عاوز اسقط متور للريجاتا و أظابط العفشة+تيربو

[subzero772]

عاوز اسقط متور جامد بس معملش تعديل جامد في اللاواعد
وعاوز اظبط العفشة باسبور منغير ماوطيها
وكمان هو ممكن اركب تيربو علي كربراتير وفلتر اسبور الي عامل زي العمة
انا معايا في حدود 8 ألاف
ولو مفيهاش غالاسة منييين وبكام التربو والفلتر بس اوريب انا ساكن في م نصر

[subzero772]

مفيييش مساعدة خالص

[iBiZa]

عاوز اسقط متور جامد بس معملش تعديل جامد في اللاواعد

القواعد عندك يركب عليها مواتير الLancia, فا فى حدود المعقول ممكن تجيب موتور 1600 بتاع الDedra و عامل 90 حصان بس حامى.

و فيه برده موتور 2000 عادى عامل 120 حصان.

و فيه موتورين 2000 تربو عاملين 160 و 180 حصان.

بس اى واحد لازم ييجى بتعديل فرامل كامل عشان العربيه عندك فراملها ضعيفه فى العاده فا مش هتعرف توقف المواتير ديه خالص.

وعاوز اظبط العفشة باسبور منغير ماوطيها

مينفعش لو عايز يتعمل صح.

وكمان هو ممكن اركب تيربو علي كربراتير وفلتر اسبور الي عامل زي العمة

ممكن تشترى الموتور ال2000 التربو علاطول و يبقى بظبطه المصنع.

انا معايا في حدود 8 ألاف

معرفش الموضوع ممكن يرسى على كام, انزل الحرفيين و بورسعيد و اسأل.

ولو مفيهاش غالاسة منييين وبكام التربو والفلتر بس اوريب انا ساكن في م نصر

التربو لوحده بيبتدى من 5000 جنيه.

فلتر الهواء هتلاقى فى دمشق كذا نوع عند ناس كتير و افضلهم الK&N.

[أبومعاذ]

هات الموتور ال 2 كامة بتاعها بيطلع 100 حصان وركب عليه تربو بس العربية شاسيها مش هيستحمل ولازم تعمله تقوية

[magyver]

القواعد عندك يركب عليها مواتير الlancia, فا فى حدود المعقول ممكن تجيب موتور 1600 بتاع الdedra و عامل 90 حصان بس حامى.

و فيه برده موتور 2000 عادى عامل 120 حصان.

و فيه موتورين 2000 تربو عاملين 160 و 180 حصان.

بس اى واحد لازم ييجى بتعديل فرامل كامل عشان العربيه عندك فراملها ضعيفه فى العاده فا مش هتعرف توقف المواتير ديه خالص.



مينفعش لو عايز يتعمل صح.



ممكن تشترى الموتور ال2000 التربو علاطول و يبقى بظبطه المصنع.



معرفش الموضوع ممكن يرسى على كام, انزل الحرفيين و بورسعيد و اسأل.



التربو لوحده بيبتدى من 5000 جنيه.

فلتر الهواء هتلاقى فى دمشق كذا نوع عند ناس كتير و افضلهم الk&n.

الراجل دة بيتكلم كلام زي الفل

[Knight007]

لو سمحت iBiZa
الموتور ال2000 توربو اللي حضرتك قلت عليه , النوع و الماركة , و هل موجود هنا في مصر ولا لا ؟

[disha_2020]

جيب مكنه فيها تربو انا معرفش بس ده رأى متركبش تربو المكنه اللى نازله بتربو هتبقى احسن ميليون مرة وظبط بوجيهات وفلتر و ماسورة شكمان واسعه هيدر كامل يعنى و بيع المكنه بتاعتك كده ميزانيتك هتكفى و دور على عفشه سبور بس وطى العربيه على الاقل هيخلى شكلها جامد اوى
و بالمرة غير الفرامل بس وعلى ما اعتقد ممكن يزيد فلوس

