكس دة هيزود استهلاك البنزين كمان عشان بيدخل كمية هواء للماتور بدون حساب واللى طبعا بيقوم بالوظيفة دية حساس الهواء واللى عن طريقة بيعادل نسبة خليط الوقود اللى موجودة فى الماتور وبيدى هواء اللازم لاكتمال عملية الاحتراق السليمة
وياريت حضرتك تشوف الاول هل عندك حساس هواء ام لا
لان غالبا بيبقى عندك حساس واحد بس اللى هو map sensor
انا معايا هوندا sir ومركب فلتر رياضى ساموتا اوريجينال بالماسورة بتاعتة
واصلا عندى حساس هواء خاص بالسيارة وعندى كمان حساس ايرماس وانا لو شيلت حساس الهواء اللى متركب فى الماسورة لمبة الاعطال بتنور والعربية مابتبقاش مظبوطة
وانا اللى اعرفة ان مش اغلب العربيات ينفع يتركبلها فلتر رياضى لتحسين الاداء لأ بيتركبلها كصوت بس ماعدا السيارات اللى فيها حساس هواء اصلا
لو حضرتك عندك حساس اير ماس لبوابة فقط اللى بيبقى متركب بمسمارين على الثروتل بودى يبقى كدة الفلتر هيبقى صوت بس من غير اداء وهيعلى استهلاك البنزين
دة اللى اعرفة عن الموضوع دة ولو حد عندة معلومات او اقتراحات يبقى تمام اوى نتناقش اللى ان نصل للحل الامثل
انا قولت مش متاكد اوى بسبب حاجة واحدة ان كل سيارة وليها نظام خاص بيها انا عموما اللى متاكد منة ان اى عربية بتركب فلتر اسبور من غير ماسورة فيها حساس هواء بيبقى الفلتر دة عادى وبيبقى صوت بس مع تحسن بسيط عشان كمية الهواء بتبقى اكبر اللى داخلة للماتور وكمان داخلة سخنة جاهزة
طبعا بالنسبة لاداء الفلتر الاسبور بالماسورة وبحساس الهواء بيبقى الوضع مختلف تماما ودة عن تجربة لانة بيزود قدرة السيارة من 2 الى 5 حصان
وانا قولت ياريت نتناقش فى الموضوع دة عشان لو فية معلومات غلط عندى نصححها ونفيد ونستفاد
Comment