استفسار لاهل الخبرة فى البوجيهات

[disha_2020]

لو سمحتم انا كنت عاوز اعرف ايه احن نوع بوجيهات رياضيه هركبه على 127
1050cc وياريت السعر بالسلوك بتاعته وانا عاوز افضل اداء
وعاوز اعرف سعر الفلتر الرياضى اللى بيركب فى العمله بتاعه الكيربيداتير ولو فى حاجه كمان شايفين انها ممكن تحسن الاداء ياريت تقولوالى انا اعرف البوجيهات والفلتر وماسورة جكمان اوسع لو فى حاجه كمان ياريت اعرفها والكيربيداتير عندى 2 باب وشكرا

[bmw323]

عندك البوجيهات الsplitfire دى تعتبر من أفضل أنواع البوجيهات الرياضية وسعرها الأربعة كنا جايبنهم من فترة لعربية واحد صاحبى بـ170 جنية تقريبا هتلاقيها فى الحدود دى

وبالنسبة للفلتر أنا كنت جايب بتاع الأنجكشن العادى بـ150 سيموتا

[disha_2020]

طيب والاسلاك بتاعتها محدش يعرف عاملعه كام؟

[MohaMed_Refaat]

الاسلاك الاسبور بتعمل من 200 ل 500 حسب النوع وبلد المنشأ...
بس المشكلة حتلاقى ينفع تركب عندك ولا لأ ؟؟؟
لان معظم اللى فى السوق بيبقى للانجشكن ...

[a_tharwat]

موضوع السلوك والبوجيهات ده ملوش لازمة من اوله لاخره, الا لو كانت السلوك الي عندك اصلا تعبانة ومحتاجة تغيير, وساعتها تجيب نوع عادي برضه.

[haysam2000]

كل فكرة البوجيهات الرياضيه على اد علمى و العلم عند الله انها بتحافظ بس على الشرارة اللى بتطلع منهاو مش بتعمل اى تهدير فيها و كفائتها بتبان فى العربيات الحديثه اكتر علشان بس اى تحسين فى اداء الموتوربيبان انما عندنا :))))))

[a_tharwat]

خلينا نفترض ان البوجيهات الرياضية شرارتها احسن من العادية (لو في مهندس كهرباء هنا حيتريق موت على كلمة احسن دي بس مشيها كده دلوقت) طالما البنزين بيشتعل يبقى مفيش مشكلة, الشرارة كبيرة او صغيرة مش حتفرق حاجة, كده كده احترق.

البوجيهات ذات الاداء العالي مفيدة بس للناس اللي غيرت ظروف الاحتراق جوه الموتور. اللي مركب تربو مثلا, الضغط وكمية البنزين بيبقوا ازيد من الطبيعي, و ممكن كمان يكون بيحقن مية او كحول, في الحالة دي اكيد عاوز بوجيهات ادائها اعلـى و مقاومة للحرارة و للصدأ.

انما غير كده, كله في الطراوة.