وبعدين المكنه لما تشتريها بالتربو بتاعها هيكون سعرها احسن من انك تركب تربو التربو سعره غالى اوى

[iBiZa]

لو سمحت iBiZa
الموتور ال2000 توربو اللي حضرتك قلت عليه , النوع و الماركة , و هل موجود هنا في مصر ولا لا ؟

الموتور ال2000 بالتربو ده بتاع الLancia Dedra و موجود فى مصر بس مش كتير و فيه ناس كتير بتسقطه فى 128 و ريتمو. ممكن تلاقيه عند بتوع الFiat بس اللى بيشتغلوا فى الLancia كمان.

[مواطن مصرى]

لو سمحت iBiZa
الموتور ال2000 توربو اللي حضرتك قلت عليه , النوع و الماركة , و هل موجود هنا في مصر ولا لا ؟

موتور لانشيا ديدرا تربو موديل ما قبل 1994 2000 سى سى (1995 سى سى بالضبط) بيطلع 163 حصان

موجود فى الحرفيين و بورسعيد

سعره للاسف معرفوش لكن سعر موتور اللانشيا ديدرا 1600 Single Point Injection موديل اوائل التسعينات كان 3500 جنيه بدون الفتيس

خذ بالك من حاجه مهمه جداً جداً : الموتور ده كبير على العربيه و لو ناوى تسقطه هتحتاج تعمل شداد للشاسيه و تعديل جامد فى الفرامل و الموضوع هيدخل معاك فى مبلغ و قدره .. لو عايز نصيحتى بيع الريجاتا اللى معاك و اشترى BMW 318 تربو (مكنه بتطلع 150 حصان) موديل الثمانينات باقل من 40 الف جنيه لو انت عايز باورهورس عالى و ريح نفسك من التعديلات و قرفها

[kaza]

شوف ياسيدي انا عندي ريجاتا عدلتها وحطيت فيها ماكينة 2000 ووش سلندر بتاع ال131 السي الوالماكينة دى بتطلع وبدون التربو في حدود ال140 حصان تقريبا لان مافيش ديناموميتر اقيس بة قدرة الموتور ولم اعمل اي تعديل للعفشة غير اني ركبت سوست انشف شوية ولتخن ب 2مم في الامام وزودت سوستة ورق في الخلف (العربية ناشفة شوية في المطبات لكن افضل ما اتحك من تحت كل شوية)الفرامل فيرت الامامية بفرامل التمبرا علشان القباقيب بتاعتها اكبر (التيل)وورا زي ماهية وسبب اختياري للخليط العجيب في الموتور ان غرفه الاحتراق في السي ال بيتقال عليها هندسيا الوتد المستدق وميزتها توليد عزم دوران عالي علي الدورات المتوسطة للمحرك دة غير هدوء التشغيل الاهم تعديل الشكمان وبالاخص الفرن والمشترك اللي واخد منة للماسورة الاساسية ودة بالترتيب بيبقي مواسير بقطر 5سم وبطول 60 سم من وش السلندر لغاية المشترك المزدوج وبتاخد السلندر الاول والرابع مع بعض والتاني والتالت مع بعض وبيتوصلوا علي المزدوج بطول 40 سم وباقي الشكمان ما يقلش قطره عن ال5سم لغاية الديل ..هتلاقي معاك حاجة محترمة وكفيلة برسمة بسمة علي وشك ادام اي عربية الماني او غيرة..ولو محتاج اي استفسار انا تحت امرك

[kaza]

موتور لانشيا ديدرا تربو موديل ما قبل 1994 2000 سى سى (1995 سى سى بالضبط) بيطلع 163 حصان

موجود فى الحرفيين و بورسعيد

سعره للاسف معرفوش لكن سعر موتور اللانشيا ديدرا 1600 single point injection موديل اوائل التسعينات كان 3500 جنيه بدون الفتيس

خذ بالك من حاجه مهمه جداً جداً : الموتور ده كبير على العربيه و لو ناوى تسقطه هتحتاج تعمل شداد للشاسيه و تعديل جامد فى الفرامل و الموضوع هيدخل معاك فى مبلغ و قدره .. لو عايز نصيحتى بيع الريجاتا اللى معاك و اشترى bmw 318 تربو
(مكنه بتطلع 150 حصان) موديل الثمانينات باقل من 40 الف جنيه لو انت عايز باورهورس عالى و ريح نفسك من التعديلات و قرفها

الماكينة التربو لللانشيا الديدرا بوش سلندر 8 صباب بتطلع 185
حصان و عزم دوران 25 كجم \سم عند 3500 لفة \د ثمنها في حدود ال7الاف في بورسعيد غير الكنترول..بالمناسبة عزم الدوران العالي هو سر الماكينات دي وماتستاهينش بيها امام بي ام او خلافة

[m_elkhishin]

الماكينة التربو لللانشيا الديدرا بوش سلندر 8 صباب بتطلع 185
حصان و عزم دوران 25 كجم \سم عند 3500 لفة \د ثمنها في حدود ال7الاف في بورسعيد غير الكنترول..بالمناسبة عزم الدوران العالي هو سر الماكينات دي وماتستاهينش بيها امام بي ام او خلافة

أنا أظن ان موتور الديدرا ليس تيربو ، اعتقد انه سوبرتشارج واسمه فولومتريكو

[kaza]

[QUOTE=m_elkhishin;3872568067]أنا أظن ان موتور الديدرا ليس تيربو ، اعتقد انه سوبرتشارج واسمه فولومتريكو[/QUO
السوبر شارجر مانزلش غير علي عربية واحدة من لانشيا وهي الانشيا البيتا واسمة فوليمكس ودة نادر جدا دلوقتي وياريت لو تعرف طريق واحد قولي علية اما الديدرا فهي نازلة بالفئة العادية من مجموعة المحركات دي 1.4و1.6و1.8و2.0والفئة الرياضية ونزلت بمحرك واحد بس هو ال2.0 تربو 8صباب لاغير..فية محركات 2.0 برضة للانشيا و16صباب تربو بس نزلت علي الدلتا والتيما والكاباودول قمة الفئة من محركات التربو ..فية ناس عدلت المحركات دى زي جاي كروفت وشنايتزر وركبوا2شاحن توربيني واحد كبير وواحد صغير للسباقات ومدخلش منهم شيء في الاستخدام التجاري..

[sameh127]

مكنة الديدرا 1600cc هى نفسها مكنة التمبرا 1600cc بس الديدرا سرعتها القصوى 220 كم\س مع ثبات ملحوظ . التمبرا سرعتها القصوي 195كم\س و الثبات اقل من الديدرا ممكن يكون الفرق فى كارتة التحكم و اجزاء التعليق بالأخص (المساعدين و اليايات ومقاس الكاوتش)وارتفاع العربية من سطح الأرض

[kaza]

مكنة الديدرا 1600cc هى نفسها مكنة التمبرا 1600cc بس الديدرا سرعتها القصوى 220 كم\س مع ثبات ملحوظ . التمبرا سرعتها القصوي 195كم\س و الثبات اقل من الديدرا ممكن يكون الفرق فى كارتة التحكم و اجزاء التعليق بالأخص (المساعدين و اليايات ومقاس الكاوتش)وارتفاع العربية من سطح الأرض

انت جبت الكلام دة منين..مش ممكن المحركات ال1600 الكامة الواحدة تجيب السرعات دي ومش مذكورة في كاتلوجات العربيات دى ..كمان حاجة نسبة الوزن للقوة العربيات دى تقيلة نسبيا علي المحركات ال1600 واللي بتقولة بيبتدي من المحركات ال2000 بسحب عادي وصولا للمحركات المشحونة في الديدرا التربو